Angela Merkel heimsækir fangaverði sína

Innheimtur

Angela Merkel er önnum kafin við að heimsækja þá sem gæta hennar í fangelsinu. Rússland skrúfar þá kannski ekki fyrir hitann hjá henni í klefanum í vetur. Og hugsast getur því að þjóð hennar lifi veturinn af. Forseti Tyrklands sem geymir pólitískt líf Merkels í hendi sér, mun þá kannski ekki heldur sleppa lausum þeim milljónum af íslamískum fátæklingum sem hún óttast mest. Hún hefur mútað honum til að halda þeim til baka í vissan tíma. "Wir schaffen das" reyndist einungis vera jugend plakat-blaður ættað frá DDR. Þýskir gátu þetta bara alls ekki og landið þeirra logar pólanna á milli, þannig að CSU mælist nú hrunið úr 47 prósent niður í 37 prósent í Bæjaralandi á aðeins rúmu ári, en þar verður kosið við "við-getum-þetta" DDR-hryllingsundirleik Merkels í október

En nú er Tyrklandsforsetinn kominn í viss vandræði, því íslam er hætt að geta brauðfætt þjóðina. Og gengi tyrknesku lírunnar fellur og fellur vegna skulda Tyrklands í erlendri mynt, sem þá hefur ekki lengur efni á innflutningi frá Merkel, sem er óðaöldrunar-kanslari útflutningaháðasta hagkerfi heims. Hið sama gildir um Íran, þaðan frá sem þýsku Deutsche Telekom og hið ríkisrekna Deutsche Bahn tilkynntu fyrir helgi að væru að hypja sig út og heim, til að lenda ekki í notbremsenresistent lestarkerfi Trumps. Þar getur íslam hvorki brauðfætt þjóðina, hýst hana né menntað. Merkel gæti þó hugsanlega gripið til þeirra efnahagslegu ráðstafana sem hún hefur notað svo vel síðastliðin 10 ár. Já, hún gæti kveikt í enn einu evrulandinu í viðbót, til dæmis í Ítalíu, og lækkað þannig gengi evrunnar svo að þýskir gámar hendist betur út úr höfninni í Hamborg. Já, og komið þannig til móts við brauðgengi Tyrklands í íslam. Hún gæti líka sett upp slæður að hætti Mogherini og flutt rússnesku loftvarnarbatteríin sem Erdogan (í NATO!) er að kaupa, með sér í töskunum til Ankara, fyrir hinn fangavörðinn hennar, hann Pútín, til að tryggja sér og þýskum þannig hita alla leið til páska

Þetta er að verða þungamiðjan í Evrópu. Ekki vegna þess að Tyrkland, Íran og Rússland séu kjarnarnir í Evrópusambandi Þýskalands. Nei nei. Heldur aðeins vegna þess að í kjarna Evrópu er ekkert, því þar er einungis svartholið Þýskaland í sínu peningapokalega singularity, og sem er sjálf þungamiðjan og sökkvaldurinn í Evrópu og víðar

Svo eru það hin þekktu fjögur skilyrði Bandaríkjanna fyrir titlinum gengisfalsari (e. currency manipulator) og sem sett voru í forsetatíð Obama. Þýskaland uppfyllir þau öll, með glans. Hvað skyldi Trump gera í því. Í síðustu viku tók hann spænskar ólífur fyrir. Þær eru niðurgreiddar með styrkjum frá Brussel. Tollur kom því á þær - og tollur mun sennilega brátt koma á þið vitið hvern, jú hina niðurgreiddu mynt Þýskalands, sem greidd er niður af örkumla löndum í evru

Fyrri færsla

Bandarískir fjölmiðlar í dauðadansi

Athugasemdir

[Valdimar Samúelsson, 20.8.2018 kl. 11:03]

Gunnar þá á Merkel og ESB ekkert annað eftir nema kjaftinn eina sem líklega þeir ættu ekki að beita harkalega. Þeir vilja samt beita honum gegn Bretum sem líklega verður þeim að falli.

[Halldór Jónsson, 20.8.2018 kl. 13:39]

Mikið er langlundargeð hins venjulega þýzka Fritz. Það virðist vera hægt að bjóða honum hvað sem er í kjararýrnun bara með þvi að minna hann á 1929 sem geti komið aftur ef hann hreyfir sig.

Berið þetta saman við Sigríði og Ragnar Þór sem myndu geta sett Þýskaland á hausinn á augabragði ef þau yrðu  ekki samstundis álitin geðveik ef þau tækju þar til máls með sína visku. Fritz virðist nefnilega af annarri plánetu vitsmunalega.

[Gunnar Rögnvaldsson, 20.8.2018 kl. 14:07]

Þakka þér Valdimar.

Kveðja

[Gunnar Rögnvaldsson, 20.8.2018 kl. 14:08]

Já Halldór og þakka þér.

En veruleikinn á jörðu niðri í Þýskalandi er ekki endilega sá sami og hann er í hallarsölum ARD og ZDF.

Hér tala þýskir um að landið þeirra sé orðið DDR-2 í Hin raunverulega stemming í Þýskaland?.

Góða fólkið mun hins vegar segja að hér sé aðeins illa menntað og klúrt fólk á ferðinni, þ.e. hinir fyrirlitlegu.

Eru þýskir ekki þekktir fyrir að tryllast ekki fyrr en þeir tryllast alveg, Halldór. Mér sýnist sú stund vera að nálgast og hið pólitíska landslag í Þýskalandi að brotna upp. Þetta var ekki svona áður en múrinn féll vestur. Svo mikið er víst.