RÚV, Evrópusambandið, Ísland og Ísrael

 —fyrsta, annað og þriðja ríkið— 

Af hverju er Ríkisútvarpinu sem kallar sig RÚV svona illa við Ísraelsríki? Jú vegna þess að RÚV er því sem næst orðið eins konar útvarps-turnaður stjórnmálaflokkur Evrópusambandsista. Þetta helst hönd í hönd. Að vera illa við þjóðríkið Ísrael og að dýrka Evrópusambandið. Helsti niðurrífandi fjandmaður Ísraelsríkis á veraldarvísu er Evrópusambandið og allt sem því sterklega er tengt

En Evrópusambandið sjálft er því miður einungis lagfærður framhaldsdraumur Adolfs Hitlers um þriðja ríkið. Vissuð þið það ekki. Hann, herr Hitler, sá um að Þýskaland bakkaði út úr leið þess yfir til þjóðríkis. Hann bakkaði Þýskalandi út úr þjóðríkinu til að geta endurreist gamla veldið; the Imperial Reich. Það var tilgangur þriðja ríkisins

Hann bakkaði því út úr leið þess yfir til þjóðríkis til þess að geta koma þriðja ríkinu á sem framhaldi. En framhald á hverju? Jú, eins og sumir muna var fyrsta ríkið meðal annars heimsveldi Karlamagnúsar og á endanum heimsveldi Habsborgara en snérist mestan hluta tíma þess um kjarna sinn; Þýskaland

Hvað var þá annað ríkið? Jú það var þýska keisaraveldið sem Otto von Bismarck keyrði upp í gegnum gólffjalirnar og fram hjá hinu þáverandi "samfélagi þjóðanna". Að mestu prússneskur bastarður frá upphafi til enda. Ólögmæt stofnun frá upphafi, að minnsta kosti gagnvart fólkinu - og mjög fljótlega gagnvart Bandaríkjunum

Þá höfum við hér bastarðana þrjá. Fyrsta, annað og þriðja ríkið. Evrópusambandið er framhaldið á þriðja ríki nasista og svo frá styrjaldarlokum útgönguleið kommúnista-sósíalista sem þola ekki sjálft koncept þjóðríkisins, sem mikilvægustu stofnun manngæskunnar

Þegar vel gekk á bankabóluárunum voru Íslendingar stundum uppnefndir Gyðingar norðursins. Þegar fullveldi þjóðríkis Íslendinga var nokkru síðar notað til að verjast með Neyðarlögum, þá var strax gripið til sömu tuggunnar: "þeir ætla ekki að standa við alþjóðlegar skuldbindingar sínar". Eins og að þjóðríkið Ísland hafi verið sett upp sem fjármálastofnun. Hmm - þetta þjóðríki þarna í norðrinu sem tekur upp varnir fyrir hönd borgara Lýðveldisins, þarf strax að taka í sundur og innlima inn í Evrópusambandið. Inn í þriðja ríkið með það! Þannig var og er málunum enn háttað

Liggur undanfarið við að Samfylkingar-RÚVinu sé jafn illa við þjóðríkið Ísland eins og því er illa við þjóðríkið Ísrael, sem heldur uppi sterkum vörnum og berst ENNÞÁ! fyrir sjálfum tilverurétti sínum. Heldur uppi vörnum fyrir fólkið sitt, sem enginn hirti um að verja í þriðja ríki Evrópu. Þvert á móti var reynt að útrýma því þar. Það fólk er því ekki varnarlaust nú, þökk sé þjóðríkinu Ísrael

Það helgasta af öllu helgu í báðum löndunum er sjálfstæðið og fullveldið. Þetta tvennt a la ESB verður því að rífa niður í báðum ríkjum, sem eiga það einnig sameiginlegt að verða fullvalda og sjálfstæð þjóðríki á svipuðum tíma, með aðeins fjögurra ára millibili. En þau fjögur ár —og nokkrum betur— eru svartasti stökkpallsbletturinn í uppstigningu Evrópusambandsins

Án þessara svörtu stökkpallsára þriðja ríkisins yfir í ESB, væri ekki verið að reka líkkistur Evrópusambandsríkja saman í nýjan bálköst með evrunöglum nú

Ríkisútvarpið var ekki af þjóðríki Íslendinga stofnað til að éta börnin sín. Ei heldur voru útvarpsturnar háskólasamfélagsins fjárvæddir af þjóðríkinu til að framleiða og útbásúna þvaðri

Eitt af því sem einkennir þjóðfrelsisföst þjóðríki —heimili manngæskunnar— er styrkur þeirra til að standast sírenusöngmenn stjórnleysis og elítuvelda

Verið því viðbúin

Fyrri færsla

Hið opinbera á að forðast að láta fólkið skipta sér af lífi þess

Athugasemdir

[Guðbjörn Guðbjörnsson, 26.1.2014 kl. 10:18]

Þetta er nú svolítið skringileg fullyrðing sem þú kemur þarna fram með, sem ég get ekki alveg fallist á.

Ér er t.a.m. mikill vinur Ísraels og Gyðinga en þó ekki andsnúinn hugmynd um sjálfstæða Palestínu, sem ég held að sé eina lausnin á ófriðnum. Aðdáun mín á Gyðingum er fölskvalaus og beinist nú aðallega að því hversu stórkostlega vísindamenn og listamenn þeir eiga.

Ég þekki marga sem dást að Gyðingum og eru hrifnir af Ísrael og eru hrifnir af ESB. Þessar öfgar þínar í skoðunum er satt best að segja mjög skringilegar og hálf óttavekjandi.

[Gunnar Rögnvaldsson, 26.1.2014 kl. 16:30]

Þakka þér innilitið Guðbjörn

Það sem er hættulegt er "Une certaine idée de l'Europe" eða "hin sérstaka hugmynd um Evrópu(sambandið). Hún er samsæri stjórnmálamanna gegn kjósendum. Hún er ein hættulegasta hugmynd veraldarsögunnar

Hvað fær stjórnmálamenn til að afsala og framselja fullveldi heilla ríkja yfir til Evrópusambandsins. Og hvað heldur þeim í söðlinum í því viðvarandi ferli? Dag eftir dag, ár eftir ár og áratug eftir áratug

Í Evrópusambandinu hefur nokkurskonar samsæri stjórnmálamanna gegn kjósendum skilað af sér og reist eftirfarandi svikamyllu um háls kjósenda til varanlegrar hengingar og glet áhrifamátt atkvæðisréttar þeirra

Samsærið gegn kjósendum

Hvað fær stjórnmálamenn til að afsala fullveldi ríkja sinna yfir til Evrópusambandsins? Hvað er það í raun sem fær stjórnmálamenn til að selja og gefa burt fullveldi og sjálfstæði þjóðríkjanna í Evrópu?

Svar

Þegar fullveldi og sjálfstæði ríkja verður óverjanlegt (e. indefensible) þá er mikil hætta á að þetta tvennt breytist smám saman í nokkurs konar pólitískan söluvarning. Að fullveldið og sjálfstæðið breytist í pólitíska "skiptimynt" og sogist inn á kauphallargólf hinnar pólitísku elítugræðgi hins pólitíska hagkerfis sem orðið er tröllrisavaxið 

"Ég skal svíkja þjóð mína ef þú firrir mig ábyrgð gagnvart kjósendum mínum í staðinn. Þá mun ég geta setið fastar í sessi og án ábyrgðar ofan á kjósendum mínum. Þegar ég hef smám saman selt og gefið burt fullveldi þjóðarinnar, þá mun ég geta sagt við kjósendur mína; sorry, sem þjóðkjörinn fulltrúi ykkar neyðist ég til að segja við ykkur að þetta er því miður ekki hægt, því þetta er ekki lengur á okkar höndum."

"Þetta "þetta" er komið yfir til Brusselveldisins og þeir ráða þessu um "þetta"." Þannig get ég sem liðleskja, stjórnmálalegur undirförull fölsungur og dagsdaglegur hug- og getuleysingi, setið áfram og enn fastar sem klístruð klessa á háum opinberum launum ofan á kjósendum". Sem þá eru orðnir eins konar einkaþrælar valdaelítu sem enga ábyrgð ber gagnvart kjósendum. Er elítan þar með orðin eins konar sósíaldemókratískt nomen-klessu-klattúru-fílter á milli einræðisformsins og gervilýðræðis

Það er svona sem elítuvætt Evrópusambandið hefur risið upp til raunverulegra valda með svörtum og hvítum lygum og falsi stjórnmálastéttarinnar í ESB. Evrópusambandið er í engu sambandi við fólkið. Það er einungis vel launuð stóðelíta á leið til hins erfðafræðilega einræðis valdastrúktúrs meginlands Evrópu

Þetta sást vel í praxís og undir eins konar tímalegri hraðspólun í Noregi þar sem svo kallaðir "quislingar" spruttu upp í aðdraganda og undir valdatöku nasista í Noregi. Þegar fullveldi og sjálfstæði Noregs var orðið óverjanlegt, þá spruttu samskonar öfl úr læðingi og nú eru hægfara að verki í öllum löndum Evrópusambandsins. Þannig varð fullveldi Noregs að pólitískum viðskiptavarningi í hinum pólitíska sektor

Þetta endar auðvitað aldrei vel því þetta er sjálf fæðingardeild ónýtra stofnana sem ala af sér eilífa hörmung. Undir áföllum höfum við séð ömurleg öfl leysast úr læðingi. Og trúið mér; á meginlandi Evrópu mun elíta Evrópusambandsins nýta sér öll núverandi og framtíðaráföll til hins ýtrasta 

Fullveldisafsalið treystir ömurlega ESB-elítuna í hverju landi og andlýðræðislega stjórnmálamenn ófrelsisins í söðli sínum. Báðir hópar eignast við afsalið verndara valda sinna hjá hinu yfirríkislega umboðsluasa valdi nómenklatúru-veldis ESB. Og þeir skýla sér þar á bak við rotnar einræðis- og umboðslausar- stofnanir þess

Hafið er okkar stóra vörn. Við liggjum ekki í túnfæti Þýskalands eins og til dæmi Danmörk gerir. Um þessar mundir er hægt að halda því fram að síðasta tækifæri Dana á að verða fullvalda þjóð sé að renna út, áður en Grænland lýsir yfir sjálfstæði. Þangað hefðu Danir getað flutt og notið og varið sjálfstæði sitt fram í rauðan dauðann. Í túnfæri Þýskalands getur ekkert sjálfstæði neinna ríkja þrifist eftir að stórveldi Bandaríkjamanna pakkaði saman og fór heim frá meginlandi taparanna í ESB

Fyrir andvirði einnar Kredithörpu sem marrar þungt í höfninni í Reykjavík, hefði mátt kaupa 8 til 12 stykki af F-16 orustuþotum til ótvírætt að handhefja lögsögu fullveldisins í lofthelgi lýðveldis okkar Íslendinga. Sem samstilltur stórstrengur við Bandaríkjamenn væri hljómkviða framtíðar Íslendinga í eigin landi þar með orðin ósigrandi. Og undir 200 sjómílum og áframhaldandi sterkum og peningalega græðandi sjávarútvegi, hefði arður hans sjálfviljugur getað reist tónlistarhús sem hæfði landi fiskimanna og bænda. Tónlistarhús myntsvæðis íslensku krónunnar á átjándu stærstu eyju heimsins hefði þá getað orðið aðdáunarvert

Í staðinn búum við við ríkisskipulagt undanhald sem koma mun á ánauðarríki fátæktarinnar í anda hins verðandi Evrópusovétsambands. Því þangað stefnir Evrópusambandið

. . og með aðstoð lagaumhverfis og lagabálka gerfidómstóls

Yfirríkisstjórnarskrá Evrópusambandsins, Lissabonsáttmálinn, fyrirskipar ákveðið "samfélags- og efnahagslegt lífsmódel" eða "líferni" í öllum ríkjum sambandsins fyrir alla þegna ESB, alveg eins og stjórnarskrá gömlu Sovétríkjanna gerði; en hún fyrirskipaði að kommúnismi væri hið eina leyfilega og löglega samfélags- og efnahaglega lífsform fyrir alla borgara og fyrirtæki innan landamæra Sovétríkjanna. Út frá stjórnarskránni þeirri ættu allir að skoða æðstu dómstóla gömlu Sovétríkjanna - og því næst allan æðsta dómstól Evrópusambandsins, lög hans, dóma og túlkanir; þ.e.a.s. Evrópudómstóllinn (e. "European Court of Justice" ECJ)

ECJ-dómstóll Evrópusambandsins styður aðeins þau "réttindi" borgara og fyrirtækja innan sambandsins sem stuðla, hvetja og vinna að ákveðnum málstað sem njörvaður er niður í undirstöðu allra sáttmála Evrópusambandsins; "Une certaine idée de l'Europe" eða "hinni sérstöku hugmynd um Evrópu(sambandið)". Þessi hugmyndagloría um Evrópu er dómstólinn sjálfur, lög hans og túlkanir. Hún er dottin niður til Jarðar sem framandi geimvera og er illfygli mikið. "Réttindi" borgranna eru af ECJ-dómstólnum aðeins leyfð ef þau stuðla að "meiri sameiningu" (e. integration)

Og það þýðir í praxís að dómstóllinn mun alltaf dæma þessari "samruna hugmynd um Evrópu" í hag og með gúrkuaðferðinni vaða yfir áður stjórnarskrárbundin réttindi þegnana í öllum aðildarríkjunum. Réttindi borgarana á lagasvæði dómstólsins — og sem hann skammtar — eru bara til í raunveruleikanum ef þau gagnast, stuðla að og styðja við þessa "hugmynd um sameinaða Evrópu". Ef þau stangast hins vegar á við "hugmyndina um sameinaða Evrópu" þá eru réttindi borgarana ekki til (e. non existing) í augum dómstólsins

Lengra nær hinn heimspekilegi grundvöllur og lagarammi dómstólsins ekki. Þetta er í eðli sínu einræðisleg uppskrift (e. totalitarian concept) að nýju helvíti á okkar Jörð. Þetta er kjarninn í ESB. Og þetta er nýtt sovét, eins og við mátti búast af meginlandi Evrópu

Við eigum að segja okkur úr EES og lifa undir þeim lögum sem aðeins við sjálf setjum fyrir okkur sjálf og bara fyrir okkur sjálf. Magna Carta frá 1215 verðum við ávalt að muna og bera í brjóstum okkar. Fátt verður mikilvægara í þeirri afar slæmu framtíð sem herja mun á okkur frá hinum nýju Evrópusovétríkjum ESB

Kveðjur

[Helga Kristjánsdóttir, 26.1.2014 kl. 18:05]

Heyr,heyr.

[Elle_, 26.1.2014 kl. 22:38]

Fréttir af og mótmæli gegn ofbeldi Ísaraelsstjórnar gegn Palestínu hafa ekkert með að gera að vera Evrópusambandsisti eða vera illa við Ísraelsríki. Ósammála þér þarna, Gunnar, aldrei þessu vant. Persónulega er ég á móti hinu svokallaða (og valdasýkta) Evrópusambandi en styð ekki Ísaraelsstjórn í ofbeldinu gegn Palestínu.

[Gunnar Rögnvaldsson, 27.1.2014 kl. 04:43]

Þakka ykkur fyrir

Jú Elle, matreiddar fréttir fréttamanna af málefnum Ísraels hafa allt að gera með það hvort fréttamenn eru þeirrar skoðunar að dagar þjóðríkisins sem manngæskuberandi grunnstofnun (koncept) þjóða séu taldir, eða ekki. Þeir sem aðhyllast grunnhugsjónir Evrópusambandsins eru þeirrar heilaþvegnu skoðunar haldnir að þjóðríkið sé undirrót alls ills sem átti sér stað í á síðustu öld.

Athugaðu að þetta er sama fréttamanna- og fjölmiðlastéttin sem sá ekki fyrir fall Sovétríkjanna með bara eins mánaðar fyrirvara. Þetta er einnig sama þokulúrðafréttastéttin sem var algerlega clueless um stofnun Ísraelsríkis, sem hafði verið 60 ár í undirbúningi. EKKERT stendur um stofnun Ísraelsríkis í neinum fjölmiðlum þessarar stéttar fyrr en aðkoma stéttarinnar að útrýmingarbúðum á borð við Auswitch, þar sem reynt var að slátra heilli heimilislausri þjóð inni í stjórn- og þjóðernislausu heimsveldi undir stjórn þriðja ríkisins og handlangara þess, varð þeim svo munngapandi opinberandi hryllilegt horror áfall að um allan heim myndaðist þá sá algerlega heilagi sannleikur hvað heimilislaus þjóð inni í ríkjasamsteypum raunverulega þýddi. Um það barbaríska ástand ríkti þá alger og heilagur sannleikur. Algerlega heilagur sannleikur.

Þegar Evrópusambandssinnar sem nú orðið Stalínistískt eru þeirrar skoðunar að allt þetta hafi verið þjóðríkinu að kenna, þá matreiða þeir fram lausn sem heitir Evrópusambandið og bera hana á hlaðborð fyrir drullusokkaframleiðendur frétta sem dælir þvaginu úr því áfram inn í almenning. Öllum hryllingnum er klesst yfir á þjóðríkið sem stofnun. Það sem þessarar skoðunar menn sjá fyrir sér þegar þeir skoða Auswitch er þetta; þjóðríkið.

Þegar Gyðingar hins vegar sjá, skoða, endurupplifa og hugsa um Auswitch þá sjá þeir þetta; heimilalaus þjóð leidd varnarlaus til slátrunar undir keisaraveldisstjórnarfari rústaríkis og ríkjasamsteypu. Þeir sjá að þetta hefði aldrei getað gerst ef Gyðingar hefðu átt sitt heimili: Þjóðríkið

Ekkert ríki og engin þjóð hefur mátt þola eins mikið skítkast, rógburð og niðurrífandi áróður og Ísrael hefur mátt þola síðustu fjóra áratugi - nema ef vera skyldi Bandaríki Norður-Ameríku og Serbía — við það eitt erfiða verkefni að vernda líf og limi borgara sinna í eigin landi og úti í hinum stóra heimi. Þegar Ísrael gerir eitthvað í þágu þjóðarinnar þá fá þeir skítkast fyrir að gera það, alveg sama hvað um er að ræða. Allt sem Ísrael gerir fær það skítkast fyrir. Alveg sama hvað. Það sama gildir um Bandaríkin þegar þau sinna frumskyldum sínum og gera eitthvað fyrir sjálfa sig, en ekki fyrir aðra. Það sama gildir einnig um Serbíu.

Þessi lygavefur hefur nú náð svo langt undir myndun Evrópusambandsins síðastliðna fjóra áratugi að þar sjá menn Auswitch sem Ísrael. Áróðurinn er orðinn slíkur. Og Gyðingahatrið sem virðist vera genetískt fyrirbæri í stórum hluta Evrópu er nú orðið svo sýnilegt að það liggur við að maður kasti upp. 

Til þess að Evrópusambandið geti haldið áfram að vaxa inn í nýtt evrópskt helvíti elítustéttar þess þá þarf það nauðsynlega að kasta svo miklum skít á þjóðríkið sem stofnun, að aðildarlöndin láti sambandið leiða sig, fullveldi sitt og sjálfstæði þeirra til áframhaldandi slátrunar í útrýmingarbúðum þess í Brussel.

Þessi þvaður heimspeki Evrópusambandsins um hinn meinta tilvistargrunn sinn —að þjóðríkið sem stofnun sé ónýtt— krefst þess að þjóðríkið Ísrael sem loksins varð heimili fyrir þjóð án ríkis, verði rifið niður til grunna og af-legitimatiserað því það er ekki gott til afspurnar fyrir sambandið að það sjáist svart á hvítu hvað verður um þjóðir þegar þær missa heimili sín.

Tilraunaþjóðin gaf skít í koncept Evrópusambandsins, stofnaði Ísraelsríki og fékk sér vopn til að verjast. 

Í þessu stóra samhengi hefði þjóðin Íslendingar dáið út

Kveðjur

[Júlíus Björnsson, 28.1.2014 kl. 02:49]

Ríki sem vilja tryggja sér raftæknivörur og lyf í framtíðinni gætu lært mikið af Þjóðverjum.  Gross [af því ekki er búið leiðrétta vegna vörufalsanna, affalla vegna falskra mynta] Domestic : heimalögsögu : Production : framleiða velferða trygginga skatta á þjónustu laun og söluskatta af þessu öllu.

Það er hægt að tryggja sér innfluttan nauðslega hagvöxt GDP efnistengdan líka ef vantar greind og líkama: huglæga þjónustu, með réttu efnislegu útfluttning: framsal á hagvaxtar tækifærum.


Viðskipta gengi milli ríkja taka mið af ppp-verðlagi [meðal verð í 183 ríkjum heims á einu ári] , eða EES verðlagi. 

Ríki sem standa sig ekki í innflutningi GDP : Grikkland og Ísland koma í hugann. Fá óhagstætt  viðskipta gengi á móti.     EU skammtar Seðlabank Grikkland evrur til markaðasetja miðað við meðaltal síðustu 5 ára á  Vsk. sölu miða við hcip raunvirði.   Ísland fær gengis stillingu adjustment [ see: floating currency] þegar það hentar þeim sem falsað var á. 

UK er að gera samning við Rússa um efnisleg viðskipti sem gætu skapað störf í báðum ríkum og aukið innkomu afleiðugeira [ekki vsk] í báðum ríkjum á eigin forsendum.

Ísland er með sínar eigin orða skilgreiningar, og þess vegna er beint og óbeint [leynilegt] eignarhald erlendra fjárfesta hér  á PPP gengi í dag: 320.000 x 39.000.000 kr.    39 sinnum hærri upphæð en nettó á íbúa í þýskalandi eiga veð á móti í GDP  uppskeru annarra ríkja.   

5,8 sinnum hærri upphæð á íbúa en í Grikklandi, sem á pínulítið af veðum á móti. 

Hitler tók við  margra alda rökréttum hefðum í efnahagsgrunni Þýskalands. Honum er kennt margt sem hann er alls ekki höfundur að.

PPP er heildar árs sala vsk. í 183 ríkjum jarðar sem gefur þannig meðal raunvirði á öllu í boði til bakveða: ekki bara gulli: mörg ríki eiga ekkert.   PPP má umreikna í allar myntir þessara 183 ríkja.  

til að auka hagvöxt þá er hægt að lækka raunvirði neytenda körfu enn á sama tíma fjölga körfum á íbúa.

Eitt ríki selur tölvu skilar 100.000 í hagvöxt. , eftir 3 ár fer þessi tölva í viðgerð og skila 50.000 kr, í hagvöxt.  

Kartöflur er að raunvirði PPP 99 kr. seldar hér á 225 kr, neytandi kemur heim of skrælir og hendir skemmdu  og reiknað raunvirði á 99 kr.  Hagstofa hér reiknar ekkert slíkt.  

GDP lækkar í heildina að raunvirði [PPP] um 10% hækkar svo næsta ár um 3% í tölu eins og í öllum markaða ríkjum.

Gefa skít í neytendur 183 ríkja gera heimsrembu ESB-sinnar á Íslandi.  Vera hér með safn af öllum fátækra hverfum heims í framtíðinni er hryllingur.  Service GDP eru laun með vsk. t.d starfsmanna Bónus og annarra union keðja hér.  Við græðum ekki á erlendu eða Íslensku vinnuafli heldur Íslenskum ríkisborgurum sem staðgreiða vöru og þjónustu  vsk.  Þetta eru leikreglur sem gilda milli ríkja utan Íslands.  Græða á sínum efnuð neytendum: loka notendum GDP.  

[Jón Steinar Ragnarsson, 4.2.2014 kl. 14:51]

Utan efnis, þá er hér skemmtileg staðreynd varðandi nýja spillingarskýrslu ESB sem ekki er flaggað sérstakæega hér, en það er sú staðreynd að spillingin (lesist stuldur) er á par við rekstrarkostnað sambandsins.

Nú súpa menn hveljur yfir þessu, eins og þetta sé eitthvað nýtt, en menn hafa reynt að gera þetta opinbert í áratugi og hlotið bágt fyrir. Marta Andreasen ein þeirra. Yfirendurskoðandi sambandsins sem var rekin úr starfi og bannfærð fyrir að gera þetta opinbert.

http://youtu.be/e6A1ZSHkRCo