Gæti Brexit sært VC10-drottningu háloftanna fram á ný?

Vickers VC10

****

Hún var allt í senn. Falleg, harðskreið, hljóðlát fyrir farþegana, glæsileg og örugg. Breska Vickers VC10 farþegaþotan var hönnuð og byggð af Vickers-Armstrongs einkafyrirtækinu, og á þessi farþegaflugvél enn hraðametið yfir Atlantshafið. Aðeins Concorde flaug harðar. Boeing 707 var enn að bagsa á flugbrautinni þegar VC10 var komin í þúsund feta hæð, legðu þær af stað samtímis. Svo stutta flugbraut þurfti hún miðað við 707. Vélin var hönnuð fyrir flugleiðir breska samveldisins, að beiðni BOAC, sem síðar varð British Airways. Hönnuð til flugtaks og lendingar á lélegum flugvöllum í miklum lofthita og mikilli hæð yfir sjávarmáli og krafðist ekki háþrýstings í hjólbörðum. Og þar sem fjórir Rolls Royce Conway hreyflar hennar sátu á stélinu, var hún afar hljóðlát og það líkaði farþegunum sérlega vel. Og nóg var plássið um borð bæði fyrir þá og flugþjónana

BOAC snérist síðan gegn VC10-afkvæmi sínu og öfugsnúnir breskir pólitíkusar tóku þetta verkfræðilega afrek Breta af lífi, með alkunnri skammsýni smákaupmannsins. Þjóðnýtingaráráttan frá stríðslokum tók smám saman stóran hluta breska flugvéla- og bílaiðnaðarins af lífi. Og eins og allir sannir þjóðaríhaldsmenn vita þá vantaði því miður vissa kafla í hana Margréti barónessu Thatcher –og lávarð hennar Tebbit– eins og nýlega látinn Sir Roger Scruton heimspekingur og þjóðaríhaldsmaður sagði í afar áhugaverðu 2017-viðtali við Peter Robinson hér. Margrét var góð, en ekki gallalaus, eins og við öll auðvitað erum fædd. VC10 var samt uppáhalds flugvélin hennar

Flugtak

Í hlutverki eldsneytisgjafa fyrir orrustuþotur Konunglega breska flughersins. Síðasta flug þessara glæsilegu flugvéla var flogið í september 2013. Þá höfðu þær þjónað breska flughernum í 51 ár. Og sem eldsneytisvélar gátu þær einnig tæmt sig yfir í hvor aðrar, þannig að til dæmis þrjár slíkar þyrftu ekki að hanga með slatta í sér í loftinu yfir Miðausturlöndum, heldur gátu tvær snúið til bækistöðva, fyllt sig og mætt fullhlaðnar af eldsneyti til leiks á ný

****

Í dag eru flughafnir með fullvissu orðnar ömurlegustu og leiðinlegustu staðir jarðar. En enn verra er þó að vera um borð í síldartunnu-strætisvögnunum sem fara næstum fetið um háloftin í dag. Það liggur við að SRT-8 bílferð mín í flughálku í dag hafi verið ánægjulegri en þær sem hefjast og enda á alþjóðlegum flugvöllum þessi árin

Hér má sjá kynningarmynd BOAC um VC10 frá 1964: hluti-1 og hluti-2

Fyrri færsla

Lóðabraskarar jósku Samfylkingar-heiðanna auglýsa

Athugasemdir

[Ómar Geirsson, 20.1.2020 kl. 17:07]

Humm, hurr!!

"Þjóðnýtingaráráttan frá stríðslokum tók smám saman stóran hluta breska flugvéla- og bílaiðnaðarins af lífi.".

Er þetta alveg sannleikanum samkvæmt Gunnar??

Kveðja að austan.

[Gunnar Rögnvaldsson, 20.1.2020 kl. 18:21]

Þakka þér Ómar.

Já það er satt að þjóðnýting og fangelsun verkamannaflokksins og helrotinna verkalýðsfélaga hans á bresku þjóðinni og Bretlandi öllu frá og með 1945, tók margar þessar greinar af lífi, og þær gátu því ekki tekið þátt í þeim kapítalisma sem sjálfir sigurvegararnir yfir sósíalisma Hitlers og kommúnisma Stalíns (þ.e. Bretland og Bandaríkin) komu á sem skipan heimsmála, og sem reisti heiminn úr rústum tveggja viðbjóða.

Þetta helvíti sósíalismans tröllreið Bretlandi þar til að Margrét kom og sópaði þessari viðurstyggð burt. Breskir fengu nefnilega þá slæmu hugmynd að fella ekki niður þann áætlanabúskap sem breskt atvinnulíf var sett undir til þess að sigra mætti Hitler, þegar styrjöldinni lauk. Honum var því haldið áfram, því þar sáu vinstrimenn sér leik á borði og héldu því fram að slíkur búskapur hefði sannað sig sem verandi æðri frjálsum markaði. Þetta var það veganesti sem þeir notuðu til að bora Bretland út að innan með, í nafni þvælu.

Winston tapaði kosningunum 1945 vegna þess að hann átti sér veika hlið og hún var sú að hann gat ekki talað nógu vel til almennings fyrir efnahagsmálum, markaðsfrelsi og einkaframtaki. Hin veika hlið Margrétar varð hins vegar sú að hún gat ekki talað núgu vel fyrir því sem Winston var bestur í; þ.e. þjóðarheimilið.

Sir Roger Scruton heimspekingur og þjóðaríhaldsmaður notar einmitt hugtakið "fangelsun" í afar áhugaverðu 2017-viðtali við Peter Robinson sem ég benti á í pistlunum hér fyrir ofan. Það má sjá hér. 

Hér getur þú leitað þér byrjunar-aðstoðar við efasemdum þínum Ómar; fyrrum þjóðnýtt bresk fyrirtæki

Á meðan rústa-Þjóðverjar rúlluðu nýjum Mercedes út yfir heimsbyggðina frá nýjum færiböndum kapítalismans sem Bandaríkin sköffuðu þeim, þá mátti breskur almenningur horfa upp á hel-verkalýðsfélög og hel-verkamannaflokkinn leggja sambærilegan iðnað í rúst í Bretlandi; í nafni hel-sósíalisma vinstrisins. Það varð bresku þjóðinni mikið áfall og sem hún varla hefur jafnað sig á enn. Minnimáttarkennd hefur þjakað hana síðan þá, og henni lauk ekki fyrr en með Brexit 2016.

Kveðjur

[Gunnar Rögnvaldsson, 20.1.2020 kl. 18:35]

Og ég minni á að Bretar voru eina þjóðin sem barðist frá fyrsta degi til síðasta dags Síðari heimstyrjaldarinnar. Og að Bretar framleiddu meiri hergögn en allt öxulveldi Þjóðverja og Ítala framleiddi á því landsvæði sem svarar til alls Evrópusambandsins í dag.

Það var enginn sem lagði sig eins hart fram og Breska þjóðin í þeirri styrjöld, og engin þjóð barðist eins snilldarlega með það fyrir augum að mannslátrunarmistök Fyrri heimsstyrjaldarinnar skyldu ekki endurtekin. Barist var af meiri snilldar-strategíu og þolinmæði en nokkru sinni áður. Allur breski iðnaðurinn var kalíbreraður með þetta fyrir augum; öll framleiðslan. Það tókst hins vegar ekki að leggja það plan niður að sigri loknum. Planið át síðan þjóðina út á gaddinn undir forystu hel-verkamannaflokks vesalinga.

[Gunnar Rögnvaldsson, 20.1.2020 kl. 18:51]

Við Íslendingar fengum smjörþefinn af svona vinstrimanna-strategíu hinnar ávallt undirliggjandi leyndu dagskrár sósíalista:

1) Í Bretlandi sögðu vinstrimenn 1945; "hér varð stríð".

2) Á Íslandi sögðu vinstrimenn 2008; "hér varð hrun" - hendum öllu fyrir borð, fullveldinu líka. Og ofan í það kemur hin nýgræna en ávallt rauða mygla þeirra líka; umhverfissósíalisminn.

[Guðjón E. Hreinberg, 20.1.2020 kl. 19:52]

Ha var Sir Roger Scruton að deyja? Ég er miður mín að heyra það, og að það fór framhjá mér.

Varðandi Margréti Thatcher, þó hún gengi ekki á vatni, þá er hún (að mínu mati) eini stjórnmálaleiðtoginn síðan 1945 sem áttaði sig á mannvonsku og þjóðarvonsku sósíalismanns og bæði sannaði það og tókst að hægja á honum all verulega.

Takk fyrir áhugaverða grein.

Guðsblessun.

[Gunnar Rögnvaldsson, 20.1.2020 kl. 20:25]

Þakka þér kærlega fyrir innlitið Guðjón.

Já Sir Scruton lést því miður í síðustu viku. Ferlegur missir fyrir okkur þar.

Jáh!! Þetta er svo sannarlega rétt hjá þér varðandi hana Margréti. 

Kveðjur

[Ómar Geirsson, 20.1.2020 kl. 22:05]

Takk fyrir svar þitt Gunnar.

Mig minnti að einkaframtakið hefði gefist upp í samkeppninni við öflugri fyrirtæki í Bandaríkjunum, það er í flugvélabransanum, og þjóðnýtingin hafi verið neyðarúrræði til að halda slíkum iðnaði gangandi.

Sem og að bresku bílasmiðjurnar lutu í gras í samkeppninni við þær japönsku.

Það er að þjóðnýtingin hafi komið á eftir, ekki á undan.

Og hreint út sagt þá var breskum iðnfyrirtækjum ákaflega illa stjórnað eftir stríð og ef olían og Bítlarnir hefðu ekki komið til, þá hefði Bretar náð austurevrópskum standard í framleiðslu og lífskjörum.

En tek undir orð þín um Breta í seinna stríði, og þér að segja þá er Winston í miklu uppáhaldi hjá mér.

Kveðja að austan.

[Gunnar Rögnvaldsson, 20.1.2020 kl. 22:46]

Nei Ómar.

Fyrirtæki undir sósíalistísku stjórnarfari deyja yfirleitt úr sósíalistísku stjórnarfari. Þau hætta að bera sig, þau hætta að geta keppt, áhættutaka borgar sig ekki og nýjungar flýja land, eins og Bítlarnir gerðu auðvitað líka er þjóðnýta átti þá líka með næstum 100 prósent sköttum.

En þegar Margrét kom þá breyttist staða og samkeppnisaðstaða þeirra samstundis, og hel-Verkamannaflokknum og hel-verkalýðshryllingi hans var komið fyrir sem þar sem hann átti heima; þ.e. sem varanlegu krabbameini í "Skuggaráðuneyti sníkjudýra"*

(* höfundarréttur Sir Roger Scruton)

PS: Á Íslandi eru það Vinstri myglugrænir, Samfyllingin og Pírómanatar sem mynda Skuggaráðuneyti sníkjudýra -> og nýr helvítisflokkur hins vinstra-hels er meira að segja að bætast þar við sem sjálfur byltingarvörðurinn í Skuggaráðuneyti sníkjudýra

Það var hreint kraftaverk að Vickers tókst að hnoða VC10 saman með Rolls Royce Conway hreyflunum, því samkvæmt stríðsplaninu sem hel-Verkamannaflokkurinn hélt landinu föstu við, áttu allar flugvélar að vera stuttdrægar orrustuþotur um alla framtíð.

[Gunnar Rögnvaldsson, 20.1.2020 kl. 22:56]

Athugið að enskir skrifa velska nafnið á Conwy ánni í Wales sem Conway. Rolls skýrði hreyfla sína eftir ám í Bretlandi.