Veðurfræðingar: nýtt framhald af seðlabönkum?

Mynd, Wall Street Journal: Engar spár ECB-sogrörsseðlabanka Þýskalands um eðlilega hlýnun verðlags hafa staðist í meira en átta ár. Bara alls engar. Svört lína er hitastig verðbreytinga. Grænar línur eru spár ECB. Rauð lína er nýjasta spá þessa stórfurðulega seðlabanka. Og eins og ESB-menn eiga að vita, átti þessi ECB-seðlabanki og myntin hans evra, að vera "reglubyggð mynt" í "reglubyggðu hagkerfi" e. "rule based currency in a rule based economy" => þ.e. alþjóðasamfélagið (ekki til). Subbuskap hins lýðræðislega stjórnarfars og hins óreglulega kapítalisma hagkerfa Engilsaxneskra, skyldi loksins sparkað út úr Evrópu fyrir fullt og allt. Þannig hljómaði stofnsáttmálinn um evruna

****

Til eru ágætis seðlabankamenn og til eru ágætis veðurfræðingar og sumir miklu betri en aðrir. Þeir (flestir) eiga það þó sameiginlegt að hafa lært fræði sín í háskólum þeim sem byggja á grunni "guðlegra radda opinberunar". Svo merkilegt sem það kann að hljóma eiga margir stofnfeður heimspekinnar og frumspeki vísindanna það sameignlegt að hafa heyrt "vísindi" sín koma af himnum ofan sem opinberun. Þannig sagðist forfaðir þess sem menn Upplýsingarinnar dýrka meira en allt annað, hafa heyrt kenningar sínar koma sem opinberun af himnum ofan. Það var gríski heimspekingurinn Parmenídes, sem talinn er forfaðir frumspeki og það sama gerði landi hans Sókrates. En sökum illvilja út í Biblíuna og sérstaklega Gamla testamentið tóku menn Upplýsingarinnar hinar guðlegu raddir heimspekinnar og kölluðu hana rökhyggju til þess að gera lítið úr því sem spámenn á borð við Jeremía Hilkíason höfðu heyrt koma af sínum himnum ofan. Upplýsingin átti þess vegna afar erfitt með að þola Gamla testamentið og Kant sagði að það mætti þurrka það út úr sögunni, ásamt öllu því sem Hebreska heimspekin stóð fyrir. Hvorki meira né minna; þurrka út sjálfa hornsteina Vesturlanda. Menntamálaráðherra Prússlands, Wilhelm von Humboldt, var á sömu skoðun eins og sést á skrifum hans, þar sem "..the study of Greek history is not as it is with the history of other peoples.. og bang, æðri kynstofn ofurmenna er fæddur, eða að minnsta kosti þungaður:

"Knowledge of the Greeks is not simply pleasing, useful, and necessary to us--it is only in them that we find the ideal which we ourselves would like to be and to bring forth. Although every other period of history enriches us with human wisdom and human experience, we acquire from the contemplation of the Greeks something more than the earthly, something even almost divine." - leturbreyting GR

Arfleið Prússans Humboldts varð svo þeir háskólar sem mennta seðlabankastjóra og veðurfræðinga í dag. En eins og við vitum þá voru það einmitt menntamenn á borð við hann sem stuttu síðar á 19. öld gátu af sér nasismann, sem viss herr Adolf Hitler tók til sín og framkvæmdi með glans í byrjun næstu aldar. Og þar sem mannakjötsát sem (endanleg?) lausn er þegar orðið hluti af nýnasistahreyfingu umhverfis- og lofthitunarsinna, þá þarf ekki einu sinni forfaðir marxismans, Hegel -sem var sömu skoðunar og bæði Kant (forfaðir ESB) og Humboldt- til að geta sér til um framhaldið

Hinir Engilsaxnesku eru hins vegar öðruvísi þegar að toppstykkinu the Top Gun á herðum mannslíkamans kemur. Þeir hentu aldrei Gamla testamentinu út, eins og sést. Sem betur fer. Hjá þeim eru Gyðingar nauðsyn ef menn vilja lifa pólitískar plágur Evrópu af, og þar með talin eru geggjunarfræði loftslags- og umhverfismála-nasisma nútímans, - hrærð út í gamla góða sovétið. Hitler var nefnilega fyrst og fremst sósíalisti. Hann þjóðnýtti stjórnmálin og fólkið, það varð einkaeign hugsjóna, þar sem hugsjónin átti fólkið. Það sama gildir um ESB í dag. Mikið óskaplega lítilfjörlegt og máttlaust er stórveldi Kaþólsku kirkjunnar á miðöldum orðið miðað við Heiðnikirkjuveldi háskólanna í dag

Liggja því "the honourable member for the 18th century" á borð við Jacob Rees-Mogg ekki á lausu í dag

Fyrri færsla

Styrkur Asíu

„Valkvæð túlkun á orðum mínum“

Athugasemdir

[Halldór Jónsson, 14.9.2019 kl. 10:53]

Frábær djúphugsun Gunnar

[Gunnar Rögnvaldsson, 14.9.2019 kl. 13:01]

Þakka þér Halldór fyrir væn orð.

Taktu vinsamlegast eftir að þetta er meginland Evrópu sem þarna er til umfjöllunar. Ekki bara þá, heldur einnig núna. Evrópa er á leið með að fuðra upp í þessu innbyggða svartnætti sínu, og það var tilvist ESB sem kveikti í henni á ný.

Enginn með fullu viti Vestanhafs lítur við þessu.

Og verið er að draga upp gömlu línuna við Ermasund á ný.

Og það sem meira er; eina stofnunin með beinan aðgang að löndum evrusvæðisins er að komast í keng; ECB getur ekki bakkað út lengur; og ríkin sem standa að honum geta heldur ekki stutt við hann þegar hann riðar til falls;  nema með því að taka sig sjálf niður í leiðinni.

Fræðimenn meginlands Evrópu -hin króníska heilastöppustétt hennar- hefur kveikt í henni á ný.

Kveðjur

[Jónas Gunnlaugsson, 15.9.2019 kl. 06:46]

Tek undir með Halldóri.

Egilsstaðir, 15.09.2019  Jónas Gunnlaugsson