Spurningu um Kína-Asíu og kína-Evrópusambandsins svarað

Borgþór spurði þessarar spurningar í síðustu færslu minni "Bensínið búið á biðstofum Kína - eins og í ESB". Þetta er góð spurning hjá Borgþóri:

Það er oft svolítið erfitt að lesa bloggin þín af því málfarið er svo skrautlegt. En það væri fróðlegt fyrir lesendur að vita hvaða skuldir í Kína þú ert að tala um nákvæmlega. Það eru svo margar skilgreiningar á þessu.

Svar mitt er þetta

Ráðstöfun landsframleiðslu Kína er svona. Athugaðu að þeir sem framleiða landsframleiðsluna eru fyrirtæki landsins og þau eru flest í ríkiseigu. Þeir sem síðan neyta landframleiðslunnar eru þessir:

1. Heimili neyta aðeins 39 prósent hennar (Bandaríkin: 70 prósent)
2. Ríkisstjórnin neytir 15 prósent hennar (engin velferð)
3. Ríkisstjórnin tekur 45 prósent hennar (kommúnismi) til að nota í 5-ára fjárfestingaáætlanir og hefur gert svo áratugum saman. Þær fjárfestingar eru að miklum hluta til ónýtar, því eðli málsins samkvæmt geta ríkisstjórnir ekki vitað hverju á að fjárfesta í og hverju ekki. Dæmi: ríkisstjórnin ákveður að byggja 100-flugvelli sem enginn mun nota. Þetta gerir hún til að skapa atvinnu því hún er hrædd við and-byltingu verkalýðsins ef atvinnuleysi verður til

Fjármálakerfið sem sér um þessa fjármögnun kommúnismans er í ríkiseigu. Og með því að gera hlut heimilanna og ríkisins (fjárlög) í landframleiðslunni svona afbakaðan og lítinn, þá hefur ríkisstjórnin þvingað sparnaðarhlutfall heimilanna svo hátt upp að það er hið hæsta í heiminum. Þetta þýðir að ríkisstjórnin hefur tekið sparnað heimilanna og flutt hann yfir til ríkisfyrirtækja landsins í formi innlána og vanneyslu --þar með talin eru bankar og fjármálastofnanir sem flestar eru ríkisrekin fyrirtæki líka-- og sem þar með hefur lagt hald á sparnað heimilanna til að fjármagna fjárfestingaráætlanir ríkisstjórnarinnar

Þessar ríkisfjármálastofnanir og ríkisfyrirtæki skulda nú heimilunum þre- til fjórfalda landsframleiðslu Kína og ríkið og fyrirtæki þess munu aldrei geta borgað þetta til baka. Heimilin eru stærsti nettó-lánveitandinn í hagkerfinu, í formi innlána. Sparnaður þeirra mun því í besta falli verða gerður upptækur og sennilega verða heimlin einnig látin gangast í ábyrgð fyrir erlendum lánum alls fjármálakerfisins líka

Flest það sem ríkisstjórnin fjárfesti í með þessum áætlunarbúskap, skilar ekki hagnaði né arði og skapar þar með ekki auð, heldur brennir sú áætlun ríkisins því litla sem heimilin gátu nurlað saman og voru þvinguð til að nurla saman með því að gera hlut heimilanna í landsframleiðslunni svona lítinn og henda fólki af landi sínu og eitra vatnsból þjóðarinnar => auður fluttur til ríkisfyrirtækja kommúnista

Xi ætlar að brenna þessar eignir heimilanna til grunna og taka þetta fé af heimilunum. Til að geta gert það þarf hann að hafa alræðisvald til að berja niður allar and-byltingartilraunir sem gerðar verða vegna þeirrar eignaupptöku sem fyrir dyrum stendur. Þess vegna er ólöglegur fjármagnsflóttinn frá Kína svona ofboðslegur. Þeir sem vita eitthvað, vita hvað er í vændum. Svo verður skellt á massífu atvinnuleysi og reynt verður að stinga upp í almenning með ónýtum hlutabréfum í ónýtum ríkisfyrirtækjum landsins. Það er það sem verður reynt

Forsetinn Xi ætlar líka að taka alla sjálfsstjórn frá héruðum landsins, því hann verður að koma í veg fyrir fleiri fjárfestingar þeirra úr ríksbankakerfinu og svo þarf hann að loka öllum ríkisreknum bönkum heima í héruðum og opna í staðinn einn ríkisbanka í Peking sem brenna mun eignir allra heimilanna í einu (útlán heimilanna til hagkerfisins í formi innlána). Eina örvunin sem hann ætlar að nota er að dæla fé inn í herinn, því hann þarf á honum að halda til að verjast þjóðinni þegar hann brennir sparnað hennar

Þetta er sennilega allt dauðadæmt og mun mistakast því hvergi í heiminum hefur þetta tekist í allri hagsögu mannkyns: þ.e. að jafna út og leiðrétta svona massífar og geðbilaðar skekkjur í hagkerfum. En kommar Kína eru samt nógu vitlausir til að reyna þetta. Þeir eru ekki kommar fyrir ekki neitt. Þeir vilja ekki frelsi. Þeir vilja kúgun og völd. Það er það sem er að gerast í Kína núna. Landið er að snúa aftur til alræðisvalds og herts einræðis, því Xi-forsetinn segir að það sé eina færa leiðin. Skuldafjall Kína var viðurkennt á allsherjarráðstefnu flokksins að þessu sinni, en tilvist þess hefur flokkurinn afneitað fram að þessu

Nettóvirði alls þess sem kínverska hagkerfið inniheldur er ákaflega lítið, miðað við stærð þess. Þetta eina 100-flugvalla dæmi hér að ofan (aðeins eitt af milljón slíkum) og sem byggðir voru sem atvinnubótavinna, með því að henda fólki af landinu sem fór undir þá (auður fluttur frá fólkinu inn í brennsluofna ríkisstjórnarinnar), er hins vegar ekki afskrifað út úr landsframleiðslunni sem ónýtar og tapaðar fjárfestingar eins og gert er á Vesturlöndum. Í kínverska hagkerfinu er ekkert sem sannarlega er ónýtt afskrifað út úr því aftur. Það safnast bara saman sem eignir í þjóðhagsreikningum. Og út á þær eignir tekur ríkisrekið bankakerfið lánin sín frá heimilum

Kína á lítið sem ekki neitt miðað við stærð landsframleiðslunnar. Nettóvirði hagkerfisins er afskaplega lítið. Ef lánadottnar skyldu koma að Kína sem þrotabúi, þá er þar lítið sem er einhvers virði og sem hægt er að selja á góðu verði, miðað við ef hagkerfið væri frjálst. Þar er ekkert Apple sem hægt væri að selja. Engin hergögn sem eru einhvers virði á mörkuðum. Ekkert Lockheed Martin eða Northrop, markaðsvirði 150 milljarðar dala. Það eina sem Kína gæti selt upp í skuldir er aðgangur að þúsund milljón fátæklingum sem beðið hafa í 67 ár eftir uppskeru kommúnismans. Nettóvirði landsins er ofboðslega lítið, en skynvilla þess hins vegar stór. Kína er fake news. Auðurinn sem myndaðist í hagkerfinu hefur verið brenndur á báli kommúnismans. Og þar á undan var allt hagkerfið þjóðnýtt með eignaupptöku og fjöldamorðum

Þessi kattarpína sem eiðræðið í Kína hefur framleitt, er svo gerræðisleg að óvíst er hvort landið muni lifa af. Þess vegna er Xi forseti að biðja um meiri völd núna. Hann heldur að hægt sé að leysa vandann með því að senda herinn á fólkið þegar það loksins skilur hversu vonlítil staða þess er. Hann ætlar ekki að fara einu leiðina sem vit er í: að frelsa fólkið undan þessu oki og taka upp lýðræði að vestrænni fyrirmynd, en ekki asískri export-fyrirmynd. Það mun hann ekki gera því það er svo subbulegt fyrir flokkinn sem fólkið myndi taka af lífi, hvar sem til flokksmanna hans næðist

Kínadellukallar í íslenskum stofnunum ættu að hlusta vel á það sem Michael Pettis hagfræðingur segir hér á fyrirlestri á gamla vinnustað Alberts Einstein; Institute for Advanced Study í Princetonháskólanum í New Jersey í Bandaríkjunum. Hann einn hafði rétt fyrir sér um Kína á meðan allir aðrir höfðu rangt fyrir sér. Það kæmi mér ekki á óvart ef hann fengi Nóbelsverðlaunin í hagfræði innan skamms. Brautryðjendarannsóknir hans á hagkerfum í ljósi alþjóðavæðingar undir ofgnótt sparnaðar, sem í fyrsta skiptið í mannkynssögunni er offramboð af, eru svo merkilegar að nauðsynlegt er að kynna sér það sem hann hefur til málanna að leggja. Hann tekur evrusvæðið einnig fyrir sem annað dæmi þar sem allt of miklu af efnahagslegum staðreyndum hefur verið snúið á hvolf af pólitískum orsökum, þar sem Þýskaland er Kína Evrópu. Það gerði Pettis í tveggja hluta podkasti á FT/Alhpaville í sumar

1. Michael Pettis on the mechanics and politics of trade (framework)

2. Michael Pettis on the Chinese economy (um "fríverlsun")

Kínadellukallar og ESB-kerlingar í íslenskum stofnunum verða að vakna upp ef við eigum að taka þátt í framtíð sem alls ekki verður sú framtíð sem lagt er upp til núna. Hún mun koma flestum á óvart - og ekki á jákvæðan hátt. Allt sem fram fer á allsherjarráðstefnu kommúnistaflokksins í Kína þessa dagana, er mótað af innvortis veiklekum Kína en ekki styrk. Það eru einungis veikleikar Kína sem knýja dagskránna, en ekki styrkur. Mannfjöldaheimsveldi Kína (e. demographic imperialism) er hin fullkomna tálsýn. Þúsund milljón fátæklingar eru og verða alltaf byrði og innri ógn - en ekki styrkur

Fyrri færslur

• Bensínið búið á biðstofum Kína - eins og í ESB
• Hugmyndir um eignarnám á evrusvæðinu lagðar fram
• Einn dagur í heimsstyrjöld Samfylkingarflokka

Athugasemdir

[Bjarne Örn Hansen (IP-tala skráð) 23.10.2017 kl. 10:18]

Xi Jin Ping er gömul kommúnistatípa, sem er að reyna að koma Kína aftur í sama horf og það var fyrir Deng Xiao Ping.  Það er fyrirfram vitað, að ferill hans er eins og ferill Angelu Merkel fyrir þýskaland, nidurrif landsins.

Kínverjar almennt eru duglegt fólk, og hagsmunasamir.  Þeir telja allt í krónum og aurum, og munu aldrei samþykkja að hverfa aftur í Kommúnisman.  En sem komið er, hefur áhrif Xi Jin Ping ekki verið "katastrofal", en jaðra við það ... og þó svo að hann sé að umlykkja sjálfan siŋ með eiturhörðum "Praetorians", þá er það líklegra til að verða honum að falli en hitt.

Kínverjar fara aldrei tilbaka til Kommúnismans ... enda er hagnaður þeirra og uppganga, að þakka hinum almenna Kínverja sem er dugnaðarforkur við að selja hluti.

Það er meira lýðræði í Kína, en á Íslandi ... því má þakka Deng Xiao Ping, og ég spái því að xi Jin Ping muni aldrei fá því aftur snúið.  Þegar fer að "hrikkja" í maskíneríinu, verður hann tekinn eins og 7-menningarnir förðum.

[Gunnar Rögnvaldsson, 23.10.2017 kl. 10:56]

Þakka þér Bjarne.

Þar sem Kína er ekki ein þjóð, heldur margar þjóðir þá vandast málið heldur betur. Han-Kínverjar sitja einungis á helmingi alls landmassa Kína. Restin er:

• Hui (múslímar)

• Tai

• Tíbet-Burman

• Miao-Yao

• Tajik

• Mon-Khmer

• Kóreanar

• Turkic

• Mongólítar

• Tungusic

• Indónesíanar

Þær þjóðir sem mynda verndarkragann utanum Han-Kína geta skrúfað fyrir flest lífsnauðsynlegt til Han-Kína og snúið sér annað, ef þeim líkar ekki það sem Peking býður þeim uppá í næsta leik.

Merkilegt að þú skulir álíta að kínverski kommúnistaflokkurinn, sem er eini leyfði stjórnmálaflokkurinn í landinu, skili Kína meira lýðræði en hér á Íslandi. Hvers vegna er þá þessi Xi-maður sem þú nefnir, ekki einfaldlega kosinn burt.

Þetta minnir óneitanlega á það lýðræði sem menn segja að sé svo gott í Evrópusambandinu, sem ógjörningur er að kjósa burt. 

Hvað er þá vandamálið Bjarne. Er lýðræði í Kína kannski ekki til.

Kveðjur

[Gunnar Rögnvaldsson, 23.10.2017 kl. 11:08]

Ég minni einnig á að við stofnun kommúnistaflokksins í Shanghai 1921 voru meðlimir hans aðeins 60 manns. Ef kosið yrði á ný þá gæti hann aftur orðið sami 60 manna flokkurinn.

Heldur þú að það sé því mikil hætta á að lýðræði bresti á í Kína í bráð. Það efast ég um. Flokkurinn á allt landið í dag.

[Bjarne Örn Hansen (IP-tala skráð) 23.10.2017 kl. 18:45]

Þetta með "margar" þjóðir er ekki rétt Gunnar ... þú talar ekki um margar þjóðir á Íslandi.  Sumar þessarra "héraða" (Ekki lönd), eins og Xin Jang ... á fólkið sem býr þar ekkert tilkall til.  Þetta er hópur innflytjenda sem komu þangað á 15öld, og notfærir sér fyrrum íbúa þess og menjar, til að fá tilkall. Múmíurnar sem fundist hafa, eru skandinavískar ... ekki tyrkneskar.  Indo-evrópskar, og eiga tíma sína að rekja til Greko-Indo tímabilsins.  Siðan um 700 e.kr. Koma þangað móngólir, Uruga'r.  Báðir þessir hópar eru horfnir sögunni til ... þeir sem búa þarna, eiga EKKERT tilkall til landsins.

Sem Íslendingur attu að fara varlega með að GEFA fólki tilkall til landa. Ísland á eftir að lenda í þessu vandamáli innan skamms, og hvað viltu í því dæmi? Gefa vesturhluta Íslands til Kína, Ísrael eða Saudi Arabíu?

TIl dæmis er ég hræddur um, að Carlb BIldt eigi eftir að vakna við martraðir áður en hann fer til feðranna ... þar sem hann lagði grundvöllinn að því að Svíþjóð verði hreinlega skipt, innan 25 ára.

Það eru til 52 "xiao ming zu" í Kína ... en landsvæða þeirra eru "héröð" og ekkert af þeim eru "lönd".  92% eru HAN Kínverjar, þess vegna hefur Kína haft þá reglu að HAN Kínverjar megi einungis eiga eitt barn, en hinir eins mörg og þeir vilja.
Eins og ég sagði í fyrri pistli, þetta er atriði sem þú hefur algerlega rangt og lepur eftir "áróðursvélum" eins og heittrúaður ISIS fylgismaður.

[Gunnar Rögnvaldsson, 23.10.2017 kl. 21:02]

Þakka þér Bjarne

Það er stutt síðan að Han-Peking missti stjórn á landinu og það leystist upp. Sú staðreynd er reyndar ástæðan fyrir tilvist Kommúnistaflokksins í dag. Innbyrðis sundrung Han-Kínverja varð þess valdandi að stuðara-ríkin í kraganum sem sitja á verjanlegum landamærum ríkisins umhverfis Han-héruðin, fóru sínar leiðir og Kína leystist að miklu leyti upp sem ríki og gat ekki varið sig.

Í dag er þessi sundrung að miklu leyti komin á ný því afkoma héraðanna er svo hroðalega ójöfn. Þetta er kannski síðasti séns sem Xi Jinping hefur til að halda landinu áfram saman. Suður-Kína hagnaðist á opnuninni út til umheimsins, en restin af landinu er hins vegar enn í sárri fátækt.

Það má vel segja að 150 milljón manns sé ekki stór hópur miðað við heildarmannfjölda Kína. En þá er ágætt að hugsa til þess að hann situr fast á helmingi alls landmassa Kína. Han er króað inni ef þetta snýst í höndunum á Peking. Og svo er það Suður-Kínahafið.

Kveðjur