Ég sagaði af mér hausinn (næstum)

Enginn ostur - engin pylsa

Tvær greinar í Morgunblaðinu í dag fá mann til að saga af sér hausinn. Til vinstri er grein um hrokann sem þingflokkur pírataskíthæla og þingmaður lýðskrumsfylkingar sýndu forseta Folketinget, sem er þjóðþing Dana. En til hægri á sömu síðu er grein sem vonar að við (já Íslendingar) "festum okkur ekki í sessi sem (ó)menningarleg hjálenda Bandaríkjanna"

Bob bob, jamen dét er ju bare dejligt! Það er nú það. Halla ég mér svo aftur og virði síðuna fyrir mér. Horfi fyrst til vinstri og síðan til hægri. Aftur og aftur - og saga af mér hausinn, því það er svo stutt síðan að Bandaríkin voru hjálenda/nýlenda eins og við. Þau sigruðu nýlenduherra sinn, breska heimsveldið, eins og við sjálf sigruðum loks og fengum okkar fullveldi, en sem nú er notað til að selja landið undan þjóðinni, á hundrað ára afmæli þess. Þökk sé "stórmenningu Evrópu", sem frá dögum Rómarríkis, ávallt hefur leitast við að setja Evrópumennið í stað Guðs. Síðast í gamla sovétinu en í dag í nýju ESB. Ekkert nema hörmungar hefur stærstur hluti ómenningar Evrópu fært okkur. Álfan þar sem vér einir vitum-pakkið býr, með alla sína að-mestu misheppnuðu heimspeki og sem síðast dritaði yfir álfuna svo kallaðri "upplýsingu" með klikkaðan Kant í fararbroddi hins nýja úníversal allsherjarsovéts, sem koma skyldi

En samt átti breska heimsveldið heilar aldir eftir af góðu þurru púðri, þó svo að Bandaríkin sigruðu það. Þetta er náttúrlega allt svo alveg hroðalega ó-menningarlegt að það jaðrar við hamborgara, pitsur og gult hár. Svo skrifuðu þeir stjórnarskrá sem studdist pólitískt hugmyndafræðilega að mestu við Gamla Testamentið, en bara þrjú prósent við kommann John Locke, og komust þar með glans hjá því að enda sem algerlega misheppnað Frakkland. Hún stendur enn sú stjórnarskrá Bandaríkjanna, því henni er nákvæmlega sama um gult og bleikt hár og úníversal réttindi andskotans

Svo ég hugsa; hvort var nú verra á einni og sömu síðunni, fyrirlitningin sem lýst er til vinstri, eða sá (tja hvað á maður að segja) rassismi? sem þulinn er til hægri. Njörður: af hverju hernemur þú ekki heiminn og gerist alheimssetulið eins og Sovétríkin ætluðu að verða. Það hlýtur að ganga upp, ef reynt er aftur, eina ferðina enn. Hold da kæft mand, vi prøver sgu igen (við prófum nýtt Sovét Aps fyrst að gamla Sovét A/S fór á hausinn (það þarf minna startkapítal í Aps))

Íslenskir vinstrimenn snobbuðu takmarkalaust fyrir kommamenningarkláminu úr austri. En það sem verra var, margir áttavilltir hægrimenn gerðu það líka - og sögðu skál - og gera enn

Jæja, nú er að verða komin milljón prósent verðbólga í Venesúela. Hún mun ná því stigi á þessu ári, segir Reuters. Skrifast 1.000.000%. Skálið þið vinstrimenn, skálið.. og I prøver sgu igen.. og igen..

Fyrri færsla

Frosti: Ráðal­eysið al­gert meðan landið er selt und­an þjóðinni

Athugasemdir

[Ingibjörg (IP-tala skráð) 25.7.2018 kl. 12:26]

Sæll Gunnar. Það sem mér blöskrar í grein Njarðar er þessi svakalega alhæfing hans. Hann kasserar bara öllum Bretlandseyjum og br.samveldinu í einu, gerir ráð fyrir því að allir sem áhuga hafa á ensku noti hana bara til að tengjast Ameríku.

P.S. Ég vil endilega halda áfram að kenna dönsku. Ef fólki finnst hún erfið, er e-ð að kennslunni. F.hálfri öld var það alveg klárt að við vorum að læra að LESA hana, enda var svo mikið af lesefni á dönsku til. Og það var létt fyrir flesta. Það tók því ekki að kvarta yfir henni, kvartanir voru yfir algebru og eðlis-og efnafr. sem fólk þurfti að standast próf í, til að komast í menntó, líka máladeild.

[Gunnar Rögnvaldsson, 25.7.2018 kl. 17:33]

Þakka þér fyrir Ingibjörg. 

Jáh, "vér einir vitum". Ha ha ha ha. Þetta er dálítið ískrandi að sjá á prenti í dag.

Sjálfsagt að kenna dönsku áfram, finnst mér. En ef fólk myndi læra íslensku þá væri það enn betra. En já, við lærðum hana eins og Frakkar læra erlend tungumál, en geta svo ekki talað þau. En það er samt betra en ekkert.

Eiginlega hef ég misst trú á að ríkið eigi að vera með fingurna í skólakerfinu. Það gekk vel fram til ca. 1985, en svo ekki meir. Ríkið er orðið hlaðborð fyrir þvælu. Það er að breytast í sértrúarsöfnuð.

Það eru ekki nema rétt rúmlega 100 ár liðin frá því að hið opinbera fór að koma að grunnskólahaldi í Bandaríkjunum og árangurinn er ekki uppörvandi, svo vægt sé til orða tekið.

Stór hluti Dana segir að Folkeskolen (grunnskólinn) sé ónýtur og sendir börn sín í einkaskóla. Grunnskólinn kennir bara söguna frá því að ESB varð til, hún nær ekki lengra en það. Og mér líst ekki lengur vel á hið ríkisrekna grunnskólakerfi okkar á Íslandi. Útkoman er ekki góð, og allra síst miðað við kostnað.

Menntun er að mörgu leyti að verða plága, því hún er svo misheppnuð, sérstaklega háskólamenntun.

Kveðjur

[Gunnar Rögnvaldsson, 25.7.2018 kl. 20:42]

Nú eru þeir, sem snögglega og fjárvana sitja eftir í Evrópusambandinu eftir að Bretland fer, byrjaðir að rífast um á hvaða tungumáli Evrópusambandsleysið við almenning eigi að starfa, þegar að konungleg enska hverfur þaðan út. Nýlega gengu Frakkar út af ESB-fundum því skjölin voru eingöngu á ensku, með gömlum frönskum diplómatískum orðaslettum hér og þar. Einn sem kunnugur er innviðjum Evrópusambandsleysisins við almenning, segir að endirinn á því máli verið sá að amerísk-enska verði tekin inn í stað konunglegrar ensku. Enginn vill starfa á frönsku og því síður á þýsku, svo mikið er víst. Svo gera má ráð fyrir því að þetta verði raunin. Svo þegar Evrópusambandið verður orðið óvirk stofnun í einu litlu húsi á hlutlausu götuhorni við Genfarvatn, þá er málið með tungumálið leyst, því svo fáir munu vita að sambandið sé ennþá til.

[Valdimar Samúelsson, 26.7.2018 kl. 10:34]

Skemmtileg og fróðleg grein. Talandi um mál þá held ég að hver verði að velja sitt auka mál sjálfur. Afi minn f. 1888 valdi það að læra 7 tungumál fimm þeirra notaði hann biblíuna og tvo spænsku og Esperantó í bréfaskóla SÍS ? þá komin vel á áttrætt. Íslenskan kunni hann vel enda lá hann í þeim hjá Árna stofnun og setti útá RÚV ef þeir sögðu orðin ekki rétt. Ég er andstæða en er sæmilega góður í Ensku en varla skriffær á íslensku Ja myndu sumir segja og hafa sagt hér.:-)