Kudlow: Engin kreppa á leiðinni, heldur nýjar skattalækkanir

Bandaríkin - Ísland - Grænland - Taívan

ENGIN KREPPA Á LEIÐINNI, HELDUR NÝJAR SKATTALÆKKANIR

Larry Kudlow forstjóri efnahagsráðunauta Hvíta-húss-ríkisstjórnar Trumps, sagði í gær að engin kreppa sé á leiðinni í Bandaríkjunum (e. no recession) og kynnir um leið áform um enn frekari skattalækkanir sem fjármagnaðar verða meðal annars með því sem kemur inn í tollum á innflutningi frá meðal annars Kína. Allir eru í vinnu sem aldrei fyrr, allir eru á hærri launum, allir kaupa meira og allir hafa það betra; engin kreppa er í aðsigi, segir hann, þvert á móti eru enn frekari skattalækkanir í vændum. Enda rauk smásöluverslun í Bandaríkjunum upp, samkvæmt nýjustu tölum fyrir helgi. Flestum að óvörum

Njáll Ferguson sagnfræðingur segir að enginn hlusti lengur á munkaklaustursmenn seðlabanka og viðurkennir jafnframt að hann sjálfur hafi haft rangt fyrir sér um næstum allt frá og með fyrir brexit --jafnvel frá og með 2008-- og viðurkennir snilli Trumps. Aðeins vitibornir menn kunna að viðurkenna mistök sín

Þegar Ronald Reagan varð forseti Bandaríkjanna árið 1981, þá varð hann strax hrikalega óvinsæll, og var það fyrstu þrjú ár sín á fyrra kjörtímabilinu. Svo óvinsæll var Reagan að New York Times --þá dagblað sæmilega geðhelbrigðra vinstrimanna-- sagði að enginn hefði mælst óvinsælli í Gallupkönnun en Ronald Reagan 1982. Þarna var Reagan að hefja glímuna við Sovétríkin. En svo sprakk hagvöxtur út eins og blóm og fór upp í 8-9 prósentur síðari hluta þriðja árs Reagans sem forseta og hélt áfram á fjórða árinu, kosningaárinu 1984. Þá gáfust margir kjósendur Demókrataflokksins upp og sögðu að þeim væri nákvæmlega sama um hvort Reagan sprengdi heiminn í tætlur eða ekki, þeir myndu þó að minnsta kosti deyja ríkir, og kusu manninn. Fengu þeir nafnið Reagan-demókratar

EN HVAÐ HÖFUM VIÐ HÉR HEIMA!

Hér heima höfum við hins vegar kven- og karlkerlingar öslandi um á sjálfspyntingarkeðjum í suðupotti svartra galdra, sem kalla má ok loftslagsklámiðnaðar eins konar nýs miðstýrðs sovétisma. Svo langt gengur ruglið í þessu sjálfspyntingarliði að það þykist hafa fundið steintöflur sannleikans uppi á Oki hér í Borgarfirði. En þegar betur var að gáð, þá reyndist steintafla sannleika þeirra vera skothelt eintak af Morgunblaðinu frá 1960, (PDF hér). Það verður væntanlega kynnt í bráðnandi Valhöll hálfkommanna þar, sem Moggalygi. Já, Mogginn bráðnar ekki eins létt og Bjarni Ben Icesave-formaður Sjálfstæðisflokksins. Svona er næstum allt þetta lið, blaffrandi og bráðnandi, norður og niður. Og bráðnandi Bjarni Benediktsson, úr sömu Valhöll og Benedikt frændi hans var, hið evra, er bara orðinn aftanívagn án vits og jarðsambands í ríkisstjórn með bjánum. Þetta fólk á íslensku þjóðina alls ekki skilið, ekki frekar en einokunarkompa "Verslunar-þjónustusamtaka" um innflutt esbrusl á hana skilið. Eiga hana ekki skilið sem bestu neytendur í heimi

Það lið dreymir nú blauta drauma um að geta loksins flutt inn sérhönnuð ruslmatvæli frá ESB og selt þjóðinni sem gersemar á uppsprengdu verði. Matvælarusl hefur nefnilega alltaf verið ófáanlegt hér á Íslandi, það hefur alltaf þurft að flytja það inn, því Ísland býður ekki upp á rusl. Hér vex einfaldlega ekki rusl. Ónýtar innfluttar kartöflur sem voru svínafóður voru seldar hér sem mannamatur í vor. Einokunarliðið keypti það sennilega af öskuhaugahaldara í ESB fyrir ekki neitt. Þetta er sama vandamálið í löndum Austur-Evrópu, sem kjarnalönd esb fóðra á þýsku rusli, sem sérhannað er til útflutnings til ESB-landa sem í handjárnuðu gengisfyrirkomulagi eru við það. Þýskt nautakjöt úr gúmmíi var selt hér sem mannamatur um daginn. Það var ekki einu sinni hæft í hakk. Svo lélegt var það að það gat ekki einu sinni brunnið við, svo sérhannað var það. Konan mín keypti það fyrir mistök og gerir það ekki aftur

Á meðan Trump kýlir skattana niður, en hagvöxt, atvinnu og tollana á misnotendur alþjóðakerfisins upp, þá situr okkar góða þjóð hér heima uppi með ríkisstjórn með allt niður um sig. Þjóðin situr varnarlaus og föst í EES-samningi, sem kýlir skattana upp sökum þess að hingað upp flæðir innflutt skattbyrðin inn frá Evrópusambandinu, sem er á hausnum og búið að vera sem lífvænlegur bústaður manna. Enda er Bretland að fara þaðan út. Hingað inn flæða ESB-mjaltavélar sem mjólka íslenska skattgreiðendur, eyðileggja landbúnað okkar og hvers Schengen-vottaður glæðalýður sturtast stjórnlaust hingað inn. Og ofan í allt þetta hyggst ríkisstjórn botnfallsins í Sjálfstæðisflokknum, Framsóknarflokknum og Vinstri grænum, henda fullveldi þjóðarinnar fyrir róða og margfalda hér raforkuverð. Íslensku hitaveiturnar munu fara sömu leið. Enginn kaus þetta fólk til þessara gjörða. Um hrein óheillindi og skemmdarverk er hér að ræða

GRÆNLAND KEYPT ÚT ÚR DÖNSKU ÞROTABÚI?

Donald J. Trump forseti staðfestir nú að Grænland hafi verið rætt í ríkisstjórn hans. Það eitt og sér staðfestir álit mitt sem ég lýsti hér í febrúar, að Bandaríkin vilja að Grænlendingar verði loksins sjálfstæð þjóð í sínu eigin landi og í öruggum höndum. Hve mikið það mun kosta Bandaríkin að kaupa Grænlandi frelsi frá nýlenduherrum þess, er ekki vitað enn. Í þau tæp 30 ár sem ég bjó í Danmörku og fylgdist mjög vel með dönskum stjórnmálum, var Grænland ávallt álitið byrði á Danmörku og talað niður til þess nema á tyllidögum. Það sama gilti um Færeyjar, sem Danske bank þurrkaði tapi sínu á í Færeyjamálinu

Danmörk veldur ekki hlutverki sínu sem nýlenduherra, hvorki á Grænlandi né í Færeyjum. Engan vegin, og sjálf hún Danmörk er heldur ekki fullvalda ríki lengur. Brussel er með fullveldi hennar læst inn í skáp hjá sér. Grænland er því rekald í veraldarhafinu og létt bráð uppkaupsveldis Kínverska kommúnistaflokksins og félaga hans. Hversu hátt Bjarni Benediktsson formaður Sjálfstæðisflokksins er kominn upp í áliti þar sem nytsamur kjáni, í gegnum bankaráð kommúnistaflokksins í AIIB, er ekki vitað enn og allra síst veit hann það sjálfur. En þaðan er lítillar aðstoðar að vænta til handa Grænlendingum, því Bjarni Benediktsson formaður Sjálfstæðisflokksins er orðinn nýlendusinni sjálfur, ófær um að standa með sinni eigin þjóð í grundvallarmálum og búinn að rústa Sjálfstæðisflokknum

Grænlendingar virðast því miður ekki hafa neitt á borð við hið þjóðbernska afl íslensku þjóðarinnar, sem reif Ísland úr klóm danskra nýlenduhaldara. Þeir þurfa því aðstoð. Hér getum við aðstoðað Bandaríkin við að aðstoða Grænlendinga til fullveldis og sjálfstæðis í sínu eigin landi

ORRUSTUÞOTUR TIL TAÍVAN

Bandaríska forsetaembættið hefur samþykkt sölu á 66 Lockheed Martin F-16V orrustuþotum til ríkisstjórnar Taívans. Varnarmálafréttir segir að þverpólitísk samstaða sé um söluna í bandaríska þinginu og að mánuður sé í að afhendingar geti hafist eftir samþykki beggja málstofa þess. Þar í báðum málstofum eru menn enn harðari gagnvart Kína en Trump forseti. Flestir í heiminum nema í Valhöll eru sammála því sem Trump er að gera þar. En enginn þorði samt að vera fyrstur til að segja það. Valhöll fattar allt síðast, enda á eins konar listamannalaunum hjá íslensku þjóðinni í utanríkismálaranefnd, sem nytsamir kjánar. Varla neinn í þeirri plebbahöll á íslensku þjóðina lengur skilið. Svo mikið er víst

Ísland ætti fyrir löngu að hafa komið sér upp Lofthelgisgæslu með vopnuðum orrustuþotum íslensks varnarliðs, sem gætt gæti loftrýmis okkar í óbilandi bandalagsstreng við Bandaríkin. Allar afsakanir í þeim efnum eru lélegar afsakanir. Slíkt yrði landi okkar öllu mikil lyftistöng og íslensk ungmenni myndu flykkjast þar inn til þjálfunar, lærdóms og starfa. Færri myndu komast að en vildu, svo mikil yrði ásóknin í að fá að þjóna Lýðveldi Íslendinga og ættjörð sinni

- Gunnar er þjóðaríhaldsmaður 

Fyrri færsla

Sovésk miðaldastemming í utanríkis-málanefnd

Skrár tengdar þessari bloggfærslu:

• Jöklar eyðast: Morgunblaðið 9. október 1960

Athugasemdir

[Lárus Ingi Guðmundsson, 19.8.2019 kl. 11:14]

Dæmi uþ skiða pakka a randyru avæði i Usa sem kost 750.000 með ollu rr nu kominn jpp i 1.4 miljon. Er þ goðæri ? Það er nog eftirspurn og full bokað þratt fyrir að verð h tvofaldast !

Svar . Nei þetta er ekki goðæri eða velmegun.

 Þeta er fyrst og gremst þerki um að rikir rru að vera ofur rikir en MILLI STETTIN ER S HVRRFANDA HVELI.

Vanskil a Namslanim eru i hæðstu hæðum og atvinnul tilur blekking þar sem þ reikna tvo memm i halfsdags dtarfi sem 1 i fulkri vinnu en BAÐIR HAFA Þ JAFN SKITT.

Þsð er nefnil 5 procentið sem eyðir peningum eins og engin se morgun dagurinn, þeir dem fluttu framl til KINA og ligðu niður feaml heima fyrir a kostnað hinar þverandi millistettar og toku siðan viðskiptin i gegnum CAYMAN ISLAND og skikdu eftir mismuninn þar og lækkuðu þ skattbyrðina a sjalfum ser heima fyrir i Usa og  millistettinni blæðir og henni rr hægt og rolega að blæða ut og fer þverrandi. 

Þetta eru aðilarnir sem eyða peningum i Usa i dag og eru að gera þ a kostnað hinnar þverrandi milli stettar sem að mun enda m algrrum hryllingi.

Það rru allir i Usa a kreditkorta fyllery nem þessi svokolluðu 5 PROSENT.Þjoðin sjalf með lantokum og skuldum og þetta er ekki Smalana fylleri eins og a islamdi heldur er þetta STORLANA FYLKERI.

Eg segi nu bara .. afram kim og Norður korea.!!!

[Gunnar Rögnvaldsson, 19.8.2019 kl. 16:27]

Kva, þú hér Lárus?

Ég sem hélt að þú værir upptekinn við að mótmæla komu Merkel-keisarans af ESB, vegna meðferðar hennar á vöggu lýðræðisins, Grikklandi, þar sem hún hefur rústað því nýlendu-landi sínu svo, að rúmlega einn fjórði hluti hagkerfis þess er horfinn, í því sem venjulega geðprúðir en áttavilltir esbmenn í gaukshreiðrum sínum kalla "samstarf"(um efnahagslegt sjálfsmorð). 

Hver veit nema Merkel fari til Norður-Kóreu á hvíldarheimili þar eins og sósíaldemókratískur forsætisráðherra Danmerkur gerði, Anker Jörgensen, þegar hann komst ekki til Austur-Þýskalands, þar sem Merkel ólst upp og lærði listir sínar.

Katrín loft-mikla Oksdóttir, bráðnunarfræðingur, hlýtur sýna þér samstöðu og mótmæla komu Merkels með þér. Annað væri óhugsandi, svo "réttlát" sem komminn hún er. Kommar eru jú alltaf svo réttlátir.

Kveðjur