Ísland af lista yfir umsóknarríki að ragnarökum Evrópu

MORGUNBLAÐIÐ 29. MAÍ 2015:

 Krækja: Ísland af lista yfir umsóknarríki.

****

Hefðu Samfylkingarflokkar sósíalismans ráðið ferðinni hér eins og í svo gott sem ónýtum teppasprengdum löndum Evrópusambandsins —sem þeir skilvirkt og stanslaust hafa eyðilagt hin síðustu 45 ár— þá hefði það lið umfram allt annað, já allt annað, kosið að allir Íslendingar segðu sig úr þjóðríkinu Íslandi til þess eins að ryðja blessað landið okkar autt og frelsislega gerilsneyða það til þess eins að gera Ísland að esb-grafreit frelsis og velmegunar

Svo ömurleg eru þau esb-sósíalistískt pólitísku öfl. Ekkert eyðileggingarafl eins og Samfylkingarafl sólsíalistanna hefur verið eins sterkt og innanfrá eyðileggjandi í sögu Evrópu eins og þetta Evrópusamband sósíalistanna er. Og sem lifir á því að eyðileggja alla Evrópu eins og hún hefir NÚ lagt sig til hinstu hvílu undir fargi banvæns ESB-sósíalisma þeirra. Stendur álfan nú esb-húðflett og bíður endalokanna. Allir björgunarbátar aðildarlandanna hafa verið gerðir upptækir og brenndir

Á meginlandi álfunnar er þetta samband nú óvinsælla meðal alls almennings en það var á Stóra-Bretlandi árið 2007. En ekkert geta borgararnir þar gert. Lýðræði er ekki lengur til á meginlandinu í eiginlegri merkingu þess orðs. Einræðið er hins vegar orðið ríkjandi í formi esb-gervilýðræðis undir fjár- og reglugerðarkúgunum

Mottó Samfylkingarafla sósíalismans er þetta: “Ég skal svíkja þjóð mína ef þú ESB firrir mig ábyrgð gagnvart kjósendum mínum í staðinn. Þá mun ég geta setið fastar í sessi og án ábyrgðar ofan á kjósendum mínum. Þegar ég hef smám saman selt og gefið burt fullveldi þjóðarinnar, þá mun ég geta sagt við kjósendur mína; sorry, sem þjóðkjörinn fulltrúi ykkar neyðist ég til að segja við ykkur að þetta er því miður ekki hægt, því þetta er ekki lengur á okkar höndum"

"Þetta "þetta" er komið yfir til Brusselveldisins og þeir ráða öllu um “þetta”, væni minn"

Þannig get ég sem liðleskja, stjórnmálalegur undirförull fölsungur og dagsdaglegur hug- og getuleysingi, setið áfram og enn fastar sem klístruð klessa á háum opinberum launum ofan á kjósendum". Sem þá eru orðnir eins konar einkaþrælar valdaelítu ESB sem enga ábyrgð ber gagnvart kjósendum. Er elítan þar með orðin eins konar sósíaldemókratískt nomen-klessu-klattúru-fílter á milli einræðisformsins og gervilýðræðis

Það er svona sem elítuvætt Evrópusambandið hefur risið upp til raunverulegra valda með svörtum og hvítum lygum og falsi stjórnmálastéttarinnar í ESB. Evrópusambandið er í engu sambandi við fólkið. Það er einungis vel launuð stóðelíta á leið til hins erfðafræðilega einræðis valdastrúktúrs meginlands Evrópu

Til fjandans með þetta hyski allt og ESB-afglapastjórnarfar þess

Næst er það EES-samningurinn. Hann verður að fara. Í því ferli þarf að endurmóta hinn alþjóðlega viðskipta- og utanríkisþátt lýðveldisins og senda laga- og reglugjörðina í K-25 ormahreinsun. Engin þörf er á EES lengur. Engin. Sá samningur gerir okkur meira ógagn en gagn og hann er finnskt skaðlegur til framtíðar

Fyrri færsla

Sífellt kaldara veðurfar síðustu þrjá áratugi

Ísland af lista yfir umsóknarríki

Athugasemdir

[Hrólfur Þ Hraundal, 30.5.2015 kl. 07:56]

Hvar er þetta Ginungagap sem norrænir sæfarar fundu aldrei?  Þeir fundu bara önnur lönd og töldu þess vegna að þessi stórisvelgur væri handan þeirra.

Það sem þeir vissu ekki og gátu ekki vitað, var vegna þess að þeirra tíðar mönnum hafði ekki hugkvæmst að það var undan skut og því opnaðist  þetta ágæta Ginungagap ekki þá tíminn var þeirra og Evrópa fékk að þróast með sínum sérkennum lengi eftir þeirra daga.

Að vísu þurftu ungir menn frá Bandaríkjunum að koma og bjarga Evrópumönnum frá sjálfum sér í tvígang, en það er nú ekkert til að þakka fyrir, því ritvélsmiðirnir fundu hlemminn yfir Ginungagapinu  og fengu til liðs við sig rauðvíns marineraða hernaðar þjóð sem aldrei hefur sigrað í nokkru stríði og er því mjög stolt.

Ritvélasmiðirnir og rauðvínsmarineraða hernaðar þjóðin tóku svo í sameiningu hlemminn af Ginungagapinu og jaðarlönd Evrópu sogast að niðurfallinu og þar lendir allt á gullpönnunni og hisminu er hent en gullið ratar til síns heima þar sem það hangir með sínar ritvélar á snaga utan á Putin,fest með gasi svo hænunni verði ekki kallt.

Sem betur fer fyrir ritvélasmiðina þá hefur hernaðarþjóðin ótapsára líka spena sem hægt er að mjólka.      

[Ásthildur Cesil Þórðardóttir, 30.5.2015 kl. 10:32]

Það sátu hjá mér í gærkveldi þýskir vinir mínir, vel menntað fólk og vel að sér í öllum málum, þau óskuðu Íslandi til hamingju með að hafa sloppið úr klónum á ESB.  Maðurinn hefur verið að reyna að aðstoða smærri fyrirtæki í sínu landi til að fá að vera með í baráttunni, en hann segir að allt sé gert til að drepa niður minni fyrirtæki og þjóna þeim stærri og sterkari.  Þetta sé eintóm skriffinnska og já hann sagði vitleysisgangur. 

[Gunnar Rögnvaldsson, 30.5.2015 kl. 12:06]

Þakka ykkur fyrir innlit og skrif.

Já. Austur-Þýskaland kom örmagna og gjaldþrota undan fyrstu kynslóð áætlunarbúskaparkerfis Evrópu, ríkiskommúnismanum.

Austur-Þýskaland leit þá á Vestur-Þýskaland sem bjargvætt. Þar átti að finna gull og græna skóga.

En múrinn féll samt ekki austur á bóginn. Því miður. Hann féll mest vestur um og yfir.

Eftir sem svarar til tæplega einnar billjónar Bandaríkjadala í sveitaómagahjálp frá hinu stóra og nú fyrrum ríka Vestur-Þýskalandi þar sem borgararnir hafa ekki lengur efni á rafmagni, er Austur-Þýskaland ennþá hryllingur. Eymd og volæði eru þar enn steypt djúpt niður í steypustyrktan jarðveg kommúnista sem byggðu þar ríki sitt á rústum vopnaðrar en misheppnaðrar fyrstu sameiningar Evrópu. Mynt Austur-Þýskalands er evra. Nei, þetta er ekki brandari.

Því næst þrammaði restin af Sovétríkjunum, nema Rússland, gjaldþrota yfir brostna múrinn - sem féll Vestur um og yfir - inn í Evrópusambandið AG. Þetta voru gjaldþrota löndin tíu sem gengu í pakkann.

Þetta er ESB. Því meiri fátækt sem kemur þar inn, því betra, segir esb-elítan. Því þannig getur elítan rústað Evrópu og byggt upp sín nýju ESB-sovétríki - þar sem 10-ára áætlanir eru að sjálfsögðu teknar fram yfir hinar lágkúrlegu 5-ára áætlanir Kremlargengisins.

Og já svo kemur auðvitað gasið og bjargar þessu Hrólfur. Gasið maður!

Kveðjur

[Jóhann Elíasson, 30.5.2015 kl. 13:14]

Já, flestir eru farnir að sjá hvers konar fyrirbæri ESB er og kannski sést það best á auknu fylgi við sjálfstæði frá ESB innan aðildarríkja þess.

[Ómar Ragnarsson, 31.5.2015 kl. 00:56]

Ekki er það björgulegt ef ESB er orðið meira eyðileggingarafl en nasisminn og fasisminn voru með sína heimmsstyrjöld og helför Gyðinga. . 

Ein smá leiðrétting: Hægri flokkar eru víðast við völd í ríkjum ESB.

Af ofangreindum pistli má ráða að Danmörk, Svíþjóð og Finnland séu í rústum. Þokkalegt það.  

[Gunnar Rögnvaldsson, 31.5.2015 kl. 07:45]

Þakka þér innlitið og skrif Ómar.

Nasisminn var og er sósíalismi. Bæði kommúnismi og nasismi eru sósíalismi. Og þessi stjórnmálastefna- og pólitísk hreyfing hatar þjóðríkið sem verandi sú fremsta manngæskuberandi stofnun veraldarsögunnar sem hún er og hefur staðið mannkyninu til boða.

Alveg sérstaklega er þjóðríkið sem stofnun hatað af sósíalistum vegna þess að koncept þjóðríkisins kemur úr Gamla testamentinu; Biblíunni.

Þetta sést einnig ágætlega á sósíalistunum hér á Íslandi sem alltaf hafa hatað þjóðríkið sem manngæskuberandi stofnun.

Fremst á dagskrá morðóðra sósíalista ríkisstjórnar Adolfs Hitlers var að útrýma þjóðríkjunum og að bakka Þýskalandi burt af leið þess inn í þjóðríkið og aftur út í heimsveldið (Imperial state). Svipað má segja um morðóða sósíalistana í Kreml. Þeir hötuðu einnig þjóðríkið.

Og já, Helförin var sósíalista-skipulagt morð á heilli varnarlausri þjóð og hún er sönnun þess hvað verður um þjóðir án ríkis. Þjóðir án heimils.

Hefði hið sósíalisíska morðgengi Nasista sigrað í styrjöld þess gegn frelsi mannanna þá hefði ríki þeirra orðið nákvæmlega eins og Austur-Þýskaland kommúnistanna varð. Terrorríki. Svona er sósíalisminn. 

Það er skrautlegt og ber vitneskju um naivisma að þú skulir halda því fram að kjörin stjórnmálaöfl í löndum Evrópusambandsins séu og sitji þar við einhver völd. Það eru þau ekki. Það er Evrópusambandið sem er þar við völd.

Um lítið sem ekkert er að kjósa af því sem svo miklu máli skiptir í tilveru þjóðanna í ESB. Flest hefur verið tekið frá þeim og flutt fyrir til ókjörins Evrópusambands sem varð sjálfstætt yfirríki yfir aðildarlöndunum frá og með 1. nóvember 1993. Markmið Evrópusambandsins er að útrýma þjóðríkjunum. Hinn sami sósíalistíski draumur eins og áður er um getið.

Til að ESB geti loksins komið út úr skápnum sem fullvalda einræðisríki og heimsveldi með gervilýðræði, þá er eins og er, stanslaust verið að dæla fullveldinu hægt og rólega úr aðildarríkjunum og yfir í yfirríki Evrópusambandsins sem þá verður bæði fullvalda OG sjálfstætt ríki.

Já segja má að Finnland, Svíþjóð og Danmörk séu í rústum. Framtíðin og sjálfsákvörðunarrétturinn hefur verið tekinn frá þeim. Þau eru tæmd undir-ríki. Enda sést það langt að.

Ef fólkið hefði vitað hvernig Evrópusambandið yrði árið 2015, þá hefði ekkert þessara þriggja ríkja gengið í þetta yfirríki ESB. Ekkert þessara ríkja hefði gengið í Evrópusambandið í dag, væri verið að kjósa um það núna og væri fólki sagt hvernig ESB í raun er innréttað. Þetta sést ákfaflega vel hér heima, þar sem t.d. þú veist of lítið og jafnvel ekkert um ESB. En væri þér sagður sannleikurinn um ESB, þá myndir þú neita að trúa honum eins og aðrir ESB-trúandi sósíalistar.

Og svo til að króna kransakökuna hefur þetta ógeð stofnað sovéskt þing sem kallast Evrópuþingið. Þar sitja 75 prósent sósíalistar sem gúmmístimplar framkvæmdastjórnarinnar sem er hroðalegt gengi og það sem sjálfur formaður framkvæmdastjórnarinnar er yfirlýstur atvinnumaður í lygum og fasli.

Evrusvæði ESB er nú versta efnahagssvæði veraldar. Og öll framtíð Evrópusambandsins er svo kolsvört að segja má að þar sé engin framtíð og ennfremur að engin viðreisn geti átt sér þar stað. ESB er komið beyond point of return og ekkert mun geta bjargað því.

Kveðjur

[Gunnar Rögnvaldsson, 31.5.2015 kl. 08:15]

Birti svar mitt til Ómars sem bloggfærslu:

Spurningatíminn: Helferð ESB gegn þjóðríkjum Evrópu