Frakkland í borgarastyrjöld: á annað hundrað drepnir í gær

Ég votta hér með frönsku þjóðinni mína dýpstu samúð vegna þeirra borgara-styrjaldarárása sem gerðar voru á íbúa landsins í gærkveldi

Barist var á sex eða sjö stöðum í höfuðborg landsins. Mikið af opinberri þjónustu verður lokað frá og með í dag. Fundarfrelsi hefur verið takmarkað og borgarbúum Parísar hefur verið sagt að halda sig heima

Búið er að loka öllum landamærum Frakklands, landherinn hefur verið kallaður út á götur og stræti og neyðarástandi hefur verið lýst yfir. Hætt er við að tala látinna borgara nálgist hátt í 200 manns og særðir eru þeir að minnsta kosti 200. Ekki er vitað um mannfall innan lögreglu né herliðs. Borgararnir berjast einsamir fyrir lífi sínu á götum og samkomustöðum

Ekki er enn vitað til hvers landamærum landsins var lokað, því að áratugum saman hafa þarlend sem önnur ESB yfirvöld er berjast gegn borgurum landsins sagt þeim að slíkt sé algerlega tilgangslaust. Og svo sagt þeim að halda kjafti og kjósa aftur þar til að rétt niðurstaða fengist um ESB-stjórnarskránna, sem dregin var síðan yfir höfuð borgarana algerlega að þeim óspurðum og sem hér sést í verki í allri sinni dýrð úti á götum og strætum landsins

Ef til vill hefur Merkel-keisarinn yfir Evrópu krafist þess að Frakkar lokuðu landamærunum svo að landið myndi ekki eitra út frá sér yfir í grafarþögn hennar um allt sem máli skiptir. Hún og Frakklandsforseti eru eins og nýlátinn Helmut Schmidt, algerlega ólæs á öll pólitísk gildi og hugsjónir og hafa því fyllt Evrópu upp af brjálæði á bæði hinu mannlega andlega og efnahagslega sviði ásamt dísil Kola- og Stáleinokunarkerfis ESB

Þetta er sigmögnun. Og hún hefur fætt af sér nýtt "normal". Svo stigmagnast það nýja normal og enn nýrra normal sem verður hertur horror og nýtt ófrjálst sovét, mun festa sig í sessi og þá er sovétríki ESB Evrópu orðið staðreynd

Vildarvinir borgríkis Pírata, Samfylkingar, Vinstri grænna og Bjartrar "framtíðar" í borgarstjórn Reykjavíkur létu hér til sín taka í París í gær

Öruggasti staðurinn fer að verða í Ísrael. Einungis þar sinnir kjörin ríkisstjórn sínum frumskyldum; að vernda líf, limi og eignir borgaranna

Mikil er samúð mín með frönsku þjóðinni og fórnarlömbum ESB-ismans

Fyrri færsla

Stýrivöxtur ESB er sá að búa stanslaust til nýjar hörmungar

Athugasemdir

[Helga Kristjánsdóttir, 14.11.2015 kl. 11:44]

Loksins er ég nýti mér þessa annars gratís, þjónustu RUV.og ákveð að horfa á mynd í gærkvöldi,þá þurfa þeir að koma frétt fyrir um hryðjuverk.Svefnaus nótt þar með.                            

[Grímur (IP-tala skráð) 14.11.2015 kl. 13:23]

SORG

Ég mun aldrei sætta mig við að lifa einsog fólkið í Ísrael

Þá er bara þetta auma jarðlíf ekki þess virði

[Gunnar Rögnvaldsson, 14.11.2015 kl. 15:43]

Þakka ykkur innlitið

Þessi árás er búin að vera mjög lengi í undirbúningi og af stórum hópi manna. Hún var þaulskipulögð og kom lögreglu og yfirvöldum algerlega í opna skjöldu. Hún krafðist ekki mikillar staðarþekkingar, sambanda né tungumálakunnáttu. Þetta bendir til þess að um nýja óskráða og órannsakaða einstaklinga innan frá í frönsku þjóðfélagi hafi verið um að ræða. Sem gæti bent til þess að þeir hafi komið inn í landið sem nýir hælisleitendur.

Þetta er sú staða sem blasir við löndum Evrópu núna. Þau vita ekki hvað og hver býr innra með þeim. Um 1,5 milljón massa manns er úr að velja.

Slíkt gerist ekki í alvörulöndum, heldur bara í ábyrgðalausum löndum. Löndum sem hætt eru algerlega að bera velferð lífs, lima og eigna borgarana fyrir brjósti sér. Lönd þar sem kjörin yfirvöld hafa brugðist skyldum sínum gagnvart borgurunum. Lönd sem eru brostin. Lönd sem eru að veslast upp.

Kveðjur

[Helga Kristjánsdóttir, 14.11.2015 kl. 17:30]

  Akkurat Gunnar og við einskonar umrenningar sem mótmælum. 

[Gunnar Rögnvaldsson, 14.11.2015 kl. 18:09]

Þakka þér innlitið Helga

Þeir sem áttu að vera yfir-völd í París í gær urðu undir-vald. Voru gerð að athlægi. Urðu undir í baráttunni við hið illa. Og borgararnir sem kusu þá sem eiga að stýra þeim til að halda uppi lögum og reglu í réttarríki, voru drepnir fyrir framan nefið á þeim. Bara slátrað. 

Svo halda menn að kjörin yfir-völd muni bara halda áfram að vera yfirvöld á meðan stanslaust, án afláts og áratugum saman er grafið undan möguleikum þeirra til að vera yfir-valdið. Völdin færð burt frá fólkinu og yfir í súrheysturna ESB-elítunnar til að rotna þar undir hægfara dauðdaga frelsis, lýðræðis og friðar.

Það styttist í að yfirvöld borgaranna verði bara almennt undirvald sem engu er hægt að treysta fyrir. Sem engu máli skipta. Verða aumingjar.

Þetta er óþolandi. Algerlega óþolandi.

Kveðjur