Hvernig ætlar Þýskalands-keisarinn yfir ESB að bakka út úr þessu?

Hún veifaði þeim bara inn. Hvatti fólk til að koma og gortaði sig af því. Milljónum saman. En nú er allt búið, allt komið í steik, pólitískt sviðin jörð og landið hennar smám saman við það að verða alelda. Og ekki bara hennar land, heldur mörg önnur ESB-lönd, sem hún hafði ekkert umboð frá. Allt það litla sem hún gerði og sá hellingur sem hún lét ógert, hefur nú snúist gegn henni. Hvernig dettur nokkrum manni í hug að Angela Merkel geti setið áfram eins og ekkert hafi í skorist? Þeir sem halda það í dag, eru blindir. Bæði lesblindir og leshraðablindir. Spilið er búið og Þýskaland er pólitískt að leysast upp. Hvað kemur næst veit ég ekki. En þetta verður ekki svona mikið lengur. Ekki nema niðri í bunker Merkels gegn veruleikanum. Og svo er það ábyrgð fjölmiðlanna, í sömu húsakynnum!

Varðberg:

• Ítölskum höfnum lokað fyrir björgunarskipum hjálparsamtaka
• Óljós málamiðlun um flótta- og farandfólk í leiðtogaráði ESB

Fyrri færsla

Deutsche Bank féll á álagsprófi bandaríska seðlabankans. Tómhent Merkel

Athugasemdir

[Sigurður Antonsson, 30.6.2018 kl. 22:25]

Sæll Gunnar

Las nýlega að flóttamannastraumurinn til Evrópu hafi snarminnkað. Fallið úr 700 þúsund árið 2015 í 160 þúsund 2017. Álíka og hingað kæmu 100 flóttamenn. Er ekki of mikið gert úr þessu öllu saman? Gyðingakona sem ég ræddi við í Róm sagði að flóttafólkið fengi vinnu við vínyrkju og láglaunastörf sem Ítalir vildu ekki vinna við. Vandræði Ítala hafa alla tíð verið af pólitískum toga?

Suður Evrópa vinnur allt öðruvísi en mið og norðurhlutinn enda loftslag ólíkt. Getur það verið að evran sé svo slæm? Styrkleiki hennar hefur verið stöðugur í gegnum mörg ár. Efnahagur Svíþjóðar eða Finnlands hefur ekki hrunið við að ganga í bandalagið. Í Færeyjum gengur allt vel með evru tengdri dönsku krónunni. 

Evran leysir fleiri vandamál en hún skapar. Fyrir Evrópubúa sem búa á sama svæði gerir hún alla verslun og viðskipti auðveldari í álfunni. Er svo slæmt að stríðshrjáðar þjóðir Evrópu reyni að vinna saman. Er það ekki framtíðin í minnkandi heimi tölvu og síma?

[Gunnar Rögnvaldsson, 30.6.2018 kl. 23:28]

Þakka þér Sigurður

Eins og er hefur straumurinn minnkað. Eins og er. En ekki frá Afríku. Vandamálin koma ekki í ljós fyrr en eftir að svona innflæði er komið inn í löndin. Ekki á meðan á því stendur heldur þegar það byrjar að sprengja þjóðfélögin í tætlur innan frá eins og tímasprengjubelti. Fína fólkið sem kom þessu um kring, býr í hverfum þar sem ekkert af innrásaliðinu býr. Háskóla-elítan fellur ekki um þetta fólk í hallarkynnum háskólanna og embættismannaveldið hefur allt sitt á þurru. Það er sá hluti þjóðanna sem þú minnist ekki á hér, sem ber hitann og þungann og missir störf sín til lægra launaðra fólks sem fína líðið dælir undir það, algerlega að því óspurðu. Þetta fólk er af fína fólkinu kallað "hinir fyrirlitlegu" og "hinir öfgasinnuðu" kjósendur, og það eina sem það hefur er kosningaréttur sinn til að bæta stöðu sína. Svo þú talar eins og háskóla-maður í turn-spíru um þessi mál, og virðist ekki búa í þeim veruleika sem þetta fólk þarf að glíma við.

Efnahagur Finnlands liggur í rúst vegna upptöku evru. Efnahagur evrulanda liggur í rúst vegna evru. Eina landið sem nýtur góðs af evru er Þýskaland, vegna þess að það skrúfaði hana saman sér í hag en öllum öðrum í óhag. Hvar hefur þú alið manninn síðustu 10 ár Sigurður?

Það kom út bók í aðdraganda Fyrri heimsstyrjaldarinnar sem sagði að vegna "samþættingar", "samhæfingar" og aukinna "viðskipta" á milli landa Evrópu, væri styrjöld í Evrópu óhugsandi. Höfundurinn fékk friðarverðlaun Nóbels fyrir. Þú sérð hvers lags firra þessi þvæla er. Því meiri samþætting og því meiri samvinna, því meiri hætta er á átökum, ófriði og styrjöld. Gata þar sem allir eru konmir með nef sitt ofan í mál allra annarra í götunni, endar með að springa í loft upp. Svo þú verður að fara aftur að teikniborðinu með þetta standard-þvaður ESB og nota hið góða höfuð þitt betur. 

Evrópa er að springa í loft upp. Þökk sé Evrópusambandinu. Það hefur eyðilagt hana.

Kveðjur

[Gunnar Rögnvaldsson, 1.7.2018 kl. 00:17]

=======

Finnland: enginn hagvöxtur í samfellt síðustu 10 ár.

=======

Ítalía: Enginn kaupmáttaraukning í 30 ár

=======

Þýskaland: engin kaupmáttaraukning í 18 ár. Þýskur almenningur lifir varla á launum sínum. Þjóðin er að missa þolinmæðina og óveðurskýin hrannast upp. Útflutningsævintýrið búið = afleiðing ónýtt hagkerfi innvortis, með enga innri eftirspurn, því búið er að breyta landinu í þrælahagkerfi, vegna evru.

=======

Grikkland: gangandi gjaldþrota

=======

Spánn: á barmi þjóðargjaldþrots

=======

Portúgal: rétt lifir af

=======

Frakkland; steypt fast í lélegum vexti og massífu atvinnuleysi

=======

Danmörk með fastgegni frá 1982: hagvöxtur í járnum og viðvarandi hátt atvinnuleysi. Skuldir almennings stjarnfræðilegar.

=======

Írland: rétt svo lifði evruna af

=======

Hvar ætti þessi massi steingeldra evru-landa að fá sér þá eftirspurn sem hann sjálfur getur ekki skapað. Nú neita Bandaríkin að vera lengur síðasti neytandi þeirra til þrautarvarna. Á kannski að flytja út vörur til tunglsins. Á karlinn í tunglinu kannski að bjarga þeim með raunverulegri eftirspurn?

=======

[Halldór Egill Guðnason, 1.7.2018 kl. 02:32]

 Og enn finnast "Merkelar" á Íslandi. Tilbúnir að galopna allt í nafni manngæsku, umburðarlyndis og samhugar. Upplýstrar og opinnar umræðu, svo lengi sem hún gengur ekki gegn þeirra rétthugsun. Hvað þarf eiginlega mikið að brenna þar til "Merkelarnir" átta sig á því að það er orðið of seint að hringja í slökkviliðið, því það er einnig brunnið?

 Spyr sá sem ekkert veit.

 Góðar stundir, með kveðju að sunnan.

[Grímur (IP-tala skráð) 1.7.2018 kl. 10:11]

https://www.vg.no/nyheter/utenriks/i/6n7M3o/den-nye-ruten-til-festning-europa-de-kommer-i-hva-enn-som-flyter

[Gunnar Rögnvaldsson, 1.7.2018 kl. 10:16]

Þakka þér Halldór.

Tja. Bæjarstjórn Garðabæjar gæti liðkað fyrir hælisleitendum og keypt eða tekið einbýlishús á leigu í bænum, helst við sjávarsíðuna, og boðið fjölda ættmenna úr Bambus-Afríku og Mið-Austurshelvítislöndum að sameinast þeim þar. Þeir gætu svo gætt barna Garðbæinga, fyrir lítið, eða jafnvel ekki neitt. Garðbæingar gætu svo aðlagað sig að þeim. Laugarás er  einnig hentugur staður ásamt Seltjarnarnesi. Svo er hægt að hækka verðið á bílum til hins vinnandi manns til þess að hala inn fyrir þessari þvælu á meðan þingmanna,- ráðherraliðið,- og embættismanna-gulldrengir Íslands fá allt frítt og koma landinu áfram til fjandans. Það liggur við að mig langi ekki til að kjósa aftur, því þetta gerpitrýnavesalingaveldi Íslands er orðið svo hryllilega afmyndað af aumingjaskap.

Og svo er það Finnlandið. Landsframleiðslan þar hefur á föstu verðlagi ekki enn náð því sem hún var árið 2008, þegar bankar hrundu hér, en ekki þar, í evruparadísinni. Atvinnuleysi Finna hefur varla farið niður fyrir 8 prósent síðustu 10 ár. Hagkerfi þeirra er á leið í varanlegan kút.

En mikilvægast er náttúrlega að finnsk fyrirtæki að fá að gera núllinn sín upp í evrum. Það er draumurinn.

Kveðjur og hmpf!

[Sigurður Antonsson, 1.7.2018 kl. 13:50]

Gunnar

Orðfimi og rökvísi þín er viðbrugðið. Dreg ekki í efa að þú hafir mikið til þíns máls um efnahag Finna. Á stundum hefur þeim gengið vel en trúlega snýst þetta að lokum um það hvernig við upplýsum og örfum hvert annað til dáða. Í stað þessa að binda hlekkjum.

Nágranar Finna í austri eru ýmsu vanir í gegnum aldirnar af ættbálk Þjóðverja. Hallmæla þeim eða lofa. Það er eins og ég hafi heyrt orð þín áður þegar talað er um Þjóðverja. Látum einn mælskumann og snilling í austurveg hafa orðið þegar hann messar yfir löndum sínum;

"Þið sofið, en Þjóðverjar í Kukui sofa ekki. Þjóðverjarnir hafa lagt undir sig alla verslunina....þeir eru búnir að tryggja sér alla höruppskeruna. Þeir hafa líka þessir djöflar, keypt húðir og súta þá sjálfir. Konur okkar... heimta þýska skó ... lífið er orðið óbærilegt.  ... ég var staddur á strönd Hvítahafsins þeirra erinda að kaupa lýsi. ...ég varð að hverfa heim með tóma vagna. Allir fiskimennirnir hafa fengið fyrirframgreiðslu og eru sokknir á kaf í skuldir. Þjóðverjar notfæra sér þetta og kaupa lýsið fyrir aðeins fjórðung verðs og leyfa þeim ekki að selja öðrum." 

Úr sögu Aleksej Tolstoj um Pétur mikla Rússakeisara. Hannes Jónsson, Reykjavík 1945.

Þannig var það um aldamótin 1700 og síðan hafa mörg stórfljót runnið til sjávar. Í margar aldir bitnaði reiði okkar á Dönum, þegar við vorum á horhimnunni og til stóð að flytja okkur á Jótlandsheiðar. Í morgun var ég í hóp með Ameríkumönnum við Gjáarétt við Búrfell og Vífilsstaðahlíð. Þeim fannst merkilegt að sjá hlaðna grjótrétt í hrauninu og undruðust að hér hafi búið ein fátækasta þjóð í Evrópu. Fjölskyldur með búsmala upp á 30 kindur og eina kú. Skil mæta vel af hverju langa amma mín fór sem ekkja til Vesturheims með syni sína.

Í dag er gott að búa fjarri skarkala alheims, "Mið-Evrópuvaldinu" sem eru á stundum að setja okkur lífsreglurnar. Mannréttindadómstólinn í Strassborg þykir hér lífsnauðsynlegur þegar erfið mál koma upp. Frú Merkel tók vel á móti ráðherra okkar og lengi vel voru Þjóðverjar okkar bestu viðskiptamenn. Keyptu stóran hluta afurða og voru stærsti hópur ferðamanna. Gleymum ekki að Merkel lifði af Stasi mennina og helstefnu kommúnista. Allt er þetta tengt viðhorfum þeirra í dag til flóttamanna.

Ekki nema gott eitt um marga Afríkibúa að segja sem hér hafa starfað og eru að ná fótfestu. Þeir eru ekki margir en þar sem ég þekki til sýna þeir mikla vinnusemi, samviskusemi og þolgæði. Aðlögunin að okkar þjóðfélagi tekur sinn tíma og er oft þrautaganga. Þá hefur okkur þótt gott að getað selt þeim skreið og fiskhausa sem engin annar vildi.

[Jón Steinar Ragnarsson, 1.7.2018 kl. 17:21]

Það er aldeilis merkilegt að kratískir trúboðar hér boði innflytjendastefnu Merkel hér. Fyrir því er enginn rökrænn grundvöllur annar en sjálfshelgun viðkomandi og pólitísk rétthugsun á trúarofstækisstiginu.

Ástæður Merkel eru einfaldar. Þjóðverjar eru orðnir svo sjálfkynhneigðir að þeir eru að deyja út og vantar nýtt blóð. Landið er orðið stærsta elliheimili heims þar sem megnið af þjóðinni eru lífeyrisþegar. Þrælakistur þeirra í fyrrverandi ráðstjórnarríkjum nægja ekki til að keyra áfram iðnað og heilbrigðan efnahagsvöxt. Vandamálið er að enginn vill setjast að hjá þeim nema þeir sem hata allt sem þeir eru og standa fyrir. 

Efnahagslegar ástæður innflytjendafársins má þó ekki nefna. Allt skal þetta vera af manngæsku einni.

[Sigurður Antonsson, 1.7.2018 kl. 20:51]

Sæll Jón Steinar

Við eigum að minnsta kosti eitt sameiginlegt að eyða fyrstu peningunum í að kynnast Rússlandi. Þá komst ég fljótlega á skip sem sigldu til margra hafna í Rússlandi, syðst og nyrst.

Bókin Pétur mikli Rússakeisari eftir Aleksej N. Tolstoj er meðal betri bóka til aflestrar. Full af kímni og nákvæmum lýsingum á lífi og striti Evrópu Rússa. Sá sem vill kynnast Rússlandi og skilja ætti að lesa hana. Það að bókin kom snemma út, árið 1945 í frábæri þýðingu Magnúsar Magnússonar ritstjóra segir mikið um bókmennta þjóðina. Gleymi aldrei þessari bók.

[Gunnar Rögnvaldsson, 1.7.2018 kl. 21:49]

Já Jón Steinar. 

Það er kominn tími til að Angela Merkel fái sér annað land og aðra heimsálfu til að nauðga. Undir henni hefur Evrópa breyst í helvítisholu og "shit hole", svo maður noti nú það mannamál sem allir vita hvað þýðir. Fólk þekkir meginlandið varla lengur. Það er rúst og Róm brennur.

Kveðjur

[Kolbrún Hilmars, 1.7.2018 kl. 21:55]

Nú berast fréttir af því að Seehofer hyggist segja af sér.  Þetta eru stórtíðindi og spurning hvað þetta þýðir fyrir Merkel.

[Gunnar Rögnvaldsson, 1.7.2018 kl. 22:19]

Þakkir Kolbrún.

Ertu hér með að segja að Þýskaland sé stjórnlaust land? Þú hlýtur að vita slíkt er ESB-guðlast því það land er tákn allsherjar stöðugleikans í alheimi ESB-loftslagsins. Leiðtogi hins frjálsa heims var hún kölluð í þær tvær mínútur sem það tók heiminn að fara að hlægja að blaðamannarugludallastétt Vesturlanda.

Það veit enginn enn hvað gerist næst og allra síst þeir sem áttu að vita hvað þeir voru að gera. Evrópa er orðin apabúr og kjósendur eru orðnir brjálaðir af bræði. En Alexander Dobrindt þingflokksformaður CSU hefur neitað að samþykkja afsögn Seehofer. Þetta er allt saman óafklárað enn. Ekki veit ég hvað gerist næst, en markaðir opna eftir ca tvo tíma.  

AfD segir að Merkel verði að flýja land þegar hún fer frá, öryggis síns vegna, því enginn hefur eyðilagt Þýskaland eins mikið og hún síðan Adolf Hitler var kanslari landsins, segja þeir.

Kveðjur

[Gunnar Rögnvaldsson, 1.7.2018 kl. 22:56]

Málinu er frestað þar til í fyrramálið. Þá mun CSU Munchen funda og svo er framhaldspartí í húsi Adenauers eftir að CDU hefur klæðst magabelti stöðugleikans í Berlínarbunker untergengis Evrópu

[FORNLEIFUR, 2.7.2018 kl. 03:28]

"Gyðingakona sem ég ræddi við í Róm sagði að flóttafólkið fengi vinnu við vínyrkju og láglaunastörf sem Ítalir vildu ekki vinna við. Vandræði Ítala hafa alla tíð verið af pólitískum toga?", skrifaði Sigurður Antonsson.

Ég er orðinn langþreyttur á því að ónafngreindir gyðingar séu notaðir sem gólfmotta. Þetta er heldur ekki alveg rétt hjá blessaðri konunni. Vinna við vínyrkju er aðeins tímabundin og tómatatínsla er það einnig. Ítalía er atvinnuleysið uppmálað og þeir sem stunda vínrækt geta annars vegar ekki borgað almennileg laun til Afríkumanna, eða þeir eru jafn óprúttnir og þeim hefur alltaf leyfst að vera í ESB, að þeir halda Afríkubúana sem eins konar þræla á skítalaunum. Spillingin hefur aldrei horfið síðan Ítalía varð botnlangi í ESB, þar sem atvinnuleysið minnkaði aldrei.

Sem gyðingakona á Ítalíu, ef hún er þá yfirleitt ítölsk, ætti hún að vita hvernig Ítalir hafa komið fram við gyðinga gegnum aldirnar, en blessuð konan er kannski afkomandi frú Sarfatti, hjákonu Mussolinis. Ítalska siðleysið og spillingin þekkir engin takmörk. Flóttamennirnir frá Afríku læra fljótt af íbúunum og stunda smáglæpi þegar þeir eru ekki að tína þrúgur og tómata fyrir skít á priki.