Kjósendur henta ekki Sjálfstæðisflokknum. Trump og Johnson

HÉR HEIMA

Leynifélag forystu og þingmanna Sjálfstæðisflokksins hefur slegið því föstu síðastliðin 10 ár að þeir sem hafa verið kjósendur flokksins á því tímabili, henti ekki leynifélaginu. Félagið hefur því náð 18,3 prósentu fylgi Alþýðubandalagsins 1974 núna

Það var mikið glapræði að velja bankamann bakaradreng sem formann flokksins í kjölfar bankahruns. Versta týpan af öllum til þeirra starfa sem biðu. Hann var og er ekki leiðtogi flokksins. Flokkurinn hefur því engan leiðtoga haft nema bókhaldara í 10 ár. Og eins og kunnugt er sitja bókhaldarar í (reykfylltum?) bakherbergjum og telja og reikna það sem aðrir hafa skapað. En svo þegar það sem aðrir hafa skapað er búið, þá er kjörkassinn tómur, eins og núna. Þannig er það að vera ópoppúlisti. Þeim líkar illa við kjósendur. Það sjáum best á ESB og öllu sem tengist ESB. Því imperíal-fyrirbæri og útfararstofnun lýðræðis líkar auðvitað ekki við fyrirbærið kjósendur. Það er leynifélag

Síðasti formaður flokksins sem var leiðtogi hans var Davíð Oddsson. Ef að Davíð hefði ekki stútað Þorsteini Pálssyni hefði flokkurinn verið þrisvar sinnum minni en hann er í dag. Þorsteinn, eins og Bjarni, var og er nefnilega ekki sjálfstæðismaður

Geir Hallgrímsson var heldur ekki leiðtogi. Hann var vænn hjálparlaus bókari bakaradrengur. Síðasti leiðtogi Sjálfstæðisflokksins á undan Davíð Oddssyni var Ólafur Thors. Án leiðtogs Ólafs og Davíðs hefði Bjarni bókari Ben ekki haft neinn Sjálfstæðisflokk til að hýsa leynifélag sitt í í dag

Þannig er nú það

VESTAN VIÐ VESTUR OG VESTAN MEGINLANDS TAPARANNA

Donald J. Trump forseti Bandaríkjanna og leiðtogi hins vestræna heims hélt ræðu sína í hinni bandarísku samkundubyggingu Sameinuðu þjóðanna í Bandaríkjunum. Enginn myndi taka hið minnsta mark á þeirri stofnun væri hún staðsett í Evrópusambandinu, Kína, Rússlandi eða Afríku. Þar lagði hann á ný áherslu á að allt gott í þessum heimi hefst með fullveldi og sjálfstæði ríkja heima hjá þeim sjálfum. Og þar sem stofnun Sameinuðu þjóðanna hefur ekki og getur ekkert heimili haft til að virka í, nema í Bandaríkjunum, þá er sú stofnun enn á lífi í dag. Annars væri hún lík í götu við Genfarvatn. Þannig eru þessi svo kölluðu "alþjóðasamfélög". Þau eru ekki til í alvörunni. Evrópa kom svo skríðandi til Trumps síðustu sólarhringana til að játa sig sigraða og hjálparlausa í Íranmálinu, um kjarnorkuvopnin sem útópísk hún ætlaði að líða því að fá

Demókratar sáu til þess í gær að kosningabaráttan næstu 14 mánuðina muni snúast um áframhaldandi ofsóknir þeirra á hendur forsetaefni Repúblikanaflokksins, þannig að þeirra eigin skilaboð til kjósenda munu ekki komast í gegn. Enda hafa þeir engin skilaboð önnur en stjórnleysi, orkupakk og vesaldóm, þar sem baráttan snýst um það hvort að þeir sjálfir lifi yfirhöfuð átökin við sjálfa sig af. En þau snúast um vinstrið gegn villta skríls-vinstrinu í því sundurtætta rifrildi sem eftir er af flokknum

Boris Johnson hefur bresku þjóðina með sér en þingið á móti sér, öfugt við stöðu Sjálfstæðisflokksins í höndum bókara hér heima, sem hefur þingið með sér, en ekki kjósendur. Og eins og flestir vita þá er það sem upp úr kjörkössunum kemur og sem bókhaldarar telja, það sem öllu máli skiptir. Ekki sjálf talningin, heldur það sem talið er. Evrópusambandið má og getur ekki samið við þjóðþing landa. Það getur einungis samið við ríkisstjórnir. Og þar hefur Boris tekist að gera ríkisstjórnina óvirka þannig að enginn stjórn er til staðar til að semja við. Það tókst. Bretland yfirgefur því líklega Evrópusambandið þann 31. október, eins og lög landsins gera ráð fyrir. Þarna gengur allt samkvæmt áætlun útgönguteymis Johnsons, sem trónir sem turn í könnunum meðal kjósenda

Förum vestur. Þar er líf. Evrópa er dauð. Hún er komin í gamla afturgöngugírinn á ný. Leynifélag Evrópusambandsins sá fyrir því

Ræða Donalds J. Trump í gær

Fyrri færsla

xD: Að skemmdaraðgerðum loknum

Athugasemdir

[Ragnhildur Kolka, 25.9.2019 kl. 15:54]

Þetta er dúndur ræða hjá Trump og Boris flutti aðra ekki síður áheyrilega.

[Lárus Ingi Guðmundsson, 25.9.2019 kl. 16:30]

SAMEINUÐY ÞJIÐIRNAR ... Undir hvað hafa þkoðirnar verið sameunaðari NEW YORK.

Svar AUÐVITAР VATIKANUÐ...!!!

SEM ER EKKI I DSAMEINUPU ÞJOÐUNUM ÞRATT FYRIR AÐ VERA SJALFSTÆTT RIKI SEM ER UNDANSKILIÐ ÞVI AÐ VERA MEÐLINUR ÞAR..

Afhverju skyldi þ vera ?

Samein þjoirnar er vlekjung sem miðar fyrat og fremst að þvi að gera ÞHIÐRNAR FYRIRSJAANLEGRI I FYRIRÆTLUNUM SINUM ... NEMA VATUKANIÐ ..

KV

LIG

PS EG SEGI NU BARA AFRAM HERRA MODI ..og mefi andar GADAFI SVIFA YFIR VORNUM UM OMUNA TIÐ.

[Jón Steinar Ragnarsson, 25.9.2019 kl. 16:58]

Nú hefur forystan fundið út að ástæða fylgishrunsins séu skiptar skoðanir innan flokksins. Þetta vita náttúrlega þeir sem eru með hina réttu skoðun. 

Samfylkingin er víða nú orðið.

Það sem liggur eftir þá nú eru báðir fætur inni í stofu ESB, ályktanir út í loftið um loftlagsmál með tilheyrandi sköttum. Vegatollar á litla manninn og lögfesting á því að maðurinn hafi fleiri en tvö kyn. Allt að fjörutíu, eftir því sem síðast er vitað en fer fjölgandi.

[Gunnar Rögnvaldsson, 25.9.2019 kl. 17:26]

Þakka þér Ragnhildur.

Þarf greinilega að hlýða á ræðu Borsiar. Takk fyrir ábendinguna.

Kveðja

[Gunnar Rögnvaldsson, 25.9.2019 kl. 17:30]

Þakka þér Lárus Ingi.

Vatíkanið hefur engin völd í dag miðað við Heiðnikirkjuveldi háskólanna, sem í dag stendur fyrir öllum heimsendaspám og bannfæringarkerfum á Vesturlöndum. Þú ættir að horfa þangað. Þess utan er Trump mótmælandi eins og ég. 

Kveðja

[Gunnar Rögnvaldsson, 25.9.2019 kl. 17:35]

Þakka þér Jón Steinar

Var að lesa stefnuræðu Geirs Hallgrímssonar 23. október 1975. Mér til mikillar gleði kemur (goð)orðið "samfélag" hvergi fyrir í henni. Þar talar Geir að sjálfsögðu um þjóðfélag, eins og góðum mönnum sæmir.

Hugtakið "samfélag" er orðið allsherjar hóra leynifélaganna. Henni ríða þeir daginn út og daginn inn, algerlega án þess að vita hvað þeir eru að tala um - annað en náttúrlega leynifélagið.

Kveðjur