Lagt til að Belgía verði þurrkuð út í Evrópusambandinu

Evrópusambandið

Einn mesti stjórnlaga- og stjórnarskrár sérfræðingar þýska stjórnlagadómstólsins í Karlsruhe, prófessor doktor Franz Mayer, segir að þrefalt nei Belgíu við viðskiptasamningi Evrópusambandsins sem Belgía vill ekki gera við Kanada, megi leysa úr á þann hátt að hugtakið Belgía sé strokað út úr samningnum. Þessu greinir þýska dagblaðið Frankfurter Allrameina Skætingur ekki frá, heldur sjálfur hinn þýski stjórnarskrárvefur prófessora og doktora í alheimsstjórnlagafræðum Þýskalands. Varla getur nokkur LSD-framleiðandi lengur keppt við stjórnarskrárdómgreind Evrópusambandsmanna

Svo kallaður samningur þessi var náttúrulega aldrei frá upphafi neinn samningur sem slíkur, heldur kvöð, sem fyrrum ektaherrar Evrópu réttnefndu diktat. Aðildarsamningur Belgíu að ESB er þá orðinn aðhildarleikur Belgíu við alþjóða kommasambands ekki neins nema eins: fimmtu rúgbrauðs-fílharmóníuhersveit Evrópu, eins og allir slíkir "samningar" ávallt verða

Slæmt er að vera Belgía sem hýsir aðalstöðvar starfsmanna Evrópusambandsins sem enga skatta greiða. Ekki er því lengur hægt að tæma ruslatunnur borgaranna sem læðast um borgina Brussel með rusl sitt innanklæða í leit að stað til að henda því á

Belgía hefur framið glæp gegn mannkyni Evrópusambandsins með því að spyrja hvort algerlega nauðsynlegt sé að fórna restum lýðræðisgufunnar í landinu fyrir viðskiptahagsmuni annarra landa. Það er að sjálfsögðu hérna sem landráðaleg hreyfing íslensku ESB-flokkanna finnst að hún eigi fyrst og fremst heima. Mikið hefði Stalín orðið stoltur af þessum umbótum, sem á fagmáli Evrópusambandsins heita e. structural reforms eða Acquis

Bretland: Hættan frá fjármálahruni Evrópusambandsins kortlögð

Breski seðlabankinn hefur með leynd verið að reyna að kortleggja hve stór hætta steðjar að breska fjármálakerfinu frá komandi bankahruni Evrópusambandsins. Þessu greindi Financial Times frá í gær. Ítalía og flaggskip þýskra bankamála, Deutsche Bank, Commerzbank og Landesbank Nord, hristast og skjálfa sem geislavirkir Royalbúðingar á peningagólfi evrunnar, sem sjálf ECB-seðlabankastjórnin hættir sér ekki lengur út á, nema íklædd stultum á snjóþrúgum. Rétt tókst að bjarga Portúgal frá því að lokast úti frá evrukerfinu í síðustu viku, með því að tilkynna "fjárfestum" að eitt frekar óþekkt lánshæfnismatsfyrirtæki hefði ekki enn hent landinu í ruslflokk, eftir að hin almennt þekktu höfðu gert slíkt fyrir nokkru. Portúgalska ríkisstjórnin getur því enn sem komið er gefið út ríkisskuldabréf og sent banka enn á lífi í landinu til að sækja evruseðla út á þau úr peningaprentvélum ECB-seðlabanka evrunnar

Frakkland

Heil 4 prósent Frakka segjast í dag vera ánægðir með störf François Hollande forseta hins fimmta franska lýðveldis

Heimldir: News from 1930 

Fyrri færsla

Skattafjármögnuð þöggun um ESB

Athugasemdir

[Ragnhildur Kolka, 27.10.2016 kl. 11:01]

Love it. Mér þykir þeir lausnamiðaðir þarna hjá þýska stjórlagadómstólnum. Bretar hefðu mátt hugsa út í þetta frekar en bagsa við að virkja þessa 50. grein með öllum þeim höfuðverkjum sem því fylgir.

[Gunnar Rögnvaldsson, 27.10.2016 kl. 14:00]

Þakka þér Ragnhildur.

"We hope that the expectations of civil society as expressed by the (Vallóníu) parliament are finally respected and that democracy is not sacrificed to international finance."

Þetta var það sem þingið sagði. Doktors-lausn þýska stjórnlagafræðingsins er því sú sama og síðast; útþurrkun

Af hverju er bara ekki kveikt í þinghúsbyggingunum Evrópusambandslanda strax?

Lausn Evrópu verður auðvitað sú sama og síðast. Og klukkan tifar. Talið er niður til hinna óhjákvæmilegu afleiðinga fyrir Evrópu af Evrópusambandinu.

Kveðjur

[Eyjólfur Jónsson, 27.10.2016 kl. 14:40]

Gott blogg hjá þér og skrifað á eina sanna mátan sem hægt er að nota í umtali um Evrópusambandið, skopi með alvöruþrunga. Viðurkenni að ég misst af þessu með Portúgal, en þeir fóru afturábak inn í sambandið og þurfa að súpa súrt þessvegna um aldur og æfi.

[Gunnar Rögnvaldsson, 27.10.2016 kl. 16:46]

Þakka þér Eyjólfur

Já portúgalski hagfræðingurinn og blaðamaðurinn Domingos Amaral skrifaði þegar árið 2010 að myntbandalagið er kirkjugarður ríkisstjórna Evrópu.

Hann sagði: "Myntbandalagið er spennitreyja fyrir Portúgal og hagvöxtur landsins hefur aldrei verið eins lélegur hin síðustu 50 ár og undir evrunni. Allt sé orðið of dýrt. Ef það var velmegun og hagsæld sem myntbandalagið átti að leiða af sér þá höfum við uppskorið akkúrat hið gagnstæða", segir hann. "Hrikalegar reglur myntbandalagsins hafa breytt Evrópu í kirkjugarð fyrir ríkisstjórnir. Það er kominn tími til að gera sér grein fyrir því að evran virkar ekki og að það verður að koma breyting. Að yfirgefa myntbandalagið yrði hrikalegt, en það sama gildir ef ekkert er gert. Evran refsar þeim saklausu og lokar á allar útgönguleiðir út úr óförunum."

Kveðjur

[Jón Steinar Ragnarsson, 27.10.2016 kl. 18:44]

Þjöðverjar eiga nú obbann í evrópusambandinu og þrælakistur sambandsins í fyrrverandi austurblokkarlöndum eru þeim góð bubót þar sem viðvarandi læglaunasvæði fyrir iðnað þeirra er við haldið svo að stor hluti þessara þjóða er á vergangi um allt sambandið að leit að betri kjörum til að senda launin heim. Þeir eiga nú flesta innviði viðskipta á spáni, Portugal og Grikklandi og það er engin ætlun að breyta þeirri nýnýæendustefnu.

Evrópusambandið er hannað fyrir Þyska auðhringa og erlenda banka með frjálsum flutningi aflandsaura í hagstæð skattaumhverfi auk frjáls þrælaflutnings milli landa til að gíra niður laun heima jaftnt sem heiman.

Líkindin með nýlenduveldunum gömlu eru svo mikil að það eina sem skortir enn er vopnavaldið. Það kemur þó líklega með kalda vatninu.

Vlessaða fjórfrelsið, blessaða fjórfrelsið, sem gerði syni mina ríka og gerð mig ríkan líka, syngja þeir. :D

[Helgi Jónsson (IP-tala skráð) 28.10.2016 kl. 08:02]

Í þessu máli kemur glögglega í ljós, að allt tal um lýðræðishalla í Evrópusambandinu á ekki við rök að styðjast.

Þarna er um að ræða samning milli Kanada og Evrópusambandsins sem gengur út á nokkurskonar tollfrelsi milli landana en lýðræðið í ESB er það mikið, að lítið fylki í Belgíu segir nei og þar með stoppar málið, lýðræði í sinni björtustu mynd.

Ég sæi fyrir mér ef að Ísland væri í ESB, þá gæti hugsanlega eitthvert sveitarfélag á landinu stoppað af samninga sem landsstjórnin væri hugsanlega að gera.

[Gunnar Rögnvaldsson, 28.10.2016 kl. 08:27]

Þakka þér Helgi

Vallónía er ríki í sambandsríkinu Belgíu. Það er þing þessa ríkis sem sagt hefur nei við Brusselverkinu.

Mér finnst að það ætti frekar að þurrka út það sem þú skrifar hér af píratískri fávisku, heldur en ríkið Vallóníu með sína 3,5 milljón íbúa. Ég leyfi þvaðri þínu þó samt að standa. En þetta var einmitt svona þegar Ísland var undir danska kónginum sem enginn kaus - þá var Ísland ekki það Ísland sem þú núna villt farga með lygasögum og pólitískum spellvirkjum musterisriddara heils fábjánaveldis ESB-flokka. Þú ert greinilega krónískur pírati Helgi

Kveðjur

[Helgi Jónsson (IP-tala skráð) 28.10.2016 kl. 09:17]

Sæll Gunnar og takk fyrir fallegar kveðjur af þinni hálfu, en það er dálítið þannig hjá mörgum bloggurum hér á MBL.IS að ef einhver setur inn athugasemd við það sem viðkomandi bloggari hefur skrifað og athugasemdin er ekki alveg á pari við viðkomandi blogg, þá er viðkomandi yfirleitt kallaður fáviti eða jafnvel ferkantaður leðurhaus.

En hvað um það, ESB hefur margsannað að þar blómstrar lýðræðis ástin sem aldrei fyrr. Það sannast í þessu máli, að nánast engin mál komast áfram í Brussel nema að viðkomandi aðildarríki hafi eitthvað um það að segja. Þess vegna er það svo nauðsynlegt að Ísland gangi hið snarasta í ESB, svo að stjórnvöld þurfi ekki að taka við öllum reglum og skyldum, vegna aðildar að EES,án þess að hafa nokkuð um það að segja.

Staðan er nefnilega þannig, að Ísland er, vegna aðildar að EES, 75% í ESB og þarf þar af leiðandi að taka við allri reglugerð þaðan án þess að hafa nokkuð um það að segja, þess vegna verðum við að klára aðildarviðræðurnar strax, setja samningin í atkvæðagreiðslu og vonandi ganga í ESB, og þá fyrst mun rödd Íslands heyrast á hinu lýðræðiskjörna þingi í Brussel.

[Gunnar Rögnvaldsson, 28.10.2016 kl. 09:44]

Velkominn í næstu holu á golfvelli ósanninda þinna Helgi. Er þing Vallóníu ennþá "eitthvert sveitarfélag" í Belgíu, eða ekki?  hvor er það Helgi? Og er þá sambandsþing Þýskalands komið í þessa sömu holu þína og því hægt að valta yfir það í sömu ferð?

En ég sé að þú ert þegar kominn allslaus í næstu holu á leikvelli ósanninda þinna. Áfram spilar þú póker með fullveldi Íslands með forhertum vilja ESBista.

EES-samningurinn er ekki "næstum því" jafngildi ESB-aðilar. Tollabandalag og viðskiptastefna ESB gagnvart þriðja landi, fiskveiðimálin, þrír fasar myntbandalagsins (EMU) og evran eru aðeins nokkur af þeim málum sem liggja alveg utan EES-samninginn. Frá til dæmis byrjun ársins 2000 og til loka ársins 2009 voru alls 3.119 ný ákvæði, lög- og réttarfarslegar viðbætur settar inn í EES-samninginn. Á sama tíma samþykkti og meðtók ESB 34.733 ný ákvæði, laga- og réttarfarslegar viðbætur og breytingar.

Einungis 8,9 prósent af nýjum ESB-lögum og reglum var sem sagt bætt inn í EES-samninginn. Hann er því ennþá minna en 10 prósent af fullri ESB aðild. 

Engar aðildarviðræður fara fram né geta farið fram frekar en þegar útlendingur sækir um íslenskan ríkisborgararétt. Engar aðildarviðræður Íslands fara fram við hann. Hann er einfaldlega innlimaður og öll lög og reglur íslenska Lýðveldisins varða og gilda fyrir hann, eins og okkur öll.

Lönd sem sækja um í Evrópusambandið eru innlimuð með því að samþykkja 90 þúsund blaðsíðna laga- og regluverk sambandsins. Það er umsóknarlandið sem ætlar að ganga í Evrópusambandið. Það er ekki Evrópusambandið sem ætlar að ganga í umsóknarríkið. Ekki frekar en Ísland ætlar að ganga í neinn umsækjanda um íslenskan ríkisborgararétt.

Þeir stjórnmálamenn og frambjóðendur sem halda því fram að hægt sé að eiga í aðildarviðræðum við Evrópusambandið eru ósannindamenn af verstu sort. Engar aðildarviðræður fara fram, vegna ofangreindra ástæðna. Það eina sem fer fram er innlimun með því að samþykkja 90 þúsund blaðsíðna laga og regluverk Evrópusambandsins og tímaáætlun þar að lútandi. Fundað er um stundaskrá yfir innlimunina og farið er yfir framgang innlimunar, blaðsíu fyrir blaðsíðu. Þegar innlimun er lokið þá er landið komið í Evrópusambandið og Ísland hætt að vera Ísland. Því hefur þá verið umbylt. Þetta er ekki flókið og Evrópusambandið er ekki lýðveldi.

Ríkisútvarpið ohf. fær fé frá okkur almenningi til að upplýsa íslenska þjóð um svona mál. Það hefur Ríkisútvarpið ekki gert. Það hafa ESB-flokkarnir á framfærslu okkar almennings heldur ekki gert. Það gerði heldur ekki Jóhanna Sigurðardóttir forsætisráðherra Samfylkingar. Samt var hún á okkar framfærslu. Það gerði heldur ekki Össur Skarphéðinsson utanríkisráðherra sama flokks. Það gerði heldur ekki Steingrímur J. Sigfússon allsherjarráðherra Vinstri grænna. Það gerði heldur ekki Katrín Jakobsdóttir núverandi formaður Vinstri grænna og gerir ekki enn. Það gerði og gerir heldur ekki stjórnmálaflokkurinn Píratar, sem er á opinberri framfærslu okkar skattgreiðenda. Það gerir heldur ekki stjórnmálaflokkurinn Viðreisn.

Hvenær ætlar þetta fólk og einnig þú að hætta að segja ósatt og svíkja íslensku þjóðina?

Kveðjur

[Helgi Jónsson (IP-tala skráð) 28.10.2016 kl. 10:20]

Innlimun er þegar að ríki sendir hér og yfirtekur ríkið, samanber innlimun Rússa á Krímskaga og innlimun Þjóðverja á Póllandi 1939. Það er pólitískur ómöguleiki að kalla aðildarviðræður innlimun, því ólíkt innlimun Rússa á Krímskaga, þá mun Íslenska þjóðin hafa síðasta orðið eftir aðildarvbiðræður í inngöngu ESB.

[Jón Steinar Ragnarsson, 28.10.2016 kl. 10:46]

Helgi, ef Ér finnst þægilegra að nota orðið,samruni en orðið innlimun fyrir hugtakið intergration, þá er það barara eitthvað tilfinningamál þitt. Það er nákvæmlega sama orð annars og Adolf gamli notaði um "útvíkkun" sína á eigins rassgati forðum.

Ef Etta snýst um orðsyfjar og þýðingar, þá ertu á sömu Orwllísku nótum og Samfylkingin sem þorði ekki að kalla sig sósíalista en kallaði sig félagshyggjufólk í staðinn. Félagshyggja er annars hin beina þýðing á orðinu Socialism.

Þegar riki rennur saman við annað og hættir að vera til. missir allt sjálfræði með 0.06% atkvæðarétt, þá er varla hægt að kalla það annað en innlimun, er það ekki?

[Helgi Jónsson (IP-tala skráð) 28.10.2016 kl. 11:11]

Enska þýðingin á innlimun, er orðið incorporating sem er að mínu mati fallegt orð. En það er alls ekki hægt að kalla það innlimun þegar að heil þjóð samþykkir í, takið eftir, lýðræðislegri þjóðaratkvæðagreiðslu að ganga í eitthvað bandalag. Ég er hinsvegar sammála því að innganga í NATO var innlimun, því að þar guggnaði Bjarni Ben eldri og hans félagar, að spyrja þjóðina, heldur ákváðu upp á sitt eins dæmi að "innlima" þjóðina í NATO.

Ef það er svo Jón og Gunna, að þið eruð hræddir við lýðræðið þá veit ég um flokka sem þið ættuð að halda ykkur við, en þeir heita SjálfstæðisFLokkur og Framsókn. Við hin ætlum að kjósa lýðræðislega flokka sem virða þjóðarvilja

Góðar stundir.

[Helgi Jónsson (IP-tala skráð) 28.10.2016 kl. 12:07]

Ég vil bara benda á, að það er algjörlega nauðsynlegt að útkljá þetta mál í eitt skipti fyrir öll þannig að við séum ekki að rífast um þetta árum og áratugum saman eins og við gerðum með NATO, en það mál eins og við vitum, klauf þjóðina í 2 fylkingar árum og áratugum saman.

Þetta er mjög einfalt í mínum huga og leikreglurnar eru einfaldar, alla vegna fyrir okkur sem elskum og virðum lýðræðið. Fyrst verðum við að kjósa flokka sem virða lýðræðið og þá er hægt að útiloka alla vegna tvo flokka, SjálfstæðisFLokkin og íslensku þjóðfylkinguna, en þessir tveir flokkar eiga meira sameiginlegt en okkur grunar en báðir eiga uppruna sinn í fasisma, meira segja Framsókn hefur núna opnað fyrir hina lýðræðislegu spurningu, villtu halda áfram aðildarviðræðum eða ekki.

Ef okkur farnast sú gæfa að kjósa vinstristjórn þá er fyrsta mál á dagskrá, þjóðaratkvæðagreiðsla um áframhaldandi aðildarviðræður. Ef þjóðinni farnast sú gæfa að segja já, þá halda viðræðurnar áfram eins og frá var horfið og eftir að samningur verður fullbúin og þjóðin búin að kynna sér hann, þá verður önnur þjóðaratkvæðagreiðsla um inngöngu í ESB, einfaldara getur það ekki verið.

Ef þið sem þolið ekki lýðræði, þá vil ég benda ykkur á að drífa ykkur til Rússlands og búa þar, en þó að það eigi að heita lýðræðisríki að þá er það það als ekki, því þar ræður Pútin öllu. Ég veit nefnilega að fólk eins og þið saknið gömlu Sovétríkjanna, það var ykkar drauma ríki þar sem allir voru kúgaðir og meðvirknin og Stokkhólms heilkennið alsráðandi