Enginn talar um ESB í Stóra-Bretlandi lengur

Mynd WSJ DS 2019; Þáttur hráolíu við framleiðslu á landsframleiðslu Bandaríkjanna. VLF (GDP) => fyrirtæki landsins framleiða landsframleiðsluna og neytendur neyta hennar og þess sem ekki er neytt innanlands er flutt út (12 prósent í tilfelli Bandaríkjanna og helmingur þess fer til Kanada og Mexíkó) eða sparað upp. Hér má sjá hráolíuútflutning Bandaríkjanna frá 1920. Bandaríkin eru orðin stærsti olíuframleiðandi veraldar og eru um þessar mundir að verða nettóútflytjandi af hráolíu

****

Taflan er þurrkuð hrein í Bretlandi. Það eina sem stendur á henni eftir kosningasigur Borisar Johnsons í desember, er breski Íhaldsflokkurinn næstu 10 árin, og endalok 45 ára innri sundrungar og hnignunar í landinu á niðurlægingartímabili Bretlands í Evrópusambandinu í 45 ár. Niðurlægingartímabil þar sem landið var tætt í sundur að innan, misskipting varð landlæg, hroki ESB-elíta varð höfuðborgarplága og lífið gert súrt fyrir hinn almenna borgara, og landsbyggðin lögð í rúst

Enginn þingmaður stjórnarandstöðunnar í Bretlandi né neinn annar talar um og fyrir ESB-aðild og enn síður um EES lengur. Enginn. Allir vita að slíkt er dauðadómur fyrir þá sjálfa og flokk þeirra

Á þessu ári mun Stóra-Bretland gera samninga um stóraukin viðskipti og samvinnu við fyrrum nýlendur þess í Bandaríkjum Norður Ameríku og í Samveldislöndunum. Sem eitt af helstu innflutningslöndum veraldar ásamt Bandaríkjunum, mun þessi samvinna kreista safann úr þeim löndum heimsins sem hve mest eru háð útflutningi; Þýskaland er þar númer eitt ásamt Kína, ýmsum Asíulöndum og Rússlandi. Þessi lönd verða kreist eins og sítróna. Við kaupum ekkert af ykkur nema að því tilskyldu að þið, en ekki við, gerið svona og svona. Þýskaland sækir helming landsframleiðslu þess hjá neytendum erlendis, því það sjálft er svo gott sem búið að vera að innan. Það getur ekki búið til eftirspurn í sínu eigin hagkerfi lengur

Evrópusambandið er þegar fallið svipað og OPEC hefur misst öll völd. Þær fimm prósent verðhækkanir á hráolíu sem urðu í kjölfar atburða síðustu daga í Miðausturlöndum, hafa ekki komið fram á bensínstöðvum í Bandaríkjunum. Þar kostar enn nánast ekkert, miðað við sovétríkið hér heima og ESB-líkhúsin í Evrópu, að fylla tankinn og skoða sig um á Vesturhveli jaðrar, eða bara að fara í vinnuna. Það er aðeins í sovéskum hagkerfum Evrópu að heiladauður Stalín stendur við dæluna og skammtar áhrifalausum peðum sínum hina þekktu rauðu lífshamingju í skattagúlaginu, þar sem ekkert fæst fyrir þá peninga sem hann trylltur tætir úr launaumslagi peðanna

Five-Eyes enskumælandi viðskiptasamband Bretlands, Bandaríkjanna, Kanada, Ástralíu og Nýja Sjálands verður tvöfalt stærra en Evrópusambandið, eða tæplega 30 billjón dalir, og þar verður ekki eitt hár á fullveldi og sjálfstæði landanna skert í nafni viðskipta og hagsældar. Þvert á móti - og engum nema ESB-heilabiluðum manni myndi detta slíkt viðskiptasamband í hug

Fyrri færsla

Krakka-krakkfréttir DDRÚV um stöðu heimsmála

Athugasemdir

[Gunnar Rögnvaldsson, 7.1.2020 kl. 22:44]

Olíuverðshækkunin sem varð á fimmtudag og föstudag vegna   landhreinsunar Bandaríkjahers í Írak, er nú að mestu gengin til baka. NYMEX hráolían er á 2,7 prósent hærra verði við lokun markaða í dag, en hún var við áramótin,  og Brent er á 3,4 prósent hærra verði.

Olíumarkaðirnir virðast hættir að eltast við geopólitískar stór-sveiflur, eins og þeir gerðu þegar Miðausturlönd voru þungamiðja orkuþarfar Bandaríkjanna. Þau eru því ekki miðja neins sérstaklega mikilvægs lengur, nema náttúrlega aukinna hörmunga fyrir Evrópu.

Japan hefur sent herskip til Persafóla til að gæta olíuskipaferða á þess vegum þar.

Kína verður hins vegar að treysta á Bandaríkin í þeim efnum því það þorir ekki að láta sjá sig í þessum heimshluta vegna brjálæðislegrar meðferðar þess á múslímum í kínverska gúlagkerfinu, og svo vegna þess að hagvaxtarskeiði Kína lokið fyrir fullt og allt og kínverska kommúnistastjórnin mun því frá og með nú einbeita sér að því sem hún gerir allra best; að kúga sitt eigið fólk og berja niður allt sem ógnað getur alræði kommúnistaflokksins.

Frá og með nú munu Bandaríkin og Bretland kaupa þá málma sem ekki liggja á lausu heima fyrir, frá Ástralíu. Ástralía er að gefast upp á viðskiptunum við Kína og þarf á auknum stofuhita og flota-löggun að halda frá bæði Bretlandi og Bandaríkjunum.

[Gunnar Rögnvaldsson, 7.1.2020 kl. 23:24]

Fréttir herma að Bandaríkin hafi þegar sent flugflota af B52-Stratofortressum til Digeo Garcia; sennilega ekki klerkaveldi Írans beint til halds og trausts. Frá DG er hægt að fljúga beint upp Arabíuhaf og beint inn yfir þið vitið hvað. Ekkert múslímaríki þarf þá að gera þá flugferð mögulega, því Bandaríkin eru með DG á leigu hjá Bretlandi.

Tyrkland var rétt í þessu að vígja nýjar aðalstöðvar fyrir leyniþjónustur landsins. Við það tækifæri staðfesti Erdogan forseti að þær myndu stórauka umsvif sín utan landamæra Tyrklands.

Stigmögnun er í gangi í Líbýu. Erdogan forseti Tyrklands er að senda þrjú þúsund manna herlið þangað til að styðja við GNA-stjórnina þar, í beinum skiptum fyrir aðgang að olíuauðlindum landsins. Á sama tíma ræddust utanríkisráðherrar Tyrklands og Alsír við um... já hvað annað en Líbýu, í Alsír.