Wuhan-veiran: hvað er að frétta?

Sleppti Kína veirunni lausri á Vesturlönd?

Þegar að kommúnistastjórn Kína komst að því að Wuhan-veiran sem annað hvort eða ekki slapp út úr rannsóknarstöð í höndum kínverska hersins –sem er einkalífvöður kommúnistaklíkunnar gegn fólkinu í landinu– þá varð rauðu kommúnistastjórninni í Peking fljótlega ljóst að loka þyrfti landinu strax með því að banna allar ferðir og flug til og frá Wuhan til annarra staða í Kína og að hólfa yrði landið af og stöðva allar ferðir fólks inn eða út úr þeim sóttvarnarsvæðum sem sett voru upp. Á þessum tímapunti vissi Peking að Kína hafði tapað viðskiptastríðinu við Bandaríkin og að lokanir vegna veirunnar ásamt viðskiptahallokinu gagnvart Trump myndi leggja hagkerfi þess svo að velli, að allir Kínverjar myndu sjá rautt-á-hvítu að kommúnistaveira alræðisflokksins, frá 1921, var algerlega nakinn, og lítið annað en default-endurtekning á sovéskum gereyðingarstjórnmálum fyrir alla þá sem þannig veiru koma nálægt, innanlands sem erlendis

En hvað gera rauðir Kína-kommar þá? Jú þeir ákveða að halda beinu flugi frá Wuhan til Bandaríkjanna og Evrópu opnu næstu 10 dagana eftir að Kína hafði verið lokað niður, því klíkan í Peking hugsaði sem svo, að fyrst að við sjálfir höfum lagt efnahag landsins í rúst með okkar eigin klodsmajor-fávisku, svipað og ómálga barn heldur að það hafi náð aldri til að hafa stjórn á vesturlenskt uppfundinni fólksbifreið, þá ætlum við sko ekki að fara einir niður með flaggið. Við tökum hina með okkur í fallinu. Við látum útflutning Wuhan-veirunnar með beinu flugi til Vesturlanda ganga óáreitt fyrir sig næstu 10 dagana og það mun tryggja okkur að Vesturlönd falli eins mikið og mögulegt er

Japan

Japanska ríkisstjórnin hefur þegar hafist handa við að aðstoða fyrirtæki landsins við flutning frá Kína, með beinni ríkisfjárhagsaðstoð. Fyrsti fjárstuðningur japanska ríkisins var kynntur í vikunni. Nikkei

Olíuharmleikur Rússlands

George Friedman, strateg, segir að Karl Marx hafi haft rangt fyrir sér. Endurtekning sögunnar gengur þannig fyrir sig að farsinn kemur fyrst og síðan kemur harmleikurinn, en ekki öfugt

"I think Marx got it wrong. The farce came first. The tragedy may come second"

Rússland er enn þriðjaheimsland með fyrstaheims herafla. Já, Pútín er sterkur leiðtogi miðað við Brjésnjéff og Yeltsin, en Rússland er samt enn það sem Marx sagði að það væri: Vonlaust afturúr fyrstaheims ríkjum, og enn algerlega háð verðinu á þeirri hrávöru sem fyrstaheimsríkin verðleggja með eftirspurn þeirra. Spáir dr. Friedman því að Rússland sé annað hvort á tröppum nýs og endurreists stalínisma eða "einhvers annars". Þetta "eitthvað annað" er ekki strategía, frekar en ferðamannaiðnaður Valhallar, sem flaðrað hefur upp um Kína eins og kjölturakki sem gengur fyrir túkalli með gati. Enginn hefur áhuga á pípulögnum Rússlands lengur og allra síst á NordStream2. GPF

Kína eitrar fyrir Spáni

Meira en þúsund starfsmenn í spánsku heilbrigðskerfunum hafa verið settir í sóttkví vegna hlífðarbúnaðs sem keyptur var frá Kína. Hann reyndist jafn gallaður og stjórnarfarið í Kína og er verið að reyna rekja smitleiðir þess hjúkrunarfólks sem notaði búnaðinn. En það er afar erfitt, því enginn veit enn hversu mikið notað var af honum í heilbrigðiskerfum sjálfsstjórnarhéraða Spánar. El Pais

Það er hörmulegt og jafnframt grátbroslegt að sumir á Vesturlöndum skuli enn trúa bara einu orði sem frá Kommúnistaflokks-Kína kemur, og að fjölmiðlar hér í löndum skuli jafnvel leggja slíkt til jafns við það sem frá lýðræðisríkjum Vesturlanda kemur. Það sýnir hversu glataðar menntastofnanir Vesturlanda eru orðnar. Engu sem frá Kína kemur ætti neinn að trúa. Ekki einu sinni dagsetningum

Marel stendur sig og sannar í Bandaríkjunum

Á meðan matvælavinnslustöðvar reknar með ódýru og innfluttu þræla-vinnuafli í Bandaríkjunum hafa hrunið niður eins og spilaborgir vegna Wuhan-veiru smita, þá halda vinnslustöðvar knúnar íslensku hugviti Marels áfram að færa Bandaríkjamönnum mat á borðið úr kjúklingaversmiðju Costco í Nebraska

"Costco bought much of the production technology from Marel, a firm in low-population, high-wage Iceland where engineers had to develop labor-saving machines to strip the expensive meat from fish and poultry." Breitbart

Þarna eru tvær milljónir kjúklinga verkaðar á dag, þökk sé snilli Marels og laun starfsmanna eru þar af leiðandi miklu betri. Geri aðrir betur!

Við ættum frekar að beita tveimur milljónum óinnflutts suðfjár á landið okkar, en sískítandi erlendum ferðamönnum, og koma okkur upp hátæknivæddri ullar- og matvælaframleiðslu og skipa frystum matarafurðum út til Vesturheims, ásamt því að þróa frystitækni til hins ýtrasta, eins og Marel hefur tekist með vinnsluna. Betra er að styrkja girðingar sauðfjárbænda en að styrkja hraðvöxt klósettpappírsrúlla af aspartegund upp í loftið. Nóg er komið af lítilsnýtri hobbý-snobb trjárækt út um allar trissur. Sauðfé græðir landið og étur kannski lúpínuhörmungar okkar í leiðinni. Úr þessu gæti orðið ný atvinugrein á sviði matvæla- og textíltísku sem byggt gæti upp nýtt Herning-Ikast-svæði að jóskri fyrirmynd, en sem Danir glutruðu á gólfið með því að flytja framleiðsluna úr landi til þrælanda. Þetta er ekki hægt að flytja úr landi. Tísku- og textílsýningar á sviði ullarframleiðslu og vefnaðar gætu orðið árviss viðburður á Íslandi, í stað gargandi látalæta á klikksvæði vinstrimanna í 101. Sjálfur borða ég aðeins ærhamborgara og lít ekki við öðru. Þeir eru ófáanlegir um allan heim, nema hér um sveitir

Grænland á leið til sjálfstæðis

Danir sem hvorki hafa efnahags- né varðstöðulega burði til að gæta öryggis Grænlands, og ekkert vita hvað fram fer í því landi, sem er 21-sinnum stærra en Ísland, sjá nú póstkorta-nostalgíu dönsku 120-manna elítunnar og krúnunnar –sem flestu sannarlega ræður í því ósjálfstæða landi í klóm ESB– hrynja eins og þá spilaborg sem sem hún er. Bandaríkin eru að opna ræðismannaskrifstofu í Grænlandi og koma með 1,7 milljarð króna með sér í heimamund, sem Grænland á skallanum í klóm danskrar 120-manna elítu þiggur með þökkum. Bandaríkin fara að mestu framhjá dönsku póstkortaelítunni og eru einbeitt í því að styðja Grænlendinga til fullveldis og sjálfstæðis undir bandarískum verndarvæng á sviði tilvistarlegra öryggishagsmuna, eins og Ísland, en með aðstoð Íslands, þ.e. sé þessu kalli svarað með öðru en reiðikasta- og bjálfaháhoppum Bjarna Ben og Guðlaugs Þórs, sem virðast algerlega utanveltu og vitsmunalausir gervimenn þegar að strategískum þjóðaröryggis,- og utanríkispólitískum málefnum íslenska lýðveldisins kemur. Hafa þeir sannað sig sem verstu leiðtogar Sjálfstæðisflokksins frá upphafi. Þeir eru reyndar ekki sjálfstæðismenn, heldur meira í ætt við fyrrverandi sjálfstæðismenn á borð við Þorgerði, Þorstein Pá og Benedikt Jóhannesson evrumenni. En nú fá þeir fyrrnefndu um stundarsakir tækifæri til að afsanna dugleysið í þessum efnum. Allir vita hins vegar að Bjarni Ben er ágætur fjármálaráðherra, en það er bara ekki nóg fyrir Ísland, komi hin höndin og rústi öllu á 12 ára fresti með þvælu kratisma og glóbalista. Hér er tækifæri, því allir loftkastalar vinstrimanna standa nú tómir. Bergmálandi 30-ára þvælur þeirra úr austri. WSJ

Ferðamannaiðnaður er ekki undirstöðuatvinnugrein

Furðulegt er að heyra stjórnmálamenn halda því fram að ferðamannabransinn sé undirstöðuatvinnugrein. Þetta lýsir átakanlegri fávisku, því að um afleidda aukabúgrein er að ræða og sem björgunarbátar Íslands –sjávarútvegur, landbúnaður og fullveldi– hafa skaffað skilyrðin og undirstöðurnar fyrir. Ferðamannaiðnaður er af engisprettutegund og öll þau lönd sem satsa á hann verða fátæktarríki til frambúðar. Þetta verða menn að muna og þetta glapræði má ekki endurtaka

Er Alþjóðaheilbrigðisstofnunin WHO búin að vera?

Mike Pompeo utanríkisráðherra Bandaríkjanna sagði í fyrradag að það sé alls óvíst að Bandaríkin komi aftur að fjármögnun WHO – OG – jafnvel ekki að sjálfum þeim stofnunum sem sú stofnun hangir á. Auðvitað hlaut að koma að þessu því að stofnun Sameinuðu þjóðanna átti alls ekki að verða vasapókerstofnun einræðisherraríkja. Fari Bandaríkin, er WHO búið að vera og S.þ. breytist í Þjóðarbandalagið sem nú er til húsa í einu kjallaraherbergi í tómu húsi við Genfarvatn

Ísland hefur staðið sig best af Norðurlöndunum

NORÐURLÖND
Dauðsföll á hverja MILLJÓN íbúa af völdum Wuhan-veirunnar:
föstudagur, 24. apríl 2020
=============
Svíþjóð 213 (Bandaríkin sem heild eru með 152)
Danmörk 70
Noregur 36
Finnland 32
Ísland 29
=============

Láum oss ekki glopra þessu niður. Förum varlega. Stríðið er ekki búið. Leyfum ekki mission-kreep að eyðileggja sigurvonir okkar. Við fórum í þetta stríð til að hafa sigur. Enn sem komið er standa 14 ríki Bandaríkjanna sig þó enn betur en Ísland

Svíþjóð 

Næstum daglega deyja nú álíka eða fleiri af völdum Wuhan-veirunnar í Svíþjóð, en öll þau dauðsföll sem orðið hafa í Noregi, af hennar völdum. Hér erum við að horfa á eins konar nómenklattúrískt og hálf-sovéskt gjaldþrot Svíþjóðar, þar sem fólki er fórnað á altari perverta pólitískra hugmynda. Aðalsstöðvar gjaldþrota sóttvarnarstofnunar Evrópusambandsins og Schengenfirrunnar er einmitt staðsett þarna. Frystigámar með látnum Svíum sem alla æfi hafa borgað hæstu skatta í heimi, hrannast nú upp sem spilaborgir stjórnmála- og embættismanna, fyrir utan sjúkrahús landsins. Alls hafa 2152 Svíar látið lífið og á sú tala kannski eftir að tvöfaldast. Síðasta sólarhringinn misstu 131 Svíar lífið: sjá hér

Fria tider

Fyrri færsla

Wuhan-veiran: Blaðamannafundur Hvíta hússins 8. apríl 2020

Athugasemdir

[Símon Pétur frá Hákoti (IP-tala skráð) 24.4.2020 kl. 20:16]

Sæll Gunnar

Það var kominn tími til að einhver orðaði það jafn skarplega og þú gerir það í þessum pistli.

Við búum á algjöru gósenlandi til hefðbundinna nýtingar landsins gæða og sauðkindarinnar.

Að viðbættu hugviti og skapandi þörf frjálsra og sjálfstæðra manna ættu okkur allir vegir að vera færir til hagsbóta fyrir alla okkar þjóð.

Áhugi erlendra alræðis kommaríkja og krata er einmitt sönnun þess, því þau ásælast auðlindir okkar.

Það er hverjum kjósanda Sjálfstæðisflokksins til skammar að vera sem rakkar og viðhlæjendur og stuðningsmenn landsölu- og alræðis komma þingmanna flokksins  og ráðherranna Bjarna Beltis og Brautar komma og ESB krata Gulla.

[Símon Pétur frá Hákoti (IP-tala skráð) 24.4.2020 kl. 20:36]

Það er eigi síðar en NÚNA

sem sjálfstæðismenn verða að ákveða

með sjálfum sér og samvisku sinni,

hvort þeir fleðulega, sem hundrakkar,tilheyri

alræði komma og krata,

eða hvort þeir eru menn sem þora

að standa uppréttir og trúa á dug sjálfra sín,

þjóðar sinnar og landsins gæði.

Það val ætti engum íhaldsmanni að vera erfitt.

Það val ætti engum sjálfstæðismanni að vera erfitt, EN af hverju styðja þeir enn

alræðis kína komma og ESB krata leppanna,

aðfarar manna íslenskrar þjóðar og lands ???

[Gunnar Rögnvaldsson, 24.4.2020 kl. 21:09]

Þakka þér fyrir Símon Pétur

Einhverra hluta vegna var því fólki sem skilið var eitt eftir á fjóshaug alþjóðavæðingarinnar í bæði Bandaríkjunum, Evrópu og hér á Íslandi, ekki boðin nein hjálp þegar til dæmis 30 þúsund fyrirtæki voru rifin upp með rótum í til dæmis Bandaríkjunum og flutt úr landi yfir til þrælalanda. Því fólki var bara sagt að það væri á rögnum stað á rögnum tíma. En nú er þessi þvæla öll fallin um sig sjálfa. 

Í dag er hins vegar ætlast til að bjarga eigi mörgum þeim ferðaþjónustufyrirtækjum sem kúnnarnir flutt hafa frá, vegna ótíðinda, og sem ekki koma munu aftur til lengri tíma litið, nema sem brotabrot af því sem áður var. Ég minnist þess ekki að síldarsaltendum hafi verið bjargað þegar Norðmenn óðu í hrygningarstofninn og gegnu frá henni á miðunum við Lófóten.

Ferðaþjónustufyrirtækin voru flest rekin með tapi og allur hótelbransinn, utan örfárra hótela á höfuðborgarsvæðinu, var rekinn með tapi og hefur sennilega aldrei þénað einna krónu í hreinan hagnað, séu þau öll lögð saman sem ein tölfræðileg heild.

Þá er okkur bara bent er á að veltan og innstreymi peninga hafi verið ákaflega mikið frá þessum bransa.

En engin geiri atvinnulífs lands okkar getur lifað á því að velta bara peningum. Slíkt var reynt á tímum Sambandsins. Það er því mikið og beint þjóðhagslegt tap fyrir íslenska hagkerfið að heill geiri þess skuli litlum sem engum hagnaði skila sem hægt er að verja í fjárfestingar og skattgreiðslur. Þetta var lántökuknúið að mestu leyti og það kemur að skuldadögum. Þess utan er ekki víst að viðskiptajöfnuður þessa bransa í heild hafi verið landinu jákvæður, þegar flugvélakaup, slit á innviðum og álag á opinberar stofnanir er tekið með í dæmið.

Engir erlendir ferðamenn verða til í landhelgi Ísland og þeir vaxa hveri á túni í íslenskri mold. Þeir eru lægst hangandi ávöxturinn á trjám hagkerfanna og er því svo gott sem öll atvinnugreinin eftir því. Þarna er ekki um hæsta verð á hvert kíló upp úr sjó að ræða, heldur það allra lægsta. Þetta var orðin undanrennugrein klár til afsögunar og í tætarann.

Tvö hugtök munu nú ráða úrslitum í baráttunni sem framundan er: sjálfsbjörg og sjálfstæði. Hvorugt þeirra af kratakyni er.

Ég kýs núverandi forystu Sjálfstæðisflokksins líklega aldrei aftur. Hún klúðraði allri strategískri hugsun.

Kveðjur

[Símon Pétur frá Hákoti (IP-tala skráð) 24.4.2020 kl. 21:11]

Hvaða vesalingar geta í öðru orðinu

sagst vera sjálfstæðismenn,

en í hinu stutt Bjarna kínakomma

og Gulla brusselkrata?

Þannig menn, ef menn skal kalla,

eiga meira skylt við skriðdýr.

Og hvaða menn vilja rústa matvælaöryggi

lands okkar, með frjálsu flæði innflutts hrás kjöts til landsins?

Þeir menn eru allir í viðrinaflokki Valhallar.

[Símon Pétur frá Hákoti (IP-tala skráð) 24.4.2020 kl. 21:34]

Sammála Gunnar, massatúrismi skilur alls staðar eftir sig sviðna jörð.

Hann er byggður upp á frjálsu glóbalísku rugli og gat aldrei staðist,

enda byggður á spilavítiskapítalisma.

Við verðum að endurvekja

heilbrigðan framleiðslukapítalisma, sem byggist á landsins gæðum og til atvinnuuppbyggingar blómstrandi byggða landsins.  Og allri þjóðinni til hagsbóta.

[Gunnar Rögnvaldsson, 24.4.2020 kl. 22:39]

Ég geri ekki ráð fyrir því að hin rauða skurðalokunartegund vinstri-loftslagsheiladauðans hafi tekið eftir því að engin líkön neinna svo kallaðra "vísindamanna" um Wuhan-veirufaraldurinn til bara nokkurra fárra mánaða inn í framtíðina hafa staðist. Engin þeirra hafa staðist. Auðvelt er því að geta sér til um hversu alger grjónaþvæla öll líkön þeirra yfir loftslag jaðar til næstu 100 ára eru. Þarna fellur hver þvælan um hvora aðra eins og spilaborg sem engan vott af veruleika þolir. Þessi bransi er allur á leið í ruslið og flokkarnir með þeim. Sem betur fer!

Ég geri heldur ekki ráð fyrir að græni melónuflokkurinn úr kommahellunum, sem er rauðir eru að innan, geri sér grein fyrir því að næstum öll sótthreinsunarefni, grímur og varnarbúnaður lækna, hjúkrunarliðs og almennings koma frá stóru olíufélögunum á borð við Exxon Mobil, sem er arftaki Standard Oil er byggði stærstu sóttvarnarefnaverksmiðju veraldar.

Þannig hefur Exxon sparkað framleiðslu á ísoprópýl alkóhóli upp um þrjú þúsund tonn á mánuði og sem nægir í 50 milljón brúsa af sóttvarnarvökva fyrir allan þorra Bandaríkjamanna og víðar. Að sama skapi hefur félagið keyrt upp framleiðsluna á sérhæfðu polýpropýlene sem er notað í varnargrímur til handa heilbrigðiskerfum um þúsund tonn á mánuði, og sem dugar í 200 milljónir grímur og 20 milljónir varnarbúninga, um leið og fyrirtækið er að þróa andlitsvarnarbúnað úr sérstökum síuefnum sem síar frá það sem enginn vil fá í síg. Saman með Boeing eru fyrirtækin að framleiða 40 þúsund grímur á klukkustund.

En nei, það eina sem þessu Pol Pottaliði vinstisins dettur í hug er að moka mold ofan í skurði. Hvað kemur veruleikinn því við. Ekkert. Þetta er handónýtt og útópískt lið. Það hefur ekki minnstu hugmynd um hvað kemur af lífsgæðum úr bara eini tunnu af hráolíu. 

[Símon Pétur frá Hákoti (IP-tala skráð) 24.4.2020 kl. 23:32]

Rétt athugað Gunnar,

í skjóli skínandi stígs Pol Pot sinnanna í Vg

fela sig vesalingar og almannatenglafræðingar

valhallar viðrinanna.  Þannig er það.

Mokandi ofan í skurði í agitation

með Guðna Th Icesave og  með allar kamerur

og heilaþvottastöðvar Fretstofu Efstaleitis

í upphafningu Kremlísku styttanna af Stalín.

Já, nómenklatúru Valhallar Stalín býr enn á Efstaleiti og skattleggur allan landskýð fyrir Pravdaískan áróður gegn öllu því sem áður breytti Íslandi úr ánauðugri nýlendu í fullvalda og sjálfstætt ríki.

Enn er nómenklatúran að og ætlar að koma Íslandi aftur á ánauðugt nýlendustig. 

Ég segi það alveg eins og er, ég fyrirlít vesalingana og viðrinin í Valhöll, sem selja land sitt og þjóð í ánauð og á klafa glóbalískra hrægamma.  Allt fyrir nokkra silfurpeninga til eigin úrkynjuðu ættar.

[Helga Kristjánsdóttir, 25.4.2020 kl. 00:16]

Sæll! Ef ég man rétt fyrirskipaði Trump GM.-(vona að fyrtækið muni ég rétt)-að framleiða x-milljónir öndunarvéla. 

[Gunnar Rögnvaldsson, 25.4.2020 kl. 00:55]

Þakka þér fyrir Helga.

Það efast ég um, því það -ein milljón- myndi þýða eina öndunarvél fyrir hvert sjúkrarúm í öllum 50 heilbrigðiskerfum landsins. Það tekur venjulegan mann tvö ár að telja upp á milljón.

En eins og ég minnist á hér fyrir ofan þá hafa spár "vísindamanna" (þ.e. fólks með samskonar heilabú, galla, kosti og innmat og ég og þú) engan veginn staðist að neinu leyti. Borgarstjóri Nýju Jórvíkur hélt því til dæmis fram að borgin hans þyrfti á hreint ógurlegu ofurmagni af öndunarvélum að halda. Ég man ekki töluna lengur því hún var svo stór. En nú er staðan þannig að borgarstjórinn hefur sent margar þeirra frá sér, því það var ekki þörf á öllu því sem Trump sendi honum. Spítalaskip bandaríska hersins hefur einnig siglt burt frá borginni og til heimahafnar þess í flotastöðinni í Norfolk.

Trump hefur lítið þurft að nota neyðarlögin um skylduframleiðslu. Hún var samt notuð á GM, að mér skilst. Þori samt ekki að ábyrgjast það.

Trump hefur sent Bretlandi öndunarvélar því þar þarf breska pressan á þeim að halda, því sú nær ekki andanum yfir því að Boris forsætisráðherra skyldi ekki hafa setið heila sex Cobra-fundi. Menn geta út frá því reynt að ímynda sér hvað gerst hefði með öndun bandarísku pressunnar hefði Trump-forseti ekki mætt á alla og hvern einasta blaðamannafund um faraldurinn og svalað köfnunarefnisþörf bandarísku pressunnar að fullu. En Trump-forseti er eini forseti Bandaríkjanna sem sætt hefur því að hvert einasta orð hans er gegnumlýst, efnagreint, skoðað með 200 tommu stjörnusjónauka frá fjalli Palomar og veirugert sem sem gammageislar í útvarpssjónaukum hins bandaríska vinstris. Allur efnahagur pressunnar veltur þess utan á því hvað Trump segir á meðan hún tekur ekkert eftir því hvað hann gerir.

Síðast þegar ég gáði var um 160-200 þúsund öndunarvélar að ræða og margar þeirra voru ætlaðar bandamönnum Bandaríkjanna erlendis.

Kveðja

[Símon Pétur frá Hákoti (IP-tala skráð) 25.4.2020 kl. 02:13]

Að ríkisstjórn Valhallar bugti sig og beygi fyrir hirðmönnum kínakeisara, fyrir nokkra pappakassa,

en gefi skít í okkar bestu bandamenn, sem studdu okkur mest og best til sjálfstæðis 17. júní 1944

er svo ófyrirleitið sem mest getur verið.  Það er sem Bjarni og Gulli vilji helst upp sið hinna hrækjandi og skyrpandi í austri og hrækja og skyrpa á þá þjóð sem best hefur reynst okkur.

Af vinum þeirra nú, vitum við hverjir þeir eru, Bjarni og Gulli.  Arftaki Steingríms J. hvað alla ráðherratitlana varðar, fjórráðherrínan Þórgerður Kolgrá Reykás Gylfadóttir er svo eins og bjáni sem veit ekki hvað snýr fram og aftur á sjálfri sér.  Puntudúkka sem er á pari við bimbógellur taugaveiklaða þáttastjórnandans Gísla Marteins.

[Gunnar Rögnvaldsson, 25.4.2020 kl. 10:40]

Það er ákaflega fróðlegt að fylgjast með nýjasta Trump-kasti vinstripressunnar hér heima og erlendis. Á blaðamannafundi þriðjudagsins voru sitjandi ráðherra vísinda og rannsókna og deildarstjóri Homeland Security, Bill Bryan, og Trump forseti og Jon Karl blaðamaður ABC að ræða um áhrif sólargeisla á Wuhan-veiruna, sæti hún til dæmis á leikvöllum barna og á ýmiskonar yfirborðum hluta og á húð. Til dæmis hve langan tíma það tekur sólin að kála veirunni (eina mínútu).

Beinist þá talið að því að óskandi væri ef hægt sé að beita slíkum geislaáhrifum (útfjólubláir geislar) í mannslíkamanum, til dæmis í lungum, og talað er um að slíkar rannsóknir séu í gangi.

En þá segir Blaðamaður ABC að forsetinn hafi nefnt bleikingar og sótthreinsunarefni. En málið er að það er blaðamaðurinn sem nefnir þessi efni, en ekki forsetinn. Sjá hér.

Þetta litla samtal verður síðan að fiskisögu sem fer um allan heim. Svipað og þegar að Trump sagði um daginn að nýjustu tölurnar um atvinnuleysi gæfu enga meiningu, og átti þar við að um stundarfyrirbæri væri að ræða, sem breyttist hratt og daglega. Daginn eftir skrifar Washington Post að forsetinn hefði sagt að það væri án meiningar (eða tilgangslaust) að hafa vinnu.

Þarna sést ákaflega vel hver pressan álítur að sé öflugasti maður í bransanum. Svona var líka látið við Davíð Oddsson árum saman. Klikkhausa-pressan var með hann á heilanum, sérstaklega DDRÚV. Og Landlæknir okkar hér heima stígur svo í spínatið líka um Trump.

[Helga Kristjánsdóttir, 25.4.2020 kl. 19:22]

Sæll Aftur, ég mundi ekkert hversu margar öndunarvélar og skrifaði eins og tala oft - exx margar--- en milljónunum hefði ég átt að sleppa. 

[Helga Kristjánsdóttir, 25.4.2020 kl. 19:23]

X=?

[Jón Steinar Ragnarsson, 25.4.2020 kl. 23:05]

Láttu ekki svona Gunnar. Ferðamannaiðnaður hlýtur að vera undirstöðuatvinnugrein hér. Það sér hver maður að öll eggin eru í sömu körfunni hér og halda upp geggjuðum hagvexti. Þessi örfáu egg sem liggja utan körfunnar hverfa með einbeittum aðgerðum. Utangarðsegg eins og sjávarútvegur og tækniiðnaður eru óþorfa hobbý í þessu samhengi.

Það þarf ekki annað en að líta til hagsældarríkja, sem byggja allt sitt á þessari gullgæs. Ítalía, Spánn, Portúgal, Grikkland. Þar er allt á blússandi siglingu. Reyndar til helvítis, en á blússandi siglingu þó. :)

[Óskar Kristinsson, 25.4.2020 kl. 23:22]

Blessaður Gunnar og gestir!

Var kominn með áhyggjur af þér.

Þú mynnist þarna á Davíð Oddsson haustið 2008 eignuðumst við konan mín dreng sem er ekki í frásögur færandi, nema eg var skömmu síðar staddur hjá bróðir mínum og spurt var hvað barnið ætti að heita, Davíð sagði eg,og eftir hverjum er það? spurði kona sem var þarna,það er nú eftir vini mínum Davíð Oddssyni.

Aumingjans barnið að eiga að bera þetta nafn sagði konan.

Þetta var nú mórallinn hjá lekandaliðinu þá út í einn af okkar færasta stjórnmálamanni Íslands.

Kveðja

[Halldór Egill Guðnason, 26.4.2020 kl. 00:37]

 Túrismi er ekkert betri annar ismi. Ismar koma og fara. Nasismi, kommúnismi, glóbalismi  og hvað þetta nú heitir allt saman, hverfur í hyldýpið, þvi isminn stenst enga skoðun.

 Djöfullinn finnur sér ætíð fótfestu í ismum. Í dag er glóbalisminn djöfullinn sjálfur, með aðstoð islamismans og heimaræktaðri veiru af kommúnisma ccp.

 Isminn hefur tögl og haldir, um aldir, því miður.

 Við fallbyssufóðrið höfum lítið sem ekkert um það að segja.

 Góðar stundir, með kveðju að sunnan.

[Gunnar Rögnvaldsson, 26.4.2020 kl. 01:44]

Þakka þér fyrir góðar kveðjur Óskar.

Mér finnst það nú í allra hæsta máta í frásögur færandi að eignast barn. Það er Guðs blessun og ekki er það heldur síður að heita Davíð.

En ég skil hvað þú átt við. Já þetta er svona. Því miður. Já, þetta er "lið", svo mikið er víst.

Lifið þið heil.

Kveðjur

[Gunnar Rögnvaldsson, 26.4.2020 kl. 01:47]

Þakka þér Halldór.

Já það er með eindæmum að fólk skuli halda að það sé sjálfgefið að einn og afskaplega lélegur bransi skuli halda að hann eigi sjálfkrafa heimtingu á að fá að nota landið okkar, og  þjóðina sem á það, sem eins konar gólfmottur undir sig og engisprettufaraldur sinn. Það er alls ekki sjálfgefið að þjóðir þoli þennan isma í svona miklum mæli. Það er af og frá og jafnvel óþolandi.

Kveðjur

[Gunnar Rögnvaldsson, 26.4.2020 kl. 01:51]

Þakka þér Jón Steinar.

Ég ruglaðist í röðinni.

Heyr heyr! segi ég við athugasemd þinni.

Góðar kveðjur

[Símon Pétur frá Hákoti (IP-tala skráð) 26.4.2020 kl. 19:52]

Sæll Gunnar,

mig langar til að fá álit þitt á því hvaða hvatar liggja helst að baki fallandi gengi íslensku krónunnar gagnvart öðrum gjaldmiðlum, nú á tímum veirunnar?

Sér í lagi í ljósi þess að veiran leikur atvinnu- og efnahagslíf annarra þjóða síst minna en okkar, og í flestum tilvikum mun verr.

Hverjir eru þá ástæður þess að svo virðist sem ákveðnir aðilar taki beinlínis stöðu gegn krónunni og gjaldfelli lögeyri okkarþ

[Gunnar Rögnvaldsson, 26.4.2020 kl. 21:12]

Mynd. Gengi fimm gjaldmiðla gagnvart Bandaríkjadal frá og með 1. janúar 2020 til og með 25. apríl 2020. Bein krækja

Þakka þér fyrir Símon Pétur.

Þarna sérðu gengisþróun fimm gjaldmiðla gagnvart Bandaríkjadal frá og með áramótum. Eins og þú sérð hefur norska krónan og rúblan dansað mun fjörugri dans en krónan, og er það vegna verðþróunar hráolíu sem hrunið hefur í verði vegna hruns í eftirspurn hennar. Makró-efnahagslegar horfur þessara ríkja hafa þar með einnig versnað á horror-skala Wuhan-veirunnar. Gengið endurspeglar veruleikann.

Hjá okkur er það hrun í eftirspurn eftir krónum til erlendra ferðamanna og hrun í eftirspurn eftir ferðaþjónustu. Gengi krónunnar endurspeglar veruleikann. Hamskiptin eru það hröð að það verða einnig risavaxnar makró efnahagslegar afleiðingar hér líka. Atvinnulausum fjölgar mikið og á fellibylsharða, og þar með dregur úr lánstrausti erlendra aðila á ríkissjóði, því það eru skattatekjur frá atvinnulífinu sem mynda lánstraust ríkissjóðs erlendis, og ekkert annað. Ríkissjóðir allra landa hafa engar aðrar tekjur en þær sem koma frá atvinnulífinu. Krónan gefur því eftir undan öllu þessu, og því meira sem hún gefur eftir því betur mun ríkissjóði takast að viðhalda lánstraustinu erlendis og þar með vaxtakjörum gagnvart útlöndum.

Þau ríki sem ekkert gengi hafa (evrulöndin), eru með hægari og lengri sveiflur og eru því eina ferðina enn komin inn í vítahring stóraukinnar ríkisgjaldþrotaáhættu og hættu á að myntin þeirra gæti raknað upp, því hún er vafningur => tilvistarkreppa. Þar endurspeglar gengið ekki veruleikann fyrir neinn. Mörg þeirra munu því ekki ná bata.

Það verða gráðugir fjárfestar sem koma munu okkur út úr kreppunni og engir aðrir. Ekki gerir ríkið það, svo mikið er víst. Það eyðir bara þeim peningum sem frá atvinnurekstri einkageirans kemur.

Kveðjur

[Gunnar Rögnvaldsson, 26.4.2020 kl. 21:41]

Þessar vikurnar á meðan svo margt er lokað, skiptir gengið ekki fullu máli, því mun færri eru að nota það en í venjulegu ástandi, þ.e. þegar hagkerfið er opið. Vinnufötin sem krónan er þegar komin í munu ekki byrja komast í full afköst fyrr en hagkerfið opnar á ný. En þá munu fjárfestar sjá að gengið mun koma í veg fyrir að skattatekjur ríkissjóðs þorni upp og rústi þannig lánshæfnismati hans. Á einn eða annan hátt mun gengið sparka landsframleiðslunni upp. Gengið er því eins konar gírkassi hagkerfisins. Það skiptir um gír þegar á brattann sækir. Fer í lágadrifið ef svo mætti að orði komast. Þetta reddast því, af því að við höfum krónuna sem eins konar framkvæmdaarm fullveldis Íslands.

[Gunnar Rögnvaldsson, 26.4.2020 kl. 21:44]

Svo þarf einnig að hafa í huga að skortsala er bönnuð í flestum löndum evrunnar. Annars væri útflæðið úr henni miklu meira. Hvernig staðan með evruna verður þegar skortsala verður leyfð aftur, veit ég ekki.

[Símon Pétur frá Hákoti (IP-tala skráð) 26.4.2020 kl. 21:45]

Sæll Gunnar og takk fyrir svarið.

En myndi það ekki styrkja stöðu krónunnar ef sjávarútvegsfyrirtækin myndu auka útflutningsverðmæti fiskafurða með fullvinnslu þeirra hér á landi og gera upp í krónum en ekki evrum (eins og þau gera nú og taka því beint og óbeint stöðu gegn krónunni)?

Rétt fyrir hrun tóku hinir svonefndu "útrásarvíkingar" beinlínis stöðu gegn krónunni.

Varla finnst þér, sem kristilegum og þjóðhollum íhaldsmanni, slík framkoma til eftirbreytni? 

[Gunnar Rögnvaldsson, 26.4.2020 kl. 22:14]

Við viljum ekki styrkja stöðu krónunnar núna. Alls ekki.

Gengishækkunin sem varð vegna innstreymis peninga frá erlendum ferðamönnum var að mestu streymisbóla, og að mestu án gróða. Eigið fé bransans er næstum ekki neitt. Hann er á skallanum.

Sjávarútvegurinn er vel rekinn og peningalega græðandi. Engu máli skiptir hvaða uppgjörsmynt hann notar. Slíkt er tískufyrirbæri og leifar af þvælu. Bara aukinn kostnaður. Nú þegar glóbalistaþvælunni er rúllað til baka (ESB-glóbalisma líka) þá rennur þessi make-up- og varalitaþvæla af uppgjörsmönnum.

Bankaútrásin var allt annað. Þá var krónan undirlögð fjármálakerfi sem gerði hagkerfið að skotmarki spákaupmennsku og það voru færslur alþjóðlegrar fjármálastarfsemi sem voru alls ráðandi á markaði íslensku myntarinnar. Bankarnir voru að velta stórum hluta landsframleiðslunnar í hverri viku. Allt of stórum.

Of vaxið fjármálakerfi er ekki vandamál okkar núna. Vandamál okkar núna er hins vegar ofvaxin ferðaþjónusta, og sem kom í veg fyrir að einn strokkur af fjórum í vél hagkerfisins skilaði afli út í öxl (gróða). Aðeins gróði gerir fyrirtækjum fært að ráðast í nýjar fjárfestingar, og koma í veg fyrir niðurslit.

Vinnuaflið í þessum bransa var með öðrum orðum að vinna við tap. Við byggðum ekki háskóla til að mennta fólk til starfa í taprekstri.

[Símon Pétur frá Hákoti (IP-tala skráð) 26.4.2020 kl. 22:24]

Minni einnig á að "útrásarvíkingarnir" földu féð á aflandseyjum skattaskjólanna og fengu svo sérstakan afslátt af krónukaupum frá Seðlabankanum fyrir að koma með eitthvað af fénu tilbaka. 

Lærum af sögunni.

[Gunnar Rögnvaldsson, 26.4.2020 kl. 22:47]

Já það var dapurlegt að horfa á Símon Pétur.

Engin fyrirtæki með heimilisfestu eða uppgjörsstað í skattaskjólum ættu að fá neina aðstoð frá skattgreiðendum (ríkinu) núna.

Kveðja

[Símon Pétur frá Hákoti (IP-tala skráð) 26.4.2020 kl. 23:30]

Sæll Gunnar, 

þú veist það jafn vel og ég að "útrásarvíkingarnir" voru ekki eingöngu "bankamenn".

Þeir voru einnig þeir sem höfðu veðsett kvótann og fengu fúlgur fjár fyrir, án nokkurar útgerðarstarfsemi eftir það.

Með lögleiðingu veðsetningar kvótans hófst aðdragandinn að hruninu sem varð haustið 2008.

Við skulum horfast í augu við sannleikann.

Um það að félög í skattaskjólum skuli ekki fá ríkisaðatoð erum við sammála.  Það gildir og ætti að gilda afturvirkt.  Uppgjör hrunsins fór aldrei fram, nema sem blekkingar gjörspilltrar stjórnsýslu landsins.

Við skulum horfast í augu við staðreyndir Gunnar.