Núllin í nýju sovétbandaríkjum Evrópu: Pútín hlær alla leiðina í bankann

Þegar keisaraveldi Evrópu rákust saman og kveiktu elda heimsstyrjaldar árið 1914, þá gerðist þetta:

Hinn sundurtætti jarðvegur meginlandsins varð sú glóðvolga gróðurmold sem ól af sér nasismann. Hann og hugmyndastefnur sem honum líkjast geta aldrei þrifist í sterku þjóðríki. Þýskaland nasimans var ekki þjóðríki. Það var rústir keisaravelda í upplausn, hafði ekkert með þjóðríkið að gera en hins vegar allt með stjórnleysi og upplausn að gera (anarki). Ríki stjórnleysis náði völdum í rústum keisaraheimsvelda

Nasisminn er sú útgáfa kommúnismans þar sem fólkið sjálft og stjórnmál þess eru þjóðnýtt. Álíka andlýðræðisleg öfl ófrelsis þrífast alltaf best í rústum keisara- og sovétvelda. Rústir þeirra eru gróðurmold einræðis þessara afla. Þar verða til sovétríki og hin þriðju ríki fortíðar og nútíðar

Það er ýtrasti þvættingur að stofnun Evrópusambandsins á meginlandinu, undir vafningi hinna fyrstu þriggja til sex ríkja þess, hafi nokkurn tíma komið eitthvað að varðveislu friðar í Evrópu að gera. Ekkert er fremur fjarri sanni. Evrópusambandið er einungis gamli 1871-þráðurinn frá því fyrir 1914 tekinn og spunninn upp á ný, þar sem bæði Þýskaland og Frakkland sjá sig komast til vegs og virðingar á ný í heiminum - í flóknu samspili á öxli Lotharinga - á kostnað annarra

Í Evrópusambandinu hafa sjálf stjórnmálin þegar verið þjóðnýtt. Restin kemur af sjálfu sér, eins og sést

Bandaríska þjóðríkið og borgunarmaður NATO lítur eftir meginlandi taparanna - og heldur á samfellt 70. ári siglingarleiðum útflutnings þess á Kyrrahafi opnum með USPACFLT

Fyrri færsla

Úr ösku Sóvétríkjanna yfir í elda Evrópusambandsins

Athugasemdir

[Helga Kristjánsdóttir, 25.9.2015 kl. 14:55]

 Óhrekjanlegur sannleikur svo vel skrásettur.  

[Gunnar Rögnvaldsson, 25.9.2015 kl. 21:26]

Þakka þér Helga

Þjóðnýting stjórnmála á meginlandi Evrópu mun verða hert og hert og hert enn frekar því meira sem meginlandið dettur í sundur, hrörnar og rifnar í tætlur vegna einmitt sjálfrar tilvistar Evrópusambandsins. Meira ESB og meira ESB verður þá lækningin sem á að laga þann eurosclerosis sem sambandið sjálft veldur á sjálfu sér. 

Enginn er ábyrgur og svona mun þetta rúlla áfram og svo gott sem hindrunarlaust inn í svartnætti ESB hönnunarverksins

Kveðjur