Nýja Trump-sólin að skína alls staðar

Mynd, Hvíta húsið: Donald J. Trump í Víetnam í vikunni

****

Í vikunni reis Trump-sólin enn hærra í tveimur heimsálfum samtímis

Í Ameríku lauk síðasta þætti í rússnesku leiksýningu Demókrataflokksins. Þar kom "blindaður" maður fyrir þingnefnd og sagði að Trump hefði greitt fjárkúgara peninga fyrir að þegja. Ekkert ólöglegt við það mál, en sem samt er ekki eins stórt mál og Icesave; þar sem næstum heil stjórnmálamannastétt ætlaði að láta heila þjóð borga

Mueller rannsókninni er því að ljúka, tveimur árum of snemma fyrir Demókrataflokkinn. Og um leið og sú sýning endar, hefst sjálft Rússagillið: þ.e. Trump opnar pappírana sem sýna og sanna samsæri Demókrata og forseta þeirra, gegn ekki bara forsetaframbjóðanda, heldur einnig gegn þjóðkjörnum forseta Bandaríkjanna, sjálfum Donald J. Trump. Sú sýning mun svo verða öllum opin alla daga ársins næstu tvö árin, fram að næstu kosningum

Á sama deginum, en nú í Asíu, gekk Trump út af fundi með einræðisherra Norður-Kóreu, sem Kína hafði lofað Bandaríkjunum að myndi ekki koma sér upp kjarnorkuvopnum. Og þar sem Trump er að pressa Kína til að fara eftir -þó ekki sé nema bara einu sinni- þeim alþjóðlegu samningum og samkomulögum sem landið -ef svo má kalla Kína- hefur gert við aðrar þjóðir, þá var útgangan af fundinum alls ekki það versta sem gerst gat fyrir bandaríska forsetann, sem kallaði fésoltna ljósku fyrir hrossfés (e. horse face)

Útgangan gagnast Trump alveg ágætlega gagnvart Kína. Nú getur hann nefnilega byrjað að gefa Kommúnistaflokknum í Peking til kynna, að ástandið sé því miður það algerlega óásættanlega óþolandi, fyrir bæði Bandaríkin og bandamenn þeirra í Suð-Austurasíu, að erfitt sé að sjá til hvers annars það muni leiða en þess, að Kína verði á rólegan og yfirvegaðan hátt gert grein fyrir því, að komi það ekki böndum yfir Norðrið, þá muni það leiða til þess að Bandaríkin geti ekki lengur sett sig upp á móti því -"komið böndum yfir"- að Suður-Kórea, Japan, Taívan, Víetnam og Ástralía muni koma sér upp kjarnorkuvopnum, sem öll beinast að Norður-Kóreu og Kína, og sem virka, og yrðu kannski framleidd á vel smurðu færibandi eins og Hondur, Toyota og Kíur. Allar viðræður um viðskipti á milli Bandaríkjanna og Kína munu að sjálfsögðu einnig verða að taka mið af þessu, - nema að eitthvað komi á borðið sem kætir munn og maga bandaríska viðskiptaráðuneytisins. Veruleg hætta sé því á að Kína litla geti jafnvel breyst í helvítis-holu (e. hell hole), fyrir Kínverja sjálfa, sem hafa náð svo langt, að geta jafnvel framleitt stél og vængi á Coman C919 farþegaþotuna, sem illa gengur að koma sem Made in China í loftið, nema sem svifflugvél

Víkur þá sögunni til Brussel, sem Trump sagði einnig að um tíma hefði verið í helvítis-holu ásigkomulagi. Þar er viss púðurþráður sem liggur alla leið til Berlínar. Hann þarf að skoða nánar, sérstaklega í ljósi þess að allar snobbuðustu hugveitur og stofnanir heimsins hafa tekið upp Trump-pólitísku viðhorfin gagnvart Kína - og það alveg án þess að hafa tekið eftir því. Bandaríkin hóta jafnvel að hætta að deila upplýsingum með þeim löndum sem banna ekki kínverska tækni í 5G netverks-innviðum

Á meðan býr bandaríska þjóðin heima í Bandaríkjunum við besta atvinnuástand síðan að mælingar hófust. Besta atvinnuástand meðal minnihlutahópa nokkru sinni. Meira en þrjú prósent árshagvöxt, sem allir nema Trump sögðu að væri óframkvæmanlegur. Kauphækkanir handa vinnandi fólki. Alla fjármálamarkaði í topp-standi. Og Trump á fullu við að ræsa út mýrina, plús skattalækkanir, og mun minna og hratt minnkandi reglugerðafargan en áður hefur til sést til á nýrri tímum, og nýjan heimsmeistaratitil í orkuframleiðslu. Og það besta af öllu; heilan Demókrataflokk sem er að fyllast af svo miklum skríl af sósíalistum, að gamlir miðjumenn þar innanborðs keppast við að þvo af sér alla hófsemi í pólitískum skoðunum, við handvaskinn stóra. Annars verður þeim stillt upp í Moskvuréttarhöldum flokksins og þeir hreinsaðir út (e. purges) eins og í Kína

Á meðan tifar klukkan fyrir Berlín - og öld Asíu er að enda, en ekki að byrja. Og eins og allir vita, þá hafa allar aldir Evrópu nú þegar endað. Þær enduðu 1945 og 1989. Evrópa er núll

Pax Americana er sem sagt að berja úr sér beyglunar, eftir klessukeyrslur útópíustjóra glóbalismans. Ameríka ræður ferðinni ein, þökk sé einum hugrökkum manni, einn á móti öllum sem hugsast gat. Þeir sem sáu ekki neitt, föttuðu ekki neitt og skildu ekki neitt, fyrr en um seinan, hata hann manna mest, eins og alltaf. Þannig virkar öfundin. En Wyatt Earp virkar betur

Fyrri færsla

Tæknilegt framhald Sjálfstæðisflokksins er 12 prósent

Athugasemdir

[Ragnhildur Kolka, 2.3.2019 kl. 13:01]

Hér heima hæddist RÚV að sneypuför Trump´s til Hanoi. Þarna hafi náunginn sem stærir sig af að vera samningasnillingur komið tómhentur heim. Þar hvarflaði að engum að það að ganga frá borðinu sé einmitt hluti af tækninni. Staðreyndin er að það er Kim Jong Un sem laumaðist frá Hanoi, sendi diplómata á síðbúin fréttamannafund í stað samningamannsins sem eflaust verður tekin af lífi strax við heimkomuna. Fyrir fundinn höfðu væntingar verið blásnar upp í Norður Kóreu um stóra sigra leiðtogans mikla. Búist var við að sigurganga hans með herleiddan Trump í bandi yrði örugglega spiluð á rerun allan sólarhringinn. Í staðinn verða líklega gefnar út yfirlýsingar um heiftúðlega flensu leiðtogans sem lætur lítið fara fyrir sér meðan -hreinsað- er til í sendinefndinni.

[Gunnar Rögnvaldsson, 2.3.2019 kl. 16:22]

Já Ragnhildur. Kemo-treapía Trumps, sem bandaríska þjóðin bað um, hefur þær aukaverkanir að líkkistuveldi fyrirbæra á borð við DDRÚV, reyta sjálf af sér hárin fyrir eigin vélarafli. Þær aflúsast bara sem tunnutómveldin og maður fer hjá sér yfir að vera skyldaður til að halda því uppi. Þar skín í opinberan skallann eftir til dæmis flutning DDRÚVs á hinu tóma tunnuveldi sínu í þriggja þátta útvarps-seríu, um að ekkert nema tómið eitt væri í höfði Trumps, og allrar ættar hans líka, þegar forkosningarnar voru að enda, um svipað leyti og yfirlýsingar um að "þessi maður verður aldrei forseti" flugu hér á landi, jafnt frá hægri en þó áberandi mest frá vinstri.

"Principled Realism" þjóðaröryggisstefna Trumps nær ekki í gegnum gamla hippaskallann á DDRÚV, þannig að þar synda menn bara um í kvenrembdum siljum og bárum, og komast aldrei í land, því förinni er heitið ekkert nema til tómhyggjustaða hins nýja skríls-vinstris.

Kveðja