Af hverju vill forysta Sjálfstæðisflokksins aðskilja íslensku þjóðina frá ríki hennar?

VARÚÐ

Sá æskilegi aðskilnaður ríkis og kirkju sem Gamla testamentið boðaði með því að segja að það væru lög mannanna en ekki lög Guðs sem réðu landinu í Ísraelsríki hinu forna, hefur þegar farið fram. Íslenska þjóðkirkjan er ekki með löggjafarvald á Alþingi. En það virðist hins vegar enn vera spurning hvort að Heiðnikirkjuveldið sé með löggjafarvaldið þar ennþá. Það sýnist mér á til dæmis (1) forsætis,- og (2) dómsmálaráðherrunum sem boða bæði (1) fósturdráp fram að fæðingu, þ.e. útburð Íslendinga (og innburð útlendinga) og svo (2), aðskilnað ríkis og þjóðar eins og var í Sovétríkjunum

Íslenska þjóðkirkjan á að vera lögfastur leið- og lögsöguhluti þjóðstjórnarinnar og á fjárlögum íslensku þjóðarinnar, því annars kemur Sovét-Kremlið og étur þjóðina. Þetta verður að vera þannig, því annars fer illa fyrir þjóðríki Íslendinga. Afar illa

"It yet remains a problem to be solved in human affairs, whether any free government can be permanent, where the public worship of God, and the support of religion, constitute no part of the policy or duty of the state in any assignable shape."

– Joseph Story (1779–1845) hæstaréttardómari Bandaríkja Norður-Ameríku

"HLUTLAUST" RÍKISVALD GETUR EKKI HALDIÐ ÞJÓÐ SAMAN

Engin ríkisstjórn, ríkisvald eða ríkisstofnun neins staðar, hefur algera lögsögu yfir þjóð sinni. Fullt af ríkisborgurum íslensku þjóðarinnar –og allra annarra þjóða líka– eru búsettir á lögsögu erlends ríkis sem ræður yfir þeim; sem ræður hvað þeir mega, og mega ekki gera og segja í því ríki. Þannig er það einnig með þá útlendinga sem eru hér á landi. Það á að minnsta kosti að vera þannig. Þeir eru á lögsögu þjóðríkis okkar Íslendinga og verða að haga sér í samræmi við það, og fylgja og taka upp siði okkar, reglur og þar með trú, ef þeir ætla að vera hér til frambúðar, eða hljóta verra af. Sé þetta ekki gert þá hættir þjóðríki Íslendinga –og allra annarra þjóða líka– að vera til, og í stað þess munu erlend ríki eða alþjóðlegt sovétríki ráða yfir öllum Íslendingum hvar sem þeir finnast, og öllum öðrum þjóðum jarðar líka. Þannig að hin dauðfædda og gerræðislega hugmynd um að stofnanir, og til dæmis einnig trúarstofnanir óskyldra þjóða, séu jafn réttháar og okkar eigin kristna Þjóðkirkja er í okkar eigin landi, er jafngildi þess að segja; gjörið svo vel og traðkið þjóðríki Íslendinga í hel, brennið Íslendingasögur, Biblíu hennar og tungu á báli og að öllu því verði þannig –með tíð og tíma– alfarið stjórnað frá til dæmis Mekka, Róm, Kreml, Peking, IMF eða því sem enn verra er; Sameinuðu þjóðunum, sem orðið er fáránlegt nafn á nú-þegar rotinni stofnun í byggingu sem hýsir sem betur fer algerlega ósameinaðar þjóðir, og sem vonandi verða ósameinaðar um aldur og æfi, því annars brýst helvíti á jörðu út

Það sem ég er að segja er þetta: ríkisvald eitt og sér (e. secular state) býr ekki til þjóð. Og það getur heldur ekki viðhaldið þjóð né haldið henni saman, nema með ofríki og að lokum ofbeldi og þá hættir ríki þjóðarinnar að búa við takmarkað ríkisvald. Það hefur þá breyst í ofríkið. Þess vegna koma flestir Íslendingar aftur heim, eða í það minnsta langar mjög oft til að koma aftur heim. En þeir koma ekki aftur heim bara vegna þess að hér sé hver sem er annar jafn rétthár og Íslendingur í einhverskonar hlutlausu útópíuríki líberalismans. Nei þeir koma heim af því að þeir eru Íslendingar og geta aðeins verið Íslendingar hér heima í sínu eigin ríki. Og þannig er það með flestar aðrar þjóðir líka, nema þær þjóðir sem hata sovétríkið þarna heima, og yfirgefa það því fyrir fullt og allt og snúa aldrei til baka, nema að það falli. Það er aðeins í þjóðríki þess þjóðfrelsis Biblíunnar sem hún boðaði og gaf okkur, að hægt er að búa við takmarkað ríkisvald. Þetta er gjöf Biblíunnar til mannkynsins, sérstaklega til Vesturlanda. Annars er það bara ofríkið og hið ótakmarkaða ríkisvald sem bíður fólksins. Þess vegna má ekki taka Þjóðkirkjuna úr sambandi við þá sjóði, þjóðstjórn og ríki þjóðarinnar sem hún skaffaði henni. Hún verður að fá að vera meðstjórnandi og meðábyrg áfram, því annars fer ríkið útaf eins og í sovét. Þannig virka því miður stjórnmálamenn. Þeir aka útaf, svíkja þjóðir sínar og framleiða misheppnuð ríki eins og við sáum til dæmis á 20. öld. Þeim er ekki treystandi einum. Aldrei!

HAFA ÞEIR STIMPLAÐ SIG ÚT?

Klessuverk líberalismans um aðskilnað ríkis og kirkju sem virðist hafa fyllt Valhöll svo upp af plebbum að upp úr skorsteini hennar flæðir lítið annað en argasta þvaður útópískra lýðskrumara af verstu sort; er og verður aldrei neitt annað er klessuverkið um aðskilnað þjóðar og ríkis. Þið hafið siðrofið ykkur úr þjóðinni, eins og Agnes bendir réttilega á (ég hvet þig Agnes; meira af þessu!). Forysta Sjálfstæðisflokksins er gengin úr þjóðinni og sá aðskilnaður sést einkar vel á hjákátlega taparalegu fylgi meginlands hennar, sem ekki er lengur til húsa í húsi Íslensku þjóðarinnar, nema til málamynda: þ.e.a.s. ekki lengur til húsa í Bilbílunni, Íslendingasögunum, tungunni og Snorra; sem hafði séð Gamla testamentið og vissi því vel að enginn mátti vera konungur nema yfir sinni eigin þjóð. Enginn konungur mátti vera konungur yfir öðrum þjóðum; það er algerlega bannað! Þess vegna heitir Gamla testamentið Gamla testamentið, því það er gamalt og þrefalt eldra en Snorri, sem þess vegna naut góðs af því. Auðvitað gerði hann það, því það sem er gamalt er oftast gott. Sovétríkið varð því ekki gamalt og náði það því aðeins þeim míkróskópíska og hlægilega aldri að byrja og enda sem ný þvæla. Það sama gildir um ESB. Og líka um aðskilnað ríkis, kirkju og þjóðar

Labbakútar líberalismans sem dýrka hið nakta borgaralega "hlutlausa" ríki, eru að verða aleinir eftir á nöktu torgi heimsku sinnar. Þeir eru komnir út úr þjóðinni sem vill ekki lengur meðtaka hinn ýtrasta hugmyndafræðilega þvætting þeirra um íslensku þjóðina og þjóðríki hennar. Þeir eru því næstum búnir að vera og eru að steingerast núna. Þeir hafa nefnilega búið til vígvöllinn sem verður til þegar herinn er aðskilinn frá ríkinu, fjármálaeftirlitið frá seðlabankanum og seðlabankinn frá þjóðinni og þjóðkirkjan frá ríki þjóðarinnar. Trúverðugleiki þeirra er tölva, sem enginn í íslensku þjóðinni á neitt sameiginlegt með

Ég hef aldrei á ævi minni séð aðra eins tapara og hafast við í Valhöll núna. Sannarlega sé ég þar eina fremstu plebba þjóðarinnar, uppgjafarsett naívista og dagdrykkjumenn ólaga og upplausnar. Næsta skrefið er nýja sovétríkið þeirra við Austurvöll, sem verður nákvæmlega eins og það síðasta; þar sem heil rússnesk þjóð var aðskilin frá ríkinu - sem murkaði síðan úr henni lífið. Þið eru ekki með öllum mjalla, það get ég sagt ykkur

ÞJÓÐIN

Íslenska þjóðin er Biblían, hin Íslenska þjóðkirkja, Íslendingasögurnar og tungan. Þið hins vegar eruð næstum ekki neitt, eða um það bil vesæl 20 prósent og greinilega á leið í ruslið, því þið hafið skilið ykkur frá íslensku þjóðinni með því að vera hálfsovéskir ríkisplebbar. Engin þjóð sem er ekki-þjóð með ekki-þjóð-stjórn, mun halda áfram að vera þjóð, því hún getur ekki viðhaldið sér og þjóðríki sínu með ekki-þjóðstjórn á sínum eigin þjóð-málum á Þingvöllum, og með útibú í klessuverki líberalista við Austurvöll

Vigdís forseti er ekki að berjast fyrir húsi erlendrar tungu. Nei, hún er að berjast fyrir húsi íslenskrar tungu, til þess að þjóðríki okkar megi áfram vera þjóðríki Íslendinga. Hún er ekki að aðskilja. Hún er ekki að taka þjóðríki okkar í sundur. Hún er að reyna að halda því saman, eins og ávallt er fyrsta boðorð fjárhirða: að halda hjörðinni saman. Valhöll vantar lífsnauðsynlega trésmiði, fiskimenn en umfram allt fjárhirða, því Abraham, Jakob, Moses og Davíð voru sauðfjárbændur sem umfram allt kunnu að halda hjörðinni saman. Hvar er fé ykkar, þið þarna í Valhöll. Eruð þið nokkuð búin að slátra því öllu, og kannski éta það allt og byrjaðir að gefa úr víxla! Ég mun að minnsta kosti ekki kjósa ykkur aftur næst ef þið tæmið ekki hinn Alþjóðlega postulínshlandkopp sem er þarna uppi á sjálfu stofuborði ykkar núna. Takið hann vinsamlegast niður, tæmið hann og setjið feitan og bitastæðan hrút í askana og berið á borð þjóðarinnar

Hið fimmta og misheppnaða útópíska líberalistaríki Frakka, á sinni fimmtándu misheppnuðu stjórnarskrá í Frakklandi, er ekki að berja niður oksítanska tungu út af engu. Það ríki Frakka hefur neyðst til að viðurkenna að án einnar tungu verður Frakkland ekki eitt ríki lengur, heldur mörg ríki. Þó svo að þeir fengju neistann að þeirri misheppnuðu hugmynd 1789, þ.e. að skilja kirkjuna frá franska ríkinu og kveikja svo með ríkiseldspýtum í Notre Dame, vegna innbyggðs ríkiskæruleysis, þá hafa þeir neyðst til að taka upp baráttuna gegn íslam sem er að eyðileggja franska ríkið að innan, er þeir fyrir útópískan misskilning skildu kristnu kirkjuna að frá frönsku þjóðinni með þvættingnum um aðskilnað ríkis og kirkju. Með því að gera sinn eigin Guð svona lítinn, gáfu þeir eftir pláss til Mekka, sem nú ræður ríki í stórum hlutum Frakklands. Þegar maður gerir sinn eigin Guð svona lítinn þá stækkar guð annarra og nær völdum. Þetta verða menn að horfast í augu við. Annars eru þeir bara vesælir kjánar

EKKI BÚIÐ ENN

Sem betur fer er enginn texti í bandarísku stjórnarskránni sem tók tilliti til þvaðurs Jeffersons um "vegg á milli ríkis og kirkju", því hann var staddur erlendis í byltingarbrennandi Frakklandi, er íhaldsmennirnir George Washington, Alexander Hamilton og James Madison lögðu síðustu hönd á bandarísku stjórnarskránna, og létu málefni bandarísku þjóðkirkjunnar í stjórnarskránni –í anda þeirrar ensku– renna yfir til fylkjanna, sem enn eru að melta málin og munu taka þær upp von bráðar, og setja í lög. Engum datt þarna í hug að Bandaríkin yrðu neitt annað en kristið ríki. Engum.. engum.. engum.. datt annað í hug. Bara alls engum - nema náttúrlega plebbum! Engu landsvæði og fólki þess hefur því verið hleypt inn í þjóðríki Bandaríkjanna nema að það sé fyrst orðið: 1) kristið og 2) á enskri tungu. Engum nema kjánum dytti slíkt í hug

Jú við viljum aðskilnað valds, og það fegnum við úr Gamla testamentinu. En allra helst viljum við að þið getið ekki stjórnað of miklu, því við elskum þjóðfrelsið sem Biblían skaffaði okkur of mikið til þess að við treystum ykkur fyrir því. Við viljum því að Íslenska þjóðkirkjan hafi eftirlit –checks and balances– með ykkur þarna við Austurvöll! Við viljum því að það eftirlit og varnarvirki okkar sé óhagganlega fast á fjárlögum þjóðarinnar. Vér erum nefnilega Mótmælendur!

****

Ég bendi hér á frekara og betra þjóðstuðningsefni til aflestrar um Þjóðkirkjuna sem órjúfanlegan hornstein þjóðríkja Vesturlanda:

1. Biblían, þ.e. Hin heilaga ritning. Höfundar: útgönguþrælarnir af þrælaríki Egyptalands, sem var einskonar Evrópusamband þeirra daga, þ.e. Hús fjötranna. Biblían er kennslubók í óhlýðni

2. Þessa hér mikilvægu ritgerð: Hvað er Íhaldsstefna: höfundar, Ofir Haivry og Yoram Hazony

3. Heimspeki Gamla testamentisins. Höfundur: Yoram Hazony

4. Dyggð þjóðarstefnunnar. Höfundur: Yoram Hazony, heimspekingur

5. Hringur úr gaddavír. Höfundur Bernard Connolly, hagfræðingur

6. Athugasemdir mínar hér í gær

(7) Bannrit sem ekki ætti að lesa: Stjórnarskrá og lagaheimspeki Sovétríkjanna og hæstaréttar þeirra (sem ESB tók til sín og Valhöll fylgir núna). Þar sem þjóðin var aðskilin frá ríkinu. En ef þið skylduð þó lesa þann óþverra, þá sjáið þið að minnsta kosti hvaðan lagaheimspeki ESB, ECJ og þar með myntar,- og Orkubandalags þess er komin

EKKI GERA ÞAÐ!

Skiljið vinsamlegast ekki íslensku þjóðina frá ríki hennar. Hendið vinsamlegast þvælunni um hið "hlutlausa ríki" (e. civil state) í ruslið, því hún heldur ekki. Þannig ríki lifa ekki af. Þau leysast upp. Stundum er hægt að vera stoltur af því sem maður aldrei gerði. Hér býðst göfugt tækifæri til þess

Fyrri færsla

Þýska ríkisstjórnin riðar (kannski) til falls - evran ónýt

Aðskilnaður óhjákvæmilegur

Athugasemdir

[Halldór Jónsson, 5.11.2019 kl. 09:46]

Afar athyglisverðar hugleiðingar Gunnar

[Gunnar Rögnvaldsson, 5.11.2019 kl. 10:46]

Kærar þakkir Halldór minn fyrir góð orð.

Þú ert greinilega ekki fæddur í gær.

Kveðja

[Guðbjörg Snót Jónsdóttir (IP-tala skráð) 5.11.2019 kl. 10:58]

Rétt segir þú, Gunnar, og þakka þér fyrir að benda á þetta, enda skilur enginn, sem er í forystu þjóðkirkjunnar, þetta sífellda þrugl og væl í þessu fólki um aðskilnað ríkis og kirkju, eða hvað þeir eru að meina með því. Þetta er greinilega allt á hvolfi í hausunum á fólkinu, sérstaklega þó andstæðingum þjóðkirkjunnar. Í stjórnarskrá Íslands stendur að kirkjan sé þjóðkirkja Íslendinga, líkt og er í nágrannalöndunum, en hvort það sé eitthvað að rugla fólk í þessu rími, er ekki gott að segja til um, en þetta þykir okkur í kirkjunni orðið heldur leiðitamt væl og greinilega á misskilning byggt, en svo sem eins og við er að búast af hálfu andstæðinga kirkjunnar, sem vildu helst, að kirkjan væri ekki til. Það er heldur ekki nema von, að ástandið í þjóðfélaginu sé, eins og það hefur verið, þegar tengslin rofna milli kirkjunnar og fólksins, og menn vilja henda kirkjunni og hennar gildum, m.a. kristnifræðinni, í skólunum, út í horn, og finnst þeir ekki þurfa neitt á henni að halda nema á neyðarstundum í mesta lagi. Ég tek því undir allt það, sem þú segir um þessi mál í pistli þínum.

[Helga Kristjánsdóttir, 5.11.2019 kl. 12:44]

Heilar þakkir Gunnar einnig athugasemd þína á bloggi Geirs Ágústssonar nýlegaæ,,,... Einn sem virðist hafa eitt stefnumál sem er að aðskilja kirkjuna frá ríkinu er svonefndur Óli Jón blog. Ég burðast við að mótmæla en hjá svona liði er allt hagnaðardrifið í þessu lífi. Bestu kveðjur!

[Gunnar Rögnvaldsson, 5.11.2019 kl. 13:05]

Þakka þér fyrr Guðbjörg Snót. 

Já það er ekki um auðugan garð að gresja í þeim klúbbi sem þykist geta verið án þess sem færði honum þann stökkpall sem hann stendur á núna og berjast fyrir að rífa niður undan sér.

Þessu úrkynjaða og gamaldags viðhorfi úr þurrfóðurverksmiðju valdastéttarinnar þarf að breyta og skipa Þjóðkirkjunni í sókn, koma henni inn í skólana, og láta hana um að reka nokkra þeirra, og setja henni stærri og breiðari markmið en gert er. Þessi hálfkomma-feluleikur með okkar góðu og gömlu gildi gengur ekki lengur, hann dregur máttinn úr þjóðlífinu og hagkerfinu. Þjóðstjórnin þarf á Þjóðkirkjunni að halda til að létta undir með sér, því að á ríkisbæbæ hennar geta menn ekki lengur alið upp kött án þess að hann stökkvi inn á fjárlög sem óalandi bjáni. Setja þarf Þjóðkirkjuna aftur í uppeldið og það getur ekki gerst nógu hratt.

Það eru engin rök með þessu pírata-rugli ríkisstjórnarinnar. Þjóð getur ekki bara sameinast á nöktu torgi veraldarhyggjuunnar. Það er því tómt, og aðrir munu koma og hertaka það, og það verður aðeins enn eitt rauða torgið.

Það er aðeins plebbaríkisstjórn sem mælir með þessu rugli.

Ég treysti ekki lengur forystu Sjálfstæðisflokksins fyrir fimmeyringi yfir götu án þess að henni takist á þeirri stuttu vegferð að koma við á einhverju alþjóðahóruhúsi líberalismans, og skila af sér fjórföldu misfóstri í ólögum.

Þar er hrasað beint á alla vitlausa hnappa, en þeir réttu sleppa hins vegar alltaf, og virkjast aldrei.

Hvað er þetta kallað: klaufahalaríki Valhallar?

Kveðja

[Gunnar Rögnvaldsson, 5.11.2019 kl. 13:08]

Þakka þér fyrir Helga. 

DDR-Óla-Jóns-trúin á ótrúna hvíli í firði. Hún fékk heilt sovétríki undir sig á 20. öld, en svo bara féll það um koll, dong, dokk og dó, næstum samstundis.

En nýr möguleiki er kannski að opnast fyrir hana í Austur-Þýskalandi þessi árin. Hver veit hvað gerist þar eins og síðast.

Kveðja

[Óskar Kristinsson, 5.11.2019 kl. 14:13]

Kærar þakkir fyrir þetta allt saman Gunnar!!!

Okkur vantar Þig og þína líka til að hreinsa til í Valhallar og alþingisflórnum.

Kv af Suðurlandi

[Gunnar Rögnvaldsson, 5.11.2019 kl. 14:44]

Þakka þér fyrir Óskar.

Ég vona að fylgi Sjálfstæðisflokksins sé ekki orðið það lítið að Valhöll taki við keflinu frá Loga ESB-alka og byrji að kvarta um fylgisójöfnuð. Eiginlega er ég hissa á því að nýi Sósíalistaflokkurinn skuli ekki taka við sér og heimta fylgisjöfnuð eins og Logi sem var sex prósent notar um nýja sovétríkið sitt, þar sem allir voru eignajafnaðir, nema þeir næstum óteljandi margir sem voru í skuld í þrælagúlagi sósíalismans, og áttu ekki einu sinni sjálfa sig lengur. Þeir fengu því hinn opinbera stimpil hins Guðlausa ríkis sósíalisma Loga, að vera fyrrverandi manneskjur.

Ef þetta verður innleitt í fótboltanum og íþróttum, þá verður alltaf jafntefli, alveg sama hvað. Best er þá sækjast alltaf eftir að ná núll-núll árangri allsstaðar, því þá þarf maður ekki að skammast sín fyrir að eyðileggja árangur þeirra sem voru einfaldlega betri en maður sjálfur. Þannig gæti heilt nýtt ríki tapara risið upp þar til ekkert er eftir til að jafna. Þetta gæti jafnvel orðið glóbalt Alheimssovétríki. Þú veist, alþjóða alþjóða!

Kveðjur

[Símon Pétur frá Hákoti (IP-tala skráð) 5.11.2019 kl. 15:49]

Öll skulum við hafa ein lög og einn siðinn

því annars er út um friðinn.

[Haukur Árnason, 5.11.2019 kl. 17:54]

Takk Gunnar. Og þetta verður ekki orðað betur.
" klaufahalaríki Valhallar?"

[Ragnhildur Kolka, 5.11.2019 kl. 20:58]

Góður pistill Gunnar og Nú hafa trúleysingjar bæst í hóp þeirr sem lýsa áhyggjum af glötuðum sið:

https://www.lifesitenews.com/blogs/atheists-sound-the-alarm-decline-of-christianity-is-seriously-hurting-society

Eins og þú segir þá getur hlutlaust ríkisvald ekki haldið þjóð saman.

[Gunnar Rögnvaldsson, 5.11.2019 kl. 23:22]

Þakka þér Simon Pétur.

Vel mælt.

Kveðja

[Gunnar Rögnvaldsson, 5.11.2019 kl. 23:23]

Þakka þér Haukur.

Því miður er það þannig.

Kveðja

[Gunnar Rögnvaldsson, 5.11.2019 kl. 23:27]

Þakka þér Ragnhildur.

Stórkostlegt þetta sem þú krækir á! Þetta kemur úr hörðustu bjánatrúarætt heiðingjaveldisins. Þeir sjá fram á að verið er að kippa gólfinu, sem þeir héldu að væri teppi til að hrækja á, undan þeim. Sjálfið sem snérist á hurðarás heimskunnar um öxlina á þeim sjálfum er bara að skellast í lás.

Kveðja