Nakin staðreynd um "ónýta Ísland" - "landsflóttinn"

Fjölmiðlar, sérstaklega starfandi ruslahrúgur útvarps- og sjónvarpsstöðva sem eru í beinni samkeppni við hrúgur smáfélagsmiðla, hafa verið komandi af fjöllum sínum undanfarið. Þeir hafa verið að "fjalla" um til dæmis "hroðalega þróun" búferlaflutninga eða svo kallaðan "fólksflótta" Íslendinga frá landi sínu. Þessum "fjöllum" er þar oftast og ábyrgðarlaust stillt út í búðarglugga vinstrisins sem: "hér seljum við ónýta Ísland" - gjörið svo vel og borgið við kassa eitt, fyrir ekki neitt

Þessir fjölmiðlar hafa margir lýst ástandinu samkvæmt rógburðarherferð verstu vinstristjórnar og nú síðast pírata um Ísland, bæði hér heima og erlendis. Tilgangurinn er að sundra, tæta, sverta og eyðileggja Ísland sem mest, svo það verði jafn lélegt, tætt, svart og sundrað og allt vinstrið er sjálft. Þannig fær vinstrið þá kjósendur sem það eyðileggur, svo að allt sé þannig smámsaman ESB-samhæft því sjálfu: þ.e. algerlega ónýtt

Graf 1: Þróun búferlaflutninga íslenskra ríkisborgara milli landa 1961-2015. Aðfluttir umfram brottflutta sem hlutfall mannfjöldans (%)

Flutningar Íslendinga á milli landa eru að mestu háðir hagsveiflum hérlendis og einnig að litlum biðstofulegum hluta til erlendis, Norðurlandatengslum, menntamálum og fjölskyldumálum. Þeir eru alls ekki háðir ESB, sem er dauðvona. Þangað flytja því fæstir Íslendingar sem flytjast búferlum erlendis, heldur fossar því miður hingað inn afleiðingunum af því skelfingarástandi sem ríkir í öllu Evrópusambandinu. Oft í formi innstreymandi glæpagengja á vinnu- og glæpamarkaði, sem svo skjóta hér sínum rotnu rótum er skemma hægt og bítandi út frá sér

Graf 2: Íslenskir ríkisborgarar: Þróun aðfluttra umfram brottflutta sett í samhengi við hagsveiflur 1961 - 2015

Tvær meginályktanir er hægt að draga af þessum tveimur myndum:

Eitt: Engar stórar né afgerandi breytingar hafa orðið á tímabilinu 1963 til 2015 umfram þá alþjóðavæðingu sem varð frá árinu 1993 og fram til ársins 2008 og sem núna er byrjuð að hörfa víða um heim. Tvö meiriháttar áföll gengu yfir Ísland á þessu tæplega 60 ára tímabili: a) síldarárin tóku enda og b) bankabólan sprakk. Næst verður það ferðamannabólan sem springur og þá þarf enn á ný aðra stjórnarskrá, nýjan gjaldmiðil, nýjan seðlabankastjóra, nýtt regluverk, nýtt stjórnkerfi, þrjár þjóðaratkvæðagreiðslur og helst eina ólöglega, tvennar þingkosningar og inngöngu í Ástralíu. Þetta er dæmigert líf þjóðar sem er á góðu lífi, en ekki hálf útdauð niður í líkkistum stöðugleika öldrunarhagkerfa ESB. En ég verð þó að segja að barnmörg þjóðin var harðari af sér þegar síldin stoppaði

Tvö: Íslendingar fóru upp úr 1970 að sækja sér meiri menntun erlendis og hafa ólíkt flestum öðrum þjóðum búið við þær örlátu aðstæður að námsmönnum er gert kleift að taka maka sinn og börn með á námsstað. Þetta telur stórt í hagtölunum. Í flestum ESB-löndum getur ungt fólk í námi hvorki stofnað fjölskyldu né eignast börn, fyrr en að námi loknu, ef það er þá svo heppið að fá launaða vinnu fyrir fertugt. Enda eru þau lönd að verða steingeld. Íslendingar ættu alls ekki að fresta barnseignum, það er hroðaleg ávísun á vont líf, bæði fyrir þá, börn þeirra og þjóðfélag. Allra best er að vera mjög ungt foreldri og allra best er að vera barn ungra foreldra. Ellin er fyrir ellina. Og táningamæður eru alltaf miklu betri en engar mæður, sem oft verður reyndin þegar hugleysi skynseminnar vindur sig upp í andhverfu sína á sérfræðiöxli fræðinganna

Þetta vindur upp á sig því hluti þessara námsmanna erlendis skilar sér ekki heim fyrr en löngu síðar, eða jafnvel alls ekki. Fólk eignast sem betur fer börn þó svo það búi erlendis og þegar þau hafa náð vissum aldri, þá er mun erfiðara að rífa þau upp og flytja heim með alla fjölskylduna. Sé beðið of lengi þá þurfa foreldrar oft að bíða þar til börnin sjálfviljug eru flutt að heiman og flytja þá sjálf heim í þeirri von, að börnin fylgi þeim eftir heim til Íslands. Þessi bið eftir rétta tækifærinu til að flytja heim, miðað við aldur barnanna, getur verið mjög erfiður tími fyrir marga foreldra

Íslendingar starfandi í íslenskum fyrirtækjum erlendis

Ég hef ekki getað fundið áreiðanlegar tölur yfir fjölda þeirra. En miðað við umsvif íslenskra fyrirtækja erlendis, þá geri ég ráð fyrir að a) Íslendingar hagi þeim málum svipað og íslenskir námsmenn gera og taki oft maka sína og börn með, sem er ekki venjan þegar um önnur lönd er að ræða. Við Íslendingar erum ættar- og fjölskyldufólk og við erum flest svo heppin að eiga fjölskyldu. B) mitt varfærna mat miðað við t.d. Danmörku er, að 800 til 1500 Íslendingar flytji frá landinu á hverju ári til að sinna íslenskum rekstri á erlendri grund. Til landsins koma þeir oft aftur og þegar illa árar erlendis í rekstri. Þessi fjöldi er ekki að flýja neitt. En hann er inni í tölum Hagstofunnar. Viðreisn og restin af vinstrinu sýnist mér hins vegar kynna þetta fyrir kjósendum sem alvarlegt landflóttavandmál. Þetta var ekki svona í Sovétríkjunum, þar var fólk á förum skotið strax

Útflutningur ESB til Íslands

Stærsta útflutningsvara ESB-landa eru vandamálin sem Evrópusambandið framleiðir og spilling, svindl og glæpir ásamt til dæmis matvælum vottuðum af matvælaeftirliti sem haldið er fram að í 60 prósent tilfella sé á launum hjá matvælaframleiðendunum sjálfum. Sem hafa meðal annars framleitt notaða mótorolíu sem seld var á tímabili til manneldis í Evrópusambandinu (EFSA European Food Safety Authority). Og áróður mútufés, sem fer í að framleiða hollustu "staðreyndir" um ljósritaðan fjölda ólífutrjáa og engu máli skiptandi fitubolluframkallandi pastahollustu, í stað þess matar sem forfeður okkar neyttu og steyttu úr hnefa, ásamt rauðvíni ræktuðu í 60 þúsund tonnum af skordýraeitri, svo maður nefni nú að minnsta kosti eitt fjálglegt "vínhérað" af þeim öllum, fljótandi í ESB-sukki. Svo keppast íslenskir embættismenn við að taka hið ömurlega reglugerðarfargan ESB-loftkastalans af meiri alvöru en mafían sem framleiðir hana handa evrópskum mafíum, nokkru sinni sjálf gerir

Bráðnauðsynlegt er að loka fyrir óheftan foss ESB-vandamála inn í Ísland, því hann getur ekki gengið lengur nema með mjög slæmum og fátæktarframkallandi afleiðingum fyrir alla Íslendinga. Engin þjóð ætti að útrýma sjálfri sér við að aðstoða aðrar þjóðir í vanda. Þá mun hún fljótlega ekkert hafa heiminum að bjóða, nema vandamál. Best færi því á að Evrópusambandið myndi hverfa af yfirborði jarðar á hinn friðsamlega máta, en litlar líkur eru því miður til þess. Það mun taka stóran hluta heimsins með sér sem gísl. Við ættum ekki að gera okkur að gísl. Við þurfum að einangra okkur frá þessu víti sem best

Fari eins og horfir, þá mun holskefla af Íslendginum flýja Evrópu til Íslands á næstu áratugum. Mjög margir munu komast hingað við frekar illan leik, slyppir og snauður eins og ávallt, og skuldum vafðir með rotnandi eignasöfn af óseljanlegum erlendum fasteignum í töskunni. Hvað ætlar fósturjörðin að gera fyrir þann hluta fjölskyldu okkar? Þann hluta sem þarf að flýja ESB. Og hvers vegna er ekki leitað á mið Vestur-Íslendinga þegar svo kallað "vinnuafl" skortir hér heima? Er það kannski of menntað eða þarf það kannski kaup, eða eru engar glæpagengisknúnar ESB-þrælaverslanir í boði þar vestra? Ég spyr?

Hvað er það sem njörvar Ísland niður sem geymslupláss fyrir vandamál Evrópu, sem eru algerlega óleysanleg. Hvað er það sem njörvar land okkar svona niður á þjóðhagslegt tímasprengjubelti Evrópu, sem er svo stórt að það tekur 100 ár að springa. Við erum á Vesturveli jarðar. Evrópa er á Austurhveli jarðar. Hvað er að? Og af hverju erum við að flytja inn svæsna einokunarstarfsemi hins evrópska dreifingarliðs hingað heim í okkar verslanir. Hvað er að? Erum við að lamast. Er komið EES-heilakal í höfuð evrópu-fetishmans hér heima?

Sögulegt framlag Evrópusambandsins til lestrarvandamála

Orðið nei samanstendur af þremur bókstöfum. Þeim er raðað sama á sérstakan hátt. Fyrst kemur bókstafurinn N. Næst kemur bókstafurinn E. Allt orðið neyðist þar með til að enda á þriðja bókstafnum, sem er I. Þetta orð er oftar og oftar reynt að nota í löndum Evrópusambandsins. En vegna þess hve flókið orðið er, þá þarf að endurtaka það að minnsta kosti þrisvar sinnum til að fyrsti og annar bókstafurinn skiljist í stétt embættis- og stjórnmálamanna sambandsins. En til að skilja þriðja bókstafinn, þá er kallað saman til neyðarfunda og gátan leyst í sameiningu að næturlagi. Daginn eftir er haldinn annar fundur, þar sem beðið er um frekari leiðbeiningar. Svona heldur þetta áfram þar til ekki þarf annað en að byrja aftur á fyrsta bókstafnum N. Þetta var markmiðið með stofnun Evrópusambandsins. Að leysa úr vandamálum, en ekki skapa þau. Á fimmtudaginn þarf Belgía því að segja nei í fjórða skiptið. Síðasti bókstafurinn er svona flókinn. Evrópusambandið vinnur því að því að taka allt orðið úr umferð og nýtt orð verður látið gilda í öllu sambandinu. Það er orðið já, sem er aðeins tveir bókstafir. Sömu bókstafir og eru látnir gilda á Evrópuþinginu. Frumvörp framkvæmdastjórnarinnar, sem ein má leggja fram mál, hafa hingað til verðið lögð fram þangað til það kemur já frá þingmönnum. Þetta einfaldar því alla málsmeðferð þingsins og gerir það jafnvel að ónauðsynlegri veggskreytingu á nýja Berlínarmúr sambandsins

Furstadæmin: Og svo er það öll hin meinta "einangrun"

Alþjóða alþjóða einangrunarbúðirnar "ónýta Ísland", eru með í mörgum alþjóða einangrunardeildum sem ekkert virðast virka, ef marka má "ónýta Íslands" klúbbinn, eins og sést. Á listanum eru ekki þær al-al-al-þjóða alþjóðastofnanir sem jafnvel staðsettar eru í ofsaeinangrun hér á Íslandi. Já hér á Íslandi. Hvað gerir alþjóðabylting ónýta kommúnismans í þessu?

• Arctic Council: Norðurskautsráðið
• Australia Group: Ástralíuhópurinn
• BIS: Alþjóðlegi greiðslubankinn
• CBSS: Eystrasaltsráðið 
• CD: Afvopnunarráðstefna S.þ. 
• CE: Merkingar
• EAPC: Evró-Atlantshafssamstarfsráðið
• EBRD: Endurreisnar- og þróunarbanki Evrópu
• EFTA: Fríverslunarsamtök Evrópu
• FAO: Matvæla- og landbúnaðarstofnun S.þ.
• FATF: Fjármálaaðgerðahópurinn
• IAEA: Alþjóðakjarnorkumálastofnunin
• IBRD: Alþjóðabankinn
• ICAO: Alþjóðaflugmálastofnunin
• ICC: Landsnefnd Alþjóðaviðskiptaráðsins
• ICCt: Alþjóðlegi sakamáladómstóllinn
• ICRM: Alþjóða rauði krossinn
• IDA: Alþjóðaframfarastofnunin
• IFAD: Alþjóðalandbúnaðarþróunarsjóðurinn
• IFC: Alþjóðalánastofnunin
• IFRCS: Alþjóðasamband Rauða krossins og Rauða hálfmánans
• IHO: Alþjóðasjómælingastofnunin
• ILO: Alþjóðavinnumálastofnunin
• IMF: Alþjóðagjaldeyrissjóðurinn
• IMO: Alþjóðasiglingamálastofnunin
• IMSO: Alþjóðasamtök um notkun gervihnatta
• Interpol: Alþjóðasamband sakamálalögreglu
• IOC: Alþjóðaólympíunefndin
• IOM: Alþjóðasamtök um fólksflutninga
• IPU: Alþjóðaþingmannasambandið
• ISO: Alþjóðlega staðlastofnunin
• ITSO: Alþjóðastofnun fjarskipta um gervitungl
• ITU: Alþjóðafjarskiptasambandið
• ITUC (NGOs): Alþjóðasamtök verkalýðsfélaga
• MIGA: Fjölþjóðlega fjárfestingarábyrgðarstofnunin
• NATO: Atlantshafsbandalagið
• NC: ?
• NEA: Norður-Atlantshafsfiskveiðinefndin
• NIB: Norræni fjárfestingarbankinn
• NSG: Kjarnbirgjahópurinn
• OAS (áheyrnarfulltrúi) Samtök Ameríkuríkja
• OECD: Efnahags- og framfarastofnunin
• OPCW: Efnavopnastofnunin
• OSCE: Öryggis- og samvinnustofnun Evrópu
• PCA: Alþjóðagerðardómurinn í Haag
• Schengen Convention: Schengen samkomulagið
• UN: Sameinuðu þjóðirnar, S.þ.
• UNCTAD: Viðskipta- og þróunarráðstefna S.þ.
• UNESCO: Menningarmálastofnun S.þ.
• UPU: Alþjóðapóstsambandið
• WCO: Tollasamvinnuráðið
• WHO: Alþjóðaheilbrigðismálastofnunin
• WIPO: Alþjóðahugverkastofnunin
• WMO: Alþjóðaveðurfræðistofnunin
• WTO: Alþjóðaferðamálastofnunin

Fyrri færsla

Hin heimska þjóð pírata

Athugasemdir

[Valdimar Samúelsson, 24.10.2016 kl. 13:10]

Wow... Flott grein hjá þér Gunnar. Talandi um RÚV éh sendi þeim þetta https://youtu.be/0agBtEEYTaY svo þeir hafi það rétt sem Hillarí sjálf segir. Greinin kopíuð og send á Kindilin minn 

[Ragnhildur Kolka, 24.10.2016 kl. 13:34]

Ég segi nú eins og Valdimar, þessa grein á hver maður að eiga tiltæka og lesa reglulega yfir. Í það minnsta hvert sinn sem "Ónýta Ísland" deilir eitri sínu yfir landsmenn.

kærar þakkir, Gunnar

[Rafn Guðmundsson, 24.10.2016 kl. 22:47]

ja - ef þú býrð í ónýtu húsi þá reynir þú að fara annað er það ekki.  ísland er ónýtt í samanburði við þau ríki sem við viljum bera okkur við.  vonandi tekst Viðreisn að laga þetta

[Helga Kristjánsdóttir, 25.10.2016 kl. 00:13]

Ó!Þannig urðu á seinni tímum meiri afföll í menntunar'klakinu; þar sem fyrri kynlóðir fundu leiðina til fyllra lífs og lofuðu guð fyrir þjóðargildin. Dramb er falli næst.  

[Gunnar Rögnvaldsson, 25.10.2016 kl. 14:16]

Kærar þakkir öll fyrri innlitið og góða kveðju til mín

Kveðjur

xD