"Heimurinn mun sjá breytingar" sagði Kim [u]

Sérfræðingaveldið: EKKI MÖGULEGT H/F

Ekki hægt. Óhugsandi. Breytingar þýða breytingar. Ekki hægt. Ekki mögulegt, segja þeir sem þola ekki breytingar sem þýða breytingar. Hat tip; Victor Davis Hanson í nótt

****

Og hver mun þá hafa breytt heiminum? Jú, sá sem krafðist breytinga. Og hver gerði það. Jú, Donald J. Trump

Þeir sem þola ekki breytingar sem þýða breytingar, þeir þola ekki Trump og kjósendur hans. Þannig er nú það

Hann er eini maðurinn sem Kim hefur hingað til treyst til að hlusta á sig og semja við sig um einmitt breytingar sem þýða breytingar. Það er vitað að Kim batt einmitt vonir sínar við Trump, af því að Trump er ekki venjulegur. Enginn annar forseti hefði gert þetta sem Trump gerði í dag

Og hvað sagði Kim? Jú hann sagði, "mig langar að lýsa yfir þakklæti mínu til Donalds J. Trump fyrir að hafa gert þennan fund mögulegan". Það sagði hann þegar samkomulag fundarins var undirritað. Tveir þjóðhöfðingjar hafa undirritað samkomulag, sem af "sérfræðingum" þótti óhugsandi fyrir aðeins sex mánuðum síðan. Engum datt það í hug, nema náttúrlega Trump. Ekki hægt, ekki mögulegt

Svo fór Kim og er á leið heim, á meðan Donald J. Trump forseti Bandaríkjanna gekk inn í ljónagryfjuna til að svara spurningum "blaðamanna", um hvers vegna sólin væri enn á lofti og fólkið í Norður-Kóreu enn að bíta gras - þrátt fyrir fjögurra tíma fund hans á einum sólarhring af öllum óteljandi hinum, þar sem hún settist án þess að nokkuð væri að gert

Einn dagur er liðinn og enginn dauður enn. Skelfileg vonbrigði fyrir alla þá sem óska Trump allt illt. Margt á þó enn eftir að koma í ljós, sérstaklega varðandi áframhaldið

Og viðskiptahallanum mun hann ná niður líka. Óhugsandi segja sérfræðingar. Algerlega óhugsandi, segja þeir í einum alþjóðlegum kór. En bíðið og sjáið. Viðskiptahallinn verður tættur burt. Skelfilegar breytingar segja þeir sem eru með hagnaðinn. Skelfilegar breytingar bíða okkar, og nú vantar AfD aðeins eitt prósent upp á að mælast næst stærsti flokkur í því landi sem óttast hallamál Trumps mest: Þýskaland. En það er landið þar sem forstjóri Audi sætir nú glæparannsókn í dísilsvindli þýska iðnaðarins, á meðan Ítalía er komin í primavera og Finnland á góðri leið með að skulda sig í hel í þýsku magabelti úr evrustáli, sem það kemst ekki úr

Þeir sömu "skýrendur" sem "skýrðu" heiminum frá því hvers vegna Donald Trump gæti ekki sigrað í forsetakosningunum í nóvember 2016, skýra nú heiminum frá því af hverju fundur Trumps og Kims var árangurslaus. Þeir sem vilja láta skýrast á ný, þeir um það

****

Einn dagur.. ein sleggja.. og ísinn brotinn ..vonandi

Og hér er blaðamannafundurinn, þar sem forsetinn svarar spurningum að fundi loknum

Uppfært kl 21:32. Krækjunni á YouTube-setur Hvíta hússins hafði verið breytt og myndbandið féll því út um tíma, en hér  er það á ný

Fyrri færsla

Tollabandalagið ESB vildi að sjálfsögðu ekki frjáls viðskipti

Athugasemdir

[Jónas Gunnlaugsson, 12.6.2018 kl. 21:40]

 Það er gaman að sjá sjá SKAPARA fréttir af Trump. 

Þegar við horfum alltaf afturábak, og skiljum aðeins að skoða fortíðina, þá komumst við ekkert áfram. 

Við eigum allir að reyna að skapa betri framtíð, þá verður sú framtíð til.

Egilsstaðir, 12.06.2018 Jónas Gunnlaugsson

[Sigurður Antonsson, 12.6.2018 kl. 22:05]

Flottur pistill í dag hjá þér. Hann var einnig góður í Fréttablaðinu um harðstjórann Kim. Ekkert skafið af hlutunum. Sama má segja um skoðanafrelsið í Rússlandi, þar sem saknæmt er að mótmæla byggingar áformum Pútíns. Virðist sem mannréttindabrot harðstjóranna fari framhjá mörgum sjálfstæðismönnum. 

Trump er ólíkinda tól. Sprottinn úr hörðum viðskiptaheimi New Yorkborgar. Gaman að lesa sögu hans og föður. Ekkert kom án fyrirhafnar. Engir verða gulldrengir fyrr en árangurinn af síendurtekni vinnu og samningaviðræðum koma í ljós. Dollarinn á góðri uppleið, en þú hefur áhyggjur af Evrunni utan Þýskalands? 

Trump er einfari og lætur ekki glepjast af fagurgala, en er tilbúinn að fara í sanngjarnar samningaviðræður.

[Gunnar Rögnvaldsson, 12.6.2018 kl. 22:23]

Þakka þér Jónas

Kveðjur

[Gunnar Rögnvaldsson, 12.6.2018 kl. 22:32]

Þakka þér Sigurður.

Það er náttúrlega of vægt til orða tekið að tala hér um "mannréttindabrot". Í þessu samhengi er hugatkið mannréttindi hreinn brandari. Ekkert af því hefur farið fram hjá Sjálfstæðismönnum, þvílík firra að halda því fram.

En mín reynsla er hins vegar sú að hinn harði kjarni vinstrimanna virðist vera mest skúffaður yfir því að Donald Trump sé ekki þegar búinn að sprengja Norður-Kóreu aftur á steinöld og kála 20-60 milljón manns.

Því miður virðist það vera sú lausn sem þeir aðhyllast en að búin sé til útgönguleið fyrir leiðtogaráð NK. Þeir gleyma því að það ríkir enn stríðsástand á milli landshlutanna. Og þegar veir deila þá er ekki bara við einn að glíma.

Vinstrið hagaði sér ekki svona þegar Bandaríkin og Bretland ákváðu að vinna með uppáhalds fjöldamorðingja vinstrimanna í Síðari heimsstyrjöldinni og sem lifir enn sem hetja í hugum þeirra; Jósef Stalín

Kveðja

[Sigurður Antonsson, 13.6.2018 kl. 05:02]

1984 Orswell.

Skepnugarður. Tvíhyggja. "Harðráður kúgari þarf óvini." Dýraríkið í sinni dýrustu mynd. Eplið, Chaplin eða Hitchcock hristingur og hrollvekjan koma því sem segja þarf til skila. Veitan þín og tvö myndbönd spyrt saman í blogghjáleigu hinnar frjálsu tjáningar, kóranar. Áminning sem við öll þurfum daglega til að lifa af.

Trump er enginn stríðsmeistari, hvað þá síður sprengjuglaður. Auðmjúkur stígur hann á stokk og svarar áleitnum spurningum. Brýnir fyrir sínu fólki að hann vilji sjóliða sína heim frá Kínahafi. Burt úr dýragarði 7o ára Kóreuskagastríðs. Endir þurfi að setja á harðvítuga baráttu við einræðisöflin. Frelsa fólkið á Kóreuskaga úr kjarnorkuvá og áþján. 

Uppsetning þín, texti og áminning frábær. Sögulegur fréttafundur Trumps minnir á margt á heimsókn Reagan í Höfða. Upphaf þýðu í kaldastríðs dýragarðinum þar sem hann og Gorbasjef opnuð gátt til frelsisáttar. Dyrum sem hefur verið aftur lokað. Í fótbolta eru margir þjóðsöngvar sungnir, þar sem von er bundin í ungum knáum hetjum. Þakkir Gunnar.

[Gunnar Rögnvaldsson, 13.6.2018 kl. 07:35]

Góður Sigurður! Þetta var beint á naglann

Þakkir

[Borgþór Jónsson, 13.6.2018 kl. 10:16]

Þarna er einhver smá misskilningur á ferðinni. Samkvæmt fréttamannafundinum virðist Trump standa í þeirri meiningu að Kim hafi undirritað skilyrðislausa uppgjöf.

Kim lítur aftur á móti á þetta allt öðrum augum.

Það sem var undirritað var að sjálfsögðu viljayfirlýsing um að hefja friðarsamninga,en ekki friðarsamningar af neinu tagi. Samt er þetta nokkur framför frá "fire and fury" yfirlýsingum Trumps. Það virðist virka að tala við Trump eins og barn. Með því að lofa honum friðarverðlaunum og kalla hann hugrakkann virðist hafa verið mögulegt að koma honum að samningaborðinu. Hinir eiginlegu friðarsamningar munu svo fara fram annarsstaðar.

Kvikmyndasýningin sýnir svo enn og aftur hvað Trump er barnalegur. Hvað skyldi Kim og meðreiðarsveinar hans eiginlega hafa hugsað. Kannski hefur hann verið að hugsa um þegar Evrópubúar voru að versla við villimenn með glerkúlum. 

En þetta er að sjálfsögðu jákvætt. Trump verður nú ekki lengur að flækjast fyrir þeim sem eru að reyna að leysa Kóreudeiluna. allavega ekki í bili.