Fjármagnsflóttinn frá Evrópu eykst

Vegna pólitísks óstöðugleika hafa auðlegðarsjóðir margra fullvalda ríkja pakkað peningum sínum saman og yfirgefið Evrópu. Fjárfestingum þeirra í Evrópu er sjálfhætt vegna þeirrar stöðu sem Evrópusambandið hefur komið álfunni í

Hrunið er næstum algert því aðeins 17 milljarðar af 70 milljarða dala fjárfestinum sjóðanna standa eftir. Fjárfestarnir hafa aðallega flúið með fé sitt til Bandaríkjanna. Þessu greinir Financial Times frá í dag

Íslenskum lífeyrissjóðum verður varla stætt með neinar fjárfestingar á vegum íslenskra sjóðsfélaga á meginlandi Evrópu næstu árin, þ.e. á meðan meginland Evrópu kemur sér upp nýrri heimsstyrjöld til að rústa sér í. Sviðin jörð og viðstöðulaus Rubicon-hlaup eru orðin helsta starfsheitið fyrir allt sem viðkemur Evrópusambandinu og mölbrotnum löndum þess

NATO getur ekki virkað og þrifist á sviðinni jörð einni saman. Og framhaldið fyrir Evrópu verður því ákaflega langdregin kvöl. Þar sem NATO getur ekki virkað undir upplausn Evrópusambandsins, þar mun heldur ekkert annað geta virkað

Það er því líklega aðeins tímaspursmál hvenær íslenskum lífeyrissjóðum verður með lögum bannað að fjárfesta í Evrópu, því afar skrítnir hlutir eru að gerast á hinum gamla Berlín-Parísaröxli imperíal heimsveldisdraumanna á meginlandi Evrópu

Fyrri færsla

Kína ræður ekki við Norður-Kóreu

Athugasemdir

[Helgi Jónsson (IP-tala skráð) 14.7.2017 kl. 08:01]

Síðan Evrópusambandið komst á laggirnar hefur þar ríkt pólitískur stöðuleiki, þjóðir eins og Þýskaland og Frakkland hafa verið að styrkja stöðuleikan enn meira með öflugum leiðtogum og Frakkland hefur nú kosið sér jafnaðarmann sem leiðtoga sem rennir enn styrkari stoðum undir stöðulekan.

Óstöðuleikin í Evrópusambandi á sér fyrst og fremst stað í Bretlandi sem gerði það axarskaft að segja sig út úr Evrópusambandinu og breskur almenningur veit ekki hvað snýr upp eða niður lengur.

Fjárfestinga og fjármagnsflótti á sér fyrst og fremst stað í Bretlandi en ekki hjá hinum skynsömu ESB þjóðum.

[Jóhann Elíasson, 14.7.2017 kl. 08:30]

Helgi, þetta er alls ekki rétt hjá þér, farðu aðeins betur yfir málið.  Einungis tæp 15% fjármagnsflóttans tengist Bretlandi.....

[Gunnar Rögnvaldsson, 14.7.2017 kl. 14:21]

Þakka þér fyrir Jóhann að reyna að banka í afturenda strútsins Helga, sem er með höfuð sitt fast í sandinum.

Helgi túlkar það sem merki um pólitískan stöðugleika að í fyrsta sinn í sögunni þorir sitjandi forseti Frakklands ekki að bjóða sig fram á ný. Hann fór frá völdum með 4 prósent fylgi. Allt flokkakerfi Frakklands liggur nú í rúst vegna vantrausts kjósenda á stjórnmálstétt landsins sem gert hefur alla þessa umboðslausu ESB-sáttmála fyrir þeirra hönd og sem herja eins og sinubrunar á löndin þeirra.

Óttinn við eina ranga niðurstöðu úr kosningum er miskunnarlaust keyrður sem þrotlaus hræðsluáróður og kjósendum sagt að ef þeir segi nei að þá falli öll heimsálfan Evrópa um sig sjálfa og að þriðja heimsstyrjöldin banki beint á dyr kjósenda ef þeir kjósa ekki rétt. Þetta er pólitísk hryðjuverkastarfsemi, og ekkert annað.

Í öðrum löndum hafa menn leyst þetta með því að banna kosningar af ótta við niðurstöður sem falla ekki í geð strútsins af ESB. Þar eru bara skipaðir ókjörnir teknókratar sem fjarstýrt er frá ókjörnum stofnunum ESB.

Í öðrum ESB-löndum er ríkjum skipað að kjósa aftur ef útslit kosninganna falla ekki að hugmyndum ESB-klíkunnar.

Í restinni af ESB-ríkjunum er ríkisstjórnum gert það ljóst að öll úrslit í kosningum sem falla ekki ESB-klíkunni í geð, muni hafa algerlega tortímandi afleiðingar fyrir þær sem og aðrar ríkisstjórnir ESB-landa. Það er bannað að kjósa nema að rétt úrslit fáist.

Þessa vegna er ástandið í ESB eins og það var í Evrópu árið 1930. Allt að 60 prósent atvinnuleysi ríkir og engar horfur eru á öðru en að evrusvæðið verði áfram versta efnahagssvæði veraldar svo lengi sem ESB er á lífi.

Peningaskömmtun ríkir í sumum ESB-löndum og gerræðisleg peningahöft í öðrum. Því sem næst herstjórn hefur ríkt í Frakklandi í nokkur ár, vegna brostinna og gagnslausra ESB-stofnana. Samkomur eru bannaðar og málfrelsi er farið veg veraldar.

Allir hata alla í ESB og engar horfur eru á neinu öðru en að það hatur sem ESB hefur alið af sér með tilvist sinni, muni halda áfram að grafa um sig í hjörtum fólksins í ESB, sem aldrei, aldrei nokkru sinni bað um þetta bákn yfir höfuð sér.

Þetta er stöðugleikurinn sem Helgi sem og aðrir ESB-sinnar leika hér á Íslandi. 

Góðar kveðjur til þín

[Jóhann Kristinsson, 15.7.2017 kl. 21:39]

Það er nú eins og að fara úr öskunni í eldinn að fara með lífeyrissjóðs og aðra fjármuni frá Evrópu til USA.

Beinar skuldir USA eru 20 trilljónir US dollarar og Trumpið bætir við skuldina 4 trilljónir dollara á þessu ári.

Umfumded liabilities (loforð pólitíkusa og annað) eru yfir 230 trilljónir US dollara. 

Það kemur að hruninu, bara tímaspursmál.

Það sem ég vona er að ég verði kominn undir græna torfu áður en það gersist. Það verður enginn öfundsverður að lifa í því hruns ástandi.

Kveðja frá Seltjarnarnesi

[Gunnar Rögnvaldsson, 16.7.2017 kl. 00:36]

Þetta er nú ekki rétt Jóhann

a. Innri-ríkisskuldir (intra-govmt.) Bandaríkjanna eru 20 billjón dalir. Peningar sem ríkið skuldar sjálfu sér.

b. Innri-ríkis útistandandi peningar Bandaríkjanna eru 14,5 billjón dalir. 

b. Nettó innri-ríkisskuldir Bandaríkjanna eru því 5,5 billjón dalir

Opinberar skuldir Bandaríkjanna sem þau skulda erlendum aðilum eru 6 billjón dalir.

Opinberar skuldir Bandaríkjanna sem þau skulda innlendum aðilum eru 8,4 billjón dalir.

Opinberar skuldir Bandaríkjanna eru því um 20 billjón dalir. 

Sem hlutfall af landsframleiðslu er þetta um það bil 103 prósent

Sem hlutfall af nettó-virði Bandaríkjanna er þetta 23 prósent, sem er mun lægra hlutfall en hjá mörgum ríkjum. Segja má að þetta séu miðlungsskuldir

En segja má líka að þetta sé smáhnetur því svo lítið er nýtt af skattagrundvelli Bandaríkjanna miðað við flest önnur ríki.

Og miðað við að hafa fjármagnað öryggi Evrópu í 70 ár og verndað alþjóðlegar siglingaleiðir fyrir útflutning Evrópu í 70 ár, þá er þetta alls ekki alslæmt heldur góð staða. Bandaríkin eru svo auðug.

Þetta vita fjárfestar.

En þetta vita hins vegar ekki fjölmiðlar.

Ekkert verður skuld fyrr en að skuldabréf er gefið út.

Pólitískt gas er ekki hægt að bókfæra sem skuld, því annars skuldar þú mér kannski bara allt.

Kveðjur

[Jóhann Kristinsson, 16.7.2017 kl. 10:21]

Ekki veit ég hvar þú hefur fengið þessar tölur og þú þarft ekki að trúa mér. Googla bara og skoða live update um skuldir USA þá sérð þú þetta. US National Debt Clock Real Time usdebtclock.org

Þar sýnir að US debt beinar skuldir eru 19 trilljónir 963 billjónir 570 miljonir og some change, þegar þetta er skrifað.

Unfunded liabilities eru 106 trilljónir 810 billjónir 532 milljónir, þegar þetta er skrifað.

Þeir sem þykjast vita allt um fjármál USA telja að 106 trilljónir er ekki rétt tala, heldur sé skuldin kominn yfir 230 trilljónir.

Setjum svo að þessir fjármála gúrús hafi rangt fyrir sér, þá er unfunded liabilities skuldin samt gífurleg tæpar 107 trilljónir ef við notum bara US debt klukkuna.

Beinar skuldir 20 trilljónir og unfunded liabilities 107 trilljónir samtals 187 trilljónir.

Hvað eru tekjur US treasury árlega lítum á debt klukkuna þá synir það yfir 3 trilljónir í income revenue til dagsins í dag á þessu ári, 7 trilljónir fyrir árið 187 deilt með 7 = 26.71 ár að greiða skuldina ef ekkert er bætt við skuldina.

Vanda málið er að það er verið að bæta við skuldina í trilljónum dollara árlega, þannig að það sést ekkert í glætuna í enda jarðganganna, so to speak.

Ef fólk vill fjárfesta í svona skuldasúpu, be my guest. 

Hvenær hrynur þetta, vonandi eftir minn dag, það verður ekki fögur sjón að sjá þegar fjármálakerfi USA hrynur.

Kveðja frá Seltjarnarnesi.

[Jóhann Kristinsson, 16.7.2017 kl. 10:38]

Ekki veit ég hvar þú hefur fengið þessar tölur og þú þarft ekki að trúa mér. Googla bara og skoða live update um skuldir USA þá sérð þú þetta. US National Debt Clock Real Time usdebtclock.org

Þar sýnir að US debt beinar skuldir eru 19 trilljónir 963 billjónir 570 miljonir og some change, þegar þetta er skrifað.

Unfunded liabilities eru 106 trilljónir 810 billjónir 532 milljónir, þegar þetta er skrifað.

Þeir sem þykjast vita allt um fjármál USA telja að 106 trilljónir er ekki rétt tala, heldur sé skuldin kominn yfir 230 trilljónir.

Setjum svo að þessir fjármála gúrús hafi rangt fyrir sér, þá er unfunded liabilities skuldin samt gífurleg tæpar 107 trilljónir ef við notum bara US debt klukkuna.

Beinar skuldir 20 trilljónir og unfunded liabilities 107 trilljónir samtals 127 trilljónir.

Hvað eru tekjur US treasury árlega lítum á debt klukkuna þá synir það yfir 3 trilljónir í income revenue til dagsins í dag á þessu ári, 7 trilljónir fyrir árið 127 deilt með 7 = 18.14 ár að greiða skuldina ef ekkert er bætt við skuldina. Eitthvað brenglaðist talan 127 og varð að 187, þessi 187 tala kemur úr fréttabréfi sem ég fæ og er að selja gull sem fjárfestingu, en áætlunin er að nota tölur debt klukkunnar.

Vanda málið er að það er verið að bæta við skuldina í trilljónum dollara árlega, þannig að það sést ekkert í glætuna í enda jarðganganna, so to speak.

Ef fólk vill fjárfesta í svona skuldasúpu, be my guest. 

Hvenær hrynur þetta, vonandi eftir minn dag, það verður ekki fögur sjón að sjá þegar fjármálakerfi USA hrynur.

Kveðja frá Seltjarnarnesi.

[Jóhann Kristinsson, 16.7.2017 kl. 10:51]

Það leiðréttist hér með að skuldir USA sem ég ætlaði að nota var talan 127 trilljónir en ekki 187 trilljónir, sem sagt nota tölur debt klukkunnar.

187 trilljónir er tala sem ég fæ úr fréttablaði frá gull sölumönnum sem send mér fréttablað á þriggja mánaða fresti, þeir fara milli veginn á 230 og 127 trilljónum.

127 trilljónir deilt með 7 trilljónum = 18.14 ár sem að það tæki að greiða skuldina ef ekkert er bætt við. En það er ekkert sem bendir til þess og áætlað að við beinar skuldir verði bætt við 4 trilljónum næsta ár eða meira.

Sorry for confusing the numbers. 

Kveðja frá Seltjarnarnesi 

[Gunnar Rögnvaldsson, 16.7.2017 kl. 18:34]

Kæri Jóhann

Það er ekkert að þessu. Trilljón er það sama og billjón á íslensku. Svo það passar. 20 billjónir dala.

Það sem hins vegar er rangt er ályktun þín um að þetta sé óheyrilegt. Þetta er ekki óheyrilegt miðað við allt það sem stendur undir þessu.

Og eins og þú veist þá eru loforð stjórnmálamanna inn í framtíðina ekki skuldir. Þau verða einfaldlega lagfærð í samræmi við veruleikann þegar hann rennur upp. Það er margbúið að svíkja flest þau loforð sem lágu til grundvallar þeim velferðarkerfum Evrópulanda sem þau voru gerð úr. Lífeyrir sem er ekki hægt að greiða úr potti hins opinbera og þar fram eftir götum. Velferð sem ekki er hægt að uppfylla vegna þess að hún reyndist útópía þegar efna átti loforðin. 

Það sem hins vegar eru skuldir, eru skuldir sem greiða þarf vexti af. Það er það sem máli skiptir. Það eru skuldir og hér er rétta talan 20 billjónir dala. Og það sem öllu máli skiptir er vaxtabyrðin því hana þarf að borga. Þar ætti enginn að hafa áhyggjur þegar litið er til Bandaríkjanna.

Miðað við nettóvirði Bandaríkjanna eru þetta ekki miklar skuldir. Og miðað við landsframleiðslu eru þetta heldur ekki sligandi skuldir. Þetta er ekkert miðað við skuldir Bandaríkjanna úr Síðari heimstyrjöldinni. 

Þetta er með öðrum orðum að mestu pólitískt gas sem notað er sem pólitískt gas. Þessi klukka er gas.

Kveðjur

[Jóhann Kristinsson, 19.7.2017 kl. 20:54]

Nenni ekki að rökræða við jafnaðarmann sem að telur að skuldir skipti ekki máli, hversu miklar þær eru.

Kveðja frá Seltjarnarnesi