Hlægilegar áramótatölur

 

Það hellist í bakkafullan lækinn þegar að fyrirmenni dulbúin sem kóngafólk flytur áramótaræður sem ríkisstjórn þess hefur skrifað, og síðan þegar að táknmáls-forseti eins og okkar flytur áramótaræðu sem hann ræður litlu um sjálfur

Síðan koma miðilsfundir fjölmiðla og dásama eða lasta þessa smekksdómara, sem reyndar eru mállausar strengjabrúður. Allir vita að ef kóngafólkið segir ekki það sem því er fyrirskipað að segja, þá er fjandinn laus fyrir það sjálft og lokað verður fyrir peningana

Og ef að forseti okkar minnist ekki á annað hvort "umhverfismál" (bankaþvæla nútímans) eða opnun hinna eða þessara (hryllings) "slóða" sem rugl tímans á að sjá um að opna, já þá er hann úti í kuldanum og kominn í djúpa frostið sem þá er skyndilega nóg til af. Svipað gildir um flesta svo kallaða "vísindamenn" og opinberar stofnanir. 

Hér á minni bloggsíðu fer ekkert slíkt fram

Ég þakka lesendum fyrir árið sem leið og óska ykkur öllum gleðilegs nýs árs

Fyrri færsla

Trump skorar hæst í Þýskalandi

Athugasemdir

[Borgþór Jónsson, 1.1.2020 kl. 16:15]

Gleðilegt ár Gunnar.
Þú byrjar nýja árið vel.
Ég tek undir það sem þú ert að segja.

[Símon Pétur frá Hákoti (IP-tala skráð) 1.1.2020 kl. 16:27]

Óska þér Gunnar

og fjölskyldu þinni gleðilegs og farsæls nýs árs, 

Bestu þakkir fyrir þína góðu og þörfu pistla.

[Gunnar Rögnvaldsson, 1.1.2020 kl. 18:04]

Þakka ykkur fyrir Borgþór og Símon Pétur.

Gleðilegt nýtt ár.

[Húsari. (IP-tala skráð) 1.1.2020 kl. 20:54]

Sæll Gunnar.

Varla hefur nokkur maður skrifað
jafn greinagóðan texta þar sem
jafn veigamikil atriði hafa verið
greind í tætlur og eftir stendur beyskur
sannleikurinn hvernig í pottinn er búið;
keisarinn nakinn með öllu.

Gleðilegt ár, Gunnar, og bestu þökk fyrir
skrif þín á liðnu ári; þor og kjark til
að bera sannleikanum vitni; jafnvel
vefðist það fyrir konungi fuglanna að
draga slíkan arnsúg í flugnum.

[Gunnar Rögnvaldsson, 1.1.2020 kl. 21:28]

Þakka þér Húsari fyrir væn orð þín, heimsóknir og skrif.

Gleðilegt nýtt ár.

[Símon Pétur frá Hákoti (IP-tala skráð) 1.1.2020 kl. 21:34]

Það er athyglisvert að orðfæri almannatengilsins Friðjóns KOM Friðjónssonar skín eins í gegn hjá Bjarna og Guðna, en það hlálega er að heyra Katrínu jarma eins.  Skyldu þau ekki hafa neina "sómakennd"?  Þau ESB sinnarnir, sem jörmuðu reyndar öll eins í Icesave 1, Icesave 2 og Icesave 3.  

[Húsari. (IP-tala skráð) 1.1.2020 kl. 23:54]

Sæll Gunnar.

Það vill svo til
að ég skrifaði inná blog nokkurt
þessar fáeinar línur rétt fyrir hádegi
í dag, Nýársdag.

Það virðist hafa fallið í grýttan farveg
en er í samhljómi við pistil þinn hér
sem þú skrifaðir síðar í dag!

---

Ég velti því fyrir mér hvort þeir

kristnu er hingað kynnu

að koma rækju ekki upp stór augu

þegar þeir kæmust að þeirri staðreynd að

helstu búksorgir og aðalefni predikunar

á aðfangadag jóla af hálfu biskups fjallaði um

loftslagsmál og keyrði síðan um þvert bak

er kom að útvarpsmessu frá kirkju sem kennd

er við sr. Hallgrím Pétursson, sálmaskáldið,

þar sem öll predikun frá upphafi til enda

fjallaði um loftslagsmál og Grétu Túnberg

og undrun yfir því að menn skyldu ekki

hundast til að taka þeirri predikun.

Eitthvað virðist hafa skolast til frá því 

prestsefnum var uppálagt að boða yðran og

afturhvarf fyrir trú á Jesúm Krist upprisinn.

Skyldi það vera þannig þegar allt kemur til alls

að samningur milli ríkis og kirkju hljóði uppá

að hún skuli taka upp hvert eitt vingl sem

sannleikurinn hrasar um á strætum og

hún því réttnefnd ríkiskirkja í þessum skilningi?

Mónótóniskt bergmálið flestra ríkisstofnana,

sbr.RÚV, gefur tilefni til að spyrja hvort þannig

sé í pottinn búið.

[Gunnar Rögnvaldsson, 2.1.2020 kl. 02:44]

Þakka þér Húsari.

Já þar er það nú það. Það sem sameinar kirkju okkar Mótmælenda núna og Kaþólsku kirkjuna annars vegar, er að vegna pólitísks rétttrúnaðar á báðum stöðum sitja vanhæfar persónur í stöðum æðstu presta. Biskup okkar er aðeins biskup vegna þess að hún er kona. Páfinn er páfi vegna þess að hann kemur frá landi sem aldrei hefur átt páfa. Að þessu leytinu er staðan svipuð í tvennum af þrennum kirkjudeildum kristni. En þannig spilar til dæmis Rétttrúnaðarkirkjan hins vegar ekki.

Agnes er Biskup Íslands vegna þess að hún er kona. Og árangurinn er eftir því. Francis Páfi er páfi vegna þess að hann kemur frá Suður-Ameríku, sem hefur stimpilinn "saklaus" í hinum pólitíska bensíntanki sósíalisma Vesturlanda þessi árin. Og árangurinn er eftir því.

Bæði kjörnir stjórnmálamenn og prestar kirkjunnar hafa á tímum brugðist söfnuðum sínum. Stjórnmálamenn hafa þó brugðist þjóðum sínum mun oftar ern prestar hafa brugðist söfnuðum sínum.

Vér Mótmælendur mótmælum því enn.

Það má fyrir alla munu ekki skilja eina vitið frá ríkinu sem haldið getur því á floti. Því fari það, þá byrja bókabrennurnar fyrir alvöru.

Við á Vesturlöndum þurfum ekki að vera fullkomin. Nóg er að við höldum áfram að vera betri en restin af veröldinni. Ákall um fullkomnun leiðir okkur alltaf inn í helvíti sósíalismans.

Kveðja

[Gunnar Rögnvaldsson, 2.1.2020 kl. 03:06]

Þakka þér Símon Pétur

Já þarna sannast að pólitískt vændi borgar sig ekki. Þú sérð árangurinn í fylgisleysinu. Bjarni Ben var og verður aldrei hæfur sem flokksleiðtogi; sbr. biskup og páfi hér að ofan.

Kveðja

[Óskar Kristinsson, 2.1.2020 kl. 11:40]

Blessaður Gunnar og GLEÐILEGT NÝTT ÁR!!!

Takk fyrir alla þína góðu pistla og framlag þitt til þjóðmálanna.

Það er ómetanlegt að eiga menn eins og þig, sem þora að standa á meiningu sinni og hafa efni á því.

Kv af Suðurlandi.

[Gunnar Rögnvaldsson, 2.1.2020 kl. 13:15]

Þakka þér góðar kveðjur, innlitin þín og skrif Óskar.

Gleðilegt nýtt ár.

[Símon Pétur frá Hákoti (IP-tala skráð) 2.1.2020 kl. 13:49]

Og af hverju er biskupinn orðinn "grænn"?

Nægir henni ekki að boða orð

Drottins vors og Jesú Krists?

Telur hún sig æðri, sem boðberi hinna "grænu"?

Boðbera heimsku búrakrata Bjarna, Kötu og Guðna

samkvæmt forskrift almannatengils sæstrengs

Atlantic Super Connection

og orkupakka ESB?

Er biskupinn idjót, eða nytsamur sakleysingi 

tossabandalags manna sem telja sig Guði meiri?

[Gunnar Rögnvaldsson, 2.1.2020 kl. 14:47]

Nei nei, Símon Pétur minn. Hún er bara ekki á réttum stað eins og er. Kannski jafnvle á röngum stað.

Ég hef nú samt talað fyrir henni, því hún er þrátt fyrir allt Biskupinn yfir Íslandi. Það verður maður að virða, því ég held mikið upp á Íslensku þjóðkirkjuna sem einn af ómissandi hornsteinum Lýðveldisins. Hún er okkar kirkja og engra annarra. Og Agnes getur alltaf batnað og orðið betri. Sagt er að enginn verði óbarinn biskup. Sýnum henni þolinmæði. Hún hlýtur að rata heim.

En vegir Marx-Lennonisma eru hins vegar rannsakaðir, skv. "consensus" vísinda-fjölmiðlamanna, Símon Pétur.

Það segja fjölmiðlar og þeir vita auðvitað allt sbr. hrun Sovétríkjanna sem þeir sáu alls ekki koma og enn síður hrun ESB.

Kannski að Biskupinn sé að hálfu genginn í þá trú og þori ekki öðru; þ.e. í Marx-Lennon-kirkjuna, því þar er allt svo auðvelt - og fullkomið: 

Imagine there is no heaven... It is easy if you try... No hell below us... Above us, only sky... Imagine all the people living for today... Imagine there is no countries... It is not hard to do... Nothing to kill or die for... And no religion too... Imagine all the people living life in peace í tvær mínútur...

Þetta er ein stór geðbilun náttúrlega! Klikk-klikk-klan-útópía moldríkra sósíalista.

Vissir þú að Bernie Sanders er milljónamæringur í bandaríkjadölum og á þrjú hús? Nei það vissir þú ekki. 

Hvað skyldi Lenín-Lennon heitinn hafa átt mikið, og svo þetta sósíalíska fyrirbæri sem hann kvæntist. Sjálfur Karl heitinn kom aldrei inn á verksmiðjugólf. Og Kant andlegur forfaðir ESB yfirgaf víst aldrei þorpið sitt.

Já góðan daginn: "Ég ætla að lifa á því að vera á móti öllu því sem gaf mér gott líf" - og skeina mig á þjóðfánanum, eins og Madonna frá Michigan. Eru þetta fyrirmyndir? Nei auðvitað ekki.

Þetta eru erfiðir tímar - og hættulegir. Válegir tímar, þar sem ljóð Yeats kemur næstum sjálfkrafa upp í hugann:

Turning and turning in the widening gyre

The falcon cannot hear the falconer;

Things fall apart; the centre cannot hold;

Mere anarchy is loosed upon the world,

The blood-dimmed tide is loosed, and everywhere

The ceremony of innocence is drowned;

The best lack all conviction, while the worst

Are full of passionate intensity.

 

[Símon Pétur frá Hákoti (IP-tala skráð) 2.1.2020 kl. 15:57]

Skv. Sjórnarskrá höfum við þjóðkirkju.

Og þannig viljum við hafa það Gunnar.

En ekki þann biskup sem tengir sig við

"bankaþvælu nútímans."

Verum staðfastir í trúnni og virðum 

okkar þjóðlegu íhaldssemi, höldum sið og lög.

[Húsari. (IP-tala skráð) 2.1.2020 kl. 21:07]

Sæll Gunnar.

Langur aðdragandi er að því
sem nú er orðið að kirkjan
rétt narar sem skernári
og gálgnári hennar er óskiljanlegur
flestum að því er virðist.

Ekkert virðist eftir nema það eitt að trilla
henni sem dauðvona manni út í sumarsólina
og planta útvarpi til hliðar henni svo útförin geti
farið fram í snatri og tjöldin svo dregin
hægt og virðulega fyrir.

Ógæfa kirkjunnar liggur í því að
hún gerir grillur og vingl að leiðarsteini sínum
í stað þess að fylgja því taktfasta virðulega tempói
sem allar breytingar verða að ganga í gegnum í stað þess
að stökkva á einn vagninn eftir annan til vinsælda,
sem reynst hafa hver öðrum vitlausari.

Hún hefur markað sér mottó Snæfríðar Íslandssól:
Frekar þann versta en þann næstbesta.

Eigi má sköpum renna og ég fæ ekki séð
að kirkjan fái rönd við reist á þessari tíð.

Kirkja Jesú Krist stendur hins vegar um tíma og eilífð
og því fær ekkert breytt.