Nei: þetta eru endalok BBC því það þekkti aldrei Apple

 

"á endanum mun jafnvel Wall Street fatta þetta", sagði Steve í viðtali við CNBC sumarið 2008

BBC þóttist hins vegar þekkja Microsoft og Nokia. Það þóttist líka þekkja til dæmis ESB er þessi klessta ríkisstofnun hóf söluherferð á því fyrirbæri ofan í saklausa Breta. Allt þetta fernt er nú óþekkjanlegt: BBC - Microsoft - Nokia - ESB.

Apple hefur nú klofið iPhone-lófatölvu sína í tvo hluta. Munið að þessi 64-bita og tveggja örgjörva lófatölva inniheldur forrit sem kallast sími. Talsíminn allur er orðinn að bara einu minniháttar forriti í þessari lófatölvu. Þess vegna er Nokia gúmmístígvélalaust á leið niður í magann á tannlausu og fæðingargölluðu Microsofti. Þar sem það mun springa með skelfilegum afleiðingum fyrir Microsoft. Keyra Microsoft sem þegar er blæðandi fyrirtæki í þrot, eða í eins konar Blackberry-Dellson kast.

Þetta er ekki ósvipað framleiðslulínum Apple undandarin 16 ár. Þeir skapa nýja geira og kljúfa hann síðan í tvennt um leið og þeir eru búnir að skilgreina, afmarka og festa hann í sessi og kalíbrera framleiðsluna.

Fyrst var það hinn litríki og gegnsæi iMac sem var úr plasti og ódýrari en PowerMac. Svo var það hin ódýrari iBook sem var ekki úr titaníum eða áli eins og PowerBook, sem var miklu dýrari. Svo kom MacBook úr plasti en MacBook-Pro úr áli og var hún dýrari.

iPod kom fyrst í "ekta" útgáfu sem fæst enn - en af honum spruttu svo ódýrari gerðir af iPod plús einn iPod-Touch, sem er iPhone lófatölvan án símahlutans. Vel tengd lófatölva við allt nema akkúrat símanet.

Svo kom iPhone, fyrst sem ein dýr fyrsta útgáfa úr áli/stáli. Síðan kom iPhone 3G og 3GS báðir úr hertu plasti.

Bráðum verður hægt að reka alla starfsmenn BBC frá einni lófatölvu, hafi maður hið rétta fingrafar til þess

Reyndar hef ég aldrei hitt tölvuþekkjandi mann sem veit neitt um fyrirtækið Apple, en þóttust þeir samt flestir vita allt um Microsoft og Nokia. Og svo var það IBM (I've been moved)

Við skulum ekkert vera að minnast hér á herra John Strand, sem enn er sá sérfræðingur á Norðurlödnum sem ráðgefur öllum fjölmiðlum þar um "farsíma-tækni-markaðinn", skammstafaður; F.A.R.V.E.L

Fyrri færsla

Pólland að bakka inn í nýtt sovét Evrópusambandsins?

Endalok Apple eins og við þekkjum það?

Athugasemdir

[Gunnar Rögnvaldsson, 11.9.2013 kl. 22:51]

Já og svo var það skipbrotið Symbian-stýrikerfi Nokia sem eftir vissar forunnar fráfærur Microsofts frá fyrirtækinu Nokia, ferðast nú innvortis um í botnlanga ráðgjafafyrirtækisins Accenture; sem reist var á vissum hluta brunarústa Arthur Andersen, sem áður stóð alþjóðlega við hlið PricewaterhouseCoopers, Deloitte Touche, Ernst & Young og KPMG.

Lykillinn er að eiga bæði sál sína og líkama sinn sjálfur. Það hefur IBM uppgötvað eftir að erfiðum útúrdúr þeirra inn á PC-markaðinn var sjálfhætt.

Vörubíla- og hergagnaframleiðandinn Samsung á hins vegar eftir að bragða þetta illa brennda bragð í munni sínum. Munni sem fyrirtækið sjálft veit bara ekki hvar staðsettur hann er á garnaflæktum líkama þess inn í naflastreng Google.

Sál & líkami er það heillin

 

Tengt: Síðasta verksmiðja Nokia í Vestur-Evrópu 

[Teitur Haraldsson, 11.9.2013 kl. 23:36]

iLove hjá ekta iSheep er svo falleg, ef öll sambönd væru svona sterk og blind væri hægt að útríma öllum missáttum milli manna. ;)