Norðurlandaráð þjáist af hámenntun

Mynd: bein krækja á menntamenn og skýrsluframleiðendur Norðurlandaráðs (enda er Lenovo vörumerki kínverskra, en ekki hæverskra). Svona hefur þetta verið árum saman. Aular! Enginn í ráðinu hefur tekið eftir að enginn les neitt frá þeim vegna þess að það er ekki hægt að nálgast það. Ráðið er orðið tankur sem talar við sjálfan sig og fréttastofur, til að vekja þá athygli á sér sem það er sjálft ófært um að gera. "Tökum menntamálin fyrir núna til að skaffa okkur fleiri peninga og gefum út skýrslu á ensku sem enginn getur nálgast"

****

Það kann bara eitt tungumál núna: ensku!

Ráðið kann ekki að búa til heimasíður. Krækja á enska skýrslu virkar ekki því hún vísar í rótina á Windows-tölvu ráðsins, en ekki á vefsetrið. Og þannig er það búið að vera í nokkur ár! Gæðastjórnun er engin og gæðaeftirlit ekkert. Þekking er engin. Og vandvirki ráðsins er frosthrunin bygging í Síberíu

Ég hef fylgst með og lesið tölfræðileg ársrit ykkar síðustu 12 árin. Og síðustu mörg árin hef ég þurft að nálgast gögn ykkar eftir krókaleiðum vegna vanrækslu ykkar á eigin setri. Þið fylgist ekki með neinu, enda les enginn það sem þið birtið, en þó alveg án þess að þið gerið ykkur grein fyrir því. Þið þiggið bara laun

Fjallað er um menntun í skýrslunni. Ráðið sjálft er árangur menntunar. Það kann eitt tungumál og er mannað miklum árangri í atvinnuleysi. Því hærra sem það er, því meiri menntun

Ég er langþreyttur á að þurfa að halda þessu og álíka predikandi menntapakki um allt þjóðfélagið uppi. Það skilar engu nema bremsuklossum og er því landsframleiðslan á hvern íbúa á Íslandi sú næst hæsta á Norðurlöndum, þrátt fyrir að heilum geira menntafólksins skyldi af mörkuðum vera sturtað á haugana: þ.e. hinu alþjóðlega fjármálaherfi íslenskra menntamanna. Og ef olíuverð helst lágt þá fer norska landsframleiðslan á mann niður fyrir þá íslensku, eins og hendi sér veifað. Alveg gratís

En hvernig getur það verið að landsframleiðslan á hvern alvitran Finna skuli vera sú áberandi versta á Norðurlöndum, því þeir gengu jú í hlaðborð menntamanna og drekktu landi sínu í evrum. Finnland hefur látið lífið á hlaðborði evrópskra menntaelíta. Hámenntun í heimsku er orðin sjúkdómsplága á Evrópu

Það er lágmark að Norðurlandaráð hysji upp um sig brækurnar. Annars verður því lokað og þið öll rekin úr starfi fyrir fúsk með annarra manna tölur og vanrækslu

Ekkert Norðurlandanna hefur ensku sem móðurmál. Enska er eins og að kunna að skeina sig í dag. Kunnið þið ekkert annað?

Skýrslufarganapakk Íslands finni sér annan vettvang fyrir þvaður sitt. Nóg er komið af súrum gúrkum ykkar. Og lokið vinsamlegast DDRÚV áður en öll þjóðin lendir á Kleppi

Fyrri færsla

Drög að bráðabirgðastjórn komin í Þýskalandi?

Athugasemdir

[Haukur Árnason, 9.2.2018 kl. 12:05]

Takk Gunnar, ég kunni að meta þennann pistil. Þetta er okkur dýrt.

Kunnum ekki lengur að byggja hús, án myglu, svo maður tali nú ekki um næringarfræðingana.

[Gunnar Rögnvaldsson, 9.2.2018 kl. 13:29]

Þakka þér Haukur. Já þetta er að verða heldur betur átakanlegt.

Ný bók, "Leiðin til ánauðar sérfræðinga" þyrfti að koma út sem fyrst, þar sem sérfræðingum sem þrátt fyrir allt eru engir sérfræðingar, er skipt úr fyrir einræðisherrann í gömlu bókinni: "Leiðin til ánauðar".

Sérfræðingar klesstu Vesturlöndum í óbætanlega klessu árið 2009, vegna þess að þeir voru engir sérfræðingar.  Þetta lið fékk sinn séns við stjórnun Vesturlanda á tímabilinu frá 1945 til 2009 og mistókst algerlega. Það sem réttætti umboðslausa tilvist þeirra var það að þeir áttu að virka. En það gerðu þeir hins vegar ekki. Út með þetta veldi! Það er búið að mennta sig í hel.

Bestu kveðjur

[Borgþór Jónsson, 9.2.2018 kl. 14:46]

Það væri í sjálfu sér í lagi að halda þessu hyski uppi ef það gæti stillt sig um að skaða samfélagið.

Það er ekki sjálfbjarga ,en einhvernveginn verður það að draga fram lífið.

[Haukur Árnason, 9.2.2018 kl. 18:05]

Þegar ég hlusta á suma af þessum "fræðingum", þá kemur textabrot frá K.K upp í hugann. "Hann talar og talar, en segit ekki neitt"