Byltingarráð Sjálfstæðisflokksins stofnað

Ísland að komast í fremstu röð pólitískra bjána heims

Alþjóðabyltingarráð Sjálfstæðisflokksins kom saman á mánudag og kynnti fyrir þjóðinni Alþjóðabyltingu-II (umhverfisisma)

Það hafðist með því að forysta Sjálfstæðisflokksins setti flokkinn aftur fyrir sig, eins og síðast þegar forystan hélt að hún væri þjóðin Jóhanna og Steingrímur. Öll þau mál sem flokkurinn var stofnaður um, hefur þurft að troða í stíflaða forystuna með teskeið fyrir smábörn. Að meðtaka einföld sannindi á hverju einasta mikilvæga sviði, tók minnst átta ár

"Þú skilur þetta ekki Halldór verkfræðingur" sagði ég við þrautreyndan Sjálfstæðismann er hann reyndi að brydda upp á röksemdafærslu í sambandið við þátttöku Sjálfstæðisflokksins í Alþjóðabyltingu-II. Og ég hélt áfram:

- "Þetta snýst ekki um Ísland, þjóðina, skynsemi, rök, efnahag né vísindi. Þetta er ný alþjóðabylting, sagði ég við hann. Sjálfstæðisflokkurinn gengur frá og með nú fyrir Alþjóðabyltingu umhverfisisma. Þú hefur verið hreinsaður út. Alþjóðabyltingarráð Sjálfstæðisflokksins, xDkomintern, var í ríkissjónvarpinu í gær. Þú sást það. Þetta er ekki plat. Byltíngin er hafin. Hinum mannlegu aðstæðum á plánetunni verður bjargað úr klóm kapítalismans og aðalstöðvar Alþjóðabyltingar-II verða í París. Ísland verður fyrirmyndarland byltingarinnar. Bjarni ætlar að tryggja það. Ekkert mun fara úrskeiðis, því hann er með þetta í excel og glærum frá Vinstri grænum"

Síðasta byltingartilraunin, Alþjóðabyltingar-I, þá undir fána kommúnista, gekk fyrir því hugmyndafræðilega eldsneyti að mælingar og spádómar sérfræðinga (gáfumenna) kommúnista á aðstæðum mannkyns á plánetunni (e. the human condition) sýndu að aðeins alþjóðabylting gæti lagað og bjargað mannkyninu frá svo kallaðri tortímingu kapítalismans. Til að hún tækist varð hún að gerast á heimsvísu. Fyrirmyndarlandið, Sovétríkið, átti að vísa veg 

Hin nýja alþjóðabylting umhverfisista, Alþjóðabylting-II, gengur út á nákvæmlega það sama. Að vísindalegir spádómar gáfumenna þeirra sjálfra á mannlegum aðstæðum á plánetunni (the human condition), sanni að aðeins ný (nú græn, en ekki rauð) bylting geti lagað og bjargað heiminum frá tortímingu kapítalismans. Lífsskilyrði alls mannkyns á plánetunni eru undir, eins og síðast. Hvorki meira né minna

Í báðum þessum byltingartilraunum er því trúað að þjóðfélög geti ekki innréttað sig sjálf, heldur verði sérstakir sérfræðingar og gáfumenni að innrétta þau á þann hátt að þau lúti fyrirfram ákveðnum niðurstöðum Reiknistofu alþjóðabyltinga. Svæsinn, stigmagnandi og lúmskur ÓTTI knýr úrverk Alþjóðabyltingar-II, og að því leytinu gengur hún betur ofan í þá sem vit eiga að hafa. Plánetan er að farast út lofttegund, er nýjasta niðurstaðan úr Reiknistofu alþjóðabyltinga. Það er að segja ekki plánetan sjálf, heldur aðstæður mannkyns á plánetunni, the human condition

Engir slíkir spádómar hafa nokkru sinni staðist. Mannkynið varð ekki hungurmorða 1975, ný ísöld kom ekki 1980 og gatið í ózonlaginu var eðlilegt. Reyndar er það svo að landbúnaður hefur óendanlega getu til að fæða óendanlega margar manneskjur. Olían sem átti að vera búin 1980 á enn árhundurð eftir. Sama gildir um kol og sjaldgæfa málma. Japan var rétt í þessu að finna í sinni lögsögu slíka málma sem duga því þriðja stærsta og útflutningsháða hagkerfi heims í mörg hundruð ár. Á aðeins einu ári tókst að auka framleiðslu B-29 sprengjuflugvéla frá einni flugvél á viku upp í eina flugvél á klukkustund. Vesturlönd hafa alltaf vanmetið getu sína. Kommúnistar hafa hins vegar alltaf ofmetið sína getu, enda eru bestu lönd þeirra grafreitir

Plánetan er ekki að farast. Mannkynið er ekki að farast, heldur gæti svo verið að það sé Sjálfstæðisflokkurinn sem sé að farast - úr einmitt vinstrimennsku. Hún er sú mennska sem menn ættu að óttast, því hún hefur sannað sig sem verandi af hinu frekar vonda, en þó ekki af hinu alslæma alltaf. En útblástur hennar þarf að hefta áður en hundruð milljón manna farast úr henni á ný

Hættan á að það gerist er orðin töluverð. Sjálfstæðismenn verða að hafa í huga að heiðnikirkjuveldi háskóla okkar í dag, er miklu stærra en kirkjuveldi Kaþólsku kirkjunnar var á miðöldum. Miklu stærra og voldugra. Var plastpoki í íbúðinni? er farið að skipta bara fjandans miklu máli, jafnvel í höfði formanns Sjálfstæðisflokksins. Indoktrineríngin er orðin það mikil. Slíkt ætti ekki að geta gerst sé flokknum fylgt að málum

Ef menn vissu hvað kemur af hlutum og orku út úr einni tunnu af olíu, þá myndu þeir ekki tala svona um hana eins og of margir gera. Ekkert á sjálfri skrifstofu forsætisráðherra né á skurðstofum myndi virka án þess sem fæst úr olíu. Ekkert!

Út með þessi hindurvitni og út með andaglas umhverfisismans. Enginn í dag stefnir að því að tortíma lífsskilyrðum mannkyns á plánetunni, nema sjálf útópísk stefna harðlínu-umhverfisista, sem gera þjóðir að nytsömum bjánum

- Gunnar er Íhaldsmaður í Sjálfstæðisflokknum 

Fyrri færsla

Sovéski Sjálfstæðisflokkurinn kynnir nýja 10-ára áætlun

Athugasemdir

[Halldór Jónsson, 12.9.2018 kl. 08:55]

Já Gunnar, ég kil þetta ekki og það er greinilega búið að hreinsa mig út.Ég horfði á sjónvarpið í forundran og mér hefur ekki skánað eftir það.

Yfir kaldan eyðisand, einn.....

[Gunnar Rögnvaldsson, 12.9.2018 kl. 11:00]

Þú þarft að sýna "samfélagslega ábyrgð" Halldór. Þá frelsast þú. Fáðu þér endilega aflátsbréf. Þau fást í Valhöll, fyrir ekki neitt. Og eru á grænum pappír gegnsósa í eitri á meðan skógarbændur sækja um að fá að fara í gjaldþrot. 

Það er helvíti hart að þurfa að hlusta á svona þvaður um "samfélagslega ábyrgð" úr pennum Sjálfstæðismanna. Þetta er hreinn kratismi af verstu sænsku sort.

Skyldu hásetar vera búnir að setja upp Pin-up stúlkurnar sínar á ný í klefanum sínum um borð? Eða hangir þar enn "samfélagslegt ábyrgðarskírteini" úr nýjustu herferð þvæluríkisins.

Held bara að ég komi með þér yfir þann kalda sand. Ég er að kafna.

Kveðjur

[Tómas Ibsen Halldórsson, 12.9.2018 kl. 16:23]

Strákar mínir, hvað eruð þið að hanga aftaní Sjálfstæðisflokknum lengur. Sjálfstæðisflokkurinn stendur ekki lengur undir nafni, það er ekkert sjálfstæði eftir í þessum flokki frekar en alþýða í hinum fornu -flokki og -bandalagi.

Sjálfstæðisflokkurinn er ekki lengur hægriflokkur, hann getur bara af sér krata og kommúnista.

Yfirgefið þennan flokk, eins og ég gerði, meðan þið hafið enn tök á því af sjálfsdáðum.

[Gunnar Rögnvaldsson, 12.9.2018 kl. 17:08]

Þakka þér Tómas

Já. Þessi staða er ekki eftirsóknarverð. Þessu má Sjálfstæðisflokkurinn ekki lenda í:

Kommúnistaflokkur Íslands

1931, 1933, 1934, 1937 fjögur kjörtímabil púff

Sósíalistaflokkurinn - Sameiningarflokkur alþýðu

1942, 1942, 1946, 1949, 1953 púff

Samtök frjálslyndra og vinstri manna

1971, 1974 púff

Bandalag jafnaðarmanna

1983, 1987 púff

Samtök um kvennalista

1983, 1987, 1991, 1995 púff

Þjóðvaki, hreyfing fólksins (hvaða fólks?)

1995 púff

Alþýðuflokkur og Alþýðubandalag

lögð að velli á kjörtímabilinu 1995 með "structural EU-reforms" (sovéskar ESB-umbætur) og tvær nýjar rettur úr sama pakkanum eru boðnar fram. VG er búið að fá sjö smóka úr sinni rettu og Samfylking það sama, en kafnaði næstum því 2016. Þoldi ekki tóbakið sitt

Borgarahreyfingin

2009 púff

Píratar

2013, 2016, 2017

þar er einn smókur eftir í stubbnum - reykskynjarinn kominn á fullt og fólk byrjað að skríða út um gluggana í sótsvartri vinstristækju

Björt framtíð

2013, 2019, 2017 - púff

Samfylking

Og við þetta bætist nær-dauði Samfylkingar 2016 og sem kjósendur eiga ekki marga smóka eftir í. Samfylkingin líklega fer í yfirfullan öskubakka vinstrisins. Þangað flögraði leðurblökukjóll Bjartrar framtíðar 2017 og dó.

xD

Ef forysta Sjálfstæðisflokksins tekur sig ekki á þá er ekki gott að segja hvað gerist. Óstaðfesta og dómgreindarleysi i grundvallarmálum, prinsippmálum og stórmálum er ekki góður kostur fyrir kjósendur Sjálfstæðisflokksins. Þeim hringlanda verður að ljúka. Kjósendur kyngja ekki getuleysi endalaust og fjárfestingum þeirra í flokknum lýkur. Fólk vill helst ekki fjárfesta í töpurum

Dæmi

Danski íhaldsflokkurinn tapaði öllum sínum grunngildum á gólfið: Guði, konungi og fósturjörð. Eftir óstjórn danskra krata, tók Danski íhaldsflokkurinn við stjórnartaumunum með 23,4 prósent fylgi árið 1984, en fór að dýrka kratisma, gleymdi gömlu gildunum, seldi landið til Brussel, laug að þjóðinni, rústaði hagkerfinu með fastgengi, gerði ESB að konungi og varð heiðinn. Hann fékk 3,4 prósent atkvæða í síðustu kosningum, 2015

Kveðjur

[Sigurður Kristján Hjaltested, 12.9.2018 kl. 21:26]

Það er með ólíkindum að horfa uppá Sjálfstæðisflokkinn vera

orðin að eins hrúgaldi og hann er í dag.

Við sem töldum okkur vera Sjálfstæðismenn erum hugsi

yfir því hvernig tókst að rústa flokknum á svona skömmum tíma.

Trojuhestar og svikarar hafa nóð bólfestu í flokknum og

hægt og örugglega malað undan því sem hann átt að standa fyrir.

Formaðurinn, grenjaði sig inn á þing í beinni, og það vafnigalaust,

Þrátt fyrir hans iskalda mat á ICESAFE og þó svo hann væri

ICEHOT 1 á dónalegum stefnumóta síðum.

Segir allt sem segja þarf um þann formann.

Ef Sjálfstæðisflokkurinn á sér einhverjar viðreisnar von,

þá þarf að losna við alla hans forystu og það strax.

Viðreisnar von er ekki fólgin í Viðreisn.

Sá flokkur er byrjunin á enda Sjálfstæðisflokksins.

Það sjá allir sem vilja sjá.

[Sigurður Antonsson, 12.9.2018 kl. 22:39]

Þið eruð herskár í meira lagi í síðustu pistlum. "Meðalgönguskeið" flokka ekki langt. Breyta sífellt um nöfn og málefni. Er það ekki gangur mála. 

Tók eftir því á Mbl.is í kvöld að nú á að breyta gangi mála í Seðlabanka. Skipta um menn og málefni. Forsætisráðherrann kom vel fyrir sem ábyrgur stjórnmálamaður. Þar til hún kom að umhverfismálum. Þar á sýndarmennskan að ríkja og milljarða fjárveitingar. Vekja skal athygli á þeim erlendis, eins og jafnréttismálum. Sama og hjá íþróttamönnum. "Gaman að vera með þeim stóru. Okkar mönnum í útlandinu."

Það er eins og vegamálaráðherrann hafi týnst í hæggengri umferðinni. Enn einn vegamálaráðherrann gleymdur og grafinn? Bara viðhald og skilti. Stefna flokksins þar er óviðunandi í 6 ár. Ágætt að greiða niður skuldir en ekki á kostnað endurbóta í vegamálum. Arðbærustu framkvæmdir eru að tvöfalda Reykjanesbraut og greiða úr umferðatöfum, fækka slysum. Ekki að taka upp hægagang vinstri manna og sérstöðu.

Þá verður spennandi að sjá hvað Lilja Alfreðsdóttir stendur fyrir utan loforða. Framsóknarflokkurinn hundrað ára og enn með misskiptingu atkvæða.