Ert þú meðlimur í nýja sovéska kommúnistaflokknum?

NÝJA FLOKKSSKÍRTEINIР

Að vera umhverfissinni og hlýnunarsinni er eins og að vera meðlimur í sovéska kommúnistaflokknum. Þú segir þessi tvö orð og þá opnast dyr inn í ríkisbubbafélag vinstrisins. Þú gætir jafnvel fengið vinnu á sjálfsfróunarmiðstöð vinstrimanna: DDRÚV. Þessi tvö orð eru á við flokksskírteinið gamla sem gerir þig að betri borgara í sovétríki. Gerir þig að góðu fólki

Eins og til dæmis að Páfa, sem ætlar að hætta með vopnaða verði af tillitssemi við almúgann sem hann segir að eigi ekki að eiga byssur. Nei Páfinn hættir sko ekki með þungvopnaða verði sem gæta hans. En líf hans er jú mörgum sinnum meira virði en líf almúgans, ekki satt? Hann er eins og Katrín kommi, langt því frá hættur að fljúga á verkalýðsfundi, þar sem lýðurinn er ekki, því hann er hjá Trump

Þegar Bjarni Benediktsson sagði töfraorðið bráðnandi-ísjaki er hann kynnti aðhal Sjálfstæðisflokks að núverandi ríkisstjórn komma, þá var hann að sækja um inngöngu í hinn sovéska kommúnistaflokk nútímans. Segðu bráðnandi-ísjaki og þú ert inni. Þessi maður leiðir ekki flokk. Hann lætur leiða sig til heljar. Og það er einmitt í forstofunni þar, sem flokkur hans er staddur núna

MIÐFLOKKURINN VINNUR Á

Mynd: Munurinn á fylgi Sjálfstæðisflokks og Miðflokks. Gallup 2. september 2019

Gallup kom í gær með nýja mælingu á fylgi flokka. Miðflokkurinn bætir þar við sig 1,2 prósentu og mælist með 13,4 prósentu fylgi. Hann hefur bætt við sig tæpri prósentu á mánuði síðustu átta mánuðina. Sjálfstæðisflokkur mælist hins vegar með næstum því sama fylgi og síðast, eða 21,7 prósentur í stað 21,6, og er því með mun minna fylgi en hann fékk í janúar. Munurinn á fylgi þessara tveggja flokka hefur aldrei mæst minni hjá Gallup en nú: Hann minnkaði úr 9,5 prósentusigum í 8,3 í ágúst. Það styttist í krossfestingu hins bráðnandi Sjálfstæðisflokks. Plebbahöll Bjarna Ben kann þetta

- Gunnar (ég) er Þjóðremba 

Fyrri færsla

Ekki heimsstyrjöld fyrr en 1941

Athugasemdir

[Jón Steinar Ragnarsson, 3.9.2019 kl. 22:35]

Það vantar nýjan flokk í staðin fyrir þetta úrhrak. Ég er viss um að fylgið hyrfi endanlega ef sjálfstæðissinnaður hægriflokkur yrði stofnaður. Það vantar bara valkostinn og ég veit að margir bíða eftir honum. Raunverulegan sjálfstæðisflokk í stað þessa prinsipplausa krataafstyrmis sem sá gamli er orðinn.

Sjálfstjornarflokkurinn kannski? Einhver með hugmynd um nafn?

[Gunnar Rögnvaldsson, 3.9.2019 kl. 23:11]

Þakka þér Jón Steinar.

Við höfum Miðflokkinn. Hann þarf alls ekki að vera fullkominn. Það eina sem hann þarf að geta er að vera betri en valkosturinn, og það fer hann, formaður hans og þingmenn, létt með. Enda æðir fylgi flokksins upp.

Ég bið ekki um fullkomnun, eins og dæmigerður útópískur vinstrimaður á Vesturlöndum. Ég bið bara um það sem er betra en valkosturinn. Þetta gildir um og yfir öll Vesturlönd. Þau þurfa ekki að vera fullkomin, heldur einungis betri en valkosturinn: HELVÍTI.

Gott fólk leggur Miðflokknum lið fyrir lið.

Sjálfstæðisflokkurinn er hins vegar orðinn uppiskroppa með uppskeru á akri sínum og vörusvik eru orðin lands-þekktustu vörumerki hans. Það styttist í þrotið. Endurpantanir eru hættar að berast og gömlu viðskiptavinirnir eru að deyja út, eða farnir annað. Þeir þekkja flokk sinn manna best og vita að hann er orðinn svo varanlega skaddaður af misþyrmingum að öll von er úti með hann. Þeir bíða þöglir átekta eftir engu og þeir vita það. Stór hluti þeirra fer í næstu kosningum. Helmingurinn er þegar farinn, eftir að flokkurinn rann á hendur vonlausustu kynslóðar nýrri tíma.

Kveðjur

[Guðmundur Jónsson, 4.9.2019 kl. 11:02]

Já, það er illa komið fyrir Sjálfstæðisflokknum. Ég var raunar búinn að heita að kjósa Miðflokkinn í næstu kosningum bara vegna ósómans sem fólst í viðbrögðum forustu sjálfstæðisflokksins (allra flokka raunar) við klausturfylleríinu. En síðustu misseri hafa gert það að verkum að málefnin eru orðin ástæða til að kjósa ekki Sjálfstæðisflokkinn.

[Ómar Geirsson, 4.9.2019 kl. 11:48]

Blessaður Gunnar.

Þú ert oft ágætur, og stundum betri en það.

Svo áttu það til að ná kjarnanum, svo ekki verður betur gert.

Sjálfstæðisflokkurinn er órjúfanlegur hluti af flokkakerfi Íslands, gallagripur vissulega, en kjölfesta þar sem engin önnur er í boði.

Það breytir því ekki sem þú segir hér að ofan.

"Sjálfstæðisflokkurinn er hins vegar orðinn uppiskroppa með uppskeru á akri sínum og vörusvik eru orðin lands-þekktustu vörumerki hans. Það styttist í þrotið. Endurpantanir eru hættar að berast og gömlu viðskiptavinirnir eru að deyja út, eða farnir annað. Þeir þekkja flokk sinn manna best og vita að hann er orðinn svo varanlega skaddaður af misþyrmingum að öll von er úti með hann. Þeir bíða þöglir átekta eftir engu og þeir vita það. Stór hluti þeirra fer í næstu kosningum. Helmingurinn er þegar farinn, eftir að flokkurinn rann á hendur vonlausustu kynslóðar nýrri tíma.".

Þetta eru ekki þung orð, þetta eru sönn orð.

Ef þjóðin ætlar að endurheimta sjálfsforræði sitt og sjálfstæði, þá þarf íhaldsfólk að skilja að á baki þessum orðum er þungur vilji, og sársauki þess sem vildi að hlutirnir væru öðruvísi.

Persónulega held ég að þú sért að tendra ljós útgönguvitans, hvort sem leiðin vísar á Miðflokkinn eða annað.

Sjálfstæði þjóðarinnar krefst útgöngu engu að síður.

Og þá eru vitar leiðarljós.

Kveðja að austan.

[Gunnar Rögnvaldsson, 4.9.2019 kl. 15:13]

Þakka ykkur Guðmundur og Ómar.

Fjölmiðlar staglast á því að öryggisgæsla vegna komu Mike Pence varaforseta Bandaríkjanna sé meiri en áður hafi sést. Svarið við því er auðvitað það, að vegna aðhildarleik Íslands að Schengen-blöffinu verður hún að vera svona mikil, því engin Schengenlönd hafa stjórn á neinu sem í þeim löndum eru. Þau eru öll orðin full af hryðjuverka- og glæpalýð upp í kok. "Fjölbreytnin" er orðin svona mikil á ættarvakt Sjálfstæðisflokksins. Þess vegna flaggar til dæmis hið ónýta Advania-fyrirtæki vírus-fánanum í samræmi við hugbúnað sinn, sem fullur er orðinn af hinni ótrúlegustu fjölbreytni.

Og sjálið síðan það skríðandi-lið sem er Viðreisn í dag. Það kemur allt úr Sjálfstæðisflokknum og það sýnir ágætlega hvernig umhorfs er í Valhöll. Þar stendur ESB-predikunarstóll Benedikts frænda enn og er í fullri ættarnotkun.

Kveðjur

[Gunnar Rögnvaldsson, 4.9.2019 kl. 16:14]

Austan Atlantsála hefur Boris Johnson nú styrkt stöðu sína. Formlegur meirihluti flokks hans á þingi hvarf þegar undir vesalingatímabili Theresu May gúmmídúkku-ESB við völd í Westminster, og sem var á borð við núverandi ESB-gúmmídúkkuna Bjarna Ben og kó-plebba hans í Valhöll.

Boris hefur tekist að kalla fram gúmmídúkku-verksmiðju ESB í flokki sínum, stilla öllum afurðum hennar út í búðarglugga ESB, einangra þá, og bomba þá síðan í klessur og sparka þeim út. Fjöldi þeirra var 21-dúkka alls. Fossandi reiðin staðfestir nákvæmnisverk Borisar. Kenneth Clarke féll saman undan ESB-spiki sínu án þess að jafnvel ekkert yrði eftir á gólfinu þar sem hann hafði staðið með kalt blóð í æðum. Svo flattur var hann út að enginn fótur manna með heitt blóð í æðum gat flatt hann þynnri.

Næsti leikur er líklega kosningar, stórsigur Borisar, og þar með út úr ESB, og inn í frelsið.

Þar með eru tvö helstu stjórnmálaöfl hins frjálsa heims frjáls og fullvalda á ný. Trump hreinsaði flokk sinn út í vestri, einhentur, og Boris er að hreinsa út í austri. 

Þessu geta sjálfstæðir menn Íslands fagnað ákaft. Það er því gott að við fegnum Pence til landsins í dag. Þökk sé flokkshreinsun Trumps í vestri!

Kannski kemur Boris hingað næst.

[Jón Steinar Ragnarsson, 6.9.2019 kl. 07:18]

Ef það verða kosningar í bretlandi má ekki gleyma Brexitflokki Nigel Farage sem kom inn með stormi á evrópuþingið þótt hann hafi aðeins verið stofnaður fyrir einum og hálfum mánuði. Ef hann stillir upp í þessum kosningum verður það hlskefla sem ekkert mun standast. Hann vill út og engar refjar og engan "díl" við Dónald fílstönn.