Sífellt kaldara veðurfar síðustu þrjá áratugi

Vísindi og veðurfar 

Síðustu þrjá áratugi hefur þróun veðurfarsins í gufuhvolfi Jarðar verið þannig —já, veðrið er víst staðsett þar, en ekki í hausnum á fólki— að vísindamenn velta fyrir sér hvort að ný ísöld sé í smíðum hér á Jörðinni. Flökt veðurfarsins hefur verið þannig

Þykknun hafíss við Ísland er staðreynd sem enginn vísindamaður getur litið framhjá. Vísbendingar um þessa skuggalegu þróun má sjá víða, til dæmis á flótta dýrategunda suður á bóginn

"The trend shows no indication of reversing. Climatological Cassandras are becoming increasingly apprehensive, for the weather aberrations they are studying may be the harbinger of another ice age [..] Telltale signs are everywhere—from the unexpected persistence and thickness of pack ice in the waters around Iceland to the southward migration of a warmth-loving creature like the armadillo from the Midwest. Since the 1940s the mean global temperature has dropped about 2.7° F"

Hitastig hefur fallið um 1,5 gráðu frá 1940. Þess ber þó að geta að sú mæling er ei nákvæm, en þróunin er studd af fjölda annarra sannfærandi gagna

Hrikalegir þurrkar í Afríku í samfellt sex ár og hungursneyðar sem afleiðingar, tala sínu máli. Stórfelldar metrigningar í hlutum Bandaríkjanna, Pakistan og Japan 1972 ullu þar verstu flóðum öldum saman. Í hveitibelti Kanada hafa köld og úrkomusöm vor valdið afar lélegri uppskeru. Hið venjulega vætusama Bretland hefur hins vegar mátt þola óvenjulega þurrkakafla síðustu vorin. Og röð óvenjulega kaldra vetra hefur verið í austustu hlutum Bandaríkjanna

Jörð í Afríku?

Þá vitum við það. Ný ísöld er að koma. Hvernig ætla stjórnvöld að bregðast við þessu? Umhverfið er greinilega að umhverfast. Vonandi umhverfist fólk ekki með því. Verða það kannski fjölmiðlar einir sem grípa hér í taumana?

Fréttin er nýleg í veðursögunni og vísindi eru jú vísindi. Menn verða að muna það

Krækja: Frétt tímaritsins Time

Fyrri færsla

Þrælabúð ASÍ

Athugasemdir

[Gunnar Rögnvaldsson, 28.5.2015 kl. 18:49]

Var að hugsa aðeins.

Gerir nokkuð til að þessi á heimsvísu vísindafréttagreinin í Time sem vitnað er í, er frá 24. júní 1974.

Aðeins sekúndubrot er liðið síðan þá, miðað við lengd veðursögu nýrri tíma.

Það þurfti til dæmis að aflýsa flugi til Gjögurs í Árneshreppi í dag vegna snjókomu og dimmviðris. Og í dag er fimmtudagurinn 28. maí 2015.

Já já, þetta passar allt saman bara upp á hár. Vísindi eru jú vísindi. Við siglum inn í nýja ísöld. Tralla la la.

[Gunnar Rögnvaldsson, 28.5.2015 kl. 19:01]

Hugsaði aðeins meira. 

En svo kom auðvitað gat á ózonlagið skömmu eftir 1974. Það lag var lengi vel spilað.

En núna höfum við jú Internetið; bit-torrent veðurafla Jarðar - og náttúrlega meira hámenntað fólk og á betri kjörum. Þetta kemur, þetta kemur.....

[Jóhann Elíasson, 28.5.2015 kl. 21:41]

Já þessi "hlýnun" er eitthvað stórskrýtið fyrirbæri.

[Gunnar Rögnvaldsson, 28.5.2015 kl. 22:25]

Já, Jóhann, þetta er eins og þeir sögðu; "engar horfur á að þessi þróun snúi af þessari braut" - vísindanna. 

Kveðjur

[Snorri Hansson, 29.5.2015 kl. 02:53]

Ég hef þá skoðun að það sé tóm della að taka  mark á því þótt einhver fá ár séu heitari  eða kaldari en árin í kring.

það á að horfa á meðaltal 100 ára þegar velt sé fyrir sér hvort veðurfar sé raunverulega að  hitna eða kólna. Það eru sífeldar sveiflur í veðurfari og verða það áfram.  Endalausar upphrópanir „atvinnumanna“ valda  taugaveiklun.

[Jonas Kr (IP-tala skráð) 29.5.2015 kl. 08:50]

Getur þú stutt þessi gögn með einhverjum öðrum gögnum? Þessar tölur stemma ekki við td. http://climate.nasa.gov/vital-signs/global-temperature/ 1940 var hitinn 0,07° en 1974 -0,07°. Þetta þýðir að hitin hefur lækkað um 0,14° en ekki 1,5°

[Gunnar Rögnvaldsson, 29.5.2015 kl. 09:44]

Síminn hjá Time Magazine árið 1974 var hvað? Ef þú finnur númerið Jónas, þá skaltu spyrja símafélagið hvort þeir geti stutt númerið og svo blaðið um hvort þeir geti stutt það sem þeir skrifuðu.

Hver segir að gögn séu gögn? Hvaða gögn? Gagn og gaman kannski? Gagnast gögn? Gangagögn? Það er enginn hér á jörðinni sem hefur absalút gögn yfir neitt sem varðar veðurfar. Það er mikill misskilningur ef menn halda það.

Og trend er ekki hægt að tala um því engin gögn ná svo langt. Hægt er kannski að tala um sveiflur á milli í mesta lagi nokkurra áratuga. Restin er hystería og miðilsfundir. Veður er ekki gengisskráning.

Kveðjur