Nefndar-landamæri Evrópu virka ekki, allt í steik

Í Bláhryggjafjöllum

Afkomendur vesturfaranna, og kjósendur, sem björguðu gamla heiminum, tvisvar. Evrópa hvað... Allt kannski ónýtt hjá ykkur aftur, eina ferðina enn? Svo er það Bill í næstu sýslu og dagurinn þegar Churchill dó

****

Henni var brugðið henni Angelu Merkel. Á fundi í flokki sínum á þriðjudag var henni svo gott sem afneitað. Aðeins enginn af 13 þingmönnum á fundinum studdu hana, því tveir sátu hjá. Sögðu þýsk blöð að hún hefði komið eins og liðið lík út af þessum fundi (mitt orðalag), svo brugðið var henni (þeirra orðalag). Fundurinn snérist um innri sem ytri landamæri Evrópusambandsins. En þau eru ein stór klessa út í gegn. Ekkert virkar og landamæra-teppasprengjubúr ESB-ríkjanna stækkar bara og stækkar, þar til stóri hvellur hleypir lagernum út. Sprengjubúrið bókstaflega tifar

Um er að ræða innflytjendamála-óskapnaðinn sem Angela Merkel kallaði yfir lönd Evrópusambandsins, er hún veifaði milljónum óskoðaðra ófriðardúfna inn í sambandið, sem Þýskaland þykist nú ráða yfir. Innanríkisráðherra hennar heimtar að ólöglegu fólki sé nú vísað frá við landamæri Þýskalands og snúið aftur til þess lands sem það kom fyrst til. Málið tengist aðgerðum nýkjörinna ítalskra stjórnvalda sem snéru skipi með hælisleitendum frá, og tístu "sigur" þegar Spánn neyddist til að taka við því. Sama og Frakkland gerði þegar samskonar fólk ætlaði inn í Frakkland frá Ítalíu, en sem franski forsetinn fordæmir hins vegar Ítalíu fyrir að gera núna. Tvöfaldur skítamórall er sérgrein Evrópusambandsins, sem lærist um leið og maður gengur í það

Þýski innanríkisráðherrann, hennar maður, neitar að taka við fleira fólki og vill fara leið þeirra sem Merkel hefur fordæmt svo hart; snúa fólki við og láta aðra um um að sitja uppi með þau vandamál sem Merkel bjó til handa þeim. Um er að ræða tíu þúsund manna áhlaup á sambandið á mánuði núna. Er því annað hvort um afsögn þýska innanríkisráðherrans að ræða, eða friðþægingu. Og þar sem meiri hluti þýsku ríkisstjórnarinnar er svo afar lítill, þá er staðan krítísk. Þýska stjórnleysið blasir við öllum og í haust eru kosningar í Bæjaralandi. Þeir sem vilja fremja meira pólitískt harakíri, þeir standa með Merkel, sem sennilega er fallin, og deyja. Það styttist í vantraust á hana, bæði í flokk hennar og á þingi. Þegar hún fer frá, þá mun hún að sögn AfD og öryggis síns vegna, neyðast til að nota gömlu flóttaleið nasista til Suður-Ameríku, því hún hefur eyðilagt Þýskaland, segja þeir. "Hún er það versta sem Þýskaland hefur hýst síðan Adolf Hitler átti hér heima", segja þeir, froðufellandi af bræði

Fyrir dyrum Evrópusambandsins standa nú tvö tröll með tvær sleggjur í hönd. Upp Ítalíu koma tollar Trumps á þýska bíla með forstjóra á leið fangelsi, á meðan sautján-pundara 76mm Sherman-hlaup hins breska Firefly yfir Ermasund, stútar restinni af Evrópusambandinu, sem virðist skrúfað saman eins og þýskur Tiger II, sem þurfti tíu tíma viðhald til að geta gengið eina klukkustund. Að skipta við Stóra-Bretland á venjulegum tollasáttmálum, er stærð sem fær bílatolla Trumps til að líkjast engu. Þetta mun sambandið ekki þola, samtímis. Hvorki innvortis á milli ESB-ríkjanna sjálfra, né útvortis við heim Engilsaxa, sem er stór og stærstur. Þetta var stutt frétt úr "friðarsambandinu"

Góðar fréttir úr landi krónu og dals

Í gær horfði ég á seðlabanka Bandaríkjadals og Íslandskrónu segja frá stýrivaxtaákvörðunum sínum. Vestanhafs eru allar fréttir svo góðar að seðlastjórinn gat notað mannamál við frásögnina: stutt og laggott, allt er bara að verða great again

Og á krónusvæðinu gengur allt svo vel að enginn mætti í Seðlabankann til að spyrja neins, nema tveir, eða þrír. Restin sat köfnuð í þéttri byggð. Einn góður og annar sem virtist, fyrir slysni, hafa keypt þvaður um húsnæðisliðagikt vísitölu. En honum tókst sennilega að skila tölunni til baka í hnappagatið á þeirri upplognu skyrtu sem hún var úr, því allt fór vel

Allt er vel hjá dal og krónu, enda ekta gjaldmiðlar báðir, sem leysast ekki upp

Fyrri færsla

"Heimurinn mun sjá breytingar" sagði Kim [u]

Athugasemdir

[Borgþór Jónsson, 14.6.2018 kl. 20:42]

Merkel bjó ekki til vandamálið,en hinsvegar voru viðbrögð hennar við vandamálinu röng.

Orsök vandans er tveggja áratuga morðæði Bandaríkjamanna í Miðausturlöndum og Norður Afríku. Reyndu nú einu sinni að fara rétt með geskur.

[EINAR S. HÁLFDÁNARSON (IP-tala skráð) 14.6.2018 kl. 21:19]

Stór hluti "flóttamanna" (ólöglegra innflytjenda) kemur reyndar frá Afríku, ekki Líbíu í norðri þar sem Evrópuríkin gerðu loftárásir, ekki USA. - En betra er að gefa ráðin en halda þau.

[Borgþór Jónsson, 15.6.2018 kl. 11:20]

Helsta uppspretta flóttamanna er Sýrland, Afganistan og Líbía.Síðan koma flóttamenn frá mörgum öðrum löndum í Asíu og Afríku.

En helsta uppsprettan er að sjálfsögðu þessi stríðshrjáðu lönd.

Ef Bandaríkin hefðu ekki lagt Írak í rúst væri ekkert ISIS.

Bandaríkjamenn eru orsökin fyrir að þessi hópur varð til,og þeir hafa aldrei barist gegn ISIS. Það sem þeir hafa gert er að reyna að beina ISIS að þeim skotmörkum sem þeir hafa í sigtinu í það og það skifti.

ISIS stormaði inn í Írak ,algerlega án afskifta Bandaríkjanna ,þangað til að þeir höfðu knúið fram stjórnarskifti í landinu. Þegar það var búið stoppuðu Bandaríkjamenn ISIS nokkuð auðveldlega,en eyddu þeim ekki. Ástæðan fyrir þessu var að þeir voru að nota þá til að leggja Sýrland í rúst og steypa Assad. Þeim var stuggað frá Írak inn í Sýrland af Bandaríska hernum. Ef ISIS reyndi að ráðast á Kúrda,stoppuðu Bandaríkjamenn þá. En ef þeir réðust á Sýrlenska herinn,fengu þeir vopn. 

Þú manst kannski að Bandaríkjamenn dældu sprengjum yfir ISIS í 16 mánuði í Sýrlandi ,án nokkurs árangurs. Það varð ekki séð að það hefði nein áhrif á hryðjuverkamennina. Af einhvejum ástæðum réðust þeir ekki á tekjulindir ISIS ,sem voru þó augljósar.

Hernaðurinn gegn Sýrlandi og Libíu var ekki viðbrögð gegn neinu. Þetta var hluti af hereferð sem var ákveðin fyrir löngu. Þetta er fullkomlega vitað og skjalfest.

Eftir Írakstríðið sem varð afar óvinsælt í Bandaríkjumum þegar á leið ,var horfið frá því að gera innrásir í fleiri lönd. Þó að Bandarískur almenningur sjái almennt ekki neitt athugavert við að gera innrásir í fjarlæg lönd og gera almenningi þar lífið óbærilegt eða að drepa hann,þá þolir Bandarískur almenningur ekki mannfall í röðum eigin hermanna.

Þess vegna var gripið til þess ráðs í Libyu og Sýrlandi að finna öfgafulla hópa ,fóðra þá á peningum og vopnum ,og siga þeim á þessi ríki. Þetta er allt í póstunum hennar Hillary. Það hefur ekki verið mikil umræða um þetta,af því að Bandarískum almenningi finnst í raun ekkert athugavert við þetta,hvað þá Bandarískumm ráðamönnum. Bandaríski flugherinn hefur svo verið notaður sem flugher fyrir þessar innrásir.

Þó að Franski flugherinn hafi fengið leyfi til að leysa þann Bandaríska af í seinnihluta Libyu stríðsins,breytir það engu. Frakkar kröfðust þess af því að þeir hafa sérstaka hagsmuni á svæðinu. Þeir hafa heldur ekkert út á hryðjuverk að setja ef þeimm gagnast þau með einhverjum hætti.

Þetta er það sem ég kalla Bandarískt morðæði í Miðausturlöndum. 

Þegar hryðjuverkin stóru voru framkvæmd í leikhúsinu í París ,sendu Frkkar flugmóðurskip til að berja á hryðjuverkamönnum að sögn. Það varpaði akkerum undan ströndum Sýrlands og sendi sex flugvélar sen gerðu eina sprengjuárás á Raqqa. Eftir það létti það akkerum og fór til Libýu ,þar sem þeir settu á land sérsveitir til að vernda hagsmuni franskra olíufyrirtækaj í landinu. Síðan fóru þeir heim. Svona fer barátta þessara ríkja gegn hryðjuverkumm fram.