Nú segjast þeir geta í evrum í ESB

Gengisþórun nokkura gjaldmiðla frá því í apríl, miðað við Bandaríkjadal

****

Utanríkisráðherra Þýskalands, Heiko Maas, segir að til þess að "bjarga" því súra bruggi sem Barack Obama samdi um við Íran -þ.e. kjarnorkumálin- að þá verði Evrópusambandið að búa til alþjóðlegt greiðslukerfi sem Bandaríkin geti ekki truflað, svo að ESB-löndin geti haldið áfram viðskiptum við íranska klerkaveldið sem er með þróun kjarnorkuvopa á sínum prjónum

Stutt er að minnast þess er seðlabanki Bandaríkjanna bjargaði í tvígang evrunni frá vissum dauða með því að opna gjaldmiðlaskiptagátt til handa ECB-seðlabankanum upp á gátt, svo bjarga mætti evrunni frá því að leysast upp sem peningakerfi - og Evrópusambandslöndum frá þjóðargjaldþrotum með því að Bandaríski seðlabankinn bjargaði AIG, sem tryggði flestar skuldir fjármálakerfa evrulanda, og sem voru svo hátt upp-gíruð, miðað við eiginfé, að þau eru ekki enn komin út úr mýrunum sem evran gróf þau föst í með fölsunum á lífsins staðreyndum. Fjármálakerfin á evrusvæðinu gátu þá ekki lengur staðið við skuldbindingar sínar í Bandaríkjadölum, vegna þess að heimurinn beið eftir því að allt evrukerfið léti þarna lífið, er loksins á það reyndi. Það stóðst ekki álagið og enginn vildi eiga viðskipti við það í öðrum gjaldmiðlum en Bandaríkjadölum. Þarna kom í ljós að hin stofnanalega og afskræmda hugmyndafræðilega uppsetning peningakerfis evrunnar hvíldi á sandi. Ekki tókst því að halda kerfinu á lífi, því allir vissu að það var að enda líf sitt í þurrð (e. non liquid) og fjármagnsflótta á milli evrulanda í takt við yfirboð ríkisstjórna um ríkisábyrgðir, um miðjar reykfylltar nætur. Aðeins ótakmarkað aðgengi að bandarískum dölum úr hirslum bandaríska seðlabankans bjargaði evrukerfinu frá vissum dauða - í tvígang

Fróðlegt verður að fylgjast með því hvernig bandaríski seðlabankinn bregst við næst, nú þegar margir útflutningsmarkaðir evrulanda eru vel hugsanlega að sogast inn í nýja alþjóðlega gjaldeyriskrísu, með helstu eldsupptök í Tyrklandi, ásamt nokkrum öðrum stærri þróunarríkjum jarðar. Þetta er sérstaklega áhugaverð spurning í ljósi þess að yfirvöld evrusvæðis misnotuðu þá aðstoð sem bandaríski seðlabankinn veitti þeim síðast, því sú aðstoð var notuð til að ná sér niðri á þeim ríkjum sem hétu ekki vissum nöfnum og bjuggu helst í suðri. Nefna má til dæmis Grikkland, Írland, Portúgal, Spán og Ítalíu, svo ekki sé minnst á Ísland. Útkoma krísunnar í myntbandalagi ESB var gerð háð þjóðerni, þó svo að allt öðru hafi verið haldið fram þegar löndin gengu í það og skuldsettu sig á þeim forsendum

Skuldastaða ríkisstjórna á evrusvæðinu í heild, miðað við landsframleiðslu, er mun verri í dag (87%) en hún var þegar síðasta kreppa skall á myntsvæðinu 2008 (69%) og sem lítið hefur gengið að draga úr. Sú kreppa varir því að stórum hluta til enn á evrusvæðinu, 10 árum síðar. Og þar sem fyrirkomulag alþjóðaviðskipta er farið að snúast um að Alþjóðaviðskiptastofnunin WTO muni ekki geta innihaldið Bandaríkin mikið lengur, sé Kína þar meðlimur líka, þá er ekki líklegt að mynt kínverska kommúnistaflokksins geti bjargað evrusvæðinu fyrir næsta horn. Og ekki eru það útgjöld til varnarmála sem íþyngt hafa ríkisstjórnum evrulanda, þvert á móti

Væri ég Donald Trump myndi ég íhuga að skilyrða næstu aðstoð því, að gengið verði fram hjá ECB-seðlabanka Evrópusambandsins og hún aðeins veitt beint til seðlabanka þjóða, því aðeins þjóðir geta verið trygging og ábyrgar fyrir því að greitt sé til baka, og þar með því að aðstoðin sé ekki misnotuð eins og síðast - og sem að mörgu leyti varð til þess að gera Evrópusambandinu kleift að halda efnahag heimsins í gíslingu

Ronald Reagan gagnrýndi stundum ákvarðanir seðlabanka Bandaríkjanna og hélt honum við tvíþættar frumskyldur sínar. Hið sama er byrjað að sjást hjá Donald J. Trump í dag

Fyrri færsla

Einn plús einn látinn laus úr pólitískum fangabúðum Erdogans og Merkels

Athugasemdir

[Borgþór Jónsson, 22.8.2018 kl. 15:23]

Þetta eru nú eiginlega tvö algerlega aðskilin mál,fjárhagsstjórn Evrusvæðisins og greiðsludreyfingakerfið SWIFT.

SWIFT kerfið ,sem í upphafi var þjónustustofnun hefur nú um áratuga skeið verið hluti af Banndarísku hernaðarmaskínunni.Hluti af heimsyfirráðastefnu Bandaríkjanna sem byggist á rótgrónum rasisma sem búið er að innræta þjóðinni og er óaðskiljanlegur hluti af þjóðarsálinni.

.Það hefur verið miskunarlaust notað till að kúga þjóðir út um allann heim. Evrópumenn hafa tekið þátt í þessu með þeim.

Þeir hafa verið eins og smákrakkar sem gefa hrellinum á skólalóðinni hluta af nestinu sínu  til að losna við að vera barðir. Svo kemur að því einn daginn að hrellirinn vill fá meira af nestinu þeirra en þeir geta látið af hendi.

Framámenn þar hafa verið svo grannvitrir að þeir hafa ekki gert sér grein fyrir að einn dagin yrði þetta notað gegn þeim. Þeir kveiktu ekki einu sinni á perunni þó að þeim væri bent á að svona myndi fara,svo vitlausir eru þeir.

Ég á ekki von á að Evrópskir stjórnmálamenn aðhafist neitt. Þeir hafa ekki breyst neitt frá því að þeir létu Hitler Evrópu eftir baráttulaust, og biðu svo grenjandi í holum sínum meðan Sovétmenn björguðu þeim úr prísundinni.

Nú er Evrópa aftur undir áföllum frá fasistaríki og Evrópskir stjórnmálamenn eru búnir að veifa hvítu brókinni og bíða björgunar.

Það er ótrúlragt hvað við Evrópubúar erum alltaf óheppin með leiðtoga.

[Gunnar Rögnvaldsson, 22.8.2018 kl. 16:22]

Ef þú værir ekki svona fráfróður Borgþór minn þá myndir þú ekki láta út úr þér það sem þú oftast gerir. Aðeins sá sem veit ekki hversu lítið hann veit lætur svona þvaður út úr sér.

SWIFT er ekki greiðslukerfi, það er rafrænt skilaboðakerfi um greiðslur og í sameign einkabanka undir belgískum lögum og hefur ekkert sérstakt með Bandaríkin að gera. Það er ekki greiðslukerfi, frekar en póstburðarmaður er bréf, með frímerki löggjafanna á og sem samþykkja þarf notkun og sölu þeirra. Þau frímerki má til dæmis ekki nota á hvað sem er. Ef þú færð ekki viðurkennt frímerki þá sendir þú ekkert. Og tolla þar líka peninga eins og allt annað. Þeir fara í gegnum tollafgreiðslu, ef svo má að orði komast, til dæmis tollafgreiðslu löggjafa Bandaríkjadals

Og ef út í þetta er farið þá er TAGET2 kerfi evrunnar heldur ekki greiðslukerfi, það er upplýsingakerfi um kröfur seðlabanka á vegum viðskiptabaka í sínu landi á hendur öðrum seðlabönkum evrulanda til viðskiptabanka þeirra landa. Engir peningar eru sendir, aðeins upplýsingar.

Kveðjur

[Borgþór Jónsson, 22.8.2018 kl. 19:21]

Það sem er þú ert að lýsa er greiðslukerfi. Það er að segja kerfi sem gerir kleyft að senda greiðslur á milli landa. Þetta er ekki flókið. Misskiningurinn hjá þér liggur sennilega í því að þú hefur ekki enn frétt þarna upp í Skoradal að peningar eru að stórum hluta orðnir rafrænir. Það er að segja að greiðslur fara nú gjarnan fram með rafrænum hætti.

Ef þú ætlar að kaupa vöru erlendis þarftu að leggja fram peninga og þú færð vöruna ekki afhenta fyrr en seljandinn hefur fengið pening inn á reikning hjá sér. Greiðsla hefur átt sér stað fyrir tilstilli SWIFT kerfisins. Greiðsludreifingakerfi. SWIFT er að sjálfsögðu ekki allt kerfið ,því á sitthvorum enda eru bankar sem sjá um framkvæmdina.

Póstburðarmaðurinn er hisvegar hluti af svokölluðu póstdreyfingarkerfi sem gerir kleyft að senda póst á milli staða. Þetta er ekki flókið.

Hreyfingar í þessu kerfi eru oftast eða jafnvel eingöngu gerðar með Bandarískum dollurum. Til að það megi vera fær Bandaríski seðlabankinn upplýsingar um allar færslur sem gerðar eru í kerfinu. Það er ástæðan fyrir að Bandarísk stjórnvöld geta stöðvað viðskifti að villd ,sem fara í gegnum þetta kerfi. Þeir einfaldlega neita leyfi fyrir notkun dollars í viðskiftunum. Þetta gera þeir alltaf stöðugt. Þeir misbeita þessu valdi daglega og í vaxandi mæli. Hvernig hélstu annars að þeir framfylgi þessum óteljandi þvingunum sem þeir beita önnr lönd? Hafðirðu aldrei hugsað út í það.

Þegar Bandaríkin eru að ofsækja önnur ríki ,hóta þau gjarnana að útiloka viðkomandi ríki frá SWIFT kerfinu,eins og þú hefur hugsanlega heyrt um. 

Bandaríkin virða hvorki alþjóðalög eða lög annarra ríkja nema þeim sjálfum sýnist,en þvinga aftur á móti eigin ólög inn á önnur ríki með hervaldi. Bandaríkin eru fullkomlega fasíst ríki,gegnumsýrt af spillingu, rasisma og ofbeldi. Eftir 9/11 hafa þeir algerlega sleppt sér og fara nú eldi um alla heimsbyggðina með drápum og efnahagslegu ofbeldi.

Evrópubúar sem hingað til hafa hoppað í kringum þá eins og Ketill Skrækur eru nú að fá að kenna á því að Bandaríkjamenn eira engum.

[Borgþór Jónsson, 22.8.2018 kl. 19:38]

Þú getur prófað þetta sjálfur með því að panta þér vindla frá Kúbu. Þá kemstu að því að þú getur ekki borgað vindlana af því að Bandaríkjamenn eru með viðskiftabann á Kúbu. Og það er einmitt í SWIFT kerfinu sem greiðslurnar eru stoppaðar. Belgía er ekki með neinar viðskiftaþvinganir á Kúbu. Belgísk lög skifta þarna engu.

Einu sinn voru Bandaríkin nánast eðlilegt ríki og í skjóli þess var þeim treyst fyrir miklu valdi. Það er ekki reyndin í dag ,og þau misnota gróflega það vald sem þeim var falið ,daglega.

[Gunnar Rögnvaldsson, 22.8.2018 kl. 20:32]

Elsku Borgþór

Fyrst segir þú: "SWIFT kerfið ,sem í upphafi var þjónustustofnun hefur nú um áratuga skeið verið hluti af Banndarísku hernaðarmaskínunni".

Þá fræði ég þið á því að SWIFT (Society for Worldwide Interbank Financial Telecommunication) sé belgískt félag sem lúti belgískum lögum um sameignarfélög og sem hefur þann tilgang að halda utan um rafrænt skilaboðakerfi viðskiptabanka á milli. Og að það hafi ekkert sérstakt með Bandaríkin að gera. Það er alveg eins hægt að halda því fram að símtól eða faxvél í banka sé greiðsukerfi eins og að segja að SWIFT sé greiðslukerfi.

Þá segir þú að Bandaríkin vinni að því að stoppa það kerfi sem þú áður sagðir að væri hluti af "Banndarísku hernaðarmaskínunni".

Er ekki allt í lagi Borgþór?

[Borgþór Jónsson, 22.8.2018 kl. 22:20]

Ég veit að kerfið er Belgískt,en það skiftir hreinlega engu máli af áðurnefndum orsökum.

Vissulega má leiða að því rök að farsími og tölvur séu greiðslukerfi ,af því að þau eru oft notuð til að koma greiðslum til skila. Líka plastkortin okkar. Svo mætti lengi telja.

Ég man reyndar ekki til að ég hafi notað fax til að koma peningum til skila.

Ef þegar ýti á takkana á símanum mínum með ákveðnum hætti, set ég á stað ferli í bankanum, sem færir peninga af reikningnum mínum inn á annan reikning. Síminn minn er því fyrsta tækið í röð tækja sem myndar greiðslukerfi.SWIFT kerfið er það sem gerir mér mögulegt að senda peninginn í annað ríki. Ekkert Swift kerfi,engin peningasending. 

Ef ég hinsvegar hringi í bankann og bið hann að færa fé á milli ,lít ég ekki svo á að síminn sé hluti af greiðslukerfi. Ég er einfaldlega að tala við einhvern ,sem setur greiðsluferlið af stað í kerfinu. 

Næst besta leiðin er að senda passandi bút af gulli.

Bandaríkjamenn eru ekki að reyna að stoppa kerfið,þeir stoppa allskonar aðila frá að geta notað kerfið í kúgunarskini.

[Gunnar Rögnvaldsson, 22.8.2018 kl. 22:41]

Ahh ég skil Borgþór

Sem sagt. Þú sagðir: "SWIFT kerfið ,sem í upphafi var þjónustustofnun hefur nú um áratuga skeið verið hluti af Banndarísku hernaðarmaskínunni".

..... er þá sem sagt ekki lengur "hluti af Banndarísku hernaðarmaskínunni" - eða hvað?

Það eru þá kannski Bandaríkin sem standa fyrir peningaskömmtun á evrusvæðum Kýpur og Grikklands, með því eins og þú orðar það..... að "reyna að stoppa kerfið,þeir stoppa allskonar aðila frá að geta notað kerfið í kúgunarskini."

Svo þegar skúringakonan í bankanum er búin að skúra gólfin hjá gjaldkerunum, þá hringir hún í bankastjórann og gerir þar með símann sinn að alþjóðlegu skúringakerfi. Er það kannski þannig sem þessi alþjóðlega kerfishugmynd þín virkar?

Eigum við ekki bara að segja þetta gott í bili.

[Halldór Jónsson, 23.8.2018 kl. 00:03]

 Fróðlegur er  hugarheimur kommúnistanna, hvernig þeir sjá djöfulinn allstaðat. 

[Jónas Gunnlaugsson, 23.8.2018 kl. 07:54]

Þakka ykkur fróðleikinn. Við minni spámennirnir hlustum, lesum, og meðtökum eftir bestu getu þegar þið reynið að skýra málefnin.

Mér finnst, að þið eigið að sýna hver öðrum virðingu, og þá útskýra þessi málefni.

Þið sjálfir lærið það sem annar veit betur, og auðvitað er misskilningur oft á ferðinni.

Við skoðanaskipti ykkar heflast málefnið.

Hæla hver öðrum, jafnvel þó að þið þurfið að sveigja 180 gráður af leið, til að bæta umræðuna.

Umræðan kennir, þótt aðilar telji að þeir séu ósammála.

Oft hefur krækiberið mismunandi nöfn í hinum ýmsu löndum.

Egilsstaðir, 23.08.2018  Jónas Gunnlaugsson

[Jónas Gunnlaugsson, 23.8.2018 kl. 08:23]

Það er lærdómsríkt, að bestu samvinnu mennirnir eru oft lækna, verkfræðinga, stórkaupmanna félögin, og sýna okkur gott fordæmi.

Einkabanka kerfið, verður alltaf að láta þjóðirnar greiða mistökin sín.

Þá eru þeir alltaf á RÍKIS framfæri.

Allt kemur frá fólkinu, frá huga og hönd.

Hver annar ætti að gera það?

En, einstaklingurinn kemur með lausnina, hugmyndina sem bjargar öllu.

Við hinir reynum svo að melta og meðtaka hugmyndina, sem þá getur leyst vandann.

Muna, að 100 hugmyndir leystu ekki vandann, en sú númer 101 gerði það.

Af því að við leituðum, þá fundum við lausnina.

Ef við hefðum aðeins leitað 98 sinnum, þá hefðum við ekki fundið hugmyndina sem bjargaði öllu.

Munum að einstaklingarnir, nefnum Jesú og Nikola Tesla og svo þúsundir annarra björguðu málunum.

Heiðrum einstaklinginn, hvern og einn, alla.

Bið ykkur vel að lifa.

Egilsstaðir, 23.08.2018  Jónas Gunnlaugsson

[Borgþór Jónsson, 23.8.2018 kl. 11:11]

Það er greinilegt aðð þú ert ekkert sérstaklega skynsamur greyið ,en sennilega hefurðu samt skilið það sem ég var að segja.

Þá finnst þér ágætt að bulla bara eins og lítill krakki og búa til strámenn.

[Borgþór Jónsson, 23.8.2018 kl. 11:29]

Þegar ég ver krakkii var ég stundum sendur með yxna beljur á bæi til að fá nýtt erfðaefni. Af því það var verið að fara á ókunnar slóðir þótti henta betur að teymma beljuna frekar en að reka hana. Í þessu ástandi voru daggfarsprúðustu beljur of frekar óskemmtilegar viðureignar. Þær héngu í bandinu og streyttust á móti,en stundum rásuðu þær í allar áttir og hlupu jafnvel fram með manni.

Þegar þú ert að tapa umræðu ertu svolítið eins og þessar yxna beljur. Þú ýmist streitist á móti í tilgangsleysi  ellegar þú rásar í allar áttir frá málefninu í örvæntingarfullri tilraun til að koma í veg fyrir það sem verða vill.

[Borgþór Jónsson, 23.8.2018 kl. 12:27]

Það er merkilegt með þig Halldór,að þegar þú sérð einhvern segja eitthvað að viti heldurðu alltaf að viðkomandi sé kómmúnisti.