Barnaveikin og bólusetningar og þjóðnýting

Þegar ég las fréttina hér að neðan um viðbrögð foreldra þessa barns sem tekið hefur barnaveiki, sem vegna fyrirbyggjandi bólusetninga hefur verið óþekkt í 30 ár, þá datt mér í hug þvælan hér á landi um svo kallaða “þjóðareign”

Þegar sjávarútvegurinn smitast af barnaveiki þeirra sem svífast einskis í falsáróðri sínum um “arð af auðlindinni” - þá munu þeir eins og foreldrar þessa barns gera sér ljóst hvað þeir eru að missa, er sjávarútvegurinn skaffar þeim og landinu okkar ekki lengur það og þá velmegun sem hann arðbær hefur gert og slegið heimsmet í þeim efnum handa þjóðinni

Þá munu þessir þjóðareignar-afglapar kenna hvor öðrum um og sjóða af bræði. En aldrei munu þeir sjálfir axla neina ábyrgð. Það gera sósíalistar yfirleitt ekki

Þá mun krafan um að þvæla þeirra (tapið) verði sömuleiðis sett í þjóðareign verða öskruð fram af hinum sömu sósíalistum, sem því miður eru krónískt veikir af hinum banvæna sjúkdómi; sozialismus

Krækja

Fyrsta barna­veikitil­fellið í tæp 30 ár

Fyrri færsla

Spurningatími um sósíalisma og ESB

Svikin af andmælendum bólusetninga

Athugasemdir

[Snorri Hansson, 8.6.2015 kl. 02:19]

Er það ekki alveg furðulegt, að stórum hluta almennings finnst það aðal BÖL  þjóðarinnar, að sjáfarútvegsfyrirtæki eru að skila góðum hagnaði ? (Helv. kvikindin,og gróða pungar !.Við eigum þetta.)

Og að það valdi reiði að gegn 10 kr. veiðigjaldi á kg. fái skipin að veiða Makríl í 6 ár , Svo fremi að hann mætir á svæðið.  Ég hafði haldið að það væri  ein af mestu gæfu þjóðar að fyrirtæki grundvallar atvinnuvega skili hagnaði. Sé í mikilli uppbyggingu, borgi há laun, borgi háa skatta og veiðigjöld , styrki  góð málefni í öllu héraðinu t.d. Íþróttastarf og æskulíðsstarf.

 Nei slíkt fyrirtæki  t.d. Samherji  er stór liður í Bölinu stóra.