Hvernig myndi fara ef DDRÚV tæki sitt eigið meðal?

DDRÚV í Austurberlín Reykjavíkurborgar hefur komist að þeirri niðurstöðu að reiðjólaverslun Fálkans sé með lægsta verðið á ökutækjum. Borin voru saman vöðvaknúin ökutæki, fóðruð á matvælum, og hins vegar vélknúin ökutæki, fóðruð á pressuðum jurtaleifum úr krúttmögum risaeðla. Og viti menn: Fálkinn er með ódýrustu ökutækin

Hvernig myndi nú fara fyrir DDRÚV ef þeir neyttu sinnar eigin feiti, þó ekki væri nema bara fyrir slysni. Hvernig skyldi því lúxus batterí vinstrisinnaðra ríkisbubba reiða af í svona eins og einnar mínútu samkeppni

Myndi það lifa daginn af? Nei það myndi DDRÚV ekki gera. RÚV er hörmulegt misfóstur sem ekki er hægt að laga. Það verður því að loka þessari einokunarbúllu og afhenda Þjóðminjasafninu svo kallaðan menningararf þess til varðveislu og viðhalds. Og það helst strax. Þeir hafa rústað sjálfum sér svo oft að um útvarpandi rústir einar er að ræða. Stríðsminjasafn!

Þetta er sem sagt enn ein falska fréttin frá DDRÚV úr Austurberlín Reykjavíkurborgar. Svona lifir það af enga samkeppni

Einu sinni reyndi sænska COOP að reka sovéskar verslanir í Svíþjóð. Öllum vörum átti að pakka í eins umbúðir án kennimerkja. Þetta dó þó skömmu eftir fæðingu. En hér með hefur DDRÚV blásið nýju lífi í gamla sænska sovétið. Gjörið svo vel, DDRÚV er bara best því það fær mest, ekki satt. Og svo er það Samanburðar-Trabantinn maður - og sambærilegu sovésku ljósaperurnar!

Fyrri færsla

Kostuleg Costco koma

Krónan og Bónus ódýrari en Costco

Athugasemdir

[Helgi Jónsson (IP-tala skráð) 13.6.2017 kl. 13:58]

Svona afgreiðið þið vonda fólkið fréttir sem eru ykkur ekki að skapi....sem falsfréttir, alveg eins og Trump gerir.

[Gunnar Rögnvaldsson, 13.6.2017 kl. 14:10]

Gosið er samt ódýrara í Eyjafjallajökli Helgi.

Kveðjur

[Helgi Jónsson (IP-tala skráð) 13.6.2017 kl. 14:50]

Er það ekki bara einhver falsfrétt..?

[Magnús Helgi Björgvinsson, 13.6.2017 kl. 22:51]

Eins og ég skildi fréttina þá var hún byggð á 40 tegundum og skoðað eigingaverðið sem sagði þá:

"Borið er saman verð á hverja einingu, ýmist í kílóatali, lítratali eða stykkjatali. Fyrir eina einingu af hverri vörutegund á listanum hefði þurft að greiða 23.824 í Costco, sem var hæsta verðið, 21.404 í Bónus, sem var lægst, og 22.331 í Krónunni. Alls er því um 11% verðmunur á samanlögðu einingarverði í Bónus og Costco, lægsta og hæsta verðinu."

Þ.e. verðin á þessum tegundum var mjög sambærileg í þessum 3 búðum. Inn í þessu er mjög margar vörur sem eru framleiddar hér. Og því kannski eðlilegt að það muni ekki miklu. Svona eins og kjöt, heimilisbrauð og fleira. Það er ekkert að þessi könnun. En það gefur kannski ekki rétta mynd að tala um verð á pakkningu þar sem Costco ríkur upp vegna þess að þeir eru með stærri pakkningar.  Veit að ýmsar vörur eru ódýrari í Costco en ekki allar og fólk verður bara að vera vakandi yfir þvi hvar einstaka vörur eru ódýrastar. En held að RUV hafi ekki gert neitt rangt. Þeir eru bara að benda á að það er ekki allt ódýrast í Costco en oft er Costco líka að selja þekktari/vandaðri merki

P.s. mjög glaður yfir aukinni samkeppni og því glaðaur að Costco er að brjóta múra sem vondandi leiðir fleiri verslanir hingað.

[Brynjar (IP-tala skráð) 14.6.2017 kl. 09:54]

"DDRÚV í Austurberlín Reykjavíkurborgar".  Er skortur á einhverju gáfulegu til að skrifa um núna Gunnar.  Þú virðist samt altaf vera að horfa á RUV.

[Bjarne Örn Hansen (IP-tala skráð) 14.6.2017 kl. 12:57]

Að RÙV skorti krítíska hugsun, og að þeim hafi farist á að minnast þess að þetta "lægsta" verð ætti einungis við um þør verzlanir sem væru á listanum, en væri ekki algild staðreynd. Er eitt mál og ekki öðru tengd.  Hitt er annað, og hvað vill Herr Gunther van der Raklaus setja í staðin. Einkafréttavef, sem fær laun sín frá Herr Soros der Hungos, eða El biljonos del Arabos Saudos ...

[Gunnar Rögnvaldsson, 14.6.2017 kl. 14:00]

Takk fyrir innlit og skrif, Magnús Helgi, Brynjar og Bjarne

Kveðjur