Evrusvæðið: Kreppan mesta

Flestir þekkja Kreppuna miklu. Hún var skelfileg. Landsframleiðslan hrundi massíft og atvinnuleysi varð óbærilegt. Kreppan mikla hófst árið 1931 með gjaldþroti austurríska bankans Kredtitanstalt. Það gjaldþrot reyndist eins og að bjargi væri kastað í stöðuvatn hins alþjóðlega fjármálakerfis. Öldurnar breiddu úr sér og kaffærðu þá sem fyrir þeim urðu

Yfirstandandi kreppa á evrusvæðinu er þó orðin verri og skaðlegri en Kreppan mikla var fyrir meginland Evrópu. Þá kreppu, segir Brad DeLong, ætti því að kalla sínu rétta nafni: Kreppuna mestu

Hrun landsframleiðslunnar á evrusvæðinu er orðið stærra en í Kreppunni miklu 1931. Núverandi kreppa á meginlandi Evrópu skal því heita Kreppan mesta. Atvinnuleysið hefur náð þeim hæðum að það eitt myndi nægja til að koma nýjum Hitler til valda á meginlandi Evrópu

Það er tilvist evrunnar sem hefur slegið Evrópu svona meðvitundarlausa. Og hörmungarnar í Evrópu eiga eftir að versna og versna um mörg, mörg ókomin ár

Nú eru líkurnar á upplausn evrunnar meiri en þær voru fyrir tveim árum. Miklu meiri

Fyrir Finnland hefur upptaka evru nú haft þá þýðingu að landið er siglt í strand. Er svo komið að Finnland glímir nú við þá verstu kreppu sem hægt er að fletta upp í sögubókunum. Hún er verri en 1931 og verri en 1992. Íslendingar ættu því að biðja fyrir Finnum. Stýrivaxtahækkun seðlabanka Bandaríkjanna á næsta ári gæti ein og sér hæglega riðið evrusvæðinu til heljar

Hvers vegna er aðildarumsókn íslenska lýðveldisins að helvíti meginlands Evrópu ennþá lifandi? Hugsa menn ekkert! Er ríkisstjórninni alveg sama um lánshæfnismat ríkissjóðs og vaxtakjör í landinu? Lánshæfnismatið myndi styrkjast og erlend vaxtakör batna við það eitt að draga umsóknina strax til baka

Látið umheiminn þannig vita að við ætlum ekki að kála lýðveldinu né lýðræðinu. Að við trúum á okkur sjálf og að þingkosningar á Íslandi séu virtar. Að við séum ekki fífl

Lars Christensen: Great, Greater, Greatest – Three Finnish Depressions

Fyrri færsla

Skattaskjól ríkisstarfsmanna, ESB og myntbandalags þess 

Athugasemdir

[Ragnhildur Kolka, 17.11.2014 kl. 14:37]

Rétt hjá þér Gunnar, útlitið er svart. Sá að Cameron var að benda á rauð ljós á mælaborðinu í TElegraph og í Gardian var hann að benda á að aukning starfa í UK væri meiri en á öllu evrusvæðinu samanlagt. Evrusvæðið er ekki að gera sig eins og krakkarnir segja og ekki batnar það þegar kreppu tal berst líka frá Japan.

[Gunnar Rögnvaldsson, 17.11.2014 kl. 21:21]

Þakka þér kærlega fyrir innlit og innskot þitt Ragnhildur

Kveðjur

[Gunnar Heiðarsson, 17.11.2014 kl. 21:30]

Evran er í frjálsu falli gagnvart dollar, en engum fréttamiðli á Íslandi þykir ástæða til að nefna það.

[Helga Kristjánsdóttir, 19.11.2014 kl. 05:47]

Skynja ákveðnari andúð á Esb. í mínu nánasta"umdæmi"mér til mikllar ánægju. Verðum að halda áfram að sanna á RÚV.hlutleysisbrot.

[Gunnar Rögnvaldsson, 19.11.2014 kl. 18:51]

Þakka ykkur Gunnar og Helga fyrir innlitið

Kveðjur