"Hefndaraðgerð" RÚV í París

pravda

Það vakti furðu mína að DDRÚV frá austurberlín Reykjavíkurborgar skírði í gær fjöldamorðin í París sem "hefndaraðgerð". Í því útkíkki DDRÚV til veraldarinnar felst stefnumótandi veraldaráróður í stað fréttamennsku. Ákveðin boðskapsstefna á þessari fréttastofu vinstri manna, en ekki fréttir eins og þær gerast, virðist sem ávallt ráða þeim vellingi sem stofnunin matreiðir ofan í saklaust fólkið sem borgar fyrir fréttaslef hennar út um vinstrið ár eftir ár

Má með sanni segja að þetta sé "öfgafréttamennska"? Líklega má einfaldlega útskýra þetta sem "hefndarfréttamennsku". Lesendur geta svo spáð í á hverju og hverjum DDRÚV er að hefna sín í þetta skiptið

Gyðingafjölskyldan sem átti Bataclan leikhúsið í París þar til fyrir nokkrum mánuðum síðan, á samkvæmt "hefndaraðgerðar" boðskap DDRÚV, líklega ekki von á neinu góðu. En þar inni var 89 manns slátrað. Veit ég fyrir víst að registratúr Parísarborgar vinnur það hægt að hér heima yrði vinnuhraða hans varla fagnað

Voru fasteignaeiganda-upplýsingarnar einfaldlega óuppfærðar? Það er ekki vitað. En DDRÚV segir að þetta sé hefnd. Þá hlýtur það að vera sannleikurinn sjálfur. Áhorfendur geta ekki hefnt sín. En það getur DDRÚV

/pravda

Ég vara því Íslendinga við ættbálkastríði DDRÚV gegn þeim. Ekki treysta því um of

En þið eigið heldur ekki að treysta mér, nema að ykkur sýnist svo. Og það vitið þið. Ég rek ekki fréttastofu á ríkisfjárlögum á kostnað skattgreiðenda. Ég rek hér skoðanir mínar og þær eru mínar skoðanir. Og þær eru engan veginn hlutlausar. Þær eru mín pólitíska skoðun. Og pólitík er pólitík en ekki fréttamennska, nema að hluta til. Inni á milli geta þó verið sæmilega fréttalegir góðmolar. Og þið þurfið ekki að borga neitt. Og hér þarf heldur enginn að skrá sig inn á neitt innra-net útlensks auglýsingafyrirtækis. Þetta er bara hið frjálsa og opna Internet. Hvorki meira né minna. Ekki aflokað innra-net of margra hallærislegra stjórnmálamanna á opinberum launum og sem alfarið er í eigu útlendinga. Just the Internet

- The Hypertext Transfer Protocol (HTTP)

Fyrri færsla

Frakkland í borgarastyrjöld: á annað hundrað drepnir í gær

Athugasemdir

[Gunnar Rögnvaldsson, 15.11.2015 kl. 09:20]

Smá:

Rauters segir frá því að ráðherra í Grikklandi hafi staðfest að sýrlenskt vegabréf sem tilheyrði einum fjöldamorðingjanna í París staðfesti hans megin að fjöldamorðinginn hafi komist fyrir tilstilli ESB reglna inn í ESB í Grikklandi og farið þaðan, ásamt hundruðum þúsunda annarra "flóttamanna" upp meginlandið til morða sinna í París - fyrir auðvitað tilstilli reglna ESB

Einnig er sagt frá því að annar grunaður fjöldamorðingi hafi komið sömu ESB-leiðina inn í ESB að borgurunum á götum Parísarborgar til að myrða þá samkvæmt reglum ESB.

Krækja: Holder of Syrian passport found near Paris gunman crossed Greece

------------------

Berlingske Tidende keyrir í dag pistilinn: Konan sem eyðilagði Evrópu (Angela Merkel)

[Gunnar Rögnvaldsson, 15.11.2015 kl. 09:36]

.

"A Greek police source said the passport's owner was a young man who had arrived in Leros on a small vessel from Turkey with a group of 69 refugees and had his fingerprints taken by Greek officials."

Reynist það rétt að fjöldamorðingjar hafi komist að fórnarlömbum sínum sem "flóttamenn", þá vaknar sú spurning hvort að hægt verði að ákæra Angelu Merkel frá DDR og sem nú er kanslari Þýskalands, fyrir að stuðla að fjöldamorðum af gáleysi, aumingjaskap eða heimsku í opinberu starfi. Eða öllu þrennu samtímis.

Slík vanræksla á sér líklega engan sinn líka í veröldinni, reynist það rétt að fjöldamorðingjarnir hafi verið "flóttamenn" en hins vegar ekki verið það.

.

.

[Gunnar Rögnvaldsson, 15.11.2015 kl. 10:25]

Í ofannefndri grein geðlæknisins Henrik Day Poulsen á Berlingske kemur fram að 102 manna þýska þorpið Sumte hafi fengið skipun í tölvupósti frá ríkisstjórninni um að þetta litla þorp ætti að taka á móti eitt þúsund "flóttamönnum" (1000).

Allt líf fólks í þessu þorpi er þar með lagt í rúst. Allar fasteignir borgarana eru á einu augnabliki gerðar óseljanlegar og einskis virði.

Nýjustu fregnir herma að Þjóðverjar séu að missta traustið á fjölmiðlum landsins vegna þess að blöð, tímarit, útvarp og sjónvarp hafi afbakað veruleikann og dregið upp falska og pólitískt afvegaleiðandi mynd af því sem er að gerast.

Þetta er að verða mun meira vantraust en þýskir fjölmiðlar eiga að venjast, og búa þeir þó við hlutfallslega miklar vinsældir eldra fólks sökum þess hve gamaldags fjölmiðlun er í landinu miðað við mörg önnur lönd. Ungt fólk er hætt að lesa, hlusta og horfa á þessa fjölmiðla og það neitar að taka þátt í stjórnmálum með því að kjósa ekki. Það fyrirlítur stjórnmálin í landinu og þá sem þau reka. En ungt fólk er bara svo fámennt í landinu sökum geldingar samfélagsins. Þar er meira en helmingur kjósenda 60 ára og eldri.

[Hrólfur Þ Hraundal, 15.11.2015 kl. 10:38]

Ágæt á vaktinni hér Gunnar Rögnvaldsson.

Ég var því miður á ferðalagi í gær og fram á nótt, um þjóðveginna okkar.

Heyrði ég því lítið í þjóðarútvarpinu, en Þó heyrði ég í nokkrum leiðtogum þjóðarinnar sem Jesúsuðu sig og vöruðu okkur landa sína við hatursumræðu.  Hatursumræðu? 

Hafi hér verið í gangi einhver hatursumræða þá hefur hún farið fram hjá mér.   Hinsvegar þá hafa menn af skinsemi sinni fundið út að lög og reglur þær sem standa í hinni  heilögu bók múhameðstrúarmanna eða íslamista, samrýmist ekki Íslenskum lögum. 

Þar með hafa sumir og þar með ég talið eðlilegt að þetta fólk hyrfi héðan á braut með bók sína eða hafnaði kenningum hennar ella.        

[Gunnar Rögnvaldsson, 15.11.2015 kl. 10:59]

Þakka þér innlitið Hrólfur.

Hér er leiðrétting, svo ég verði ekki hengdur. Klaufaleg formúlering sem hægt er að misskilja.

"Einnig er sagt frá því að annar grunaður fjöldamorðingi hafi komið sömu ESB-leiðina inn í ESB að borgurunum á götum Parísarborgar til að myrða þá samkvæmt reglum ESB."

Það átti náttúrlega að standa:

Einnig er sagt frá því að annar grunaður fjöldamorðingi hafi komið sömu ESB-leiðina inn í ESB að borgurunum á götum Parísarborgar til að myrða þá. Komið inn samkvæmt reglum ESB. 

Reglurnar um áframhaldið frá Grikklandi voru hins vegar þverbrotnar með einræðisherralegu ráðríki og yfirgagnssemi kanslara Þýskalands, Angelu Merkel. Þ.e.  "Konunni sem eyðilagði Evrópu", samkvæmt greininni í Berlingske.

Kveðjur

[Jón Valur Jensson, 15.11.2015 kl. 15:16]

Haltu endilega áfram með margar fræðandi greinarnar, Gunnar, um Evrópusambandið og þessi mál.

Athyglisverð hugtök hjá þér, sem ég held að smellpassi:

"Fréttaslef" Rúv og "hefndarféttamennska." Svei mér þá, ef þetta eru ekki orð að sönnu!

[Gunnar Rögnvaldsson, 15.11.2015 kl. 23:42]

Þakka þér sömuleiðis Jón Valur.

Kveðjur