Á 11. stund 11. dags 11. mánaðar fyrir 100 árum

Auðlegð þjóðanna: Nýjasta stálstykkið á 1700 miljarða króna hóf sjópróf sín í fyrra. Þetta er enn eitt bandaríska ofurstálstykkið í röð ellefu slíkra. Aðeins 153 ár eru liðin frá því að Bandaríkin lágu í rústum borgarastyrjaldar. Ekkert annað ríki mannkynssögunnar hefur ráðið ríkjum á öllum höfum jarðar samtímis. Millistéttin er hryggsúlan og Trump er að styrkja hana

****

SVEFNGENGLAR KOMA EKKI AF STAÐ STYRJÖLD

Fyrri heimsstyrjöldin skall ekki á vegna fyrst og fremst svo kallaðra "pólitískra svefngengla", eins og oft hefur verið haldið fram. Henni lauk 11. nóvember kl. 11 fyrir hundrað árum. 20 milljón manns létu lífið

Þýskaland ræður í dag einu sinni enn ríkjum í Evrópu eins og það gerði 1871, 1914 og 1939. Hvað gerist næst veit enginn. En nú er komið að því að Þýskaland fari enn einu sinni í brjálæðiskast og það er nú þegar byrjað að taka nýja syrpu á Evrópu með því að:

1. Tilskipa peningapólitískar kúgunaraðgerðir gegn ríkjum Suður-Evrópu og setja ríki þeirra á annan endann fjárhagslega, efnahagslega og pólitískt séð, eftir að hafa fyrst þrýstidælt inn á þau illa fengu lánsfé með útlánaskilmálum undir beltisstað, með ECB-seðlabankann í rassvasanum

2. Tilskipa kúgunaraðgerðir gegn þjóðum Austur-Evrópu til að neyða þau til að taka við hrikalegum afleiðingum vanhæfs kanslara Þýskalands í innflytjendamálum, með hótunum um að rúlla yfir nýfengið sjálfstæði þeirra, hlýði þau ekki

3. Tilskipa kúgunaraðgerðir gegn Stóra-Bretlandi vegna Brexit

4. Hvetja önnur ríki í Evrópu til að gjaldfalla á skuldbindingum sínum í NATO með því hlaupast sjálft á brott frá sínum eigin skuldbindingum þar, og þar með eyðileggja varnarbandalagið sem mest innanfrá

5. Skilyrða útkomur Evrópusambandsríkja úr áföllum, þjóðerni þeirra

Já tímarnir breytast, og um síðustu helgi sáum við að það var ekki efnahagurinn sem skipti mestu máli í þingkosningunum í Bandaríkjunum, eins og sífellt er tönglast á með hakkavélum heimskunnar, með til dæmis hinu þreytta enska slagorði "it is the economy stupid", heldur voru það ríkiborgararéttindi og þegnskapur í þjóðríki sem skipti öllu máli þar, eins og þegar Bretar kusu að ganga úr Evrópusambandinu. Fólk vill búa í þjóðríki. Það vill ekki bara búa í hagkerfi eða regluverki. Móðurástin, þ.e. ástin á sínum nánustu, til dæmis sinni eigin þjóð, er hvorki pólitísk kenning né regluverk. Sífellt fleiri kosningar snúast um þessi algeru tilvistarmál, sem eru frumforsendur velsældar og alls annars

KERFISLÆGAR STYRJALDIR

Kerfislægar styrjaldir verða fyrst og fremst vegna þess að ný ríki (veldi) eru að ryðja sér til rúms í veraldarhafinu. Og svo einnig vegna ríkja (velda) sem eru að sökkva í hinu sama pólitíska hafi heimsins

Fyrri heimsstyrjöldin varð vegna þess að þrjú ný ríki voru að ryðja sér til rúms í heiminum: 1. Japan, 2. Þýskaland og 3. Bandaríkin. Önnur ríki (veldi) voru þvinguð til hliðar og það gekk ekki þegjandi og hlóðalaust fyrir sig. Þegar skipan heimsmála riðlast, þá er um meiriháttar afleiðingar að ræða

Allir sem hugsuðu hefðu átt að vita að stofnun Þýskalands 1871 myndi hafa stórkostleg áhrif á önnur ríki í Evrópu og á heiminn allan. Það sama gildir um Japan. En það sem skipti mestu máli voru hin nýju Bandaríki Norður-Ameríku í vestri

Frá lokum borgarastyrjaldar Bandaríkjanna 1865 og á næstu 40 árum þróuðust þau úr stríðshrjáðu landi, yfir í að framleiða helming alls þess sem framleitt var í heiminum árið 1900. Já, stríð geta stundum leyst mál. Þarna urðu Bandaríkin ein ósundrandi þjóð. Blek á pappír á borð við sjálfstæðisyfirlýsingar býr ekki til þjóðir. Það gerir hins vegar blóð, sameiginlegar þjáningar og trú, saga, tungumál og áföll

Ris Bandaríkjanna kostaði önnur ríki stöðuna sem heimsveldi. Og það voru Bandaríkin sem í fyrsta skiptið í mannkynssögunni sendu tvær milljóir manns úr nýja heiminum yfir í gamla heiminn til að koma í veg fyrir að ein pólitísk eining myndi ráða yfir samfelldum landmassa frá ströndum Atlantshafs til Kyrrahafs, sem ógnað gæti hinu nýja lýðveldi Bandaríkjanna með tvennum vígstöðvum. Þetta endurtóku þau stuttu síðar í síðari fasa sömu styrjaldar

Í dag eru það bæði sökkvandi og rísandi ríki (veldi) sem móta söguna. Evrópa er að anda út sínum síðasta anda sem fyrrverandi ofaní fyrrverandi safn velda á borð Egyptaland hið forna. Evrópa réði heiminum í samfellt 500 ár. Sá tími er liðinn núna

Rússland er að sökkva sem síðasta veldið í Evrópu sem einhver áhrif hefur í sínum heimshluta. Með falli Sovétríkjanna féll síðasta veldi Evrópu sem hafði áhrifavald um allan heim; þ.e. heimsáhrif. En Evrópa hefur ekki lengur neitt heimsáhrifavald í neinum mikilvægum málum. Það er rétt svo að um heimshlutavald er að ræða, þegar menn nefna Evrópu á nafn. En án Bandaríkjanna getur Evrópa ekkert, því Evrópa er ekki eitt-ríki og getur ekki orðið eitt-ríki og verður aldrei eitt-ríki. Þannig er staða Evrópu orðin í dag

Og nú virðist tími Rússlands og Þýskalands kominn til að hverfa af sögusviðinu sem heimshluta-veldi. Það mun ekki ganga þegjandi og hljóðalaust fyrir sig. Ekkert getur stöðvað þetta ferli, sýnist mér

Næstu 500 árin í mannkynssögunni verða í nafni Bandaríkja Norður-Ameríku. Austurhvel jarðar, gamli heimurinn, er að brotna upp í pólitískar öreindir

Um daginn spurði ég: "Er það kannski einber tilviljun að gengi gjaldmiðla Rússlands, Tyrklands og Írans (Sýrland-potturinn) er á hraðri niðurleið, gagnvart Bandaríkjadal?

Ef þetta er ekki tilviljun, hver skyldi þá samnefnari þessa sameignlega gengisfalls þessara þriggja gjaldmiðla vera?"

Svarið er þetta; Þessi þrjú ríki eru andsnúin Bandaríkjunum. Það er það sem er að gerast. Slíkt er heimsáhrifavald Bandaríkjanna að erfitt er að sameinast gegn þeim. Það kostar. En hér er ekki um vísvitandi aðgerð af hálfu Bandaríkjanna að ræða. Heldur er þetta einungis dæmi sem sannar hvað það getur kostað að sameinast gegn Bandaríkjunum. Markaðurinn hugsar sitt og leitar í skjól tilvistarlegs öryggis. Slíkt pólitískt tilvistaröryggi er nú aðeins að finna á Vesturhveli jarðar í dag. Og svo mun verða um langa framtíð. Austurhvelið -gamli heimurinn- er að brotna upp

Almenningsálit hefur aldrei verið áhrifavald í heiminum. Það er eins og andvari eða goluþytur. Soft-power er einungis háskóla-fetismi til að breiða yfir ekkert-vald. Mjúkt-vald án raunverulegra valda er ekkert-vald

Krækja

Victor Davis Hanson, sagnfræðingur og bóndi: The 11th Hour of the 11th Day of the 11th Month—100 Years Ago

Fyrri færsla

Evrópa ætti að stóla á hernaðarmátt Pútíns

Athugasemdir

[Gunnar Rögnvaldsson, 10.11.2018 kl. 19:44]

Lygaveitan DDRÚV sagði rétt áðan í sjónvarps-kvöldfréttum að Donald J. Trump forseti Bandaríkjanna hefði varla verið lentur í Frakklandi, vegna minningarathafnar um Fyrri heimsstyrjöldina, er hann tók til við að móðga Emmanuel Macron forseta Frakklands "fyrir það að vilja stofna Evrópuher".

Hið rétta er að Donald J. Trump sagði að það væri móðgandi fyrir Bandaríkin að Macron sagði að stofna ætti Evrópuher til að verjast Bandaríkjunum, eins og Macron sagði í vikunni. En þar sagði forseti Frakklands þetta:

"We have to protect ourselves with respect to China, Russia and even the United States of America," (AFP)

Hér er það sem bandaríski forsetinn sagði:

President Macron of France has just suggested that Europe build its own military in order to protect itself from the U.S., China and Russia. Very insulting, but perhaps Europe should first pay its fair share of NATO, which the U.S. subsidizes greatly! (hér).

Það er slæmt að geta varla opnað fyrir DDRÚV án þess að þurfa að hlusta á 100 prósent lygar og að þurfa að borga fyrir lygar, hrein ósannindi og lævísan áróður. Það versta er að ég er neyddur til að borga fyrir þetta DDRÚV-apparat í Austurberlínarbæli Reykjavíkurborgar. Hvernig stendur á að þetta fyrirbæri er liðið?

[Sigurður Kristján Hjaltested, 10.11.2018 kl. 22:22]

Góður pistill hjá þér að venju.

Hernig væri að spyrja kúlúlánadrottninguna

í Viðreisn, sem kom þessu andskotans kommúnista gjaldi á..??

2 milljarðar rúmir afskirfaðir út af 7 hægri og situr

ennþá á þingi, ásamt mörgum fleirum, sem finnst það

bara í lagi að þjóðin blæði fyrir þeirra gjörðir.

Svo trompaði hún allt með því að eyðileggja skólakerfið

með "skóli án aðgreyningar".

Merkilegt hvað þrælslundinn og hjarðhegðun

Íslendinga er mikil.

Annars staðar, væri meirihluti þeirra sem á þingi

sitja komnir á bak við lás og slá.

Svo einfallt er það.

[Borgþór Jónsson, 11.11.2018 kl. 18:51]

Það er skemmtilegt að byrja greinina með mynd af Bandarísku stálstykki. Flestir eru í dag sammála um að slíkt stálstykki er algerlega gagnslaust í átökum stórþjóða. Ef til átaka kæmi væri engin leið önnur fær, en að reyna að forða stálstykkinu eins langt frá átakasvæðinu og hægt væri.Sennilega mundi það ekki duga.

.

Þú bendir þó réttilega á að Evrópa er skelfilega varnarlaus gagnvart ofríki Bandaríkjanna ,eins og berlega hefur komið í ljós í  Íransdeilunni. Það er samt nokkur munur á getu Evrópuríkja til að vernda sjálfstæði sitt.

Rússland hefur að sjálfsögðu algera sérstöðu í þessum efnum.

Bandaríkjamenn geta einfaldlega ekki gert neitt sem skiftir máli til að koma í veg fyrir uppgang Rússa. Rússar eru einfaldlega miklu betur stæðir en Bandaríkjamenn ,þannig að efnahagsátök milli þessara ríkja mundu enda með ósigri Bandaríkjanna. Þetta vita Bandaríkjamenn vel,enda gera þeir ekkert nema búa til hávaða og setja efnahagsþvinganir á eitthvað sem engu máli skiftir. Síðast var það hótel og heilsubaðstaður á Krímskaga. Ég er viss um að Putin skelfur á beinumum yfir að þetta hótel skuli ekki lengur fá ferðamenn frá Bandaríkjunum.

Einu sinni gengu þeir of lang,þegar þeir settu þvinganirnar á Deripaska. Putin barði á puttana á þeim eins og honum er einum lagið og þeir drógu þvinganirnar til baka. Enginn hefur nefnt Deripaska á nafnn í sex mánuði.

Heimurinn er að breytast,ný bandalög eru að myndast og á þessari stundu er afar erfitt að sjá hvernig mál muni þróast.Trúlega munn ESB líða undir lok og ríkin mynda ný tengsl eftir því hvernig hagsmunir þeirra liggja. Einnig breytir þarna miklu hversu varnarlaus þessi ríki eru gagnvaat Bandaríkjunum. Ef vel gengur mun hernámi Bandaríkjanna á Evrópu linna á komandi árum og sum ríkin þar munu öðlast sjálfstæði að nýju.

Eitt er næsta augljóst í stöðunni eins og hún er í dag.Engilsaxnesku ríkin eru að einangrast. Svo er spurning hvaða ríki fylgja þeim í útlegðina. Mér finnst auðséð að Pólland mun fylgja þeim. Líklega Frakkland,ekki af því að þeir vilji það heldur af því að þeir standa svo veikt efnahagslega að þeir geta trúlega ekki annað. Svo er spurning um Ítalíu og Spán.

Ég spái að Þýskaland og Austurríki muni snúa sér til austurs. Þar liggur framtíðin og mér þætti einkennilegt ef Þjóðverjar vilji ekki sitja við eldana.

Þér sýnist staðan í Evrópu vera svipuð og var í Austur Evrópu á árunum fyrir fall Sovétríkjanna. Gömlu leppríki Sovétríkjanna áttu allt sitt undir hernámsríkinu og valdastéttin var tiltölulega sátt við stöðuna eins og hún var ,en almenningur var farinn að ókyrrast. Sambandið við Sovétríkin var ekki lengur að skila sér í lífsgæðum og Sovétið átti í vaxandi vandræðum með að sjá um varnir Varsjárbandalagsins. Hernámið var ekki lengur hagkvæmt.

Sama gegnir um Evrópu nútímans. Hernámið Bandaríkjanna er ekki lengur hagkvæmt,heldur kvöð.

Bandaríkin róa nú lífróður til að halda í heimsyfirráðin. Bardaginn stendur um allann heim eins og við erum að verða vitni að. Bandaríkin munu tapa þessari baráttu. Líkt og í heimstyrjöldinni síðari gegn Nasistum,hafa Rússar nú  sýnt ítrekað að Bandaríkin eru ekki ósigrandi. Í seinni heimstyrjöldinni varð þetta til þess að önnur ríki komu smá saman til hjálpar á síðustu metrunum og ýttu sigrinumm yfir marklínuna.

Þó að þetta hafi verið meira táknrænt,þá verður ekki annað sagt en að það hafi skift máli. Evrópubár hafa alltaf verið svolítið feimnir við þessar staðreyndir eins og sjá mátti á uppröðuninni á minningarathöfninni í Frakklandi nýverið.

Fulltrúi Rússlands,sem bar tæp 60% af kostnaðinum við að berja niður Nasisata og hlaut mestallt mannfallið ,sat á vængnum meðan fulltrúi Þýskalands og Bandaríkjamanna,sem kom inn í stríðið á elleftu stundu til að hirða stríðsgróða ,sátu í öndvegi. 

Það hefði verið eðlilegra að sjá Rússa og Breta í öndvegi,enda lögðu Bretar meira af mörkum en Bandaríkjamenn,loksins þegar þeir skriðu upp úr kjöllurunum,hundblautir eftir Ermarsundið forðum. Bretar telja þennan flótta eitt merkasta hernaðarafrek sögunnar,næst á eftir göngu Móses yfir Rauða hafið.

Margir láta villast af skarkalanum sem kemur frá Bandaríkjum og það er svosem elðilegt,en í raun eru þetta fjörbrot heimsveldis,en ekki heimsveldið að sýna mátt sinn. Rússar hafa sýnt að Bandaríkin eru ekki einráð og nú er hvert ríkið á fætur öðru að teygja varfærnislega úr vængjunum og eru byrjuð að taka sjálfstæðar ákvarðanir. Öll öflugustu ríki heims eru í dag að auka samskifti sín við Rússland og skapa nýtt hagkerfi til framtíðar með þáttöku þeirra. Þetta gerist ekki á einni nóttu,en það gerist. Rússland er kjölfestan í þessari þróun enda hefur Putin undirbúið þetta af kostgæfni í meira en áratug og aldrei kvikað.

Hernaðarvél Bandaríkjanna er orðin bitlaus. Hún missti vígtennurnar í Sýrlandi. Nú fer hún ekki lengur ,lengra en Rússar og Kínverjar leyfa. Þessi maskína sem kostar Bandaríkjamenn trilljón dollara árlega skilar ekki lengur hagnaði.

Efnahagsveldið er að niðurlotum komið. Þó að það bíti enn, þá gengut klukkan á þá. Tikk Takk, Tikk Takk.  Saudi Arabar eru núna lífakkeri þess ,en þeir kaupa nú Bandarísk ríkisskuldabréf eins og enginn sé morgundagurinn eftir að Rússar,Kínverjar,Indverjar og Japanir fóru að draga saman eignir sínar í þessum bréfum. illu heilli eru Saudar ekki sérlega traustir í þessum efnum.

Næsta stóra áfall verður hrun í Bandarískri olíuframleiðslu. Sex af tíu fracking olíufyrirtækjum eru rekin með tapi. Flest með miklu tapi,þrátt fyrir frekar hagstætt olíuverð í dag. Það er ekki hægt að bjarga þeim til lengdar nema með ríkisstyrkjum. Þarna er 200 milljarða pakki í uppsiglingu. Ef ríkið grípur ekki inn í, mun olíuframleiðslan dragast saman um 25% á næstu árum.

Til samanburðar má geta að Enron skuldin var 70 milljarðar.

Það er því bjart framundan fyrir frelsisunnandi sálir. Til hamingju.

[Borgþór Jónsson, 11.11.2018 kl. 20:02]

Til að enda þetta á gleðilegum nótum,þá rakst ég á skemmtilega grein í Business Insider um hátiðar hersýningu sem haldin var í Moskvu 7. nov.

Hún var farin til að minnast fyrsta sigurs Sovétmanna yfir nasistum.

Þann 7. nóv 1941 var hersýning í Moskvu í miðju stríðinu.  Þetta þótti afar dirfskufullt ,enda voru Nasistar aðeins fáa kílómetra frá borginni og ekki horfði sérlega vel.

Þó að Stalín hafi verið beggja handa járn,var hann áróðurssnillingur. Þessi hersýning og ræða sem hann hélt á torginu ,stappaði duglega stálinu í bæði almenning og Rauða Herinn og við vitum hvernig fór. Í stað þess að flýja borgina eins og stefndi í snérist almenningur til varnar ásamt hernum. Úr þessu varð fyrsta orustan sem nasistar töpuðu í stríðinu.

Greinin.

http://uk.businessinsider.com/parade-in-moscow-marks-russias-first-defeat-of-german-army-in-wwii-2018-11?utm_referrer=https%3A%2F%2Fzen.yandex.com&r=US&IR=T/#the-2018-reenactment-included-about-5000-troops-dressed-in-uniforms-from-the-period-vintage-soviet-t-34-tanks-and-other-world-war-ii-era-weapons-were-also-on-hand-1

Stalín gerði fleira til að smyrja stríðsvélina.

 Fyrir stríðið var Internationalinn einskonar þjóðsöngur Sovétmanna. Gallinn var að þetta lag höfðaði ekki sérlega mikið til Rússnesks almennings.

Til að fylkja almenningi saman lét Stalín gera nýjann þjóðsöng ,sem er þjóðsöngur Rússa enn þann dag í dag,en að sjálfsögðu með nýjumm texta.

Þessi þjóðsöngur hefu margsinnis verið kosinn fallegasti þjóðsöngur veraldar ,þannig að hann er algert "hit" eins og sagt er.

Hér er þessi þjóðsöngur fluttur á eins árs afmæli sameiningar Krímskaga við hina miklu móður, Rússland.

Það hrífur mann með að sjá einlæga gleðina í augum fólksins.Það hlýtur að þurfa verulega kalið hjarta til að vilja slökkva þessa gleði.

Svolítið eins og sjálfstæði Íslendinga hefði verið afturkallað stuttu eftir 17 júní 1944..

Hér eru myndir frá hátíðinni.

https://www.youtube.com/watch?v=h9RwYPsVpfM