Gengisfall í evru-Evrópu og nágrenni

Benedikt evru-Bimbo verður varla hress í dag. Tyrkneska líran hefur dregið evruna hans niður um rúmlega eitt prósent í andrá dagsins, því líran er fallin um 17 prósent í dag. Þýskir gíslar í evrulandi komast þá ekki til Íslands í ár né heldur á þeim næstu, því gjaldmiðill þeirra er evran sem stöðvar hér enn frekar innflutning á íslenskri ferðaþjónustu til þýskra gísla evrulands, sem hafa ekki efni á neinu, því raun-kaupmáttur þeirra hefur ekkert lagast í 18 ár, þökk sé evru

Bankar evrulands fóru líka á samstundis-hálfhvolf í dag og seðlabankastjóri ECB-aukaseðlabanka Þýskalands hefur áhyggjur af smitum á hina nú þegar fárveiku stórbanka evrulanda. Þannig hrundi Deutsche Bank um rúm fimm prósent í einum grænum og frönsku stórbankarnir tveir um BNP-fjögur prósent og SOC um þrjú prósent. Hið þýska útibú Akbank, sem er stærsti banki Tyrklands, hrundi um 23 prósent í Frankfurt dag. Svo koma Spánarbankar og evrustórslys Ítalíu eftir helgi og hella glóandi hömsum út á evrusteypuna, sem er réttur dagsins alla daga, því með þýskan ritvéla-gjaldmiðil hefur aðeins yfirstéttin efni á ekta saltfisk. Bilbao-bankinn og UniCredit gáfu mínus fimm til sex prósent tóninn í dag

Bimbo-evra Benedikts grefur undan ferðaþjónustuútgerð á Íslandi í takt við upplausn Evrópusambandsins. Evran er nú fallin um tæp 30 prósent gagnvart Bandaríkjadal, frá því að fjármálabóla ECB-aukaseðlabanka Þýskalands fyllti öll bakherbergi evrusvæðis af reyk, og setti á svið 100 þátta neyðarfundarseríu fyrir það vonlitla fólk sem búa þarf við gerspillt stjórnarfar Evrópusambandsins og evru, þar sem engin gengis-skóstærð evru passar neinum, nema hinu uber-útflutningsháða óðaöldrunarhagkerfi Þýskalands

Fyrri færsla

Tuttugu og þrjú ár síðan að fyrsta internet-fyrirtækið var skráð á markað

Athugasemdir

[Valdimar Samúelsson, 11.8.2018 kl. 15:19]

Flott Gunnar eigum við þá ekki að hætta að væla um að okkur vanti svo einn eða tvo erlenda stórbanka hér á Íslandi. Ég segi að það sé best að halda sér frá ESB með alla hluti.  

[Bjarni Gunnlaugur (IP-tala skráð) 11.8.2018 kl. 16:08]

Styrkist ekki bara hið "uberútflutningsháða" hagkerfi þýskalands við fall evrunar? 

[Gunnar Rögnvaldsson, 11.8.2018 kl. 16:37]

Þakka ykkur fyrir.

Jú jú Bjarni, enda var það var tilgangur Þýskalands með evrunni. Að fá að ríða ókeypis um heiminn á bökum veikari landa evrusvæðis, með því að láta þau draga gjaldmiðil sinn niður. Þess vegna er Þýskaland komið í WTO-flokk gengisfalsara í dag og bíða dóms.

Ef Þýskaland væri með markið þá væri gengi þess 70-90 prósent hærra en gengi evrunnar er í dag. En með þessu hefur Þýskaland hins vegar vanskapað hagkerfi sitt svo hroðalega að hlutur heimilanna í landsframleiðslunni er orðinn svo lítill að sparnaður heimilanna hefur verið gerður upptækur með því að flytja hann yfir til fyrirtækjanna, þar sem hann kemur fram sem hagnaður og sem flytja verður út til annarra landa, því búið er að eyðileggja neyslugetu heimilanna með því að þvinga upp sparnaðarhlutfall þeirra af launum sem eru svo lág að þau hafa ekki einu sinni getu til að halda sparnaðarhlutfalli heimilisgeirans (sector) uppi sem hlutfalli af landsframleiðslu.

Þýsk heimili eru því komin í evru-fangelsi. Og þar sem heimilin eru ávallt nettóinnflytjendur í hagkerfunum þá virkar þetta sem skattur á þau. Það er því ekki lengur mögulegt að örva þýska hagkerfið því hlutur heimilanna er orðinn of lítill í hagkerfinu.

Helmingur þýska hagkerfisins er fluttur út (hrein geðbilun þegar um svona stórt hagkerfi er að ræða), og sparnaður fyrirtækja (hagnaður) er einnig fluttur út, því þýsk heimili geta ekki tekið við honum og látið örvast í formi neyslu og athafna. Þessum sparnaði fyrirtækjanna varð því að þrýsta inn á heimili Suður-Evrópu með lánastöðlum undir beltisstað (svindli).

Þess vegna er evrusvæðið rúst. Þýskaland er orðið svarthol sem ekkert þrífst á sporbraut umhverfis. Það mergsýgur heiminn af eftirspurn, en skapar enga sjálft. Og það gengur ekki upp. Trump er því kominn með sleggjuna á loft yfir Þýskalandi.

Kveðjur

[Gunnar Rögnvaldsson, 11.8.2018 kl. 17:02]

Til að einfalda málið:

1. Fyrirtækin framleiða landsframleiðsluna.

2. Heimlin neyta landsframleiðslunnar.

3. Þess sem heimli hagkerfisins neyta ekki, er flutt út, eða sparað upp.

[Merry, 11.8.2018 kl. 21:26]

Ég er sammála Valdimar hér - best er að halda sér frá ESB í alla hlúta.