Joe Biden: 50 milljónir Bandaríkjamanna "ekki gott fólk"

Mynd: Donald J. Trump forseti Bandaríkjanna og frambjóðandi Repúblikana til endurkjörs í haust

****

VONDA FÓLKIÐ 2020

Joe Biden forsetaframbjóðandi Demókrata segir að 10-15 prósent Bandaríkjamanna séu ekki gott fólk

Þar sem bandaríska þjóðin telur um 320 milljónir manna, þá virðist boðskapur hins væntanlega forsetaefnis Demókrataflokksins vera sá, að um 50 milljónir Bandaríkjamanna séu vont fólk

Varla mun Biden kæra sig um atkvæði þessa fólks. Þarna er um að ræða verulegan hluta bandarískra kjósenda, því varla telur þetta forsetaefni góða fólksins í Bandaríkjunum að börnin í landinu séu fædd vond.. eða hvað?

LÁTINNA SVÍA MINNST Á AUSTURVELLI?

Umtalsverður hópur manna minntist 3500 of margra Wuhan-veiru-látinna Svía á Austurvelli undir slagorðinu "þögn er þátttaka" og fleytti sér síðan áfram á kertum, til að minnast þess að Japanir drápu þúsundir manna á dag þegar Bandaríkin skárust í leikinn og stöðvuðu þá með aðeins tveimur sprengjum. Talið er að Japanir hafi drepið allt að 20 milljónir óbreyttra borgara í Síðari heimsstyrjöldinni. En hún er eina stórstyrjöldin þar sem tapararnir drápu yfirþyrmandi hluta þeirra sem féllu, eða um 70 prósent

Sænski sóttvarnarlæknirinn segist hins vegar ekki sjá eftir neinu og myndi fara alveg eins að næst. Alls hafa 4562 Svíar misst lífið í sjálfri Svíþjóð af völdum kínversku Wuhan-veirunnar, eða einn af hverjum 2213 íbúum landsins. Á Íslandi hafa hins vegar aðeins einn af hverjum 34109 misst lífið af völdum sömu veiru

HVAÐ SKYLDI FELAST (LEYNAST) Í GAGNRÝNINNI?

Fjögur lönd í Evrópu –Bretland, Ítalía, Spánn og Frakkland eða 240 milljónir manna– standa nú fyrir 20 þúsund fleiri samanlögðum dauðsföllum af völdum kínversku Wuhan-veirunnar, en orðið hafa í öllum Bandaríkjunum með 320 milljónir íbúa þar. Samt er evrópskri gagnrýni látið rigna yfir Donald J. Trump forseta. Hvernig skyldi standa á því?

Fyrri færsla

Púff... og horfið: Alþjóðavæddur miðdepill einskis virði án þjóðríkis

Athugasemdir

[Símon Pétur frá Hákoti (IP-tala skráð) 5.6.2020 kl. 20:59]

Samkvæmt skoðanakönnun Rasmussen mælist Trump núna með yfir 40% stuðning svartra kjósenda.

Fylgið fer mjög svo vaxandi.

Það segir sitt, enda sjá æ fleiri í gegnum fíflagang Demókrata.

[Gunnar Rögnvaldsson, 6.6.2020 kl. 00:24]

Þakka þér fyrir Símon Pétur.

Já, fólk er ekki vitlaust. Það sér í gegnum þá sem hafa hörundslit og kyn á heilanum og gera stjórnmál sín út á alls konar ættbálka-rugl (e. tribalism). Fólk vill ekki slíkt.

Og ekki nóg með það þá styðja 71 prósent kjósenda í Bandaríkjunum að þjóðvarðliðið sé sett inn til aðstoðar lögreglu, og 58 prósentur kjósenda styðja að herinn sé þar að auki kallaður henni til aðstoðar líka, en það gerðist síðast árið 1992, í forsetatíð Bush eldri.

Þar á undan var herinn kallaður til í Detroit árið 1967, með skriðdreka og fallhlífarhersveitir, en þá var síðasta 50-ára hagsveiflan í Bandaríkjunum að enda; þ.e. hin stóra hagsveifla bílaiðnaðarins, og háar tekjur í þeim geira gufuðu upp og borgin fór að leggjast í rúst, því bílar voru þá orðnir álíka merkilegur viðskiptageiri og fullkomnir hestvagnar voru fyrir 1910.

Og nú er atvinnuleysi vegna Wuhan-veirunnar þegar tekið að minnka hratt í Bandaríkjunum og því er spáð að það verði komið niður í 6 prósentur þegar kosið verður í nóvember.

Demókratar munu að sjálfsögðu halda áfram að reyna að koma í veg fyrir að þjóðarhagur Bandaríkjamanna vænkist og að hann nái þeim háu hæðum sem hann var í er kínverska Wuhan-veiran byrjaði að slá þar til. En á því sviði eru kjósendur heldur ekki vitlausir, og þeir munu því taka tolla Trumps á útlönd margfalt fram yfir skattahækkanir Demókrata á vinnandi fólk.

Og eins og sést þá haggast ekki Wall Street af öllum látunum. Haggast bara ekki. Markaðurinn er kjósendur og hann líka sér í gegnum þetta rugl. Enda sagði Graham að W.St. væri -þegar allt kæmi til alls- svipað fyrirbæri og kosningavél.

Kveðjur

[Gunnar Rögnvaldsson, 6.6.2020 kl. 02:34]

Hvað er að gerast í hinum geostrategísku háloftum heimsins þessa dagana? - laugardagur, 6. júní 2020 kl. 02:32:52

***

Jú. Rússland takmarkar útflutning á rússneskri olíu, svo að hún haldi sig fyrst og fremst innanlands til innlenskra nota, því að í síðasta mánuði bannaði ríkisstjórnin innflutning á bensíni, dísilolíu, þotu- og skipaolíum ásamt hráolíu. Olíuhreinsunarstöðvum Rússlands eru þar með tryggð verkefni, en þau hafa liðið undir framleiðsluniðurskurði OPEC og Rússlands, sérstaklega Khabarovsk hreinsunarstöðin, sem sér öllum austurhlutum landsins fyrir helmingi alls bensíns og dísils.

***

Bandaríkin herða nú mjög svo rannsóknir á þeim kínversku fyrirtækjum sem skráð eru í bandarískum kauphöllum, með það fyrir augum að fjarlægja skráningar þeirra þar.

Hvíta húsið hefur veitt alríkisstofnunum tveggja mánaða frest til að finna út úr því hvernig best sé að höndla og afskrá þau kínversku fyrirtæki sem uppfylla ekki lögin um kauphallargangsæi, og þau eru mörg. En samkvæmt kínverskum lögum er þeim bannað að heimila eftirlitsstofnunum erlendra ríkja að rannsaka þau.

Hefur bandaríska kauphallareftirlitið árum saman reynt að fá kínverska kommúnistaflokkinn til að endurskoða afstöðu hans til málsins. En þar sem mörg hinna stóru kínversku fyrirtækja eru í eigu kommúnistaflokksins, og gerspilltra elíta hans, og nátengd kínverska hernum, þá hefur það ekki tekist.

Mörg þessara fyrirtækja eru svikamyllur og nátengd samviskulausum bandarískum fjármálafyrirtækjum sem sjá þeim kínversku fyrir holum í bandarískri löggjöf.

Ég vona svo sannarlega ekkert íslenskt sé þarna innblandað, því þetta verður ekki frýnilegt þegar ríkisstjórn Trumps hefur lokið sér af við að afhjúpa þessa svikamyllu alla.

Þarna vinna báðir flokkar í Bandaríkjunum saman og með forsetanum í að útfæra hinar nýju-kalda stríðsáætlanir Hvíta hússins, sem komu út nokkrum dögum áður en kommúnistarnir í Peking ákváðu að þurrka Hong Kong út sem lýðræðislega sjálfsstjórnarborg, og þar með brjóta þá samninga sem Kína gerði við hið svo kallaða "alþjóðasamfélag" um borgina.

Áætlunin ber heitið: US Strategic Approach to the Peoples Republic of China (PDF).

***

Fyrsta olíuskipið með bandaríska olíu til Hvíta-Rússlands lagði að í Klaipedahöfn í Litháen í gær, föstudag. Þaðan fer olían með járnbraut til Hvíta-Rússlands.

***

Bandaríska þingið hefur lagt fram nýtt frumvarp sem leggja á enn frekari þvinganir á þá og þau fyrirtæki koma nálægt lagningu NordStream2 leiðslunnar frá Rússlandi til Þýskalands. Frumvarpið er talið geta náð til allra sem koma nállægt lagningu leiðslunnar og allra þeirra manna og fyrirtækja sem tengjast þeim sem það gera, þar með talin eru tryggingafélög, hafnir og  fjarskiptafyrirtæki.

[Símon Pétur frá Hákoti (IP-tala skráð) 6.6.2020 kl. 13:10]

Það er næsta víst að Trump mun vinna stórsigur í kosningunum í nóvember 2020.

Demókratar í slagtogi með kostuðum sundrungarhreyfingum á borð við Antifa, Black Lives Matters og Open Borders höfða ekki til hins venjulega bandaríska kjósanda.

Hinn venjulegi bandaríski kjósandi, hvort heldur hann er hvítur, svartur, rómanskur eða asískur, hugsar fyrst og fremst um hag sinn og fjölskyldu og nánustu vina.  Stöðugleiki og hagsæld er það sem þeir, eðlilega, kjósa sér og sínum.  Trump er því þeirra val.

Demókratar hafa núna ekkert að bjóða hinum venjulega bandaríkjamanni, nema sundrungu, gripdeildir, vandalisma og illsku.