SDG spilaði hikkory dikkory dokk fyrir Fallveldið

Horfa: Rick brexit Wakeman leikur barnagælur

****

Músagangur þriggja blindra í orkupakka ESB

Óstuð þriðja fasa Orkubandalags Evrópusambandsins varð að raflosti fyrir skrifstofumúsaveldi xD, xB og Vaffgé. Sjaldan eða aldrei hefur sést annað eins óvita- og skemmdarverkalið í neinum flokkum eins og þessum þremur. Með því að fresta málinu var stigið rétt spor, en of lítið og of seint til að bjarga neinu fyrir fallveldi þessara sjálfsvígsflokka, og er það gott, því það lið á varla lengur skilið að fá að lifa sjálft sig af

Miðflokkur Sigmundar Davíðs kom, sá, sigraði og spilaði íslenska stafrófið fyrir ESB-fallveldið í Kvalhöll, Kommastöðum og í Þrammsókn. Setuliði því voru kenndir annar, fjórði og vafffúli bókstafurinn með naflastrengnum yfir í Lenín, grænan af öfund í framan

a,b,c,d,e,f,g
eftir kemur h,i,j,k
l,m,n,o einnig p
ætla ég q þar standi hjá

r,s,t,u,v eru þar næst
x,y,z,þ,æ,ö

a, b, c, d, e, f, g
eftir kemur h, i, j, k
l, m, n, o, einnig p,
ætla eg q þar standi hjá.

r, s, t, u eru þar næst
x, y, ý, z, þ, æ, ö

Úr sendibréfi til þjóðar frá vígstöðvunum:

Alþingi laugardagur, 25. maí 2019 kl. 07:28:40

Ólafur Ísleifsson segir að enginn þessara flokka sem nú tala fyrir málinu, töluðu fyrir því fyrir síðustu kosningar

Ja hérna segi ég, þeir eru umboðslausir í þessu máli - og í Morgunblaðsgrein Björns (útúrsnúnings) Bjarnasonar þann 24. september 2002, um fyrri orkupakka, segir að ekki megi samþykkja þá. Sækja verður um undanþágur. Hér séu nefnilega allt aðrar aðstæður en gilda um orkumál í Evrópusambandinu, segir Björn þá. Rödd Björns þá ættu þingmenn Sjálfstæðisflokksins að hlusta á núna. Halló, er ekki allt í lagi. Einhver heima?

Alþingi laugardagur, 25. maí 2019 kl. 07:49:17

Karl Gauti Hjaltason segir að þetta sé fyrsta ræða hans á kristilegum tíma í dag og óskar hann því Sjálfstæðisflokknum á þessum fallega degi til hamingju með 90 ára afmælið, sem er í dag. Karl Gauti Hjaltason Miðflokksins talar um aflátsbréfasölu í raforkumálum. Við höfum innleitt þetta (að utan) og erum að selja burt hreinleikavottun orku okkar

Jón Þór Þorvaldsson segir að hann viti af tilvist þessara aflátsbréfa en þekki málið þó ekki til hlítar. En hvenær ákváðum við að selja burt frá okkur hreinleikavottun okkar sjálfra

Alþingi laugardagur, 25. maí 2019 kl. 08:07:52

Sigmundur Davíð Gunnlaugsson segir og segist ekki skilja þetta. Getur þá landbúnaður, til dæmis kjúklingabú sem aldrei er með salmonellu lent í því, að til dæmis ESB-kjúklingabú sem er með fullt af salmonellu, endi líf hins góða kjúklingabús sem er með allt sitt á hreinu á Íslandi

Karl Gauti Hjaltason segir já þetta eru lofsverðar blekkingar og sem talað hefur verið um

Já segi ég; með einu pennastriki hefur ESB ákveðið að til dæmis raforka sem framleidd er með bruna tréflísa sé co2 hlutlaus, þegar allir vita að hún er það ekki. Þetta varð svo til þess að Danir hafa skipt frá kolum yfir í tréflísar. Milljón tonn af trjáflísum þarf til að jafnast á við hálfa milljón tonn af kolum. Svona er brandarastykkið þar í boði ESB. Til dæmis þarf stöð á borð við Kárahnjúkavirkjun sennilega 2 milljónir tonna af tréflísum til að fá út 700-800 Mw

Alþingi laugardagur, 25. maí 2019 kl. 08:24:10

Birgir Þórarinsson segir að málið sé vanreifað og það sé ótrúlegt að svona stórt mál fái þannig meðferð og það sé þess eðlis að utan þingsins séu menn að fara á taugum yfir því að Miðflokksmenn skuli dirfast að reyna að greina það til mergjar

Sigmundur Davíð Gunnlaugsson segir að svona aðferðum við að þagga niður umræður um svo stórt mál séu til marks um það að menn hafi ekki hreina samvisku í þessu máli. Þeir vilja að sem fæstir fái nasaþef af eðli málsins og þýðingu þess fyrir þjóðina

Jón Þór Þorvaldsson segir að það sé einkennilegt að því sé haldið fram af pakkafólki að málið snúist að einhverju leyti um gegnsæi og neytendavernd. Her er um sósíalistískar aðferðir að ræða, en ekki um markaðsvæðingu og neytendavernd, eins og skilningur venjulegs fólk sé um þau mál

Alþingi laugardagur, 25. maí 2019 kl. 08:33:39

Já segi ég. Rétt er sennilega að tala um þingmenn ríkisstjórnarinnar sem miðstýrðan hóp. Miðstjórn þingmanna Sjálfstæðisflokks, Framsóknar og Vinstri grænna er ekki að finna í þeim flokkum heldur utan allra flokkanna, en samt hvergi. Enginn botnar í sinnaskiptum allra þingmanna á sömu stundinni. Og enginn þeirra impraði á þessu máli fyrir síðustu kosningar. Málið er samt risavaxið mál fyrir þjóðina. Risavaxið! - og það varðar sjálfa Stjórnarskrá Íslands

Fyrri færsla

Hvað er þetta "samfélag þjóðanna"? - Þýskar fylgistölur

Samkomulag um þinglok í höfn

Athugasemdir

[Símon Pétur frá Hákoti (IP-tala skráð) 19.6.2019 kl. 13:02]

Það er hlálegt að sjá alla þingmenn "Sjálfstæðisflokksins" fylkja liði með sínum nýja og helsta spámanni, Jóni Frímanni.

[Símon Pétur frá Hákoti (IP-tala skráð) 19.6.2019 kl. 13:13]

Þar ganga þeir gæsaganginn með Jón Frímann 

í fararbroddi.  

Þingmenn "Sjálfstæðisflokksins"

Aumkvunarverðara gerist það ekki.

[Gunnar Rögnvaldsson, 19.6.2019 kl. 15:48]

Já Símon Pétur.

Aumari meðmælendur getur enginn fengið. Allt ber hér að sama Icesave-brunni og áður. Ekkert hefur breyst og enginn í toppi xD hefur gleymt neinu né lært neitt.

Nú hefur lélegasti stjórnmálaforingi síðari tíma, Bjarni Benediktsson, sem kvartaði svo seint sem í gær yfir því að Ísland sé ekki eins og "önnur lönd", tekið Sjálfstæðisflokkinn yfir þann þröskuld þar sem stuðningsmenn flokksins hoppa frekar af honum, eftir að hafa árum saman mátt þola það að eina leiðin til að styðja við flokkinn var að berjast gegn stjórnmálavesalings-færslum hans, og þar með forystunni allri.

Þegar þannig er komið að ekki sé hægt að styðja lengur við xD, nema í formi þess að berjast gegn honum, þá er sú stund runnin upp að stuðnings- og flokksmenn sjá orku sinni betur varið í að styðja við brautargengi annars eða nýs flokks, sem hægt er að styðja við með því að berjast með, en ekki á móti.

Enginn nennir að hafa óvitabörn á framfærslu sinni sem kaupa þarf bleyjur á og forða frá krónískum sjálfsvígum alla æfi. Óvitabörn sem aldrei vaxa úr grasi og fullorðnast bara alls ekki.

Sennilega er hér að sannast að líftími stjórnmálaflokka getur kannski ekki orðið lengri en fimm til sex kynslóðir. Það passar ágætlega við það sem gerist í flestum fyrirtækjum, sem afkomendur í fjórða til fimmta lið hafa erft, en stúta með krónísku slefi og forheimskun sinni.

Kveðjur

[Gunnar Rögnvaldsson, 19.6.2019 kl. 15:49]

En nú er loksins komin dálítil rigning hér í Borgarfirði eftir næstum tveggja mánaða þurrka. Hún hljómar eins og hughreysting Jóns Leifs á þakinu núna. Betri er Mozart!

Íslenska þjóðin gleymir aldrei. Hún man.

[Símon Pétur frá Hákoti (IP-tala skráð) 19.6.2019 kl. 16:37]

Tek undir hvert orð þitt Gunnar, í pistli sem og athugasemdum. 

Og mjög gott til þess að vita að íslensk væta leggst nú í lið með ykkur í Borgarfirðinum.  Ekki veitir af eftir þurrkatíðina.  

Mbkv.

Símon Pétur

[Helga Kristjánsdóttir, 19.6.2019 kl. 20:43]

Spörfuglarnir fagna einnig nú þegar maðkur er í moldinni.
þakka ykkur fyrir góð skrif.

[Gunnar Rögnvaldsson, 19.6.2019 kl. 22:26]

Þakka þér Helga.

Já, nokkrar skúrir urðu það, en ekki mikið meira. Þiggjum þær þó með þökkum.

Og nú nálgast hafís landið eftir tveggja mánaða látlausa norðan súgþurrkun.

Kannski að veturinn verði athyglisverður líka.

Kveðja

[Valdimar Samúelsson, 19.6.2019 kl. 22:43]

Gunnar góð grein en þetta er að verða Horror. Ég hef verið að horfa á Myndaflokkinn Yellostone síðustu mánuði þar sem fjármálagangsterar eru að sölsa yfir sig landbúnaðar löndum í Mountana. Síðast í myndinni hengdu bændur þann sem vildi bændum illt. Þetta skeður þegar glæpamenn svífast einskis og reyna að sölsa lönd með orkulindum o.fl. við erum með skemmt lið á Alþingi sem svífst einskið við samskonar tilraunir og þeir í Montanna. Samskonar aðferðir og ná ár og vatnsból gróðurlendi til að þvinga bændur að jörðunum 

[Jón Steinar Ragnarsson, 21.6.2019 kl. 00:46]

Í dag hefur Björn Bjarna fundið útúrsnúning úr skoðanakönnunum sem samræmast ekki skoðunum hans. Þær er ekki endilega að marka því pöbullinn skilur ekki um hvað málið snýst. Hann er auðvitað ekki hluti pöbulsins.

Talandi um pöbul þá óttast sjálfstæðisflokkurinn framar öllu að fá á sig brennimarkið popúlistar. Popúlismi hefur enga tilvísun í vinsældir heldur til almennings. (Pöbulsins) Svona eins og próletaríanistarnir sem pirruðu nómenkladíuna í sovíet forðum fyrir að tala munni prólítaríatsins, enda sama hugtak á ferð.

Það er náttúrlega óþolandi þegar einhver stendur upp og talar máli meirihluta almennings gegn aðalnum. Þessi fyrirlitlegi pöbull sem vogar sér að hafa aðrar skoðanir en PC kirkjan boðar og fær fylgi sem veltir teknókrötum og búrókrötum úr sessi. Þetta á náttúrlega ekki að líðast.

Páfar ESB gáfu út skipun nú rétt fyrir kosningar hjá þeim að setja skildi milljarða evra í að sporna gegn popúlisma og "falsfréttum". Það var greinilega of seint í rassinn gripið.

Meira að segja fékk "rannsóknarstofnunin" Reykjavíkurborg 400 milljónir til rannsóknar á popúlisma frá ESB án þess að nokkur deplaði auga. Fundnir voru tveir blýantsnagarar á barmi kulnunnar til að rannsaka þetta og eyða þessum peningum. Þau tóku sér leyfi frá eineltisrannsóknum væntanlega, sem er þó aðalviðfangsefni reykjavíkurborgar, sem hentuglega breiðir yfir öll braggamál og blönder á öðrum sviðum.