Búið ykkur undir nýja flugeldasýningu Norður-Kóreu [u]

Já

Vel getur hugsast að Bandaríkin séu í ró og næði að búa sig undir hernaðarátök við Norður-Kóreuútibú Kína. Það segja sum þau kínversku dagblöð sem koma út undir merkjum Norður-Kóreu í Norður-Kóreu. Sumir ríkisfjölmiðlar Norðursins þar sem allir fjölmiðlar eru ríkisfjölmiðlar, ásaka Bandaríkin um að vera þjálfa heri sína fyrir innrás, með innrásaræfingum frá japönsku Okinawaeyju yfir til Lúzon sem er stærst Filippseyja. Fjarlægðin þar á milli er svipuð og fjarlægðin er frá Okinawa til Pyongyang höfuðborgar Norður-Kóreu. Enn fremur halda ríkis-þeir því fram að liðsafli bandarískra sérsveita sé nú kominn til Jinhae í Suður-Kóreu, til þjálfunar þar. Suðurkóreönsk blöð segja að Moon Jae-in forseti Suðursins og Donald J. Trump (með Pattonían snilld "hvern einasta helvítis dag" (1. hluti er hér)) hafi ekki talað sama í tvo mánuði. Talsmaður Moon segir að hvell-aflýsing Donalds J. Trump á fyrirhugaðri ferð Mike Pompeo utanríkisráðherra hans til Norðursins, komi í veg fyrir fyrirhugaða opnun málalengingarskrifstofu Moons milli Suðurs og Norðurs. Líklegt er því að Norðrið munu kynna nýja kínverja á fyrirhugaðri hersýningu þar í ríki bráðum

Fjárfestar flýja nú Kína í stórum stíl, bæði erlendir en þó sérstaklega innlendir. Lítið fer fyrir því að lög og reglur gildi í Kína, svo best er að pakka saman áður en allt verður gert upptækt. Það er reynsla James D. Jameson, aðstoðarviðskiptaráðherra Bush forseta hins fyrsta. Jafnvel hann lét glepjast

Já já

En - já en - verðið á kínverskum dagblöðum er samt mörgum sinnum lægra en á íslenskum dagblöðum. Og ekki er víst að eingöngu sé við mismun á pappírsgæðum að sakast. Íslendingar eru því hvattir til að lesa kínversk dagblöð umfram þau íslensku, því þau kosta mörgum sinnum minna. Enginn getur látið slíkan verðmun fram hjá sér fara. Og ef þau fást ekki, þá er hægt að tala við utan ríkis ráðherra Íslands og hann mun greiða götur lesenda með innfluttum kínverskum dagböðum undir fána "frjálsra viðskipta"

Uppfært: Með hverjum deginum sem líður er mörgum að verða það æ meira ljóst að Bandaríkin geta ekki lengur verið aðili að Alþjóðaviðskiptastofnuninni WTO á meðan Kína er það líka. Komið er að kaflaskiptum, því Bandaríkin og nánustu engilsaxnesku bandamenn þeirra, sem með baráttu sinni í Síðari heimsstyrjöldinni bjuggu til til þann frjálsa heim sem Kína var veittur aðgangur að, ætla ekki að láta taka sig og þann heim í nefið. Sárt er einnig fyrir þau ríki að horfa upp á Tyrkland afrita Rússlandsstjórnarfar Pútíns og innleiða stjórnarhætti hans í landi Erdogans. Nógu sárt var að horfa upp á hinn fyrrverandi rússneska bandamann sinn nota ekki tækifærið á meðan það gafst, til að ganga þeim aftur á hönd, er hlekkir Sovétríkjanna um ökkla þjóðarinnar loks féllu

Og já

Í fréttum í gær kom fram að aðeins einn aðili kann að reka matvöruverslun á Íslandi. Og það eru Fjarðarkaup. Allir hinir leggja stund á sóun fjármuna eigenda

Fyrri færsla

Staða vinstrimanna í dag er vond

Athugasemdir

[Jón Þórhallsson, 27.8.2018 kl. 17:00]

Þannig að þú vilt meina að það séu 51% líkur

á því að USA ráðist inn í N-kóreu

þó að N-kóreu sendi engar eldflaugar í loftið

að fyrra bragði?

[Gunnar Rögnvaldsson, 27.8.2018 kl. 21:30]

Þakka þér Jón.

Það eru alltaf minnst 50 prósent líkur á hernaðarátökum við Norður-Kóreu. Það er hin innbyggða eðlislæga áhætta sem hlýst af sjálfri stjórnarfarslegri tilvist þannig ríkja, sem skapar þær líkur.

En 50 prósent líkur segir ekki það mikið að hægt sé að tala um líkur í svona málum úr frá þeirri tölu. Það er ekki fyrr en við erum komin upp í 90-95 prósent líkur að þær fara að segja manni eitthvað annað en 50 prósentin segja. Og svo er það tail-risk, sem ekki er hægt að kortleggja, en hún er alltaf til staðar í þessu máli.

Ég tel að líkurnar á hernaðarátökum séu síst minni núna, en þegar þriggja flugvélamóðurskipaflotinn var sendur af stað í maí í fyrra.

Og þar sem yfirgnæfandi flestir fjölmiðlar heimsins vanmeta forseta Bandaríkjanna og hafa gert hvern einasta dag frá því að hann bauð sig fram, þá er lítið á þeim að græða í þessu mál. Svo best er að hafa sín eigin eyru og augu opin og ekki hlusta á sírenusöng fjölmiðla.

Kveðjur

[Borgþór Jónsson, 27.8.2018 kl. 22:06]

Ég veit að þér finnst sárt að Putin skyldi binda enda á gripdeildirnar og eyðilegginguna sem Bandaríkin ,fyrst og fremst, voru að leiða yfir Rússland.

Enginn stjórnar landi eins og Rússlandi með þessum hætti óviljandi. Það var alltaf ætlunin að svelta Rússnesku þjóðina og gera hana að þrælum. Uppskriftin var fengin hjá Hitler. Engu var breytt. Það er svo sem ekki skrýtið af því að Nasistar voru mjög áhrifamiklir við uppbyggingu NATO.

Glæpirnir sem voru framdir gegn Rússnesku þjóðinn eru með ólíkindum.

Það er ekki furða þó menn séu reiðir yfir að Putin batt enda á veisluna hjá þessum sálarlausa lýð. Þetta var svo sem ekki leiðinleg veisla,tíu prósent af þurrlendi jarðar og tuttugu prósent af auðlegð hennar opnuðust allt í einu fyrir þessum óþverrum. Þetta svipaði mjög til landnáms Ameríku.

Það voru engar reglur,ekkert þurfti að borga,engir skattar ,fólkinu var haldið svo niðri að þúsundir þeirra drápust úr hungri og kulda. Það var bara bónus,þá var hægt að taka íbúðina þeirra.

Menntakerfið var skipulega eyðilagt til að koma í veg fyrir að þjóðin gæti nokkurntíma stungið hausnum upp úr svaðinu aftur. Heilbrigðiskerfið var eyðilagt,engin ástæða til að lækna hálfmenni.

Erlend lán voru tekin ,sem Yeltsin vestrænir ráðgjafar hans skiftu bróðurlega með sér og þjóðin skuldsett í topp.

Aldrei nokkurntíma hefur nein þjóð verið rænd eins herfilega og gert var við Rússa undir vestrænni stjórn.

Hinsvegar fæ ég enganveginn skilið af hverju þú styður það að Rússar séu sveltir til bana ,rændir eigum sínum og samfélagið þeirra eyðilagt, eins og var í gangi á tíunda áratug síðustu aldar. Þetta er undarlegur sauðsháttur,ekki síst í ljósi þess að þú hefðir ekkert grætt á því. Aurarnir voru merktir öðrum.

Og þú undrast í siðleysi þínu, af hverju Rússar vildu ekki gangast vesturlöndum á hönd. 

Nú hafa Bandaríkin sagt Rússlandi stríð á hendur sem er frekar að magnast þessa dagana. Þetta á eftir að fara illa. Það hefur engum reynst hollt að ráðast á Rússland.

.

Því sem næst allir forsetar Bandaríkjanna hafa verið stríðsglæpamenn í skiningi alþjóðalaga. Það er engin ástæða til að núverandi forseti bregði út af þeirri venju. Því skulum við gera ráð fyrir að hann muni ráðst á eina eða fleiri þjóðir. Það er ekki víst að það verði N Kórea eða Íran. Það er líklegra að hann velji einnhverja auðveldari þjóð. En vissulega mun hann stofna til stríðs eins og fyrirrennararnir.

[Jón Þórhallsson, 27.8.2018 kl. 22:31]

Sæll Gunnar aftur!

Ef að þú fengir að vera forseti USA í 4 ár,

hvernig myndir þú þá halda á spilunum/heraflanum?

Myndir þú þá stilla N-kóru upp við vegg

eins og nazistarnir gerður við Noreg?

Og segja: "lútið okkur og afvopnist

eða allt hernaðardrasið ykkar verðu sprengt í loft upp?".

[Gunnar Rögnvaldsson, 27.8.2018 kl. 22:39]

Bíddu aðeins Borgþór.

Voru það ekki Rússar sem drápu 300.000 af "sínu eigin fólki" í Téténíu undir stjórn Jeltsin og Pútíns.

Sem sagt Borgþór: sú tæplega 30 milljarða dala gjöf sem Bandaríkin gáfu 12 ríkjum fyrrum Sovétríkjanna (FSU) frá 1992 til 2006, og þar á meðal Rússlandi, var þá eftir allt saman bara rán? Og líka þær fyrir-byltingar-skuldir sem vestræn ríki afskrifuðu að stórum hluta til þegar Rússland kom til þeirra í kjölfar hruns Sovétríkjanna, það var þá kannski bara rán líka?

Eiginlega efast ég um að þú gangir alveg heill til skógar, þegar ég les það sem þú skrifar.

Og svo var það Vladímir Pútín sjálfur sem stóð í því að framkvæma Glasnost, sem fólst í því að koma fyrirtækjum fólksins í Sovétríkjunum í verð erlendis, og þar með á erlendar hendur. Þetta áleit KGB og Vladímír Pútín að væri eina leiðin til að reyna hindra sovéska hagkerfið og herinn í að verða að efnahagslegum og tæknilegum steingervingum. Til þessara erinda var hann staðsettur í starfsstöð KGB í Austur-Þýskalandi. Og hann stóð líka í þessu með Jeltsin frá Pétursborg.

Bestu kveðjur

[Gunnar Rögnvaldsson, 27.8.2018 kl. 22:52]

Jón. þetta verður að spilast eftir eyranu. En ég myndi gera eins og Trump. Sýna þeim hvað þeir eiga að hræðast og sýna þeim það skýrt.

Deilur eru flókin mál og svo gott sem óútreiknanleg. Sovétríkin féllu friðsamlega. Slíkt getur gerst aftur.

Það mikilvægasta er að halda fælnimætti sínum á lofti (e. deterrece) á þann hátt að engin leið er að misskilja getu og vilja manns til tortíma andstæðingum  sem fara yfir vissar línur.

[Borgþór Jónsson, 28.8.2018 kl. 04:09]

Þú ert alltaf svolítið léttur á því.

Samkvæmt áætlun Amnesti International þá féllu um 25.000 óbreyttir borgarar í seinna Téténíustríðinu og um 5000 týndust. Þú ert væntanlega að notast við æsifrétta tölurnar sem koma frá Bandarískum yfirvöldum.

Auk þess voru drepnir um 7000 Rússar og 16.000 óaldarmenn. Þetta stríð var lengra og mannskæðara en hið fyrra.Þarna ber nokkuð á milli geskur.

Checheníustríðið var stríð sem varð ekki umflúið.

Fyrir utan að það ríkti alger glundroði í landinu og mannrán voru næstum eitt á dag,þá var stöðugur ófriður á landamærum Dakestan og Checheníu. Að auki lágu Rússar undir stöðugum hryðjuverkum sem nutu móralsks stuðning frá vesturlöndum.  Vestrænir stjórnmálamenn hættu aldrei að kalla þá freedomfighter,ekki heldur þegar þeir voru að slátra litlu krökkunum í Beslan. Þetta voru reyndar Rússneskir krakkar svo það telst ekki með ,er það. Bush átti ekki orð yfir grimmdina sem Rússar sýndu þegar þeir eltu glæpalýðinn uppi og drápu þá. 

Þetta endaði svo eins og þú kannski manst,með því að það var gerð innrás í Dakestan sem er hluti af Rússneska Sambandlýðveldinu.Eftir það hófst stríð.

Chechenía er í dag blómstrandi samfélag og Grosnyy er nú ein af helstu borgum Islam,fræg tískuborg í þeim geira til dæmis. Gaman að segja frá því.

Putin er hvergi vinsælli í dag en í Checheníu ef undan er skilinn Krímskagi.

Kannski segir það einhverja sögu um vilja landsmanna. Hann væri varla vinsæll ef þetta hefði verið gert í óþökk þeirra.

Þú getur til dæmis borið þetta saman við vinsældir Bandaríkjanna í Írak eða Libýu. Eða kannski Afganistan.

Efnahagsaðstoð Bandaríkjammanna við Rússa.

Vissulega sendu Bandaríkjamenn lítilsháttar efnahagsaðstoð til Rússlands.  Þeir sem höndluðu með þessa aðstoð var fyrirbæri sem gekk undir nafninu Chubais klíkan. Þessari aðstoð var að mestu eytt í að tryggja pólitísk áhrif Bandaríkjamanna í Rússlandi. Mútur og þessháttar.

Þetta var stórkostlegt tjón fyrir Rússneskt samfélag af  því að þarna myndaðist stjórnmálastétt sem átti allt sitt undir Bandarískum yfirvöldum,en ekkert undir kjósendum. Þessara áhrifa gætir enn í dag. Það er ennþá nokkur hópur Rússneskra stjórnmálamanna sem fundar með Bandaríska sendiráðinu en ekki kjósendum þegar leggja þarf línurnar. Þeim fer þó fækkandi.

Þessi kaup á stjórnmálamönnum var þó ekki aðal starfi Chubais klíkunnar ,heldur einkavæðingin. Klíkan réði þessum málum ,með lítilli aðkomu kjörinna stjórnvalda.

Ástæðan fyrir nafngiftinnii á hópnumm var að formaður hennar var maður að nafni Anatoly Chubais.Með honum í ráðum var hópur frá Harvard háskóla.

Þessi hópur "sérfræðinga" vann sér það meðal annars til frægðar að selja Kodorkovsky olíufélag á 7% af raunvirði ,og Beresovsky gasfyrirtæki á 3% af raunvirði. Þannig mætti lengi telja. Tjónið af þessari gjörspilltu nefnd var óskaplegt. Og það var ekki bara fjárhagstjónið,heldu lamað þetta samfélagið. Ekkeert annað fékk gróið í þessari skelfilegu ránsherferð

Chubais var síðar launaður greiðinn með stjórnarsetu í JP Morgan.

Svona leit "efnahagsaðstoð" Bandaríkjamanna út í grófum dráttum.

Það voru ekki bara Rússnesku oligarkarnir sem mökuðu krókinn. Það voru ekki síður vestrænu oligarkarnir,enda höfðu þeir meirihluta í nefndinni.

Frægastur er kannski Bill Browder sem fór frá Rússlandi með milljarða dollara (4,8 minnir mig) og sveik að lokum 230 milljónir dollar út úr Rússneska ríkissjóðnum áður en hann lokaði hurðinni. Hann var í samkrulli með HSCB bankanum og notaði skúffufyrirtæki í Rússlandi og á Kýpur til að þvo fenginn. 

Ránin voru endalaus og af öllum gerðum. Við áttum meira að segja okkar fulltrúa þarna. 

Vladimir Putin hafði ekkert með einkavæðingu Rússneskra fyrirtækaj að gera. Hann var starfsmannastjóri hjá KGB í Berlín á þessumm tíma.

Það þíðir ekkeert að bera svona skáldsögur á borð fyrir mig geskur. Hún er ekki einu sinni góð hjá þér.

Þú átt ekki að venja þig á að blekkja lesendur þína í von um að þeir viti ekkert um málið.

Stór hluti af svokallaðri efnahagsaðstoð Bandaríkjamanna tengis hernaði á einhvern hátt. Þetta er ágætlega tíundað á USAID.com eða org.

Þetta er áhugaverð lesning. 

[Valdimar Samúelsson, 28.8.2018 kl. 08:41]

Þakka góða grein Gunnar og Borgþóri sem er heldur betur í Essinu sínu. Það vantar eitt´... það er svar við spurningu Jóns en það væri gott að vita því ég myndi láta vaða í NK og bjarga fólkinu undan Kim Jong. :-)

[Jón Þórhallsson, 28.8.2018 kl. 09:43]

Þá er það spurningin hvort/hvernig  kína myndi bregðast við.

[Gunnar Rögnvaldsson, 28.8.2018 kl. 10:46]

Já eins og ég sagði í svari mínu hér fyrir ofan Jón, þá eru deilur flókin fyrirbæri og næstum óútreiknanlegar. En stríð eru þó verri og mörgum sinnum flóknari.

Kína hefur þegar brugðist við með því að styðja geggjunarstefnu Norður-Kóreu. Það sama gerir Rússland því þaðan kemur olía inn í NK.

Kínverski kommúnistaflokkurinn og Xi forseti áréttuðu í fyrradag reglusettið sem gildir fyrir frammámenn flokksins: 1) Bann við að dreifa pólitískum orðrómi og 2) brottrekstur úr flokkunum fyrir að hafa trúarlega sannfæringu.

Að þurfa að ítreka þetta bendir til að forsetinn og flokksforystan álíti stöðu sína ekki eins tryggja og ætla mætti.

Í gær tóku gildi refsiaðgerðir Bandaríkjanna gegn Rússlandi, vegna efnavopnaárásar á Skrípal feðginin í Salisbury í Bretlandi.

Bandaríkin sigla nú ákveðnari siglingum í Suður-Kínahafi en áður.

Samþætting Japans inn í ratsjárkerfi Bandaríkjanna hefur verið ákveðin. Henni á að ljúka fyrir 2020 og hún tryggir betri eldflaugavarnarskjöld í norðaustur Asíu.

Japanska landhelgisgæslan segir að ólögmæt nærvera fiskiskipaflota Norður-Kóreu í japanskri landhelgi hafi minnkað um 80 prósent frá því að Trump hóf hamarinn á loft í fyrra.

Ýmislegt gerist hvern dag þó svo að hátt fari það ekki. 

Kveðjur

[Valdimar Samúelsson, 28.8.2018 kl. 12:39]

Þetta verður að vera mjög vel planað hjá bandaríkjamönnum vegna SKóreu en leifturárás verður það að vera því að Jong Kim svífst einskis ef honum grunar einhvað þá fær S Kóreu margar sendingar.  

[Gunnar Rögnvaldsson, 28.8.2018 kl. 15:24]

Þó svo að ríkis-dagblöð í NK séu með svona áróðri að undirbúa jarðveginn fyrir næstu hersýningu einræðisherra síns, þá er óþarfi að trúa spuna þeirra um innrásaræfingar, Valdimar.

Það sem skiptir máli hér er að fylgjast með því hvernig NK umgengst þá rauðu-línu sem Bandaríkin hafa dregið. Eru þeir á leið burt frá henni (að bakka) eða eru þeir á leið yfir hana. Og svo að fylgjast með geopólitískri þróun umhverfis rottuholusamveldi Norður-Kóreu og Kína. Og svo þróun mála í Suður-Kóreu og Japan.

[Sigþór Hrafnsson (IP-tala skráð) 28.8.2018 kl. 20:55]

Sæll Gunnar

Já það er hægt að treysta norður kóreskum miðlum til að segja sannleikann. Eða þá kínverskum! Hehe :)

Trumparinn klúðraði þessu big time. Eins og venjulega þá var hann of upptekinn af því að halda athygli miðlanna í staðin fyrir að framkvæma. Ef að Trump væri ekki svona obsessed af ratings, þá væri hann eflaust búinn að framkvæma mun meira. Hann fílar áhorfstölur svona svakalega að raunveruleikinn þjáist fyrir á köflum.

Maður vonar bara að Kim hafi ekki grætt um of á þessu svakalega klúðri Trumps.

[Gunnar Rögnvaldsson, 28.8.2018 kl. 23:10]

Þvert á móti Sigþór.

Nú er liðið heilt á síðan að einræðisherrann þorði að hreyfa sig. Þó svo að hann sé að undirbúa indíánadans á glóandi kolum við rauðu línuna, til heimabrúks, þá hefur hann ekki þorað að stíga einu skrefinu lengra en hann var í fyrir ári síðan.

Þegar Chamberlain fór að hitta Hitler í Munchen 1938 og kom til baka með samkomulag, þá sagði Hitler: Jæja nú hef ég hitt þá og veit að þeir eru ormar. Svo réðst hann inn í Pólland. Hitler hafði rétt fyrir sér. Þeir voru ormar.

Leiðtogi Norður-Kóreu hitti ekki orm þegar hann hitti Trump. Frá og með þeim fundi hefur hann haldið sig á mottunni og veitt tilslakanir, því hann veit að hamarinn er yfir höfði hans og sá heitir Trump. Að hitta fólk og tala við það, sé slíkt mögulegt, er það sem forsetinn á að gera. Forsetinn er ekki byssa, hann er diplómat. En hann er með stórt prik og mun nota það. Það skilur einræðisherrann eftir fundinn með Trump, því annars væri hann búinn að hreyfa sig.

Þess utan, þá veit einræðisherrann að Trump mun ekki á heimavelli verða ásakaður fyrir að hafa ekki reynt, komi til átaka. Að því leytinu hefur forsetinn gert allar komandi ákvarðanir í þessu máli auðveldari. Hann reyndi að tala vit í haus einræðisherrans.

Það þarf víst ekki að segja þér hve mikið fjölmiðlar gagnrýndu forsetann fyrir að reyna. Ágjöfin sem hann fékk fyrir ferðina var engu lík. Stríðsóð pressan trylltist. Meira að segja íslenskir harðkjarna-vinstrimenn eru í áfalli yfir því að stríð sé ekki nú þegar hafið og að Bandaríkin séu ekki nú þegar búin að kála þúsundum manna, - nema náttúrlega bara ekki sonum og dætrum þeirra sjálfra.

Kveðjur

[Gunnar Rögnvaldsson, 28.8.2018 kl. 23:26]

... Við vitum til dæmis ekki hvenær einræðisherrann geri öðru fólki síðast eitthvað gott. Slíkt er ekki hægt að vita. En að fá vont fólk til að gera öðru fólki eitthvað gott, hefur venjulega mannbætandi sálaráhrif á flestar dauðlegar manneskjur. Trump fékk einræðisherrann til að leita eftir og afhenda líkamsleifar fallinna og saknaðra bandarískra hermann frá því í Kóreustyrjöldinni. Fékk hann til að gera góðan gjörning. Og það sem meira er vert, hann sýndi einræðisherranum hvernig land hans gæti orðið. Með öðrum orðum, hann gaf honum og landinu hans valkost. Slíkt er mikilvægt  og slíkt er ekki hægt að gera bréfleiðis né í gegnum síma.

[Sigþór Hrafnsson (IP-tala skráð) 29.8.2018 kl. 00:32]

Þakka svarið Gunnar. Við sjáum hvað setur...