Ekki heimsstyrjöld fyrr en 1941

Fram á sumarið 1941 var síðari heimsstyrjöldin álitin eins konar framhald af þeirri fyrri, sem kölluð var Stríðið mikla. Fram til þess, eða frá og með 1939, var stríðið í Evrópu álitið landamæraerjur og staðbundin átök. Það var ekki fyrr en með innrás Þýskalands í Rússland sumarið 1941, árás Japana á Bandaríkin í desember og vanvita stríðsyfirlýsingu Þýskalands á hendur Bandaríkjunum nokkrum dögum síðar, að um heimsstyrjöld var að ræða. Fékk Stríðið mikla þar með nafnið Fyrri heimsstyrjöldin og átökin á síðari hluta ársins 1941 fóru almennt að heita sú Síðari

Japan hafði verið í gangi með herjun á Kína frá og með 1937 og Bandaríkin höfðu þegar verið þar á fullu í nokkur ár að reyna að hefta útbreiðslustefnu japönsku herstjórnarinnar í Asíu

Engum í Washington datt í hug að valdajafnvægið í Evrópu myndi hrynja til grunna á sex vikum. En það gerði það, vegna þess að Bretland og Frakkland höfðu ekki hirt um viðhald fælnimáttarvopna sinna, stundað niðurlægjandi friðþægingu og látið undan síbyljuáróðri og sírenusöng Þjóðverja og áhangenda þeirra um að Versalasamningurinn hefði verið "óréttlátur". En það var hann alls ekki miðað við stund og stað. Hann var ekkert miðað við það sem Þýskaland gerði við Rússland með Brest-Litovsk-samningum. Sömuleiðis var hann ekkert miðað við það sem Þýskaland ætlaði sér að gera við Frakkland með Septemberprógramminu, hefði Þýskalandi tekist áform sín með Fyrri heimsstyrjöldinni, þ.e. Stríðinu mikla

Frá byrjun kusu Bretland og Frakkland að bera ekki byrðarnar. Frakkland gafst upp og Bretland víggirti sig um tíma heima og varðist vel. Ef að Bandaríkin hefðu verið í bandalagi með þessum tveimur á þessum tíma, hefði öll byrðin lent á þeim. Það er staðreynd sem flestir gleyma. Uppgjöf Frakklands sýnir það, og víggirðing og vörn Bretlands heima, í byrjun, gerir það líka. En hafa verður í huga að Frakkland og Bretland voru á þessum tíma enn þungt haldin á sál og líkama eftir Stríðið mikla

Þarna var Bandaríkjaher ekki nema um 125 þúsund hermenn og foringjalið þess var um 12 þúsund manns og útgjöld Bandaríkjanna til varnarmála voru aðeins 300 milljón dalir. Þessi tala átti hins vegar eftir að hækka hratt og ná hámarki með 11,5 milljón manna her 1944. Bandaríkin höfðu nefnilega afvopnast frá og með 1919. Þau mistök kom ekki til greina að gera aftur. Sem betur fer fyrir okkur hér á Íslandi

Engum datt þarna í hug að afleiðingar þess sem stuttu síðar fékk nafnið Síðari heimsstyrjöldin, myndu verða þær að Bandaríki Norður-Ameríku sæju sig tilneydd til að veita óvinum sínum ótakmarkaðan aðgang fyrir útflutning að Bandaríkjamarkaði. En fyrir þann markað var opnað til þess að reisa heiminn úr rústum Síðari heimsstyrjaldarinnar, svo að fyrrum óvinir Bandaríkjanna gætu staðið vaktina gegn kommúnismanum með þeim

Þarna voru flestir núlifandi íslenskir efnahagsfræðimenn og áhugamenn okkar á því sviði að fæðast, og þeir fæddust inn í heim sem þeir héldu að gæti ávallt gengið út á það að fyrrum óvinir Bandaríkjanna hefðu skýlausan rétt á því að éta þau út að innan. Enginn heimspekileg kenning er til um "frjáls viðskipti" og verður aldrei til án þess að vera hin fullkomna þvæla úr heimsveldi Útópíunnar, sem er stórt í dag. Það sama gildir um þjóðarstefnuna. Hún er ekki kenning heldur erfðafræðileg staðreynd eins og móðurástin, þ.e. ástin á sínum nánustu; Hún er

Bandaríska verkalýðshreyfingin var mjög óhress með þetta og barátta hennar náði hámarki þegar innflutningur þýskra og japanskra bifreiða tókst á loft á sjöunda áratug 20. aldarinnar. Donald Trump er foringi hennar núna

Stóra-Bretland sem valdi leið sósíalisma og þjóðnýtinga frá og með ríkisstjórn Verkamannaflokksins 1945, varð ófært um að taka þátt nýrri uppsetningu heimsins og þeim kapítalisma sem Bandaríkin sömdu reglur og regluverk yfir, en sem nú hafa verið eyðilagðar af þeim sem nutu þeirra hve mest og ýtrast. Það var ekki fyrr en að Margrét Thatcher komst til valda að Bretland fór að ná sér á strik á ný. En Bretar voru eina þjóðin sem barðist frá fyrsta degi til síðasta dags Síðari heimsstyrjaldarinnar. Og þeir framleiddu meira magn af vopnum og hertækjum en Þýskaland undir heimsvaldaríkisstjórn Hitlers náði að framleiða með allt það landsvæði undir sér sem er Evrópusambandið í dag. Tími Stóra-Bretlands er sennilega að koma aftur núna, frá og með brexit

Heimurinn er kominn í nýjan uppsetningarfasa, einu sinni enn. Og á um það bil 80 ára fresti hefst nýtt rassakastatímabil Þýskalands í Evrópu. Það er því hafið á ný, eins og sést. Ekki þarf annað en að hella tveimur bjórum ofan í þýskan til að fá út hvað honum finnst í raun og veru, 80 árum síðar. Honum finnst að Þýskaland hefði átt að sigra. Öll samviska Þýskalands vegna þess sem gerðist fyrir 80 árum er gufuð upp. Ný samvika er kominn í staðinn og hún er þessi; "Við áttum skilið að sigra". Þessi þvæla hefur líka tekið sér bólfestu í hugum margra þeirra sem tilheyra íslenskri stjórnmála- og gáfumennastétt í dag. Þýskaland er því nú þegar komið í slagsmál við Pólland, hvers þjóðar það drap um fimmtung af, Austur-Evrópu, Suður-Evrópu og Bretland á ný. Þýsku rassaköstin í Evrópu eru hafin

Og hvað raðbilaða forystu Sjálfstæðisflokksins varðar í dag, þá er klisjan um "fríverslun" á þessu 80 ára tímabili orðin að heilabilun hjá henni, eins og hjá öðrum Samfylkingarflokkum af verstu sort. Forystan er þungt haldin af fávísi og hættulegri heimsku í þeim efnum, því hún hyggst leiða Ísland inn í nýtt tímabil viðskiptaánauðar. Mikið skal sá flokkur fá í afturendann fyrir ferðina

Fríverslun síðustu 70 ára var einungis barn síns tíma. Hún var tímabundin viðbrögð við geópólitískum staðreyndum. Nýjar stefnur eru að taka við, byggðar á nýjum afleiðingum geópólitískra staðreynda. Það sama gildir um EES-samninginn. Honum verður því að segja upp hið fyrsta, svo að hægt sé að gera pláss fyrir farsæla för lýðveldis Íslendinga inn í framtíð nýrra staðreynda. Gamli gullfóturinn kemur ekki aftur. Honum skyldi enginn fórna sér fyrir. Ísland er á Vesturhveli jarðar. Við tilheyrum Nýja heiminum

Fyrri færsla 

Úrbeinaðir smáfuglar Valhallar komnir í trekt

Bað Pólverja fyrirgefningar

Athugasemdir

[Símon Pétur frá Hákoti (IP-tala skráð) 1.9.2019 kl. 20:54]

Amen.

Auk þess minni ég á að Þýskaland/Þjóðverjar geta aldrei haft hemil á frekju sinni og yfirgangi, útþenslustefnu þeirra linnir aldrei og þeir fara alltaf aftur og aftur í stríð, en tapa þeim alltaf aftur og aftur.  Það er nú að gera þá enn og aftur brjálaða. 

En núverandi ríkisstjórn Íslands með kommakratatetrin í BDV ætla nú að samfylkja með þeim og afhenda þeim yfirráðin yfir orkuauðlindum íslenska þjóðarinnar.  Það skal aldrei verða!

[Theódór Norðkvist, 1.9.2019 kl. 21:51]

Góð grein. ESB á ekkert skylt við frjálsa verslun, eins og Brexit sýnir. ESB notar "frjálsa" verslun sem fjárkúgun á Bretland, til að beygja þá til hlýðni við Brüssel.

Þar með er frjáls verslun ESB ekki frjáls verslun og móðgun við hugtakið að sæma fjárkúgun ESB gegn Bretlandi þeirri heiðursnafnbót.

[Gunnar Rögnvaldsson, 1.9.2019 kl. 23:34]

Þakka þér Símon Pétur.

Já. Ég vakna með hnút af reiði og sorg yfir þessum svo kallaða xD-flokki mínum, sem er hruninn sem bankabikkja í höndum plebba og bjána.

Kveðjur

[Gunnar Rögnvaldsson, 1.9.2019 kl. 23:38]

Þakka þér góðar kveðjur Theódór.

Af því að þú ert sennilega staddur á henni gömlu Skáni:

Skyldi það vera sænski fáninn eða sá ný-esbsovéski sem hangir við hún höll sænskra sósíaldemókrata og SSU-gengis hans í Bommersvík núna. Þeir lofuðu að það yrði sá sænski þegar heiðurshöll þess ríkis í sænska ríkinu var byggð, er þeir þjónuðu þýskum herrum sínum suður og niður.

Kveðjur

[Gunnar Rögnvaldsson, 1.9.2019 kl. 23:41]

Einhver sem hefur séð hið finnska leiði Jóhönnu-stjórnarinnar nýlega, sjálfa fyrirmynd Valhallar-gengisins núna?

[Gunnar Rögnvaldsson, 2.9.2019 kl. 00:48]

Kosningar fóru fram í tveimur ríkjum Þýskalands í gær, sunnudaginn 1. september: Saxlandi og Brandenburg.

Niðurstaðan nú skömmu eftir miðnætti er þessi:

-----------------------

Brandenburg:

-----------------------

SPD fékk: 26,2%. Hrundu niður úr 31,9% fylgi 2014.

AfD fékk: 23,5%. Sprengdu flygi sitt úr 12,2%.

CDU fékk: 15,6%. Hrundu niður úr 23%.

Græningjar fengu: 10,8%. Juku fylgi sitt úr 6,2%.

FDP fékk: 4,1%. Juku fylgi sitt úr 1,5%.

Píratar fengu 0,7%.

-----------------------

Saxland

-----------------------

CDU fékk 32,1%. Hrundu niður úr 39,4%.

AfD fékk 27,5%. Sprengdu flygi sitt úr 9,7%.

Vinstri (Linke) fengu 10,4%. Hrundu úr 18,9%.

Græningjar fengu 8,6%. Juku flygi sitt úr 5,7%.

SDP fegnu 7,7%. Hrundu niður úr 12,4%.

FDP fékk 4,5%. Juku fylgi sitt úr 3,8%.

-----------------------

SPD eru þýskir sósíaldemókratar

CDU er kristilegi demókrataflokkurinn

FDP eru frjálsir demókratar

[Theódór Norðkvist, 2.9.2019 kl. 13:23]

Sæll Gunnar, afsaka seint svar. Ég er á Skáni já, en þekki ekki hvaða fána þeir nota, vil sem minnst vita af sossunum.

[Gunnar Rögnvaldsson, 2.9.2019 kl. 14:50]

Ekki skal mig undra það Theódór minn góður.

Hver myndi svo sem vilja vita af slíkum.

Hmpf!

[Gunnar Rögnvaldsson, 2.9.2019 kl. 14:52]

Mér sýnist á öllu að Guðni Th. Jóhannesson 2016-forseti Íslands sé ófær um að vera forseti og í forsæti fyrir íslensku þjóðinni, sökum ótta hans við að vera með því kallaður þjóðremba.

Það er þetta sem maður viðstöðulaust les út úr málflutningi hans.

Honum myndi sennilega líða betur sem forseti til dæmis ómerkts pappakassa í gámi á hafnarbakka, eða sem forseti fjarlægrar stjörnuþoku. Eða þá að stofnuð yrði forsetaleiga, þar sem hann gæti leigt sjálfan sig út sem forseti hverrar þjóðar sem er, eða þá þeirrar sem borgar best.

En hver það er sem borga vildi hærra verð fyrir hann en þau 39 prósent sem kusu hann hér heima, er þó ekki auðvelt að koma auga á. Varla get ég ímyndað mér að Pólverjar, sem fagna endurheimt fullveldis síns, myndu vilja borga mikið fyrir að fá Guðna til sín.