Svínastía kommúnismans drepur Kínverja og smitar aðra

HIN KÍNVERSKA "MILLISTÉTT" GUÐLAUGS ÞÓRS

Yfirvöld kommúnistaflokksins í Kína hafa nú tilkynnt um 2700 smit og 82 dauðsföll vegna kórónaveirunnar. En sérfræðingar búast við hundruð þúsunda tilfella sem flokksyfirvöld eiga eftir að tilkynna og breiðast munu út til annarra landa. Einu sinni enn staðfestist að Kína er enn miðaldaríki þar sem miðaldastaðlar eru látnir duga fólkinu sem ekki býr í nágrenni við flokkshallir hins sótsvarta kommúnisma. Manngerður sjúkdómurinn breiðist því algerlega stjórnlaust út á meðan góða fólkið á vesturlöndum (allt glóbal-kommar og glóbal-sossar) heimtar að neyðarástandi sé lýst yfir vegna hugarburðar þess með ímyndað veðurfar út í geim. Miðaldir eru hafnar á ný

Súpersmit hríslast um svo kallaðar kínverskar "heilbrigðistofnanir", þar sem einn smitaður nær að smita 14 lækna og hjúkrunarfólk á svo kölluðu sjúkrahúsi í Wuhan. Þeir læknar og starfsfólk verða síðan súpersmitarar sem með myndugleika fylla líkkistur af látnum mönnum. Það er kannski þess vegna sem að staðfest smit hafa tífaldast á síðustu sjö dögum. En eins líklegt er að þeim hafi bara verið haldið leyndum, því pólitísk átætta fylgir því að tilkynna um sjúkdóma í hinu helsjúka Kína kommúnistaflokksins - þar sem millistétt Guðlaugs Þórs er gangstéttin sem flokkselítan gengur á til gúlagasmíða

Aðalstöðvar kommúnistaflokksins í Peking hafa sent 1230 sérfræðinga til borgarinnar Wuhan og kínverski herinn –einkalífvörður kommúnistaflokksins gegn fólkinu í landinu– hefur sent 450 slíka þar sem reyna á að breyta tólf svo kölluðum almennum sjúkrahúsum á 20 milljón manna stað í einangrunarbúðir og bæta sex þúsund sjúkrarúmum við þau í lok mánaðarins. Aðalstöðvar kommúnistaflokksins í Peking hafa þess utan slegið lokuðum hring utan um 50 milljónir manna í bæjum og borgum þar sem smit eru mikil

Sé til eitthvað í Kína sem kalla má heilbrigðiskerfi, þá er það í rúst því ekkert gengur að hemja síendurtekin tilfelli af mannskæðum smitsjúkdómum á borð við þennan, sem líklega á rætur sínar að rekja til heildsölumarkaðar fyrir sjávarfang í Wuhan - í nóvember 2019. Reikna nú þeir sem vita mest með því að meðgöngutíminn (d. inkubationstid) sé heilar tvær vikur áður en fólk veikist. Svipaður og meðgöngutíminn með veiru Svarta dauða er talinn hafa verið á 14. öld og sem útskýrði harða útbreiðslu hans, sem talinn er hafa verið um 30 km. á dag; með fólki í farartækum þeirra tíma

Einu tilfellin af svo kölluðu "heilbrigðskerfi" í landinu er að finna í nálægð við aðalstöðvar kommúnistaflokksins í Peking og við stofnsetur hans í Shanghai. Berklatilfelli hafa að vísu helmingast á síðustu 20 árum, en þau eru enn þrisvar sinnum algengari en í Mexíkó, sem er með 20 prósent fleiri lækna á hvern íbúa en Kína kommúnistaflokksins. Kína er þess utan með 70 prósent færri lækna á hvern íbúa en Alþjóða-heilbrigðisstofnunin mælir með, og 96 prósentur þeirra eru "sérfræðingar" því almenn læknastörf borga sig ekki sökum lágra launa

Svo kölluð "sjúkrahús" eru yfirfull og fólk í dreifbýli verður að stóla á miðaldalæknastofur. Læknar í nálægum borgum við Wuhan notast við sjöl í stað sóttvarnarbúninga í glímunni við þetta nýja kóróna-misfóstur kommúnistaflokksins. Þörfin fyrir sóttvarnarbúninga í Hubeihéraði einu og sér er 100 þúsund stykki á dag á meðan allt landið framleiðir aðeins 30 þúsund stykki, og almennar andlitsgrímur eru skammtaðar

Þetta er svona vegna þess að aðalsstöð kommúnistaflokksins í Peking leggur allar áherslur á "lífsvísindagarða", "erfðameðferðir", "krabbameinsrannsóknir" og "læknagræjur" til að vinna sér inn athygli erlendis - til dæmis hjá plebbum á borð við þá sem nú hanga til þerris í kratahjallinum Valhöll og liggja sem innlögð skreið í ríkisstjórn Svandísar sovéts. "Líftækni" er burðarstólpinn í "Made in China 2025" áætlunum kommúnistaflokksins, sem eiga að "ráða yfir heimsmarkaðnum" á því sviði þá. Þetta er geggjun mannvonskunnar eins og allt sem frá kommúnistaflokki kemur. Gangstéttin stóra þar sem ferð flokkselítunnar hófst á einu fjöldamorði sem leiddi til hinna

Á meðan grassera lífshættulegir smitsjúkdómar eins og þessi. Og á síðasta ári grasseraði kommúnistaflokksgerður sjúkdómur sem drap helming svínastofnsins í landinu. Honum hefði verið hægt að komast hjá ef brugðist hefði verið rétt við og bændur ekki neyddir til að selja sjúk svín og breiða sjúkdóminn þannig út. Það borgaði sig fjórum sinnum betur en að taka við því sem flokkurinn ætlaði að verja til bóta - á sama tíma og kommúnistaflokkurinn bannar innflutning landbúnaðarvara frá Bandaríkjunum - af "heilbrigðisástæðum"

Þegar Kína hóstar þá drepst fólk í heiminum. Þetta Potem-Kim skrímsli kommúnistaflokks Kína og útibús þess í Norður-Kóreu verður að hemja og stöðva. Ekkert land og fólk á svona stjórnarfar skilið

Leiðari Wall Street Journal í dag: A Made-in-China Contagion (smit framleidd í Kína)

Fyrri færsla

Evrópusambandið er orðið stærsti olíu-innflytjandi veraldar

Athugasemdir

[Gunnar Rögnvaldsson, 29.1.2020 kl. 08:02]

Brit­ish Airways hef­ur af­lýst öllu beinu flugi til og frá meg­in­landi Kína vegna kór­óna­veirunn­ar: Mbl

Hvenær skyldu draumóramenn hér heima vakna úr dauðadái hins tóma túrhesta-túkalls.

[Gunnar Rögnvaldsson, 29.1.2020 kl. 08:36]

Kauphallarstaðan eftir hádegi á mánudag, þ.e. hjá flugfélögum á meginlandi Evrópu (prósentubreyting hlutabréfavirðis innan dags). Síðan þá hefur Air Berlin fallið um 30 prósent og restin mjakast neðar. Farþegaflugiðnaðurinn sem næstum án undantekninga keyrir venjulega á bensíngufunum, rekstrarlega séð, má ekki við miklu til að truntast ekki yfir í gjaldþrot. Og við skulum ekki minnast á ferðaskrifstofuiðnaðinn sem er lélegasti bransi veraldar og krónískur gjaldþrotasjúklingur. Almennt séð er ferðamannaiðnaður versti atvinnuvegur veraldar: aðeins engisprettuplágur eru verri.

Það var fáránlegt að heyra í fjölmiðlum í gær að stærð kínverska hagkerfisins væri slík að heimurinn mætti ekki við samdrætti þar. Það er nefnilega fullkomlega rangt að Kína sé eins efnahagslega stórt og sagt er. Raunstærð kínverska hagkerfisins og nettóvirði þess er sennilega á pari við stærð Japanska hagkerfisins, sem er um það bil 6 prósent af heiminum. Ekkert er að marka kínverskar hagtölur. Ekkert. Restin er froða, enda er aldrei neitt afskrifað af rangstæðum og gjaldþrota fjárfestingum kommúnistaflokksins (helmingur allra fjárfestinga hans eru rangstæðar) út úr virðisaukaþætti (e. value-added component) þjóhagsreikninga þess (hugsa hér; bankar og virðisaukaþáttarbókhald þeirra).

Svona froðuhagkerfi hafa sést áður; Í Sovétríkjunum þegar það kom undan kommajöklinum, og svo á hruni Japans 1989, en sem komst ekki á forsíður vestrænna dagblaða fyrr en 2-3 árum eftir að það var hrunið. Japanska hagkerfið var sagt vera 16 prósent af heiminum en reyndist ekki vera nema 6 prósent þegar það kom undan japanska þvælujöklinum. Restin var uppblásin forða í bókum og þjóðhagsreikningum þess.

[Gunnar Rögnvaldsson, 29.1.2020 kl. 08:54]

Og ef að íslenskum hugbúnaðarfyrirtækjum skyldi vanta persónugervinga í nýja tölvuleiki í smíðum, þá ættu þau að horfa á viðtalið við Kínverska sendiherrann í spyrjum-ekki-neins-DDRÚV fréttatímanum í gær. Þar er kominn nýr Bunker-Ali með fá annarri plánetu til sögunnar. 

[Gunnar Rögnvaldsson, 29.1.2020 kl. 17:26]

Miðvikudagur, 29. janúar 2020 kl. 17:24:51

Lufthansa stöðvar allt flug til Kína, samstundis.

Fyrstu tilfelli kórónaveirunnar komu í ljós um miðjan desember, en ríkisstjórn kínverska kommúnistaflokksins og gúlag-stofnanir hans létu hjá líða að tilkynna Alþjóða-heilbrigðisstofnuninni um sjúkdóminn fyrr en 31. desember. Þá höfðu fimm milljónir manna yfirgefið Wuhanborgina vegna komandi hátíðarhalda. 

Tvenn smit berast nú frá Kína, daglega:

1. Banvænir sjúkdómar

2. Og banvænar stofnanir kommúnistaflokksins, sem sýkja stofnanir og samtök um allan heim, alla daga ársins áratugum saman.

Þessu þarf að sporna við.

[Gunnar Rögnvaldsson, 29.1.2020 kl. 18:13]

Þess má geta að forstjóri Alþjóða heilbrigðisstofnunarinnar, Tedros Adhanom Ghebreyesus sem er fyrrverandi heilbrigðismálaráðherra Eþíópíu, er fyrsti ekki-læknirinn sem gegnir þeirri stöðu. Hann komst í embættið fyrir meðal annars tilstilli Roberts Mugabe og Kínverska kommúnistaflokksins. Og hann hefur sætt ásökunum um að breiða yfir kólerufaraldur í  Eþíópíu.

[Sigurður Antonsson, 30.1.2020 kl. 07:36]

Sæll Gunnar

Alltaf hress. Það er stórt öfganna á milli á Hótel Jörð. stundum þarf að komast að kjarnanum, kafa dýpra, rýna í söguna.

Flokkur Svandísar vildi því miður ekki að hér væri reist heilsuhæli fyrir aðþrengda í Mosfellssveit. Erlend fjármagn var frábeðið meðan Oslóbúar reistu stóran spítala við flugvöllinn á tveimur árum. Ögmundur flokksforingi og helsti ráðgjafi stóð þversum, ógnandi fyrir því að Núpó fengi leigt þumal af landi á öræfum Möðruvalla. Hvað þá að reisa þar varflugvöll eða heilsuhæli fyrir aðþrengda gesti frá Kína. Þeir máttu varla fá að rannsaka norðurljósin sér til skemmtunar.

Ameríkanar vildu eigna sér Thule,  ævintýrastað í útnorðri, geyma þar kjarnorkuvopn inn í jökli. Lengi voru særðir hermenn frá Kóreustríði látnir dveljast með leynd í Grænlandi. Trump taldi að Grænland væri til sölu þegar þurfti að bægja Kínverjum frá.  Þegar Lenin og Stalin voru að boða og berjast við að koma á boðskap Karl Marx í Sovét voru Vesturlandabúar að byrja að hemja smitsjúkdóminn berkla. 

Það tók áratugi að vinna á berklabakteríunni. Bróðir föður míns dó aðeins 21 árs úr þessum ófögnuði, eftir fyrra stríð. Lækningamátturinn fólst meðal annars í að fylla lungum af hinu tæra fjallalofti. Drekka úr hreinum lindum í stað  kolsýruvatns af flöskum. Finna ferskan vindinn koma af jökli. Breiðamerkurlón er partur af þessari nýju ásýnd sem margir þéttbýlisbúar sækjast eftir.

Ein stærsta auðlind Íslands liggur í hreinlæti, hreinu lofti og vatni sem hér er gnótt af. Erfitt að beisla og hemja eins og villtur klár. Á meðan svo er þurfum við ekki að örvænta að erlendir vilji ekki sækja okkur heim.

[Gunnar Rögnvaldsson, 30.1.2020 kl. 13:46]

Þakka þér innlit og skrif Sigurður.

Kveðjur