Innrásin okkar inn í Grikkóslóvakíu

Eins og þið hafið heyrt hundrað sinnum, þá skiptir Grikkland okkur engu máli. Það er aðeins tvö prósent af evrusovéti okkar - evrugjaldþrotasvæðinu. Skiptir bara engu máli

Þetta hafa umboðslausar gangster-einingar Evrópusambands-stjórnmála með seðlabanka í vasanum sagt við umheiminn nú árum saman. Þessi Eurostrasse elítuelement úr reykfylltum bakherberjum undir forsæti forpokaðs atvinnulygara, hafa sagt þetta margoft og ítrekað

Ellibelgurinn Þýskaland ræðir því málin um þetta Grikkland sem engu máli skiptir, kvöld eftir kvöld, árum saman, í hjólastóla-stúdíóum ARD og ZDF, svo að fröken traktorfører Angela maur Merkel geti nú eftir intensíft áhorf tekið ákvörðum um hvað hún á að hugsa og segja er hún mætir á dráttarvél sinni í vinnuna við það sem engu máli skiptir, eftir 20 daga ferðalag með herfið á eftir sér á milli bygginga, sem engu máli skipta, ef ekki væri fyrir gorkúlu fjarvistarsönnunargagnið ESB, gegn því að þurfa að vera bara fyrrverandi fyrrverandi af öllu því fyrrverandi sem yfir höfuð er hægt að vera. Án þessa gjaldþrotasvæðis væri hún og Þýskaland minna en ekkert

Þess vegna skiptir innrás okkar í formi evrunnar inn í Grikkland engu máli, ekki satt?

Tvö prósent hafa jú aldrei skipt okkur Þjóðverja neinu máli. Við erum svo heimsþekktir fyrir að kunna ekki að reikna, ja

Dönitz mynt Evrópusambandsins er hættulegur rekaviður

Fyrri færsla

ESB-fréttir: Peningaskömmtun tekin upp á evrusvæðinu

Athugasemdir

[Gunnar Heiðarsson, 3.7.2015 kl. 10:20]

Vandi evruríkjanna, allra annarra en Þýskalands, opinberst kannski best í þessum tveim myndum. Þar sést kannski best hvað skeði við upptöku evrunnar og nánast sama hvaða evruríki er borið saman við Þýkaland, myndin verður alltaf eins, eða verri.

Sótt á síðu http://tradingeconomics.com/

[Gunnar Heiðarsson, 3.7.2015 kl. 10:22]

[Eggert Sigurbergsson, 3.7.2015 kl. 11:31]

Man ekki eftir lögeyrishöftum á Íslandi. Ríki sem getur ekki prentað eigin gjaldmiðil, þarf að setja á lögeyrishöft og skuldar 170% af landsframleiðslu hlýtur að vera í alveg ofboðslega slæmum málum.

[Gunnar Rögnvaldsson, 4.7.2015 kl. 01:46]

Þakka ykkur fyrir.

Já Gunnar, mikið rétt, þetta er einkenni á vonlausri upphafs-stöðu er myntbandalagið var stofnað og sem aldrei mun batna á meðan það lifir.

Það væri heldur ekki mannúðarlega æskilegt að þessi staða batni á meðan löndin eru í innbyrðis læstu gengisfyrirkomulagi, því það myndi þýða það sem er að gerast í Grikklandi núna og að forsendurnar fyrir batanum væru alrangar og perversar. Jafn alrangar og perversar og upphafsstaðan var röng innbyrðis á milli þessara ríkja er þau létu handjárna sig við mynt Þýskalands og Frakklands.

Já Eggert, mikið rétt, við eigum okkar eigin lögeyrir af því að við erum fullvalda ríki og þetta mund aldrei gerast hér á meðan við erum með okkar eigin sjálfstæðu mynt. Við erum fullalda í peningamálum. Þökk fyrir það.

Kveðjur

[Halldór Egill Guðnason, 4.7.2015 kl. 01:53]

Lemgi lifi KRÓNAN! Hibb hibb....húrra! húrra!, húrra!, húrra og sjálfstæðipð okkar.

Góðar stundir, með kveðjum að sunnan.