Hatursiðnaður góða fólksins

Græna hagkerfið að "arðráns-störfum": Fimm þúsund tonna græna baneitraða batteríið sést ekki á þessari mynd með CAT D11. Vondur kjósandi tók myndina. Sennilega hvítur karlmaður, sem jafnvel á trukkinn sinn sjálfur. Skelfilegt!

****

Heilög krossferð verkalýðshreyfingarinnar er eins og svo margt annað í dag, byggð á hatri. Hluti þess fólks sem búið hefur sér til starfsferil úr hatri sínu á kapítalisma og á þeim sem eiga og þéna meira en það hefur sjálft, lifir hátt núna. Þetta sjáum við ágætlega á hatursiðnaðarhverfum góða fólksins í dag, sem vaxið hafa á svæsinn hátt undanfarin mörg ár. Þar er það einkaframtak hatursins sem á öll einkaleyfin fyrir hatri á öðrum

Allir vita að launafólk hefur aldrei haft það eins gott og í dag. En samt ræðir þetta fólk um verkföll á bestu efnahagslegu dögum íslenska lýðveldisins. Beðið er um harmageddón vinstrisins: fullkomnunina. Afleiðing fullkomnunar er hins vegar ávallt útópíuknúið ekkert. Tómið eitt, því að það sem er nógu gott, er í eðli sínu gott, og getur aldrei orðið fullkomið án þess að allt það góða sé brennt niður, jafnað við jörðu og banvænni útópíunni rúllað út. Ísland þarf ekki að vera fullkomið. Það er nógu gott eins og það er og miklu meira en það. Það sama gildir um Vesturlönd sem þetta sama fólk hatar líka

Að mörgu leyti má segja að vinstrihreyfingin sé almennt orðin að haturshreyfingu. Ár eftir ár finnur vinstrið upp nýjar hatursgreinar til að búa sér til starfsferil úr, með vísan í lögverndaða einkaleyfisstöðu þess sem fórnarlamba-framleiðandi. Sem háskólavottaður framleiðandi endalausra fórnarlambahópa svo það stappar við allsherjar geggjun, þá halda peningarnir áfram að koma rúllandi frá þeim sem fjárveitingavaldið hafa. Það er enginn peningur í því að segjast standa uppréttur og vera í lagi

Græna haturshreyfingin á kapítalismanum er ágætis dæmi um það. Og hún virkar til dæmis þannig að háborgir græningja eru sóðalegustu borgir jarðar -fyrir utan ríki kommúnismans- þar sem allt flýtur í óhreinindum, subbuskap, endurlífguðum sjúkdómum eins og berklum, mænusótt, barnaveiki, rauðum hundum og mislingum. Holdsveiki er á næsta leyti. Sóðaskapur og bakteríuhernaður frá rotnandi matarleyfum og stinknadi æluspýja úr aumingjaafurðum vinstrisins og sprautur dópista liggja í sandkössum barnanna, sem þetta fólk vill helst ekki eiga, vegna haturs á karlmönnum. Þetta eru háborgir græningja um allan heim. Græna fólkið heimtar meiri náttúru í sínu eigin náttúruleysi, en svo bankar gamla harða náttúran upp á í lífi þess sem sjúkdómar, fallandi lífslíkur og græn fátækt. Þeir íslensku bændur sem segjast til dæmis vera græningjar í dag, voru það allt sitt líf í þúsund ár, en bara án þess að vita af því. Þeir vita hvað náttúran er grimm, duttlungafull, hörð og órómantísk í návígi. Eina ástæðan fyrir grænku þeirra í dag er bara gamla vinstrið. Rauða gamla vinstrið. Allt hitt er þvaður plús fjárlög

Þegar þetta vinstralið verður uppiskroppa með til dæmis rasista, því þeir eru varla til nema í höfðum þessa fólks sem hefur einkaleyfi á að hata hvíta karlmenn, þá er fasisma-stimplinum dengt yfir þá sem eiga ekki eignarlóð í hatursiðnaðarhverfum vinstrisins, sem fann sér grænan málstað um leið og sá rauði kláraðist síðast. Konur og karlar úr aumingja-iðnaðarhverfum kvenrembu-femínisma, útvarpa nýjum og nýjum viðfangsefnum til að hata, úr hatursuppfinninga-deildum háskólanna, þar sem það hefur búið sér til starfsgreinar byggðar á hatri

Það ömurlega við þann stóra hóp fólks sem hefur atvinnu af því að hata aðra og hefur byggt upp heilan starfsferil sem byggir á hatri, er það, að um leið og hann verður uppiskroppa með fórnarlömb til að hata, að þá finnur hann bara upp nýjar hatursgreinar: þær síðustu eru ófædd börn í móðurkviði, metoo-stappan, sem er eins og nýnasistahreyfing góða fólksins, og svo er það Donald Trump, eftir að næstum ómögulegt var að hata Davíð Oddsson meira. Menn sem geta eitthvað skulu hataðir í hel. Þannig er þetta orðið. En það fólk sem heldur þessu liði upp með landsframleiðslu í hörðum krónum, er hins vegar byrjað að verða reitt. Ekki reitt á eyðieggjandi hátt, heldur reitt í kjörklefanum, því að um sómakært fólk er að ræða. Það sættir sig ekki lengur við að þeir sem geta eitthvað séu hataðir í hel. Það kýs jarðýtur sem brotna ekki í spón við hvaða fyrirstöðu sem er

Framhald: Victor Davis Hanson bóndi og sagnfræðingur kann betur að koma orðum að þessu en ég í grein sinni: The Strange Paradoxes of Our Age

Fyrri færsla

Aldrei aftur!

Athugasemdir

[Halldór Jónsson, 21.2.2019 kl. 11:54]

Mér finnst nú þín grein betur orðuð og betur læsileg. Af hverju er ekki Gunnar Rögnvaldsson í pólitík en þessir guðsvoluðu aumingjar sem er best lýst í persónum Pírata

Þvílík bjútí eru þessar Caterpillar vélar þó verksvitið sé af skornum skammti kannski

[Gunnar Rögnvaldsson, 21.2.2019 kl. 12:21]

Þakka þér Halldór. Ég bukta og tek ofan.

Svar: Vegna þess að þetta hér er mín pólitík, og hér hef ég meiri áhrif en lokaður og keflaður inni á fávitahæli.

Enginn inni á þessu fávitahæli veit neitt sjálfur. Allt sem þetta fólk veit, hefur það frá öðrum. Það hefur ekki tíma til að vita neitt, eins og þú sérð. Það er of önnum kafið við að vera fulltrúar sérfræðinga, sem mata þingmenn allan sólarhringinn á þvaðri. Þingliðið er líka of önnum kafið við að vera fullkomið. Ég vil ekki vera fullkominn. Bara aldrei. Því það er dauðinn.

Eftir að Sovétríkin féllu eins og steinn þá er söngurinn orðinn þessi:

1. Ef evran fellur þá fellur Evrópa.

2. Ef græna myglan fellur þá fellur jörðin

3. [setja x-rautt inn hér] þá fellur alheimurinn.

Þetta er eina leiðin að selja sósíalismann. Sovétið má ekki falla aftur.

Terror, hræðsla, múgsefjun, múgæsing í hverjum fréttatíma. Ógn, ógn, ógn.

Hitler og Stalín hefðu orðið stoltir af sínum mönnum í dag. Allir eiga að ganga í takt. Annars hrynur allt.

Haltu áfram að vera Halldór Halldór. Ég var að lesa gömlu greinarnar þínar í Mogganum á Tímarit is. Ekki gefa eftir. 

Bestu kveðjur

[Gunnar Rögnvaldsson, 21.2.2019 kl. 12:34]

Og eins og þú veist Halldór, þá eru það kjósendur sem eiga að færa pólitíkusum sínum pólisíuna, en ekki öfugt. Ég er kjósandi. Þú líka.

Pólitíkusar okkar eiga að hafa áhyggjur af því hvað menn eins og þú og ég eru að hugsa og skrifa. Það er okkar hlutverk.

Að taka á móti því sem kjósendur hugsa, setja í lög og framkvæma, er verk þeirra sem eru innlagðir.

Ekki bregðast þessu hlutverki þínu sem kjósandi Halldór. Því þá endar allt í útópíu.

[Gunnar Rögnvaldsson, 21.2.2019 kl. 13:00]

Trukkurinn góði og ógræni, heldur áfram:

Nóg af snjó hér!

Hlýtt og gott í sætinu.

[Ómar Geirsson, 21.2.2019 kl. 16:19]

En það breytir því ekki Gunnar, lesandi bæði pistil þinn, og glöggva lauslega í þann sem þú vitnaðir í, seifaði reyndar báða, að Halldór hefur rétt fyrir sér.

Það er hvað hnitmiðun og orðsnilld varðar.

Kveðja að austan.

 

 

 

[Gunnar Rögnvaldsson, 21.2.2019 kl. 20:43]

Þakka Ómar

Ég var að vona að eldingunum sem ég sá áðan myndi slá niður í DDRÚV og lýsa þann frumukassa sósíalismans upp. En svo fór ekki. Ég er enn sektaður ef ég borga ekki áfram undir það gjaldþrot vinstrimanna. 

Ég huggaði mig því við lokaorð leiðara dagsins: 

Ætli aðilar, annar eða báðir, að misnota kjarasamninga til að breyta stjórnmálalegum áherslum landsins þá hafa þeir þar með hindrað aðkomu ríkisstjórnar að verkefninu sem þeir bera alla ábyrgð á að leysa sjálfir.

Stjórnarskrárbundin ríkisstjórnun Íhaldsmanna Vesturlanda lengi lifi. Þarna er enn maður á vakt. Hugsið ykkur hvað einn maður getur stundum gert. Og skipt öllu máli, sögulega séð - og inn í framtíðina líka.

Kveðja austur

[Ómar Geirsson, 21.2.2019 kl. 20:58]

Mikið rétt Gunnar.

Og ég hef tekið eftir að hann er fastalesari eins og ég, það er þegar ég les á annað borð, og hann vitnar oft í hugsun þína.

En hann skiptir ekki máli þegar honum skortir kjark til að ritstýra sínu eigin blaði.

Sem er sorpmiðill í dag.

Og það er miður.

Mjög miður.

Kveðja að austan.

[Gunnar Rögnvaldsson, 21.2.2019 kl. 21:08]

Þú getur ekki sagt að Morgunblaðið sé sorpmiðill Ómar. Engan veginn. Það er mjög vandað blað.

Það gilda hins vegar önnur lögmál um vefútgáfuna. Þar er það ungt fólk í rifnum gallabuxum á of háum launum sem stýrir og reynir að keppa við allan heiminn. Það er ekki auðvelt verk. En sú útgáfa er þó að minnsta kosti betri en allar útgáfur DDRÚV, sem búið er að kosta okkur heilt vegakerfi. Mogginn on-line kostar þig ekkert. Ekkert. Og á vefnum fær fólk það sem það borgar fyrir. 

[Ómar Geirsson, 21.2.2019 kl. 21:46]

Point taken Gunnar, enda er ég Moggaaðdáandi, og svíður því slúðrið sem Meetooarirnir vaða uppi með.

Alvöru Mogginn á netinu kostar mig reyndar, en strákarnir mínir bera út svo ég fæ hann alla daga, áður leyfði naumur fjárhagur aðeins helgarútgáfuna, sem byrjar reyndar á föstudegi.

Það breytir hins vegar ekki um ábyrgð Davíðs.

Og mundu Gunnar að sá er vinur sem til vamms segir.

Sem Steingeit geri ég kröfur til annarra Steingeita, ég ber ekki saman hvítvín eða rauðvín, eða mig eða Davíð, en ég geri kröfu um ístað gegn fári og ofstæki.

Því það er ekki bara Mogginn sem eru undir.

Og ef Davíð bregst, hver stendur þá vaktina??

Kveðja að austan.

[Valdimar Samúelsson, 21.2.2019 kl. 22:10]

Góð grein og enn betri hljóð í Cat en þau tóku mig alla leið til Alaska. Það var gaman að sjá hvernig þeir nota ripperana og scraperanna en þar skófla þeir þvílíkum tonnum að græna hreyfingin myndi halda að heimurinn væri að farast. 

[Gunnar Rögnvaldsson, 21.2.2019 kl. 22:12]

Ómar. Við gætum leyft Davíð að taka DDRÚV yfir. Þá væri staðan loksins jöfn. Aðstöðugjaldinu væri þá dreift sanngjarnt og rétt. Látum hann hafa það gratís í 50 ár.

Það er nú dálitið kraftaverk að hér á landi skuli enn vera uppistandandi eitthvað af fjölmiðlum eftir að ríkisjata DDRÚV hefur tröllriðið landinu með ríkiseinokun í bráðum 90 ár.

Einu sinni var Vikan besta blað á Íslandi. Ekki best fyrir gáfumenn, en einn besti auglýsingamiðill landsins. Þar kom kaupgeta Íslands saman og var sátt í meðalhófi blaðsins. Hún er farin, vefurinn drap hana.

Hvernig á að keppa við félagsmiðla fossríkra komma í rifnum gallabuxum? Segðu mér það Ómar. Ef þeir þyrftu að lúta sömu reglum og fjölmiðlar, þá þyrftu þeir að ráða til sín milljón lifandi ritstjóra sem þurfa laun. Þeir myndu fara á hausinn á núll komma fimm og bréfin í þeim verða núll. Instant! Og það sama gildir um DDRÚV-báknið. Enginn myndi vilja borga fyrir það. Jú kannski örfáir. En ekki massinn.

[Gunnar Rögnvaldsson, 21.2.2019 kl. 22:13]

Vissi að þú yrðir ástfanginn Valdimar.

Skál fyrir því! og takk fyrir innlit. 

[Valdimar Samúelsson, 21.2.2019 kl. 22:29]

Akkúrat Gunnar fann nokkrar aðrar. :-)

[Ómar Geirsson, 22.2.2019 kl. 09:21]

Ég get ekki svarað því Gunnar.

En ég er jafn mikið á móti galdrafári slúður og rógs fyrir því.

Og ég tel reyndar að lífsmöguleikinn felist á að sýna fram á mun.

Það er alltaf eftirspurn eftir vitibornu fólki.

Kveðja að austan.