Ekki rétt. Sem sagt rangt

Brussel, desember 2016: Reynt að koma vitinu fyrir Evrópusambandið í Brussel

Þetta er ekki rétt. Theresa May forsætisráðherra Bretlands fór til fundar við klessuverk Evrópusambandsins í Brussel og krafðist þess að áður en farið yrði í að semja um útgöngu Bretlands úr Húsi fjötranna í ESB, að þá yrði fyrst gengið frá réttindum þess fólks sem eru Bretar á meginlandinu og svo hins vegar þeirra meginlandsbúa sem eru í Bretlandi. Þessu hafnaði hið ábyrgðarlausa klessuverk Evrópusambandsins algerlega og gaf skít í ábyrgðina. Forsætisráðherra Bretlands var ekki virt viðlits

Theresa May er forsætisráðherra þess lands sem bjargaði meginlandi Evrópu frá síðustu villimennsku þess. Landið er næst stærsta hagkerfið í ESB, mesta og eina herveldi þess og einn stærsti útflutningsmarkaðurinn fyrir lönd þess

En ábyrgðarleysið hefur á ný náð fótfestu og forystu á meginlandinu með tilkomu þeirrar ábyrgðaralausu samkundu sem Bretland er einmitt að yfirgefa: Evrópusambandsins. Þar mun ekki steinn standa yfir steini innan ársins 2045. Sambandið er að rústa Evrópu á ný

Fyrri færsla

Donald J. Trump segir "Deep State" stríð á hendur 

Heilbrigðiskerfið í Brexit-vanda

Athugasemdir

[Pétur D. (IP-tala skráð) 18.3.2017 kl. 22:01]

Það er auðvitað hægt að treysta því að Mogginn vitni aðeins í and-Brexit remoaner-fjölmiðla eins og The Guardian hér og The Independent í öðrum tilvikum.

Sú staðreynd að það er mikil reiði meðal Breta yfir því hversu meginlandsbúar hafi greiðan aðgang að NHS og sligað kerfið á kostnað innfæddra án þess að hafa greitt eitt einasta penny til brezka þjóðfélagsins. En sú frétt myndi aldrei rata á síður Moggans, sem virðist ganga erinda ESB.

[Jós.T. (IP-tala skráð) 19.3.2017 kl. 01:51]

Réttindi þess fólks sem eru Bretar á meginlandinu hverfa við útgöngu Breta úr ESB. Þar er ekki um neitt að semja. ESB hefur ekki efni á því að gefa nokkuð eftir gagnvart Bretum og enga ástæðu til. Það er ekkert vit í því að gefa eftir gagnvart Bretum, ábyrgðarlaust og heimskulegt. Hagstæðast, og eini raunhæfi valkostur ESB, er að gera útgöngu að víti til að varast en ekki valkost. Samningar sem væru Bretum hagstæðir jafngiltu sjálfsmorði fyrir ESB. Líklegra er að Bretar verði aftur orðnir meðlimir 2045 en að ESB leysist upp.

[Bjarne Örn Hansen (IP-tala skráð) 19.3.2017 kl. 04:30]

Öll dagblöð á Íslandi, hafa sokkið í "þvaður".  Þetta eru ekki lengur dagblöð, og engin "rannsóknar blaðamennska" sem á sér stað.  Að þessa "moggann" eða "vísi", er eins og að lesa slúður-dálka blöð, eins og "Se & Hör". Skömm, svo ekki sé meira sagt.

Það er marg ágætt með ESB.  Hugmyndin að baki, var góð ... á meðan þessi hugmynd, var á grísku formi en ekki rómversku.  Fyrir þá, sem hafa vit á því hver munurinn sé.

Brexit, er bæði "gott" og "slæmt".  Gott mál, meðal annars vegna þess að þetta sýnir ESB og öðrum þjóðum, hvað "Union" þýðir.  "slæmt", því þetta mun tvístra ESB, "gott" því það mun myndast kjarni innan ESB ... og bla bla, og bla bla.

Svona má lengi halda áfram ... allir vitum við að Expansion, er eitthvað sem gerist þegar enginn hagvöxtur er.  Þegar hagvöxtur staðnar, þá byrjar "tendence" stórvelda til "expansion".  Þetta hefur virkað vel fyrir Bandaríkin, og Breska heimsveldið lifði "kóngalífi" á þessu lengi.  En nú er bara kominn bobbi í málið, ESB hefur hvorki efni á Expansion, og hagvöstur hér ... er ekki til staðar.

Bretar áttu aldrei heima í ESB ... þeir voru dragbítur á samstarfið, frá fyrsta degi.  Þannig að útganga breta, á hvorki að refsa, né hindra.  Bara gott mál, bæði fyrir breta og ESB.

[Gunnar Rögnvaldsson, 19.3.2017 kl. 07:44]

Þakka ykkur innlitið.

Hér virðist gæta misskilnings. Forsætisráðherra Bretlands bauð Evrópusambandinu samninga um réttindi fólks óháð öðrum málefnum úrsagnarinnar. Að hægt væri að afgreiða það mál fyrst, óháð öllu öðru. Þessu var hafnað. Engan áhuga var að finna á meginlandinu. Því ábyrgðarlausa batterí virðist standa nákvæmlega á sama um sitt fólk.

Það er til marks um firru og fimmtu herdeildar moldvörpugröft ESB-sinna að segja að ekkert sé hér um að semja þegar þeir sjálfir, til dæmis fjármálaráðherra Viðreisnar, Benedikt Jóhannesson, hafa keyrt þá lygaherferð á íslensku þjóðina árum saman, að hægt sé að semja um eitthvað í innlimunarferlinu. Þar er þó vissulega um ekkert að semja.

Bretland er stærsti einstaki útflutningamarkaður Þýskalands, svo þegar til dæmis 1,2 milljón þýskir bílar á ári þurfa að leita sér að nýju heimili í gjaldþrota löndum sambandsins, þá mun hvorki meira né minna en 6 prósent af hagkerfi Þýskalands hverfa, sé þeim ekki fundið nýtt heimili annars staðar.

Bretland þarf mun minna á Evrópusambandinu að halda en sambandið þarf á Bretland að halda. Og Evrópa hefur litla sem enga þörf fyrir Þýskaland.

15 miljarða evra nettógreiðsla Bretlands til fjárlaga Evrópusambandsins er tvöföld sú upphæð sem Frakkland greiðir til ESB á ári. Þessum reikningi þarf nú að koma fyrir í vösum þeirra þjóða sem eru að missa Bretland úr sambandinu.

Kveðjur

[Valdimar Samúelsson, 19.3.2017 kl. 08:18]

Góð grein Gunnar. Ég trúi því að Bretland verði...The Grate Britain again... og að Trump og Therisa May munu vinna vel saman.

Skotar munu jafna sig enda er þetta bara pólítíst rugl hjá þeim þ.e. ESB ruglið en sjálfstæðis löngunin er margra alda gömul og möguleg. 

Ég horfi á nýtt Atlantshafs bandalag með Bretland sem alvöru iðnaðar og herveldi með Noreg sem taka varnir alvarlega svo Ísland,Grænland og Færeyjar sem útverði og fæðuöflunarlönd.   

[Ragnhildur Kolka, 19.3.2017 kl. 13:24]

Nú síðast reyndi geðþóttaskipuð Lávarðadeildin að trufla Brexit-ferlið m.þ.a. gera kröfu um að Bretar tryggðu réttindi ESB-borgara í UK. Hefði það gengið eftir hefði fótunum verið kippt undan samningsstöðu May. Þingið hafnaði þessari kröfu, enda hefði það gengið gegn þeim þjóðarvilja sem kom fram í Brexit kosningunum. Sýnir að breska þingið virðir lýðræðislega ákvörðun fólksins. Sem er nokkuð annað en undirmála "re-election" bellibrögðin sem Evrópusambandið beitir gagnvart vilja kjósendanna.

[Gunnar Rögnvaldsson, 19.3.2017 kl. 14:08]

Að mörgu leyti sammála þér Valdimar.

Já einmitt Ragnhildur, og þakka þér innlitið.

Breski forsætisráðherrann (ábyrgur gagnvart sínum kjósendum) bauðst til að fjarlægja þessa ógn áður en lengra væri haldið. En það hentar Evrópusambandinu (sem er ekki ábyrgt gagnvart neinum og hefur aldrei verið) betur að hafa ógnina til að skáka með, því þeir vita það að þeir sjálfir eru algerlega samviskulausir og því ekki hægt að höfða til samvisku þeirra, en að öðru máli gildir með samvisku forsætisráðherra breskra kjósenda.

Þarna opinberaði ESB veika samningaaðstöðu sína, að þurfa á svona lágkúrulegu kúgunarvopni að halda. 

Já lávarðardeildin reyndi þetta, en frú May hótaði að þingið myndi leggja hana niður ef hún ætlaði að reyna að standa í vegi fyrir fullveldi kjósenda. Gott hjá henni.

Kveðjur

[Gunnar Rögnvaldsson, 19.3.2017 kl. 14:13]

Svo er hægt að bæta því við hér að að þrotum komið bankakerfi Þýskalands þolir ekki að missa Bretland út af  hinum innra markaði. Það myndi ekki þola áfallið, meðal annars vegna þess að það býr við gangslausa mynt.

Þýskaland þolir ekki að missa neitt land út úr fangabúðum Evrópusambandsins sem það sjálft leynt og ljóst stjórnar, án þess að útflutningsdópistar landsins fari í delerium tremens.