Smíði nýs NATO heldur áfram. Theresa May flaug til Varsjár

Mynd: jólagjöf Vestur-Þýskalands til Póllands 1981; herlög

****

Það var mikið að hún fékk að fljúga til Póllands í NSU

Evrópusambandið er að reyna að einangra Pólland inni í hinu nýja sovétríki sambandsins. Ef að þróun þess ömurlega sambands --sem flestu góðu reynir að rústa í Evrópu-- hefði verið nokkuð lengra á veg komin, þá hefði forsætrisráðherra Stóra-Bretlands sennilega ekki fengið að fljúga yfir einræðissvæði Nýju Sovétríkja ESB-sambandsins (NSU) og að lenda þar til að tala beint við Pólland; það væri þá algerlega einangrað land inni í NSU og öll samtöl við það færu fram í gegnum Miðstjórn. Og þannig stöðu þekkja Pólverjar allt of vel og ætla sér því alls ekki að lenda í henni á ný. Bara alls ekki

Og ef að NSU væri lengra á veg komið eftir hraðbraut ESB-ömurleikans, þá væri Póllandi bannað að gera varnarsamning við önnur ríki. Þannig er staðan með utanríkisviðskiptin í öllum löndum NSU. Þar og á ótalmörgum öðrum sviðum hafa ESB-löndin misst fullveldið, algerlega

En í gær sammæltust Pólland og Stóra-Bretland um að gera með sér, en ekki öðrum, varnarsamning sem breski forsætisráðherrann segir að sé öflugt merki um samvinnu þessara tveggja landa. En í reynd er samkomulagið fyrst og fremst öflugt merki um ormétna valdamiðju NSU sem er að detta í sundur eins og ostur, sem gráðug stétt ormamiðju hefur étið út að innan

Mynd; Theresa May forsætisráðherra Stóra-Bretlands undirritar úrsögn þess úr Evrópusambandinu 28. mars 2017

Nú styðja bæði Bandaríkin og Stóra-Bretland við Pólland og þar með alla Austur-Evrópu, en sem NSU hefur hins vegar ráðist gegn. Þýskalandi langar í nýtt hjónaband með Rússlandi (er að verða búið að þurrausa stuðaralönd sín í NSU) og vill alls ekki að leið þess austur sé lokað á þennan hátt. Það vill fórna Póllandi, en Pólland ætlar ekki að láta fórna sér fyrir útflutningsfíkn hins ósjálfbjarga Þýskalands

Í Kalda stríðinu kom þessi varaleið Þýskaland austur fram sem Ostpolitik undir Willy Brandt, Helmut Schmidt og Hans-Dietrich Genscher og hún malbikaði braut Jaruzelskis til valdbeitingar og setningu herlaga yfir Pólverjum í desember 1981. Herlögin voru jólagjöfin frá Vestur-Þýskalandi til Póllands það ár. Og Ostpólitíkusinn Egon Bahr, hægri hönd Brandts, skrifaði náttúrlega með penna til veraldarinnar að heimsfriðurinn væri mun mikilvægari en Pólland, einu sinni enn

Mynd; Donald J. Trump og Andrzej Duda forseti Póllands í Varsjá í júlí 2017

Þetta er víglínan í dag. Hún liggur beggja megin við Pólland. Úr austri er þrýstingur vegna Rússlands og úr vestri er þrýstingur vegna Þýskalands. Þessa stöðu hatar Pólland og mun ekki láta bjóða sér neitt slíkt á ný. Eftir nokkur ár í viðbót verður Pólland orðið eitt áhrifamesta land Evrópu. Það er undir sérvernd Bandaríkjanna og mun þannig eflast eins og öll ríki sem Bandaríkin álíta sérstaklega mikilvæg. Áður fyrr var Þýskaland í einmitt þeirri stöðu

En nú er NATO ónýtt þar sem ESB (NSU) er ónýtt. Og þarna sjáum við enn einn múrsteininn falla á réttan stað í nýju varnarbandalagi sem hægt verður að kalla Norður-varnar-bandalagið. Þetta var einn stór steinn frá Stóra-Bretlandi í þá nýsköpun, eina herveldinu í Evrópu (fyrir utan Frakkland sem býr bara alls ekki á sömu plánetu og Austur-Evrópa). Engin mun fórna lífi sínu fyrir NSU. Enginn

Fyrri færsla

Ógeðfellt samsæri gegn Ísrael

Athugasemdir

[Merry, 22.12.2017 kl. 18:54]

Gunnar

Það er það besta fréttir sem ég hef lesið í langan tíma - takk fyrir það.

Eitt orð getur summa upp nýja tengingu á milli Póllands og Bretlands, sem hefur verið notuð áður í Poland- solidarity.

[Halldór Egill Guðnason, 22.12.2017 kl. 22:34]

 Sameiginlegir viðskiptahagsmunir Stóra Bretlands og Póllands eru í dag slíkir, að Pólland er líklega næsta sjálfstæða land sem segir sig frá Evrópusambandsviðbjóðnum. Því fyrr sem pólverjar sjá ljósið og forða sér af þessu sökkvandi skipi, skrílslegs skrifræðis og viðbjóðslegrar yfirráðastefnu, því betra. Megi pólsku þjóðinni auðnast að losna undan viðbjóðnum sem fyrst. Hún hefur mátt þola nóg, af yfirgangi annara fram að þessu, þó ekki sé hinu domineranda bjúrókrati frá Bullseli hraunað yfir hana til viðbótar. 

 Áfram Pólland!

 Góðar stundir, með kveðju að sunnan.

[Gunnar Rögnvaldsson, 24.12.2017 kl. 13:55]

Þakka ykkur fyrir.

Gleðileg jól!