Gyðingamorð í Bandaríkjunum - pólitískt hrun í Þýskalandi

Horfa: Sagnfræðingurinn og bóndinn Victor Davis Hanson útskýrir hér í fyrirlestri og svarar spurningum um hvernig eftirstríðs-heimurinn frá og með 1945 er að enda núna, og hvers vegna (YouTube, 1 klst.)

****

BANDARÍKIN

Maður sem hatar Gyðinga, myrti á laugardaginn 11 Gyðinga í bænahúsi þeirra í Pittsburgh í Bandaríkjunum, fyrir það eitt að vera Gyðingar. Áður en maðurinn framdi morðin sagði hann að drepa yrði alla Gyðinga. Það er óþolandi að þetta elsta hatur mannkynssögunnar sé enn að verki og að enn sé kynnt undir því. Þetta er enn óþolandi svartur blettur í samtímanum og Gyðingaandúðin fer versnandi á Vesturlöndum

Það er ekki mikið um Gyðingahatur í Bandaríkjunum miðað við í Evrópu. En það er mest meðal vinstrimanna sem eru með Palestínu á heilanum, og svo í háskólum, segir leiðari Wall Street Journal í dag. Hér á Íslandi má benda á skattafjármagnaða DDRÚV-fjölmiðlamiðstöð vinstrimanna í þessum efnum

Jafnvel áður en lögreglan hafði komist á vettvang, var vinstrisinnaður skríll Demókrata byrjaður að kenna Donald J. Trump forseta Bandaríkjanna um að hafa knúið á um morðin með einhverju sem hann á að hafa sagt eða látið ósagt. Dóttir Trumps og tengdasonur eru Gyðingar og fáir forsetar Bandaríkjanna hafa notið eins mikillar virðingar meðal Gyðinga og í Ísrael, og einmitt Donald J. Trump. Ásakanir Demókrata lýsa ástandinu í flokki þeirra einkar vel. Engin málefni, bara hatur. Og þá ömurlegu stefnuskrá flokksins sjá of margir af helstu fjölmiðlum Bandaríkjanna um að framkvæma fyrir flokkinn, og hófst sú barátta með því að reyna að ógilda kjör Trumps með Rússarannsókn strax eftir kjör hans, en sem enginn talar um lengur, þó svo að hún standi yfir og hafi staðið yfir í tvö ár! "Rannsóknin" skilar auðvitað engu og er þá er gripið til nakins haturs ofan í þær pólitísku ofsóknir

Forsetanum er kennt um allt sem miður gerist. Hatrið á honum er það eina sem heldur stjórnmálaflokki Demókrata saman núna. Virðist flokkurinn vera að breytast í vinstriskríl eins og reið húsum hér á landi eftir bankahrunið. Hrun Demókrata felst hins vegar í því að þeir hafa misst næstum öll pólitísk völd í Bandaríkjunum, jafnvel næstu 50 árin. Og ekki nóg með það þá eyðilagði Barack Obama flokkinn svo, að hann passar engum sem á eftir honum koma. Hefur demókrataflokkurinn nú breyst í flokk sem er lengra til vinstri en nokkru sinni fyrr og hann hefur ekki lengur fyrir því að þykjast vera jarðtengdur og dálítið íhaldssamur mið-vinstriflokkur 12 mánuði fyrir kosningar, en er svo allur annar eftir kosningar. Nei, nú ríður hann húsum fyrir opnum tjöldum og fer með öskrum, klórar og ber með hnefunum lýðræðisstofnanir bandaríska lýðveldisins að utan eins og hver annar skríll, og þingmenn hans hvetja til að veist og ráðist sé að kjörnum fulltrúum Repúblikana hvar sem til þeirra næst. Nú þurfa demókratar ekki lengur að fara yfir til Bernie Sanders því þeir eru komnir þar sem hann var sjálfur. Jafnvel Trump er kennt beint og óbeint um heimatilbúnar rörsprengjur sem truflaður einstaklingur, og nú hryðjuverkamaður, sendi til frammámanna í Demókrataflokknum. En þó svo að enginn hafði látið lífið né slasast þá er hér um hryðjuverk að ræða

En lítil var samúðin í bandarísku pressunni, meðal Demókrata og hjá síblótandi elítu Hollywoodleikara, þegar Trump-hatari, skotvopnahatari, ákafur fylgismaður Obama og homma- og lesbíuhreyfinga-aðdáandi, sendi í febrúar síðastliðnum syni og tengdadóttur Donalds Trump hvítt duft í pósti sem helltist yfir tengdadótturina og sem fyrir hana þýddi tvær vikur í einangrun á hörðum fyrirbyggjandi lyfjum. Þá sagðist Vanessa Trump hafa óttast að fá aldrei að líta fimm börn sín augum aftur. Þetta var hryðjuverk

ÞÝSKALAND

Angela Merkel, konan sem AfD segir að hafi eyðilagt Þýskaland, og sem margir af íbúum álfunnar segja að hafði eyðilagt Evrópu, kom ekki vel út sem leiðtogi Kristilega CDU-flokksins er kosið var til þings í Hessen-fylki Þýskalands um helgina. Útreiðin var á pari við útreiðina í Bæjaralandi um daginn. CDU-flokkur hennar fór frá 38,3 prósentum í kosningunum 2013, niður í 27 prósentur núna (-11,36). SPD-sósíaldemókratar fóru úr 30,7 prósentum niður í 19,8 (-10,92). Massíft fylgistap hjá báðum þessum samverkaflokkum á landsvísu. Þeir sem unnu á voru AfD (Valkostur fyrir Þýskaland) sem fór úr 4,1 prósenti 2013, upp í 13,1 prósent núna (+9,09) - og svo Græningjar sem fóru úr 11,1 prósentum upp í 19,8 prósentur (+8,67). Fleiri tölur hér

Ríkisstjórn Þýskalands á ekki marga lífdaga eftir. Og sérstaklega eru pólitískir lífdagar Angelu Merkel taldir. Hún og Sósíaldemókratar hafa eyðilagt flokka sína báða

Fyrri færsla

"Blaðamaður" í Mið-Austurlöndum eða Rússlandi ?

Athugasemdir

[Vilhjálmur Örn Vilhjálmsson, 30.10.2018 kl. 09:55]

Þetta er alröng niðurstaða hjá þér, Gunnar. Maðurinn sem sendi bréfsprengjurnar hataði Soros, Trump hatar Soros, Morðinginn í Pittsburgh hataði Soros. Sjáðu hjá mér FBókina síðustu daga. Netanyahu hefur aldrei talað fyrir alla gyðinga, og dagar hans við stjórnvölin eru á enda. Hann hugsar um það sama og Trump: SJÁLFAN SIG.

[Vilhjálmur Örn Vilhjálmsson, 30.10.2018 kl. 10:03]

Sænski bóndinn á myndbandinu er að tala um allt aðra hluti en gyðingamorð í Bandaríkjunum.

[Vilhjálmur Örn Vilhjálmsson, 30.10.2018 kl. 10:13]

Hanson hefur hins vegar skrifað ágætar greinar um gyðingahatur, en hefur greinilega ekki séð nema þann hluta þess sem múslímar iðka og í sér í lagi hatur Palestínumanna. Margir stunda þetta hatur. Það voru ekki múslímar sem sendu bréfsprengjur í síðustu viku, en margir móttakendur eru það. Morðinginn í Pittsburgh er ekki múslími en fólkið sem hann myrti voru gyðingar. Það fyrsta sem sá appelsínuguli í Hvíta Húsinu sagði var að það hefur átt að vera fleiri vopn í samkunduhúsinu. Allt fólkið sem myrt var aldrað. Forsetinn sem þú dáir er úr öllu samhengi við umheiminn!

[Helga Kristjánsdóttir, 30.10.2018 kl. 14:01]

Umheimurinn (les Sameinuðu þjóðirnar)hefur ekki notað friðinn frá 1945 til góðs,látið undan fláttskap og illgirni,svo réttlátir menn mega hafa sig alla við að rétta hlut hinna afskiptu. 

[Gunnar Rögnvaldsson, 30.10.2018 kl. 16:25]

Þakka þér fyrir Vilhjálmur.

Ef þú lest færsluna þá er hún í þremur hlutum.

1. Fyrirlestur þar sem Victor Davis Hanson fjallar um þá breytingu sem er að verða á eftir-striðs heiminum eða heimsmyndinni (post world war order) og hvers vegna. 

2. Svo segi ég segi frá morðum á 11 Gyðingum í Pittsburgh, þar sem maður sem hatar Gyðinga drap 11 Gyðinga - og að áður en hann framdi morðin sagði hann að drepa yrði alla Gyðinga.

Og í framhaldi af því segi ég frá viðbrögðum Demókrata og pressu þeirra. Svo segi ég frá því að "truflaður einstaklingur" hafi sent (rör)sprengjur í pósti til frammámanna í flokki Demókrata og að Trump sé kennt um, beint og óbeint. Meira segi ég ekki um þann mann.

Þar næst segi ég frá því að í síðastliðnum febrúar (2018) hafi Trump-hatari sent syni og tengdadóttur Donalds Trump hvítt duft í pósti sem helltist yfir hana.

3. Svo segi ég frá kosningunum í Hessen í Þýskalandi síðastliðna helgi.

Ég minnist hvergi á það sem þú ert að tala um og ég kemst ekki að neinni "niðurstöðu".

Oft er best að lesa bara það sem stendur.

Kveðjur

[Gunnar Rögnvaldsson, 30.10.2018 kl. 16:25]

Þakka þér innlitið Helga.

Kveðjur

[Jónas Gunnlaugsson, 1.11.2018 kl. 20:31]

slóð

Árásin á Samkunduhúsið, - Synagogue - sannar sig að vera endurtekinn fölsk leikflétta. Synagogue Shooting Proves To Be Yet Another False Flag Operation. Hér er verið að segja okkur, að athuga hver hefur hag af hryðjuverkinu. Vonandi er þessu lokið.

31.10.2018 | 16:55

Egilsstaðir, 01.11.2018  Jónas Gunnlaugsson