Segir fylgi Sjálfstæðisflokksins óásættanlegt [u]

Það eruð þið þingmenn flokksins sem eruð búnir að gera Sjálfstæðisflokkinn að óásættanlegum stjórnmálaflokki. Það er það eina sem er óásættanlegt. Þið þurfið öll, nema eitt, að fara frá ef flokkurinn á ekki að liðast í sundur undan ykkur

Þetta er hins vegar mjög svo ásættanlegt fyrir pólitíska andstæðinga flokksins. Enda var það sannarlega ætlun ykkar, að hafa okkur kjósendur flokksins að fíflum

Ef að ástandið eins og það er í þeim hópi stuðningsmanna flokksins sem ég þekki er svipað um allt land, þá hafið þið sannarlega uppskorið eins og þið hafið sáð. Þið sáðuð eitri. Eitur og fyrirlitningu munið þið því uppskera

Nú þegar þagnarbindindi ykkar er rofið eftir samsæri ykkar gegn okkur kjósendum flokksins –það eina sem virðist sameina krafta ykkar– þá eru þessi ummæli um ástand flokksins meðal kjósenda, eins og að hlusta á fullorðið fólk sem gengið er í andlegan barndóm. Þess utan er 180-gráðu-firrtur ættarformaðurinn nýbúinn að segja að fylgi flokksins skipti hann ekki máli. Hér má hlusta á 180-gráðu ræðu hans á Alþingi fyrir stuttu (sjúkt)

Uppfært kl. 12

Nú bíða flokksmenn og íslenska þjóðin spennt eftir því að þingmenn Sjálfstæðisflokksins og þar með svo kölluð "forysta flokksins" –takið eftir að hér geri ég ráð fyrir að hún sé enn sem komið er þjóðkjörin– birti og sýni þjóðinni loksins EES-hræðslugrýlukertin sem ollu því að fullveldi Íslands í raforkumálum var varpað fyrir róða og hent sem innágreiðslum inn í skápana í Brussel: þ.e. að EES-samningurinn hefði fallið saman væri hann notaður eins og til var ætlast

Við bíðum öll spennt eftir þessum sönnunargögnum. Það ætti að vera lítið mál fyrir "forystuna" að reiða þau opinberlega fram, þannig að þjóðin sjái við hvaða ofurefli forysta Sjálfstæðisflokksins svokallaða var að glíma. Nema kannski að þau bráðni vegna eðlislægs óþols þeirra gagnvart dagsljósi

Við bíðum spennt..

Fyrri færsla

Veðurfræðingar: nýtt framhald af seðlabönkum?

Segir fylgi Sjálfstæðisflokksins óásættanlegt

Athugasemdir

[Óskar Helgi Helgason (IP-tala skráð) 14.9.2019 kl. 23:35]

Sæll Gunnar æfinlega - sem og aðrir gestir, þínir !

Skiljizt Jóni Gunnarssyni / Bjarna og öðru hirð(usömu) fólki þeirra ekki, réttmæt og sönn ádrepa þín, verða þau að eiga við sína ósamvizku eða samvizkuleysi: alfarið.

Kannski: Jóni og Bjarna finnist ásættanlegt, að hunza brýn ingar þínar og varnaðarorð gagnvart Orkupakka III t.d., sem hinn lítilþægi og lítilmótlegi Guðni Th. Jóhannesson skrifaði blygðunarlaust undir suður á Bessastöðum (eða: á Reykjavíkur kontór sínum), á dögunum ?

A.m.k. - væru þau EES/ESB og ACER áhangendur í skaplegra skjóli, hefðu þau hlustað á þig Gunnar / sem og Bjarna Jónsson Rafmagnsverkfræðing / Ómar Geirsson Austfirðing og Pál Vilhjálmsson Blaðamann hér á Mbl. vefnum, sem og víðar, auk þeirra fjölmörgu annarra, sem gjalda vilja varhug við stigmögnun ásælninnar, sem Fjórða ríki Þjóðverjanna (ESB) beitir nú af áfergju:: all víða.

Þau eru mörg: Brexit´in, sem Brussel og Berlínar spéfuglar nir þurfa að kljást við, á komandi misserum, svo mikið er þó næsta víst Gunnar.

Svo - mættu Jón Gunnarsson og fylgjarar hans, velta fyrir sér þeirri viðbótar ólgu, sem þeir eru nú að kynda undir, með afglapa vegagjöldum Sigurðar Inga Jóhannssonar og félaga hans í Samgönguráðuneytinu, ekki síður.

Hvað um það: Orkupakka IIII og V þvæluna, verður að stöðva, ekki síður en gildistöku þess III. / nr. I og II pakkana frá árunum 2003 - 2007, þarf ekki síður að afmá, með því að senda Orkusölu ómyndina (sem stillt hefur verið upp við hliðina á RARIK frá öndverðu upphafs síns) inn í eitthvert það Svarthol, sem tekið gæti við henni: algjörlega.

Spyrja má Jón Gunnarsson - og annað lagsfólk hans, hvort sprikl þeirra sé ekki:: öllu óásættanlegra, auk margs annarrs, sem frá alþingi vellur, þessi misserin: jafnframt ?

Með: hinum beztu baráttukveðjum, sem endranær, af Suðurlandi /    

[Símon Pétur frá Hákoti (IP-tala skráð) 15.9.2019 kl. 00:21]

Gallup stundar nú fölsun skoðanakönnunar.

Ég sagðist kjósa Miðflokkinn og merkti við að aðrir kæmu ekki til greina.  Þá var könnunin rofin og það birtist texti sem sagði að Gallup væri að leita annarra svara.

Af þessu litla dæmi get ég fullyrt að fylgi Miðflokksins er nú komið í enn meira en 13,7%, jafnvel að það yrði um og yfir 20%.

Fylgi Bjarnabófaflokksins er hins vegar örugglega komið langt niður fyrir það, og nær 15%.

[Símon Pétur frá Hákoti (IP-tala skráð) 15.9.2019 kl. 00:40]

Já, Gunnar

Það eru þingmenn Sjálfstæðisflokksins sem hafa gert hann að óásættanlegum kosti fyrir sjálfstæðismenn; sjálfstæðar konur og karla.

Já, þingmenn sáðu eitri og þvi gleymum við ekki.  Hroki og forherðing þingmanna flokksins er slík í garð sjálfstæðs fólks, að það mun hefna og gjalda þeim í glíku í hverju kjördæmi fyrir sig.

Ekkert fólk með sjálfsvirðingu getur hugsað sér að kjósa frambjóðendur þeirrar forystu sem sveik og svívirti landsfundarályktun flokksins og þar að auki lítilsvirti Stjórnarskrá Íslands.  

[Símon Pétur frá Hákoti (IP-tala skráð) 15.9.2019 kl. 01:33]

Þegar fylgi Sjálfstæðisflokksins er í molum, þá skulu lögð enn meiri gjöld á kjósendur, áfengisgjöld, sorpurðunargjöld, mokað í skurði gjöld, rafnotkunar aukagjöld, dreifingargjöld, kolagjöld, kjarnorkugjöld, bönkergjöld, pissað í mýri gjöld, hinsegin gjöld, veggjöld á veggjöld ofan og nefnd um einkavæðingu hagnaðar af stórauknum gjöldum svo búrakratahirð Sjálfstæðisflokksins geti eytt þeim fyrir sig sjálf, stofnað nefndir og samráðshópa með Kola-Köru og Þistilfjarðar viðrininu. 

Enginn kjósandi vill láta ræna sig og láta svo hafa sig að fífli.  Einungis fíflin kjósa flokk viðrinanna í Valhöll.  Og sjálfstætt fólk er ekki fífl. 

[Helga Kristjánsdóttir, 15.9.2019 kl. 05:40]

Í árdaga stóð ég með bunka af bréfum frá hinu opinbera og taldi upp gjöld sem okkur var skylt að greiða,ný flutt í Kópavog með 5 manna fjölskyldu. Vinur okkar var í heimsókn og gall við,; það kemur örugglega getnaðargjald! Úff var á steypinum.

[Jón Steinar Ragnarsson, 15.9.2019 kl. 07:43]

Það var í stílað kjósa launkratann Jón Gunnarsson sem ritara. Hann vakti mér fyrst grun um að eitthvað mikið væri að þegar hann lagðist í trúoðsleiðangur fyrir vegjöldum. Flokkurinn sem stærir sig af að lækka skatta og minnka báknið er farinn að ganga lengra en nokkrum krata hefur dreymt um í langa tíð. Það er búið að gera kúpp í flokknum og hann er ekki það sem eg kaus heldur eitthvað þveröfugt. Sjálfur Steingrímur með sögulegar kuvendiingar og kosningasvik bliknar við hliðina á þessum kvislingum.

[Gunnar Rögnvaldsson, 15.9.2019 kl. 12:05]

Þakka ykkur fyrir.

Nú bíða flokksmenn og íslenska þjóðin spennt eftir því að þingmenn Sjálfstæðisflokksins og þar með "forysta flokksins" --takið eftir að hér geri ég ráð fyrir að hún sé enn sem komið er þjóðkjörin-- birti og sýni þjóðinni loksins EES-hræðslugrýlukertin sem ollu því að fullveldi Íslands í raforkumálum var varpað fyrir róða og hent sem innágreiðslum inn í skápana í Brussel.

Við bíðum öll spennt eftir sönnunargögnunum. Það ætti að vera lítið mál fyrir "forystuna" að reiða þau opinberlega fram, þannig að þjóðin sjái við hvaða ofurefli "forysta" Sjálfstæðisflokksins svokallaða var að glíma.

Við bíðum spennt.

Kveðjur

[Gunnar Rögnvaldsson, 15.9.2019 kl. 13:12]

Ólíkt hafast menn að: Breski Íhalds­flokk­ur­inn eyk­ur fylgi sitt (í 37 prósentur)