Bjarni Benediktsson sá eftirlýstasti - kapphlaup til Moskvu

Eftirlýstur

Til finna besta manninn í ákveðnum bransa er útilokunaraðferð oft beitt. Maður reynir að komast að því hvern keppinautar hata mest í sínum bransa. Þegar spurt er hvern keppinautar vildu fyrir alla muni losna við út af þeim markaði sem þeir eru á, þá fær maður mynd af því hver er bestur í bransanum. Í dag og í gær er það Bjarni Benediktsson og Sjálfstæðisflokkurinn sem keppinautarnir vilja helst losna við af markaði. Og engu smáræði er tjaldað til. En þó samt engum málefnum. Bara níði. Endalausu persónuníði og aðdróttunum er beitt. Engin málefni eru nokkru sinni rædd. Af hverju? Jú vegna þess að Bjarni og Sjálfstæðisflokkurinn er harðasti varðstöðumaðurinn um fullveldi Íslands. Eftir að Viðreisn með svæsinni evrusvitalykt hvarf úr Sjálfstæðisflokkunum, er xD massífur fullveldisflokkur. Algerlega massífur fullveldisflokkur. Þar er andstaðan við Evrópusambandsaðild mest og hörðust. Langsamlega mest. Á tvístruðum vinstrivængum er staðan hins vegar alveg þveröfug. Þar keppast flokkar við að koma fullveldi Íslands fyrir kattarnef með því afsala því yfir til andþjóðlegs yfirríkis Evrópusambandsins. Þar rífa menn sig frá ríkisstjórnarborðinu til að koma þeim fyrirætlunum dulbúnum í framkvæmd. Alveg sama viðrist þeim vera um hag Íslands og farsæld. Út á götur frá ríkisstjórnarborðinu er stokkið um miðja nótt til að öskra og æpa. Og í Vinstri-grænum er stærsti hlutinn einnig á þeim buxunum að koma Íslandi um aldur og ævi undir ESB, með eins konar þjóðarpyntingum í skattamálum og með aðstoð massífra svika strax eftir kosningar. Lífið skal gert sem óbærilegast hér í okkar landi til að lífið utan þess seljist. Þetta er staðan. Og hún er eins í skjaldborg Samfylkingarinnar gegn þjóðinni - og í Pírötum. Þar er keppst við að koma Íslandi fyrir kattarnef á einn eða annan hátt. Það er því alls ekki undarlegt að Bjarni Íslendingur sé eftirlýstasti maður vinstrisins. Algerlega. Og við eigum því miður ekki gott í vændum hér, því allt útlit er fyrir að dulbúið sölugas og moðreykur vinstriflokkanna sé að virka á kjósendur eins og 2009 og að við fáum hreina vinstristjórn á ný. Þetta er skelfileg tilhugsun. Ég man enn of vel eftir þeirri síðustu

Kapphlaupið til Moskvu

Það er vel þess virði -sérstaklega núna í ljósi upplausnarferlis Evrópusambandsins- að velta á ný fyrir sér utanríkisstefnu Þýskalands, því okkur er sagt að Þýskaland sé mikilvægasta ríki Evrópusambandsins og Evrópu. En er það virkilega svo? Utanríkisstefna landsins er á pappír sú sama og hún var í Kalda stríðinu. En hún er það samt ekki í reynd. Það sem ekki er lengur eins og það var, er samband Þýskalands við Bandaríkin. Og menn skyldu ætla að það samband sé enn makró-pólitískt mikilvægasta samband Þýskalands við umheiminn, því Þýskaland hefur aldrei getað hvílt í sjálfu sér og lifað sjálfbærri tilvist eitt og sér. Það hefur alltaf þurft að hafa valdablokk sér til stuðnings og að verulegu leyti undir sér. Í dag er þessi blokk önnur ESB-ríki, sérstaklega evruríkin, en öll sú blokk er nú byrjuð að leysast upp. Enn eitt dæmið um það sást í gær þegar pólska dagblaðið Rzeczpospolita bauð Austurríki velkomið um borð í "Visegrád V4" hópinn, saman með Varsjá, Prag, Bratislava og Búdapest, eftir austurrísku kosningarnar á sunnudag. Austurríki er boðið velkomið heim

Bandaríkin eru hins vegar ekki að leysast upp. Þau eru enn sömu Bandaríkin og komu Þýskalandi á fætur og vernduðu iðnað þess gegn erlendri samkeppni á meðan Þýskaland var að koma undir sig fótunum á ný. Og þau vernda enn siglingarleiðir útflutnings Þýskalands um heimshöfin. En þetta samband er nú að rofna og Þýskaland hóf það rof sjálft. Samband landanna er að rofna vegna þess að Þýskaland er að leita nýrra leiða til að halda sér saman sem veldi. Það þarf á nýrri lausn að halda, því óvíst er orðið hvort að landið geti mikið lengur stólað á áframhaldandi tilvist Evrópusambandsins, sem það hefur drottnað yfir síðan það sameinaðist síðast. Og hér munu Bandaríkin ekki hjálpa Þýskalandi að þessu sinni. Það er orðið of hættulegt fyrir Þýskaland að stóla einungis á Evrópusambandið sem efnahags- og áhrifasvæði (e. buffer-zone). Það þarf nýjan möguleika. Nýja opnun til vara. Og vegna þess að Bandaríkin hafa varið og eru að verja Austur-Evrópu gegn þörfum Rússlands til hins sama, þ.e. þörfum Rússlands til að hafa lönd Austur-Evrópu undir sínum áhrifum og sem varnarsvæði (e. buffer-zone), þá standa Bandaríkin nú í vegi fyrir Þýskalandi, með því að vernda Austur-Evrópulönd fyrir ágangi Rússlands. Þetta er gríðarleg áhætta sem Þýskaland er reikna út hvort landið eigi að taka. Geigvænleg áhætta, en Þýskaland er og hefur ávallt verið óútreiknanlegt land. Visst kapphlaup Þýskalands og Frakklands er því hafið til Moskvu. Frakkland vill verða á undan til að reyna að loka á leið Þýskalands austur (martröð Mitterands). En það er mitt álit að Frakkland sé nú þegar of seint á vettvang

Í síðustu viku fór heil sendinefnd stærstu fyrirtækja Þýskalands til fundar við forseta Rússlands Vladímír Pútín (krækja leiðrétt). Nefna má nöfn eins og Bauer, Wintershall, Linde, Knauf, Siemens, Metro og 14 önnur stærstu fyrirtæki Þýskalands. Pútín sagði á fundinum að meira en fimm þúsund þýskt fjármögnuð fyrirtæki væru í Rússlandi og í þeim störfuðu 270 þúsund Rússar. Og sjálfur Gerhard Schröder fyrrverandi kanslari Þýskalands situr nú með Vladímír Pútín í stjórn í Rosneft. Og kaldhæðnislegt er að þetta sé að gerast á sama tíma og viðskipti Íslands við Rússland hafa verið þurrkuð út. Þessi heimsókn er engin tilviljun þó svo að ekki eigi endilega að leggja mikið í hana. En þetta er þróun sem komin er vel á veg og hún verður varla stöðvuð úr þessu, því sennilega getur ekkert lengur stöðvað upplausnarferli Evrópusambandsins, sama hvað Frakkar reyna. Forseti Frakklands reynir um þessar mundir að munstra síðasta átakinu í þessum efnum. En það átak er að mínu mati þegar runnið út í sandinn. ESB er að leysast upp og tvístrast. Og það er staða sem Þýskaland mun ekki taka hættuna á að standa uppi með. Það þarf nauðsynlega að hafa aðra leið opna, sér til öryggis. Og þess vegna er Berlín að klippa á sambandið við Washington. Frakkar eru hins vegar mjög hugsi og afar pólitískt veikir fyrir heima. Allir í Evrópu eru reyndar orðnir veikir fyrir heima. Og Evrópusambandið sjálft er sá vírus sem þeirri veiki veldur. Það fór nokkrum brúm of langt eins og ávallt gerst með umboðslaus veldi

Sagan endurtekur sig aldrei í sömu mynd. En íslenska vinstrið sótti alltaf austur og sækir enn. Sjálfstæðisflokkurinn hefur hins vegar alltaf staðið þar fastur fyrir og gerir enn. Hann hefur ávallt lokað veginum fyrir vinstrið austur. Bara svo þið vitið það. En þetta er alls ekki að gerast í einum hvelli. Þetta er hins vegar sú þróun sem komin er í gang og hún getur tekið mörg ár og farið furðulegar krókaleiðir áður en hún endar í austri. En hún er mjög mikilvæg fyrir okkar land, Ísland. Menn eiga að taka hér vel eftir

Fyrri færsla

Vinstra-grænt þurrkað út í austri í gær [u]

Athugasemdir

[Gunnar Rögnvaldsson, 17.10.2017 kl. 15:38]

Mér er nú farið að verða dálítið flökurt vegna þessara aðfara að Bjarna Benediktssyni. Þær eru farnar að minna mig á aðförina að Donald Trump. Falskar fréttir úr fölskum tönnum vinstrisins með útfjólubláum geislabaug úr kolgeit flúor.

Og ekki minnkar ógleði mín þegar ég sé Kolbrúnu Baldursdóttur frá Flokki fólksins hér á blogginu komin í stórhaus með börn í gíslatöku sem aðeins er hægt að leysa úr haldi með því að borga hærri skatta en næstum þá allra hæstu í heimi. Og að sjálfsögðu er lokað fyrir athugasemdir, því þetta er svo átakanlegt.

Viðreisn hífir upp seglin í dag til að reyna að fanga eitthvað af ofsóknarvindunum sem beitt er gegn formanni Sjálfstæðisflokknum. Og Píratagerpin birtast nú eins og mölflugur vegna hækkandi rakastigs frá slefi flokksins, Ef flokk skyldi kalla.

Þetta er með eindæmum. 

[Jón Steinar Ragnarsson, 17.10.2017 kl. 17:03]

Þetta siðasta útspil meikar engan sens. Finnst fólki sennilegt að Bjarni sé í pólitískum sjálfsmorðhugleiðingum kortéri fyrir kosningar?

Kannski erlendu vogunargammarnir, sem eiga Glitni, vilji ná á hann höggi? Allavega ættu þeir að telja sér betur borgið undir Steingrími, af fenginni reynslu. Sennilega hafa engir reynst þeim betur en Samfó og VG í eftirmála hrunsins.

[Bjarne Örn Hansen (IP-tala skráð) 17.10.2017 kl. 18:58]

"meikar sens" ... thetta er svona alika mikid rugl, eins og innleggid hja ther, hja mer Steinar.  Vertu velkominn ad trua a skrimsli upp i skyjunum, og vona ad thu og ISIS vinir thinir, verdi ad godu.

Hvad vardar Bjarna, spurningin er hvad folk vill fa med thessu.  Litur madur a inlegg Kolbrunar, tha er hum med muslima born i gyslingu ... sem ad sjalfsogdu er lagt upp sem ogrun vid alla her, sem eru a moti utlendingum. Konan er i uppreisnarhug, gegn landinu ... spurningin er, syndir hun a moti straumnum eda med honum.