Trump aflýsir G20-fundi með Pútín. Lögregla stormar Deutsche Bank. Merkel nauðlendir. Öld Asíu að enda

Eftir að hafa lýst því yfir að fyrirhugaður fundur með forseta Rússlands myndi eiga sér stað á G20-toppfundinum sem hefst í Argentínu í dag, þrátt fyrir aðgerðir Vladímírs Pútín á innhafinu á milli Úkraínu og Rússlands, uppi í hafkrikanum á milli Krímskaga og Rússlands, þar sem Pútín lagði hald á þrjú skip Úkraínu, þá tilkynnti Donald J. Trump eftir fund með utanríkisráðherra og þjóðaröryggisráðgjafa sínum í forsetaflugvélinni á leið þeirra til Argentínu, að hætt væri við fundinn með Pútín

Vinsældir Vladímírs Pútíns á heimavelli eru hratt fallandi, nú stuttu eftir kosningar. Svo seint sem í október höfðu þær fallið niður í 66 prósent úr 82 prósentum í apríl. Hlutfall þeirra sem treysta Pútín féll úr 59 prósentum niður í 39 prósentur á sama tíma, og hlutfall þeirra sem vantreysta honum tvöfaldaðist. Aðeins 40 prósent kjósenda segjast myndu kjósa Pútín á ný og 81 prósent segja hann ábyrgan fyrir slæmum gangi mála í Rússlandi

Aðgerðir Pútíns Rússlandsforseta gegn Úkraínu eru að margra mati tilraun rússneska forsetans til að reyna að bæta úr óvinsældum hans á heimavelli. Bæði Vladímír Pútín og Evrópusambandið berjast nú við kjósendur sem þola varla meira af imperíalisma þeirra, og bæði fyrirbærin eru að mestu umboðslaus í sessi. Líta bæði fyrirbærin fullveldi þjóð-ríkja afar illum augum og bæði fyrirbærin líta á almenna kjósendur sem nytsaman úrgang til að smyrjast ofan á brauð elíta

Aðgerðir Rússlands gegn Úkraínu núna minna mjög svo á aðdraganda innrásarinnar í Georgíu. En þar sem Donald J. Trump hefur verið mun harðari gegn imperíal-látum Rússlands -og Evrópusambandsins líka með hið lamandi Þýskaland sem fordæmisgefandi skemmdarvarg innanborðs í NATO- þá standa ríkin í jaðri Rússlands betur að vígi núna, en þegar Barack Omaba var við völd. Trump hefur rétt Úkraínu sterkari hjálparhönd en Obama og beitt Rússland harðari þvingunaraðgerðum en Obama og stóraukið við bein hernaðarútgjöld Bandaríkjanna til styrktar ríkjum Austur-Evrópu og við Eystrasalt. En þrátt fyrir þetta skrifa veruleikafirrt dagblöð á Vesturlöndum allt annað en sannleikann í því máli

James Mattis varnarmálaráðherra Bandaríkjanna sagði í kynningu sinnu á nýrri þjóðaröryggisstefnu í fyrra að Bandaríkin vilja alls ekki, ég endurtek: vilja bara alls ekki, sjá Rússland falla saman sem ríki, en sú hætta er fyrir hendi og hún kemur innan frá úr sjálfu Rússlandi. Hættan á að Evrópusambandið falli saman hefur einnig stóraukist frá og með þeim degi er veruleikinn reyndi í fyrsta skiptið á það árið 2008. Sambandið er að falla saman enda er það ekki þjóð-ríki heldur sáttmálapokaílát ókjörinna elíta gegn fólkinu í ríkjum þess

Og fyrst við erum að þessu, þá má einnig geta þess hér að hin svo kallaða öld Asíulanda er nú að renna sitt síðasta skeið, þar sem Asía er að enda sem misheppnaðar byltingar, einsflokks lýðræðisafskræmingar, skortsvæði fyrir þjóðfélagslega samheldni í löndum hennar, stríðshættusvæði og misheppnaður efnahagur. Misheppnuð efnahagslíkön ráða þar för ásamt miðstýrðri óðaöldrun, elítuspilling ríkir, skortur á einstaklingsfrelsi er krónískt, takmarkað siglinga- og ferðafrelsi er reglan, tölvurárásir og persónunjósnir alla daga ársins, draugaborgir rísa, ávísanaheftastjórn er útbeidd, ríkisrekstur er krónískur og tollamúrar hafa gert það að verkum að álfan Asía er að hníga niður í sólarlag sitt sem geld heimsálfa áður en hún náði að efnast og er því líða undir lok sem heimsálfa fátæktar. Þessi stappa gamla heimsins mun hins vegar ekki stappast í komandi mús þegjandi og hljóðalaust

Alþjóða gjaldeyrissjóðurinn sagði í vikunni að 1/4 hluti landsframleiðslu Japans muni hverfa á næstu fjórum áratugum vegna óðaöldrunar Japana, nema að til stórkostlegrar framleiðniaukningar komi. En vandamálið við þannig framleiðniaukningar er hins vegar það að þær tortíma restinni af áhuga þjóðarinnar á að taka þátt í lífinu í landinu. Kína og restin af útflutningafíklum Asíu, ásamt Þýskalandi og Rússlandi, munu svo fylgja Asíu til grafar, því þar er ástandið síst skárra

Angela Merkel kemst ekki á réttum tíma á þennan svo kallaða G20-fund vegna flugvélabilunar. Þýski herinn annast viðhald flugvélar hennar og þurfti hún því að snúa við og nauðlenda í Köln

Aðalstöðvar hins þýska fjármálaflaggskips, Deutsche Bank, var í gær stormað af lögreglu í Frankfurt, skammt frá Köln þar sem Angela Merkel var nauðlent, og lögreglan lagði hald á gögn bankans. Hann er tengdur við peningaþvættis-rúllettu Danske Bank. Það mál er að vinda uppá sig sem eitt stærsta mál sinnar tegundar í heiminum. Danska fjármálaráðuneytið hefur sætt sundurlemjandi gagnrýni í því máli og stjórn Danske Bank er ekki stætt

Fyrri færsla

ESB-leitin að stað fyrir greiðslukerfi [u]

Athugasemdir

[Borgþór Jónsson, 30.11.2018 kl. 19:30]

Hvert einasta mannsbarn veit,þar á meðal þú og Trump ,að aðgerðir Rússa á Azovhafi voru fullkomlega löglegar og framkvæmdar með minnstu mögulegu valdbeitingu. Þetta fór allt fram eftir reglum sem samið var um árið 2003 eftir átök sem urðu þá á þessu svæði.Á þessu er enginn vafi, enda málið frekar einfalt. Það er enginn vafi að Úkrainsku herskipin fóru inn á Rússneskt hafsvæði ,án þess að fylgja þeim reglum sem samið var um 2003. Það er spurning hvort Úkrainumenn gerðu þetta til að styrkja Nasistastjórnina í Kiev ,eða hvort þetta var gert til að koma fundi Trump og Putins í uppnám. Sennilega bæði.

Enn og aftur sýna Rússar ótrúlega hófstillingu í aðgerðum sínum.

Gunnari tekst að skrifa þó nokkuð langa grein um málið ,án þess að geta í nokkru um samninginn sem gerður var um þetta svæði árið 2003. Þetta á hann sammerkt með öðrum stríðsæsingapésumm sem skrifa um málið í erlend blöðð á vesturlöndum. Þess í stað reyna þeir að spyrða þetta saman við sameinigu Krímskaga og Rússlands,sem kemur þó málinu ekki á nokkurn hátt við.

Skrif Gunnars eru því á engann hátt gerð til að upplýsa ,heldur til að hæra í kjötkötlum stríðsgróðamaskínunnar. 

 Þessi samningur er þó grundvallaratriði málsins og það sem samskifti þessara ríkja á hafsvæðinu hvíla á. Það er ekki hægt að skilja málið nema að þekkja samninginn. Ástæðan fyrir að greinarhöfundur sleppir að geta um samninginn ,er að þá væri allur málatilbúnaður hans ónýtur. Ef menn þekkja til samningsins skijla menn strax að Rússar voru þarna í fullum rétti og iðkuðu vald sitt með hófsamasta hætti sem völ var á.

Nasista stjórnin í Úkrainu hefur nú 8% fylgi meðal þjóðarinnar og horfir ekki vel. Þess má til gamans geta að fylgi Yanokovich var fjórum sinnum meira en þetta þegar valdaránið var framið með aðstoð Bandaríkjanna og Kanada árið 2014. Ástæðan fyrir öflugri þáttöku Kanadamanna er að fólk af rótgrónum Nasistaættum er áhrifamikið innan Kanadíska utanríkisráðuneytisins.

Trump, sem er undir mikilli pressu heimafyrir notaði þetta svo yfirvarp til að aflýsa fundinum með Putin,sem hefði þó getað komið einhverskonar vitglóru inn í hausinn á honum. Ef það er þá hægt.

Trump er svo sem vorkunn ,af því að hann er umkringdur stríðsóðum glæpalýð alla daga sem tala í eyrun á honum svo hann veit ekki sitt rjúkandi ráð.

Trump sem er mikill aðdándi Putins sá sjálfan sig í draumum sínum,hreinsa glæpalýðinn út úr stjórnkerfinu á sama hátt og Putin,en af því hann er heigull að eðliisfari snérist taflið við og lýðurinn hópaðist í kringum hann og stjórnar honum eins og brúðu.

Aldrei hafa neokonarnir komist í aðra eins gullnámu. Nú stjórna þeir algerlega Bandaríkjunum í gegnum brúðu sem er ekki einn af þeim. Þegar illa fer geta þeir einfaldlega bent á Trump og verða ekki fyrir neinu veseni.

Það virðist sem þessi glæpaklíka ætli að ná að halda völdum áfram,enda liggur líf þeirra við. Það er enginn vafi að ef Bandarískur almenningur fengi sannanir fyrir óhæfuverkum þeirra ,bæði á alþjóðavettvangi og gagnvart Bandarísku þjóðinni ,yrðu þeir tafarlaust teknir af lífi. Það er enginn vafi.

[GB (IP-tala skráð) 30.11.2018 kl. 21:25]

Tek undir með Borgþóri.