Skattaskjól ríkisstarfsmanna, ESB og myntbandalags þess

Í Danmörku hafa dönsk yfirvöld hafið málarekstur gegn yfirmönnum danskra skattayfirvalda (skattechefer) fyrir yfirgengilegar innheimtuaðferðir, sem líkjast ólöglegum innheimtu- og málsaðferðum hins gráa og svarta heims hálf- og heilsteyptra glæpa (d. bøllemetoder og forvaltningsmæssig ulovlig disposition)

Þetta rímar óneitanlega afar illa við atkvæðakaupa-bókartitil Anders Fogh Rasmussen 1993; "Fra socialstat til minimalstat" sem nú er orðið að gegnheilu MAXIMAL-STAT og sem Danir sjálfir kalla DDR-Light. Þar hafa það allir járnvilja-gott, því allir vita að enginn möguleiki er á að nokkuð geti nokkru sinni aftur orðið gott. Eins og var í real-DDR

Það kostar embættismenn skattayfirvalda aldrei neitt að hefja byssurnar á loft og skjóta á borgara og fyrirtæki út í loftið, því ríkissjóður borgaranna borgar fyrir vopnahald þeirra og skotfæri. Skjóti skattamenn hins opinbera saklaust fólk svo úr þeim verði öryrkjar og gjaldþrota fyrirtæki, þá er það bara ergilegt og skothríðin er hert. Dómstólar eru því kaffærðir með glataðri og jafnvel vel af vitandi fyrirfram tapaðri skothríð skattayfirvalda á borgarana

Dönsk skattayfirvöld eru þekkt fyrir DDR-njósnir sínar um borgara í konungsdæminu og ferðir þeirra erlendis. Og fyrir að liggja til dæmis í leyni fyrir utan hýbýli og vakta hvort sá sem sagður er vera sofandi hjá þarbúandi sé nú örugglega sá hinn sami sem stendur fyrir svefni í þeim samkeyrandi tölvusamstæðukerfum sem standa skattayfirvöldum frítt ráðstafað til meðal annars misnotkunar, sbr. málið um bøllemetoder hér að ofan. Tölvusamstæðu-kerfum hins opinbera, sem samkvæmt nýjustu fréttum, láku árum saman kennitöluupplýsingum tvö til þrjú hundruð þúsund Dana út yfir hinn stóra heim veraldar. Embættis- og stjórnmálamenn höfðu áratugum saman fullvissað Dani um að slíkt myndi aldrei geta gerst

Þegar ríkissjóða- og einkageira fjármálakreppan skall á evrusvæðinu varð kanslara Þýskalands —Angelu Merkel frá DDR— á sú atkvæðakaupandi opinberandi aðgerð, að flokka stórhertogadæmið Lúxemborg sem "ólöglegt skattaskjól". Úr vondu var að ráða, því helsti yfirmaður stýripinna evrunnar (the eu-eurogroup) var sjálfur Jean-Claude Juncker skattaskjóls-forsætisráðherra stórhertogadæmisins, sem er samanbrunnin- og samrunnin fyrirmynd Evrópusambandsins alls

Úr þessu hefur nú verið bætt með því að gera Jean-Claude Juncker þáverandi stýripinna evruhrópsins og samtímis forsætisráðherra hins ólöglega skattaskjóls, að nýjum yfirforingja Evrópusambandsins. Hann er því orðinn framkvæmdastjóri Evrópusambandsins AG - og einnig vegna þess hversu góður hann er í lygum

Faldir lífeyrissjóðir starfsmanna Evrópusambandsins í skattaskjóli stórhertogadæmis Lúxemborgar voru því á sínum tíma óhultir á meðan ESB-meðlimir þeirra lágu —og liggja kannski enn— ósjálfbjarga á framfærslu skattgreiðenda úr ríkissjóðum heimalanda sinna, á sama tíma og þeir þáðu steinþegjandi skattfrjálsar greiðslur úr földu skattaskjóli ESB-landa í Lúxemborg

Skattaráðgjafar eru stór-stétt í landi hins nýja Móralska Rannsóknarréttar Þýskalands yfir Evrópu. Það eru þeir, því þess er krafist, vegna þess að skattakerfi Þýskalands er svo über-flókið að yfirvöld verða að nota endurunnið DDR-kerfið svo að framlag þeirrar stóru starfsstéttar skili áfram minna en núlli til landsframleiðslunnar. Á endanum verða þannig ríki jafn gjaldþrota og hið real DDR varð undir steinsteypukommúnismaaustri Austur-Þýskalands upp úr borgunum

Lengi getur vont versnað, eða svona eins og í sjötíu samfelld sovét- og hundrað Kúbuár, þar sem öngvir peningar borgaranna geta orðið til. Mál er leyst

Fyrri færsla

Moody's: Súper-öldrun Evrópu

Tengt

Þýskaland felur skuldbindingar ríkissjóðs í skattaskjólum