Bíddu, er þetta ekki sjálfur áður-utanríkisráðherrann?

Frétt Mbl.: "Fórn­ar­lömb sjúks fjár­mála­kerf­is" (2. mars 2015 eKr.)

"Nei nei, við erum ekk­ert á þeirri leið"

Sem sagt: Eigum ekkert erindi þarna inn núna! Bíddu er þetta ekki sjálfur áður utanríkisráðherrann sem nú segir að Lýðveldið Ísland eigi ekkert erindi inn í Evrópusambandið, eins og sambandið er. Þetta er alveg makalaust. Þriggja þrepa ráðherrann gerir sér allt í einu ljóst að þegar maður er ekki heimilisfastur inni í púðurtunnu að þá er hægt að segja að maður eigi ekkert erindi þangað inn. Hvað skyldi annað útbrunnið þrep ráðherrans hafa sagt ef svo hörmulega hefði viljað til —og fyrir hans tilstuðlan— að Lýðveldið Ísland væri nú þegar heimilisfast inni í púðurtunnunni Evrópusambandið. Hvað hefði þá síðasta þrep ráðherrans sagt? Auðvitað hefði hann þá ekki sagt neitt og krafist þess að eyðilegging Lýðveldisins héldi viðstöðulaust áfram, svo að skattfrjálsar stöður ESB-elítu landsins kæmust ekki í uppnám. Jarmað ESB-sönginn áfram hvað sem það kostaði

Íslensku þjóðinni hefur af fyrrverandi og núverandi ráðherrum aldrei verið sagt frá því að Evrópusambandsaðild er óafturkræf sjálfseyðandi sporbrautarganga um sorpeyðingarstöð fullveldis og lýðræðis þar til að Lýðveldið Ísland er algerlega brennt upp til agna. En nú hrópar hann mamma mamma, ég orðinn bensínlaus!

Sósíalistískt gáfumannaveldi Evrópusambandsmanna á borð við þann sem hér kemur grenjandi upp úr rústum Evrópusambandsins og sem keimlíkt marx-lenínistum kennir "alþjóðlega fjármálakerfinu" (eftir hrun lesist: "vondum spekúlöntum") um, er vægast sagt aumkvunarverð tilraun til handaþvottar við vask númer eitt, tvö og þrjú í röð lyga um tollabandalagið fræga sem allt í einu á við "stjórnmálakreppu" að glíma. Hafið þið áður séð tollabandalag sem skyndilega hefur öðlast svo mikið eigið líf að það á allt í einu við "stjórnmálakreppu" að stríða? Nei það hafið þið ekki séð, því allt átti þar að vera svo "ópólitískt" og svo skinheilagt að jafnvel ókjörinn yfirstjórnmálamaður sambandsins, sjálfur seðlabankastjóri ECB-sogrörsseðlabanka Þýskalands, átti bara að vera "reglubundinn embættismaður", þ.e. bara eins konar "aðalritari vorsins" í pakkhúsi ESB

Evrópusambandið er ekki tollabandalag eins og reynt hefur verið að ljúga að þjóðinni og það er heldur ekki Evrópusamband. Það er einfaldlega þjóðríkisbanandi elítuveldi, ófriðarbandalag og stjórnlaus samkunda afglapa á háum launum

Það var Evrópusambandið sem eyðilagði til dæmis Landesbankakerfi Þýskalands. Og það var Evrópusambandið sem eyðilagði sanna verðlagningu og mat áhættu (risk premiums & risk spreads) í fjármálakerfum evrulanda. ESB heimtaði að öll ríki sambandsins fengju sömu vaxtakjör og sættu sama áhættumati. Það var meðal annars sagður sjálfur tilgangur myntbandalagsins

Evrópusambandið eyðilagði einnig Maastricht sáttmálann —sem það upp á punt skrifaði og markaðsfærði sem eins konar heilaga ritningu til að blekkja almenning og alþjóðlega fjármálamarkaði— með því að smygla áhættutöku einkageirans yfir á herðar skattgreiðenda. Byssu var síðan troðið upp í kjaftinn á evrulöndum og þeim skipað að sprengja þjóðfélög sín í loft upp til að bjarga þeirri fjármálabólu sem Brusselveldisklíkan bjó til og sem Myntbandalag Evrópuelíta nefnist, sjálfri evrunni, sjálfum Frankenstein fjármála í ESB

Er nú þetta allt sprungið sem stærsta fjármálabóla veraldarsögunnar framan í borgarna undir níunda rúgbrauðs tröllverki Evrópusambandsins. Það voru stjórnmálaembættismenn sambandsins sem bjuggu þetta viðrini og drápsvél velmegunar til með ERM og EMU. Slefið úr þessum fyrirbærum þeirra yfir Evrópu má rekja allar götur aftur til ársins 1977 og ostapólitíkur. Er evrusvæðið nú sem afleiðing þessa, hið versta efnahagsvæði veraldar og á sér litla sem enga framtíðarvon

Að fjármálamarkaðir hafi trúað lygunum sem flutu út úr aðalstöðvum Helgels Í Brussel er grátlegt. Þeir hefðu aldrei átt að lána þessu viðrini einn túkall með gati. Aldrei átt að trúa neinu því sem kom úr munni ESB-tölubana Brusselveldisins

Bandaríkin eru ekki í fullveldisáhættu eins og ríki Evrópusambandsins algerlega að þeim óspurðum eru höfnuð í. Í Bandaríkjunum er einungis tekist á í hefðbundnum átakastjórnmálum eins og alltaf hefur þar verið gert og kosningar í þeim eru virtar og völdin með glæsileika afhent næstu þjóðkjörnum fulltrúum bandarísku þjóðarinnar (transition of power). Í Bandaríkjum Norður-Ameríku hafa stjórnmál (politic) ekki verið þjóðnýtt eins og í Evrópusambandinu. Myntin Bandaríkjadalur er heldur ekki kirkjugarður ríkisstjórna, eins og evrusvæðið er

Trylltur, ofsafenginn og lygum varðaður áróður sósíalistaskjaldborgar ESB-lýðskrumara, er það sem hrjáir Evrópu í dag. Þetta ferðalag mun enda sem svo ömurlegt meginland taparanna, að það mun aldrei nokkru sinni eiga sér viðreisnar von. Evrópusambandið hefur drepið Evrópu og tendrað elda í veröldinni

Næsti kafli Jóns Baldvins, eftir hlé, mun svo fjalla um hvernig meira Evrópusamband (more Europe) á að bjarga Evrópu frá Evrópusambandinu. Hann mun heita; "bygging eldmúrs Evrópusambandsins gegn hagsæld og friði í allri álfunni", gjörið svo vel

Og svo var okkur að lokum sagt að gengju Eystrasaltslöndin bara í ESB og tækju upp evru, að þá væri þar ekki lengur neitt að óttast. Að þá gætu allir andað léttara. En hvað sjáum við í dag? Þarna hýrast menn ósjálfbjarga inni í hreysinu ESB og pissa evrum í leigðar og botnlausar buxur sambandsins

Ekkert er jafn eyðileggjandi fyrir frið og hagsæld í löndum eins og tilvist ríkis innan ríkisins. Evrópusambandið er sú hreina terpentína sem notuð er til að leysa ríkjaskipan þjóða upp. Sambandið og rotin heimspeki þess er einn mesti ófriðarvaldur sem heimurinn hefur séð öldum saman. Hvorki meira né minna. Evrópusambandið er eins og Brusselútgáfan af ISIS, en samt ennþá án hreinræktaðra morða. Það er Ríki í ríkinu sem brýtur niður ríkjaskipan veraldar; sjálfur óstöðugleikinn fullbúinn. Evrópusambandið er ein hættulegasta hugmynd veraldarsögunnar. Og eins og áður, eru krónískir sósíalistar því afskaplega hrifnir af henni. Á hvaða leið skyldi Jón Baldvin vera?

Fyrri færsla

Öryggismál borgarana

 

Athugasemdir

[Gunnar Rögnvaldsson, 4.3.2015 kl. 00:04]

Fréttir úr ESB

- miðvikudagur, 4. mars 2015 00:00:53

Austurríska fylkið Carinthia stendur nú á barmi ríkisgjaldþrots. Í því fylki eru aðalstöðvar stórbankans Hypo Alpe Adria, sem fór undir leiðsögn og stjórn ESB-stjórnmálamanna í útrás austur og niður Balkanskaga. Samstarfsaðilar Hypo Alpe Adria voru vel vopnaðir því þeir voru vopnasalar.

Fyrrverandi fylkisstjóri Carinthia herra govenor Jörg Heider (lést skyndilega) notaði til dæmis bankann til að sinna olíuviðskiptum fylkisins við einræðisherra Líbýu. En svo byrjuðu töpin að hrannast upp frá og með árinu 2006.

Keyptu því stjórnmálamenn þýska fylkisins Bæjaraland undir Bayern Landesbank LB, snöggvast þennan austurríska banka árið 2007, þegar tap hans var orðið of stórt til að bera fyrir skattgreiðendanautgripi Austurríkis. Það vantaði fleiri skattgreiðendanaut.

Var bankinn því þjóðnýttur þegar árið 2009 og hafa þrír af sex kerfislega mikilvægum bönkum hins austurríska kústaskáps fyrir kvenpening landsins, verið þjóðnýttir.

Stofnuð var svo af ESB, undir yfirstjórn ECB-sogrörsseðlabankastjóra Þýskalands ofan í önnur evrulönd, ruslatunnan Heta til að halda utanum 11 miljarða geislavirkan úrgang þessa fyrirmyndabanka stjórnmálamanna Austurríkis og Þýskalands.

Austurríska fylkið Carinthia gekk auðvitað í ábyrgð fyrir mestum hluta þessa úrgangs hinna sjöllu bankastjórnmálamanna Evrópusambandsins.

Yfir helgina uppgötvaði svo ríkisstjórn Austurríkis gat í botni hins vel vopnaða og frábæra eignasafns Heta.

Gat það er svo stórt að það mun krefjast þess að ríkisstjórn landsins sprauti ofan í það 7,6 miljörðum evra til viðbótar.

Lítur nú svo út að því verði neitað, og að eitt allsherjar gjaldþrot muni besta á lánadrottnum. Og er þar auðvitað fyrstur í röðinni fylkisbankasúpa Bæjaralands, með tveggja miljarða evru skuldbindinu.

Hafa nú hin þýsumælandi fyrirmyndarstjórnvöld evrulandanna hafið rifrildi sín á milli. Og er það víst engin smásmíði.

Fróðlegt verður að fylgjast með þessum innanhússmálum hins þýska móralska rannsóknarréttar yfir Evrópu.

Ef ég þekki mína menn rétt, mun ekkert bankakerfi Evrópulanda vera eins morkið að innan eins og það þýska.

Því mun Þýskaland gera allt til að geta áfram haldið ruslahrúgum þess leyndum frá þýskum almenningi. Þeir munu gera allt og jafnvel brenna heil löndin af í þeim tilgangi einum.

==================

Þið munið ef til vill eftir 15. desember 2009:

Ríkisbanki eins evru-ríkis þjóðnýttur af evru-ríkinu í öðru evru-ríki

og jafnvel einnig 9. mars 2010:

Gjaldeyrishöft innleidd á evrusvæði

[Gunnar Rögnvaldsson, 4.3.2015 kl. 01:22]

Ja hérna!

Samþætting fjármálageira og stjórnmálaelíta Evrópusambandsins er hér að verki. Í heil 10 ár hefur bara þessi eina heita kartafla í einu potthorni fjármálageira evrusvæðis verið að sjóða. Hún mun fá að sjóða áfram því að í Evrópusambandinu eru svona mál aldrei leyst, því enginn ber þar ábyrgð á neinu. Dósinni er bara sparkað lengra og lengra niður veginn til heljar.

Feluleikurinn er því eini "resolution mekanismi og winding-up company" evruyfirvalda, hver sem þau svo þykjast vera en eru bara ekki.

Bankakerfi evrulanda eru nefnilega algerlega gangandi gjaldþrota beinagrindur og mun þeim verða haldið dauðum-gangandi þar til að þau hafa algerlega kyrkt öll hagkerfi evrulanda fyrir fullt og allt. The show must go on.

Ekki er því skrítið að evruyfirvöld hafi frestað þeim álagsprófum sem áttu að fara fram á þessu ári. Þeim mun verða frestað þar til að Luftwaffe verður orðinn ákjósanlega heimatilbúinn til notkunar sem innheimtustofnun Þýskalands, sem er með fullkomlega ónýtt bankakerfi í maganum á stjórnvöldum landsins, og sem hvers ríkisstjórn er rekin sem utanþings klessuverk gegn borgurum landsins.

Þetta mun taka tíma, en kemur þó. Stóri hvellur Evrópusambandsins mun koma --munið: minn tími mun koma-- veröldinni til hroðalegrar skelfingar.

Enn er þó mögulegt að breiða yfir þetta með til dæmis sýndar-styrjaldarástandi og þar af leiddum neyðarlögum og diktats.

Blása því ESB-yfirvöld af öllum krafti í glæðurnar í Úkraínu. Kannski tekst þeim þetta. Kannski og kannski ekki. Hver veit.

[Gunnar Rögnvaldsson, 4.3.2015 kl. 03:13]

Já.

Í hvaða fleiri stjórnmálagjörninga pólitíkusa Þýskalands og Austurríkis bankinn Hypo Alpe Adria var notaður, á kannski og kannski ekki eftir að koma í ljós og fyrir auglit almennings. Bæjaraland sagði í gær að Austurríki væri nú þjóðargjaldþrota. Ekki veit ég hvort þeir eiga við allt ríkið eða fylkið í sambandsríkinu, sem gildir einu fyrir lánadrottna er nú líta nýjum augum á þetta reglulega banka stjórnmálafyrirbæri í Evrópusambandinu sem af ESB var þvingað út á alþjóðlega fjármálamarkaði; þvingað til útrásar.

Lánasöfn Heta sem að mestu eru austur-evrópsk fasteignalán, fasteignir og fasteignaveð ásamt ef til vill ýmsu öðru, höfðu rotnað svo mikið á milli heimsókna endurskoðenda í þrotabúið að nýja gatið er stærra en allir þeir peningar sem stjórnmálamenn Þýskalands og Austurríkis hafa þegar mokað inn í kjarnakljúf sinn í bankanum.

Verðmat lánasafna bankans hefur gefið svo rækilega hratt undan að ótrúlegt er. Endurspeglar það ástandið.

Fylkisríkisstjórn Bæjaralands Þýskalands á Bayern Landesbank LB. Erwin Huber formaður þýska stjórnmálaflokksins CSU sem var fjármálaráðherra Bayern-fylkis sat sem stjórnarformaður í Bayren Landesbank þegar stjórnmálaknúinn bankinn árið 2007 réðst í að kaupa 50,01 prósent hlut í stjórnmálaknúnum Hypo Alpe Adria bankanum í Austurríki, sem frá árinu 2000 til ársins 2008 tókst að þenja útlánabækur bankans út frá 5,4 miljörðum upp í rúmlega 43 miljarða evra útá ríkisábyrgð Carinthiafylkis í sambandsíkinu Austurríki.

[Snorri Hansson, 11.3.2015 kl. 03:03]

Ég las þessa grein (geri það stundum) og hnaut um setninguna:

„ESB heimtaði að öll ríki sambandsins fengju sömu vaxtakjör og sættu sama áhættumati.“

Ef þessi setning var í gildi árin fyrir hrun þá hlítur hún að skíra megnið af öllum fjármálalegum

óförum landa ESB.  Ég hef nefnilega stundum spurt mig í huganum : Af hverju voru Þýskir bankar að ausa  öllu þessu lánsfé í þjóðir sem voru með svo veikan fjárhag.?

Ég talaði fyrir nokkrum árum við persónu sem tilkynnti mér að hann væri orðin harðákveðinn í

að styðja inngöngu Íslands í ESB, eftir að hann  fór til Írlands og „sá að ESB hafði endur byggt vegakerfi landssins með þvílíkum bravör að hann átti ekki orð“ Hann er enn þessarar skoðunar. En ég er nokkuð viss um að flestir írar hafa áttað sig á að sambandið gefur ekki neit. Vegirnir og annað gott var allt gert fyrir fé tekið að láni. Án þess að hafa efni á því, ofan á bankahrunið hjá þeim .

Við höfum um nokkur ár heyrt upptalningar á fjárhagslega hrundum löndum eins og : Grikkland, Ítalía, Spánn,Portugal, Írland og Frakkland jafnvel Belgía. En ef botninn er að detta úr Austurýki, þá fer nú aldeilis að hrikta í. Lánatapinu verður örugglega dembt á  almenning og sjá sig í hópi  þeirra fyrirlitu.

Gagnkvæmt viðskiptabann við Rússa hlítur einnig að koma mjög illa við fjárhag ESB landa í  viðbót við allt.