Hvað er Bandaríski herinn að hugsa?

Jú. Frá því að Rússland kom til baka úr fríinu frá sögunni og Evrópusambandið hóf upplausnarferli sitt 2008, hafa menn neyðst til að hugsa upp nýja hluti í sambandi við varnarmálin í Evrópu. Ljóst er að sjónarmið Bandaríkjanna innan NATO hefur áratugum saman ekki verið virt. Þýskaland og fleiri lönd Vestur-Evrópu hafa ekki staðið við skuldbindingar sínar í NATO frá því að Rússland kom til baka úr fríi sínu frá sögunni árið 2008, er það tók Georgíu og hélt síðan af stað til Krím, Úkraínu og nágrennis. Þetta er sú skoðun sem einnig ríkir meðal almennings í Bandaríkjunum sjálfum og sem borgað hefur NATO-brúsann. Að sjónarmið hennar hafi ekki verið virt

Núverandi ríkisstjórn Bandaríkjanna er sú sem allra ósáttust er við þróun varnarmála í Evrópu. Hún ályktar að samband Bandaríkjanna og NATO-landa Evrópusambandsins gangi ekki endilega lengur upp. Hún hefur dregið þá erfiðu ályktun af slæmri reynslu og sem er sú; að ekki sé hægt að stóla á stærstu lönd álfunnar

Bandaríkin eru því tilbúin að veita þeim formlega lausn frá NATO-aðild, sem hingað til hefur of mikið og að mestu verið óformleg í verki. Í staðinn ætla Bandaríkin að handvelja áreiðanlega bandamenn að eigin vali úr upplausnarferlis-grúppu Evrópusambandsins. Hóp landa sem hafa gagnkvæmra hagsmuna að gæta

Þessi lönd eru að líkindum Pólland og Rúmenía sem allra efst á lista, Ungverjaland, Búlgaría, Eystrasaltslöndin, Skandínavía og Bretland og sennilega Ísland

Innan skamms verður Pólland áhrifameira ríki í Evrópu en Þýskaland hefur verið. En þannig fer oft er mikilvæg ríki verða strategískt mikilvægir bandamenn Bandaríkjanna (dæmi: Ísland, Suður-Kórea og Vestur-Þýskaland). Sameinað Þýskaland er ekki lengur mikilvægt fyrir Bandaríkin. En það er Pólland hins vegar orðið og landið er einnig sögulega ákafur bandamaður Bretlands og Bandaríkjanna

Bandaríkjamenn vita að valdatímabil Vladimírs Pútín mun einn góðan veðurdag taka enda, og líklega fyrr en síðar, því verr sem gengur í Rússlandi. Þar ganga hlutirnir nefnilega mjög illa. Og þeir vita að "Póst-Pútín" Rússland verður þá mjög hættuelgur staður miðað við stöðuna núna. Í millitíðinni vonast þeir til að hafa búið svo um hnútana að þýsku valdastéttinni í uppleystu Evrópusambandi og NATO, sé á ný gert kleift að viðhafðast hjálparlaust, en ytra verndaðri, í gömlum neðanjarðarbyrgjum Berlínarborgar

Bandaríkin hafa því að mestu látið þarna við sitja og hafið nauðsynlegar gagnaðgerðir sem felast í hönnun nýs varnarsvæðis sem kalla má "Norhtern Tier Defence System", eða Norður-Varnarbandalagið. Hvað verður um NATO skiptir Bandaríkin ekki afgerandi máli lengur. Þetta varnarsvæði í smíðum er þegar byrjað að þjálfa sig saman. Upplausnarferli ESB er ekki hægt að stöðva en það er hins vegar hægt að einangra það frá varnarmálunum. Fullur þýskur ryksugupoki af gjaldþrota ESB-ríkjum verður aldrei sterkur söfnuður bandalagsmanna

Tvennt vinnst með þessu. 1. Öryggi Evrópu er tryggt og 2. upplausnarferli Evrópusambandsins er tryggður lokaður heimur til að falla saman í innávið - en ekki út og til austurs. Ekkert getur lengur stöðvað þetta upplausnarferli álykta Bandaríkin. Þessi einangruðu lönd að baki nýja varnarsvæðisins geta svo stofnað með sér nýjan kjaftaklúbb fyrir hin gömlu málefni sín í poka, sem seðlabanki Bandaríkjanna mun kannski hjálpa til við halda lokuðum á meðan hann er að falla saman

Bandaríkin hafa staðsett þúsundir bandarískra hermanna í þessum löndum Austur-Evrópu til að láta drepa þá. Það er að segja, ef að Rússland haggar sér enn frekar vestur á bóginn, þá þurfa þeir að drepa þessa Bandaríkjamenn fyrst. Við það hrekkur dyrabjalla í Washington í gang og glymur slæmum tónum, fyrir vesturfarann sem þar með hefur ráðist á Bandaríkin. Ofsóknir Evrópusambandsins á hendur Póllandi ber að skoða í þessu ljósi

Þetta útskýrir afstöðu Donalds J. Trump í þessum málum. Og þess vegna staðfesti hann ekki í mæltu máli sínu hinar fyrri skuldbindingar Bandaríkjanna í NATO-bandalaginu, á fundinum í Brussel í síðustu viku. Bandaríkin hafa gefist upp á að bíða eftir því að þau lönd sem látin verða sigla sinn sjó, gangi í NATO

Fyrri færsla

Stærsta vandamál Evrópu er áfram Þýskaland

Athugasemdir

[Bjarne Örn Hansen (IP-tala skráð) 4.6.2017 kl. 12:09]

Þetta er nú bara langþreytt rugl hjá þér ... "skuldbyndingar" Evrópuþjóða ... hvern andskotann þvaður er þetta.  Eða Rússland að ráðast á Krím.  Hérna ertu lítið annað enn "littli mússólíni" með róttæka Rússagrýlu og hatursræðu.

Í fyrsta lagi, er margt í þessu dæmi sem ekki ert tekið upp, en ef við hoppum yfir allt og segjum bara hreinlega.  Að ef upplausn Sovétríkjanna leysti upp öll sambönd og samninga sem gerð voru af Sovétríkjunum, þá leysti það einnig upp "gjöf" Crutchevs á Krím til Ukraínu.

Að halda einhverju öðru fram, er bara hrein og beinn nazista áróður.  Og þú ert hafinn yfir slíkt, ekki satt.